HK Express 麻煩你真係改番個揀位系統啦

依家全世界都知你唔比錢就會Random派位，
最好笑係咩，向來都唔比錢揀位個啲係唔會因為你拆開晒就比多百幾二百蚊揀位架。跟住到上機個時，大家你眼望我眼，調黎調去盞搞着成機人，之後你聲譽又柒咗，都唔知你搞個咁既系統做乜。

最近既親身經歷：
一早見到同女朋友拆開咗，A同C，冇咩所謂。之後上到機見到B個個人，我望住佢一秒，心諗佢都唔似係咁無聊揀個B位坐，之後佢又望住我地，諗咗幾秒，就講，你地洗唔洗一齊坐，你想我坐入面定出面？咁就換咗位啦。坐低之後，我觀察前排啲人，有一家三口又被拆開咗，有兩個係老夫婦，行動就差啲啦，坐好咗，被夾住個個又突然想調位比佢地，之後又搞搞搞，之後個老人家啲登機行李又搞搞搞，有一下個行李仲跌咗落後面個乘客到，緊住好彩個袋係軟身手信既大袋行李，個老人家都有唔好意思。

咁經過呢件事我就一直都好好奇，佢呢個系統。如果咁啱遇著再雞手鴨腳啲既乘客，係又會搞出啲咩事件呢。再加上以我搭過既航空，唔揀位好似都冇聽過會派到啲位亂晒龍（利申，唔算搭過好多，有錯請指出）。唔係話市儈唔比多少少錢揀位，而係向來揀位錢呢啲唔係賺啲可能對窗口位走廊位各種有要求嘅乘客錢咩，又或者比錢既就先到先得可以想坐咩位就咩位。但依家擺到明特登想拆散焗人頂唔順比錢就好奇怪囉，再加上香港人性格都唔受呢套，上到機你又吹唔脹啲人會調位。

咁成件事其實係幣大於利定利大於弊呢？

HK Express：麻煩你比錢買位啦窮閪

hkexpress係要搞到愈麻煩愈好
因為香港人都係會照搭
但多一個肯因為咁比錢 佢就賺左

老老豆豆，番工既野，上面係唔洗考慮執行時既細節

咁先展示到經理既權威性

大家明知唔smooth都照做，咁先養得出服從既員工

我都已經係廉航啦，仲洗乜理你d客既感受？

其實分開坐一陣會死咩

事實上唔買既人，就係對坐邊冇要求，咁到上機冇啦啦遇著，反而係對方想調位，咁都係會有呢啲突發事情發生。

其實我咁啱遇到既案例，都反而係分開既人冇問題，但派咗夾坐中間既人會想出於好意想調位。

屌你啦全世界都係有位都會派返一齊坐
你快運以前都係咁
依家唔比錢就梅花間竹咁
你唔好以後收埋清潔費廁所費冷氣費
污糟一陣焗一陣唔去廁所一陣會死咩？

呢啲人好撚多事

多事

2條友分開幾粒鐘
又傳下水傳下零食咁
好好玩咩
調埋去窗邊訓覺咪搞我

哈，樓主幸運遇著好人，俾著我粒聲唔出睇望望做暗示我就會合埋眼訓覺唔理。買前真係要有心理準備服務會低到點先好買飛

係香港做生意係咁仆街

大把位都要分開人坐 迫你加錢

fb搭uo班窮撚重要含uo條撚屌番投訴個個先搞笑

你個全世界太細

佢係做得好肉酸
但你都吹佢唔脹
一係你等d中間位fill哂先去checkin囉

睇唔透樓上有啲坐中間位都唔想換走嘅諗法

大家一齊擺搭囉
傻閪

最大問題根本就唔係random 真係random就唔會次次都係同一行但隔個位 而係一個機頭一個機尾咁
商品說明條例有冇得搞搞佢

家陣兩個人一齊坐既機會係零呀

呢個位又係真係柒，就係搞到明眼人都知佢係特登拆得開就拆開，唔係什麼公平性random。太random就真係仲搞著自己

夠膽負評唔夠膽留言？
佢以往可以一齊坐 依家賺到盡要加錢簡位一回事 但大把LCC都係咁啦 點全世界？

坐邊冇所謂仲調咩位

佢而家咪就係迫緊個d想坐埋一齊嘅人例如你講個對情侶買2個位

關單丁個條友咩事

題外話，以前出trip d師兄同我講，如果有人主動同你調位，一定唔好應承。

因為如果條友運毒/其他犯法野，俾人捉到，佢show張boarding pass ，原本唔係果個位，死口話袋野係由你個位發現 / 調位時你叫佢保管，佢坐果個位又真係你個名登記，你都好撚麻煩。

所以依家廉唔廉航，我點都唔會調

我黎緊8個一齊飛，想知佢會點派