貓糧資料庫（4）

Ziwipeak 係風乾生肉糧，成分比任何乾糧都好，thrive 只係乾糧，完全無得比啊

牛磺酸方面，你睇錯單位，0.1%（DM）等於0.1g/100g，即係0.25g/1000kcal
Thrive係0.24g/100g，歐洲糧興咁表達，即係0.24%，約0.6g/1000kcal
好少貓糧會唔夠牛磺酸，呢個係同狗糧最大分別，通常都有多無少

除左蛋白質都要睇脂肪比例，乾糧好少做到25%以上脂肪，而ziwipeak 脂肪含量平均都有35%，所以兩者都係低碳水情況下thrive嘅蛋白質比例就會高過ziwipeak ，即係食同等分量既話ziwipeak 卡路里就比較高

有budget 當然推出主力食ziwipeak ，兩款間住食亦可

我開始懷疑係因為最近轉咗糧
最近乾糧由wellness core kitten轉咗thrive
佢好鍾意食新糧
呢2日都係早餐完全唔食 到我臨岀門擺低乾糧就衝去食
同埋我諗我都俾得太多 因為呢2日啲屎臭咗勁多

想問應該減乾糧份量定直情cut咗佢 到佢肯食返早餐個罐先擺返乾糧？
因為佢未絕育驚佢食唔夠 但放長糧又唔好

多謝樓主既見議

本身食緊orijen六魚 見你話盡量唔好食魚味怕有重金屬 同埋睇埋個表碳又高 加上佢又貴過thrive 所以諗住同佢轉thrive試下

另外佢之前試過少少血尿 醫生話完全轉濕糧 但成本問題 我選擇朝早乾糧 晚就thrive罐

我隻貓大約9個月大 之前食開addiction 三文魚
keep住食定轉wellness core好啲？
如果wellness core又邊款好？

我隻貓上星期打完針 早兩日好左
呢兩日又痾爛 一patpat
懷疑星期六帶佢去沖涼d人餵過零食...
因為我隻貓腸胃敏感 但我又無同d人講過(無預會比野佢食)

另外想問下 個排名

任何主食罐係最好 ＞冷涷生肉糧＞風乾生肉糧 ＞無殼乾糧 嗎

請問風乾生肉糧點餵？（e.g. ziwipeak）係咪要加水？

有冇人隻貓貓食過AATU濕包？我隻貓夜晚食完，第二朝係地下見到佢嘔咗堆黃水同泡泡，隻濕包係咪有問題？

生肉>凍乾加水>鮮食>罐頭>風乾>無穀乾糧>
生肉會好過罐頭，但凍乾生肉唔加水就咁食同風乾肉咁上下，最主要都係水分足

風乾肉糧就咁餵，好硬的唔預你加水
凍乾先會加水，質地鬆散啲

而家轉左食汪喵凍乾生肉糧，都食得幾快，簡直係燒錢
如果幼貓淨係食凍乾夠唔夠營養？我驚佢唔識大隻

汪喵算平啦好大包，其他牌子重誇張
只要比夠佢食嘅量，凍乾係夠營養，因為無高温煮過，大部分營養都保留到，而且夠天然，比乾糧所添加嘅人工營養素更易吸收

如果平時屋企冇人會放低乾糧俾佢，咁係咪可以用凍乾代替？

另外想問下肥美絲關於生肉嘅問題
冇記錯你好似係自制生肉俾貓？
想知一個月大概洗費幾多？（一隻貓）
考慮緊轉生肉 但諗緊負唔負擔到

2歲貓女原先一個禮拜有一餐mon petit呑拿魚罐 見到話唔好之後想轉 但係咪食過魚就好難轉雞 ？

唔加水放凍乾ok，不過重貴

我而家3貓每月千5左右，通常一個月叫兩次貨，每次600-800
自制平好多 前題係雪櫃有位放肉

係 重要食mon petit真係好難翻轉頭
不過你有心轉無話唔得嘅，睇你夠唔夠狠心

要點狠心法 我想幫佢轉

我覺得佢地係食多左，不過好似無屎痾咁樣

想問下有冇人知母貓太早絕育會唔會有咩壞影響？
我隻貓女四個月大個陣開始發情。。。
獸醫話6個月先紮得
但我見網上有d人話一發情就會增加乳房腫瘤風險，所以開始發情就要盡早拎去紮
身邊都有朋友話太早紮會對身體唔好，最好一歲先紮
佢而家5個月大，岩岩發緊第3次情 唔知點做好

我兩隻貓女5個月夠2.5kg就絕左，後生絕傷口細復原快
SPCA係睇體重，無話一定要6個月，因為隻隻貓發育時間唔同，有啲早熟，發咁多次唔好等啦

定時定後食飯，唔食就收，餓到佢食為止
BTW你一個星期先一罐，好難餓到佢食
睇你會唔會增加罐頭餐數

通常2-3日去一次，有啲太好吸收4-5日先去都見過
有屎痾就得

我隻貓食生肉都係得好少屎痾
好似話因為吸收得晒入面d營養 先無野痾出黎

新手加入

上年領養咗一對貓 而家對貓大概8個月大

一直都係hktvmall到買貓罐
但最近幼貓罐嘅choice越嚟越少
想問下去邊貓罐好？

Btw 我隻貓女之前痾爛屎 睇咗醫生 食咗兩個星期腸胃糧 最近見佢好返就俾返thrive幼貓罐佢哋食 啲屎又開始爛返

仲有 點樣幫啲貓計食幾好嘢好

8個月個時我餵緊ZIWIPEAK乾啦
有無比益生菌佢食呀

利伸 K9罐,ZIWIPEAL乾打手