貓糧資料庫（4）

我搵下有冇舊版先 舊好似冇k3

冇溝水，但似乎係放左長糧十幾年，慣左少少少少咁食，
兩隻都一餐食唔得多，試過溝水結果食得仲少，十點就喺度叫肚餓
有比排毛粉但佢舔完自己舔埋人地，疴極都仲係好多毛
尋日睇完醫生都係話似空肚太耐，而家有食11點果餐暫時冇再嘔

Thrive 幾時再減價

隻貓食緊全凍乾
今朝帶佢去絕育
個醫生話食raw food唔好
食物易感染
大便多啲菌 貓同人都易岀事
佢話建議半乾濕
最好係有獸醫研究嘅牌子例如hills RC

其實係咪大部分獸醫都講類似嘅嘢

佢地讀書係禁教

我剩係記得fb有人分享同隻貓等睇醫生嗰陣見到一個鐘內剩係賣糧嘅營業額係可以過萬蚊，通常零售來貨價45折，呢類寵物糧可能再低啲，因為成分差根本唔值錢，你話fat唔fat

自己睇開外國醫生（支持生肉）寫啲嘢都話獸醫推薦大廠糧只有2個原因，一係佢哋真心膠覺得啲糧好，因為讀書嗰陣已經被洗腦（關於寵物飲食知識係根據大廠出嘅書，揾埋佢哋啲人教，而且只估全部教程好少範圍，加上學其他病理已經好煩，好少會對營養學再深入了解)，二係利益出發，因為大廠有贊助賣糧利潤高

所以我好佩服嗰啲外國獸醫，真係為寵物健康好先反對乾糧，啲貓狗健康其實對佢哋無著數，又要比其他獸醫學多樣嘢

十幾年真係難改啲，咁唯有keep住餵多一餐啦，見你話放長糧應該係乾？老貓肯轉食濕糧已經好叻

關於Raw Food：
近幾年睇開兩個醫生，都無反對Raw Food，只係會講明香港天氣濕熱易滋生細菌，由其夏天唔適合都市人朝早擺完返工，加埋我隻貓長食免疫系統抑制去控制癌／IBD，只能建議熟食或罐

早一蛋白食物敏感測試：
10號試到28號，淨食三文魚，結果長期病貓便秘加嘔左兩次微啡胃酸係梳化 返到香港發現係因佢已經食厭，寧願絕食，空腹到嘔，宣告失敗

更大問題係佢咁多年來基本上乜肉都食過，可能Nobel Protein得返蛇肉，我都唔知點同醫生講

老貓轉糧：
去旅行前因醫生建議食物敏感測試，長食乾糧老貓女唯有陪長期病貓一齊食罐頭／熟肉，一星期唔駛轉到，我都估唔到咁簡單

消化酵素將會進場，睇下同益生菌一齊食，病貓大便會否有改善

我今日睇個獸醫都係外國人來

外國支持生肉嘅獸醫重係好少
巴打可以睇下一套關於寵物食品嘅紀錄片『pet fooled』
都係啲有心獸醫親力親為整出嚟

大家好
想問小小問題.. 近排有朋友唔要一隻2歲幾既英短男仔
佢食開乾糧 PRONATURE、1ST CHOICE 好少食濕糧
第一樣就想問下PRONATURE、1ST CHOICE依2個牌子係咪唔係幾好 但上手主人仲剩左3包比我 應該食晒佢再轉定點..
同埋隻仔唔係好食濕糧 我買左APPLAWS D 70G罐頭比佢試 買左唔同味 放工先餵佢一餐 但發覺佢次次都係食得半罐 雞肉類既直頭完全無乜興趣..
應該點先可以令佢食多D濕糧 因為隻仔其實唔係好餵食

餵生肉唔可以放低就走左去㗎要睇住食，夏天最多3個字收起，加上有啲人會比生骨，要留意貓狗食骨情況

另外避開致敏蛋白原有一個好重要觀點係生同熟肉蛋白質結構會改變，即係對熟肉蛋白質敏感唔代表對生肉蛋白質敏感，而且你隻貓話就話咩肉都試過，但係咪每隻肉都係單獨咁試？乾糧唔計㗎

同埋試魚係最後一步，海洋生物唔係貓原始獵物，你可以試兔，鵪鶁，野雞呢類小型動物

好呀唔該

Btw全凍乾之後佢日日都靚屎又唔臭好正

咁凍乾係咪都要3個字收起？

所以我搵到個獸醫冇塞處方糧比我果下真係好感動
仲講左句「貓梗係食肉啦」，反而係出去俾錢時個姑娘想sell處方糧

應該下轉試兔，同埋以佢情況無辦法要食熟肉

因佢免疫力長期食藥抑制，好易感染，幾乎一轉天氣就會左耳道耳炎復發，醫生提過再落去都只可以麻醉洗中耳

嗰2隻係唔好，一係留翻包用嚟轉糧，其他損比義工餵街貓
佢長期食乾糧食慣左，唔肯食濕好正常，慢慢嚟，食到半罐好勁㗎啦，至少唔抗拒，你比多幾款牌子佢試，糧要定時定後餵，放長糧會無左肚餓感，唔會珍惜食物

香港天氣問題，邊類濕糧都唔可以放太耐，不過凍乾本身有滅左菌先，勉強可以排耐少少，其實正常一隻貓肯食嘅唔使3個字已經清碟

好呀 唔該晒你

想問下有無人試過港製既鮮食磚？如果自己無時間煮，呢啲會唔會都係一個唔錯既選擇呢？

想問下明膠係咪有害 定係卡拉膠先有事呢？見到a+乾糧都有部分寫住有明膠
見到隻好低炭既Dr elseys 有啲興趣想試
有冇人食緊？

咩牌子呀？可以睇下成分o唔ok

呢間，晌寵物展見到，但網上無主人分享，得個老細既創業訪問

https://www.healthylittlepaws.com/cats

睇成分只係副食，唔可以當正餐
不過小食嚟講間中食下都唔錯，比副食罐好啲

腸胃唔好嘅貓盡量唔食膠質

卡拉膠有研究指有機會導致結腸癌，其他膠質比較少用可能無咁多研究，不過你都唔會長期單獨食呢個牌子，我覺得問題不大