貓糧資料庫（4）

可以成日轉，一餐一種無乜問題
你餵緊邊幾隻？肉源多唔多元化？有無特別鐘意食邊隻罐定所有都食得少？
平時有無比排毛粉？如果毛球塞住會唔舒服成日作嘔咁
絕育未？發情開始會食量減少

我隻貓今日第一次食左Instinct 雞肉火雞味罐罐之後嘔點解會咁

我隻貓又係食開trive/canagan/NV罐（早晚）同thrive乾（日頭冇人長放）
最近俾佢試汪喵凍乾又係勁鍾意
平時俾罐都係食得半罐唔夠但凍乾會清碟
本身想用凍乾代替乾糧但次次一拎岀嚟就食哂
仲要食完好似唔夠飽咁
我係跟足份量俾仲要已經俾多咗少少

其實既然係咁我係咪應該將計就計轉哂全凍乾？
（早晚加水餵 日頭就唔加水長放咁？）
凍乾同主食罐比係咪前者比較好？

如果7點第1餐 8點半臨岀門第2餐 21點第3餐
又得唔得？咁就可以3餐都加水
咁會唔會第1 2餐隔太短 第2 3餐又隔太耐？
好多問題 唔該哂肥美絲

我主要喂thrive aatu K9 KOHA instinct，有雞、鴨、鹿、羊佢都肯食
特別中意食thrive，不過最近連thrive都食得慢左，擺一陣先肯食
排毛粉岩岩開始比，好似未有咩效果，應該幾奈食一次？
聽你咁講可能真係就離發情佢之前都有發過

我隻幼貓, 唐貓, 手粗腳粗擺明係大隻品種, 佢好大食
wellness core feeding guide 一日1/2 cup 分三/四餐一定唔夠, 我已經係餵緊feeding guide 既 150% 份量畀佢, 但都仲係狂問人攞食

諗緊好唔好長放糧畀佢, 等佢自己食到夠飽為止
唔知咁樣對佢好定壞

其實我見你地好似都係一日餵兩三餐咁但係我就餵成四五餐不過份量都分得細份d 好似我咁又幾密 不過佢只係會飲食緊野d水 想咁樣等佢飲多d
除此之外就唔飲水, 買左四個水機都冇用晒左
我都仲諗緊點算好 平日要返工好難朝頭早有時間餵罐同凍乾 加完水佢食到D野剩左係個碗邊就唔識食成日要人推畀佢食, 除非朝頭早個陣食肉醬罐我諗就可以整得快d係佢可能晒左d野食唔晒 同埋平日下午都會開個糧食機畀佢食返少少乾糧等佢有d野食 如果唔係要等12個鐘先有第2餐真係慘左d 依到就諗唔到點cut好

可能我真係畀太多都唔定 我隻貓3kg 一餐40ml-60ml水 佢又會飛左d水出黎飲唔晒 平日4餐有3餐加水都係當佢飲到140ml 其實都係好勉強夠 係凍乾同罐可以溝多d水等佢吸多d 不過雖然成日屙軟便不過見佢體重都冇咩點變我諗都尚算ok 仲繼續諗緊上面點解決好

鐘意食會食得多，唔代表唔夠食所以唔好餐餐比佢食到好飽，胃會負荷太多

凍乾當然好，不過都好貴睇送食飯，剩係有罐都好過得乾糧

你平時比開3餐？我就比2餐，7點同22點左右。隔得耐唔耐好睇隻貓，如果無嘔胃液就無所謂。

無錯如果係擺一段時間就唔好加水

因為見你話決定凍乾就停罐同乾
乾就一定會停喇 係唔知又罐又凍乾得唔得

俾開3餐呀因為佢半歲未絕育

下個月絕育 點決定絕育後就轉2餐定一歲後先轉？

最理想係全罐或全凍乾
兩溝唔太好，始終一生一熟，不過凍乾無急凍肉咁易壞，對胃酸強度相對又無咁高要求，如果你覺得貓貓適應到可以繼續，但你可能考慮凍乾無罐咁耐食，會快食厭變到剩係食罐

我係喺貓絕育後兩餐，當時5-6個月
因為你比肉唔係乾糧咁高碳水，加上貓已絕育又唔使高運動量捕獵，由3轉2好快適應，只要比嘅分量夠全日所需

我都見好多人話隻貓好快食厭凍乾

其實佢而家就算3餐但早餐都係食得半罐剩少少
係咪絕育後佢會自己識食多啲因為知道中午冇得食

求幫忙 仲比唔比佢試多次好 仲有半罐

佢係咪食得好急？
聽講食得太急都會嘔

請問一下肥美絲，凍干汪喵定k9好d？

第一次姐，你留意下係咪次次都係咁先
食完幾耐嘔？嘔糧定水定乾嘔？

2個成分都好類似，生肉加少量人工營養素，打和
最大分別應該係肉源，紐西蘭同台灣，k9贏
所以價錢上汪喵贏
汪喵 $0.7/g
K9 $0.84/g(Petpethome)
結論，2個都買得，反正要轉口味
PS 我自己都唔可能日日食到紐西蘭肉

唔該曬絲打，另外想問k9罐係生肉定熟肉？

我餵完就落左街食個早餐返黎就見到地下有啲未消化哂既肉醬同水

罐頭一定係熟，暫時未見過生肉罐

如果係食完無耐就嘔糧好大機會同糧嘅成分有關，多數指對某成分不耐受（前題係隻貓無爆衝做運動），所以如果食左幾次都係咁嘔就要停食

btw你有無喺罐加水同加左幾多？太多水會影響消化

頭先再比佢食又無嘔 係咪代表佢只係食得急？

佢上一餐隔幾耐呀
平時多唔多嘔

上一餐係琴晚 平時好少嘔

大狗好似周圍都冇貨
有冇人俾貓食過stella同primal既急凍肉

貓仔有敏感腸胃 由bb開始食處方糧 依排想轉糧 有咩防敏乾糧好？

糧有問題係會食襯都嘔，唔會剩係嘔一次
嘔嘅原因好多，你keep住觀察先最緊要貓精神肯郁