[黃Viu有得睇] 戀愛兄妹2

好鬼正 佢地勁襯 智媛真係愈睇愈有魅力
同呀哥傾到不歡而散少少心痛佢

龍宇公開送完花之後初雅就開始直進
結果龍宇開始縮
最後個段兜到唔知佢想講咩

依家咁睇龍宇提左幾次同智媛玩足一日但短訊都係send比初雅呢件事黎表達好感
但有左允載對比，佢又真係淨係停留喺send sms上冇好似允載咁會問手足野/送禮物
所以唔怪得哲賢初頭唔知龍宇鍾意家姐
允載驚佢可能會揀允荷
正燮又以為龍宇同世承

基本上可以話龍宇除咗sms之外
都冇啲咩實際行動係畀初雅一個
正燮都有大大話話特登買過嘢畀世承
係偷偷地咁畀佢
龍宇自己講話對人哋冇expectation
其實係好消極嘅態度
驚自己付出太多最後會係傷心收場

笑死, 原來男5直到第3次send sms都係唔識點send, 節目組一定心很累

趙老師: 我以為節目組只係為左搞笑先舉行唱歌比賽、以為只係想離開首爾前玩下
呢個sing con變成宰亨智緩facilitator
上一集我記得有唔少人話好悶, 建議未睇嘅人唔可以skip sing con

宰亨再次做rule breaker

允載咁樣公開送花先係真正行動 正燮送一枝玫瑰花，允載直接一大紥，我係允荷真係會開心到爆炸

不過都希望允載睇完節目會識得同阿妹相處啦，阿妹自己咁傷心都仲下下幫你追阿嫂，拎追女一成力出黎錫下阿妹都好啦

希望阿哥睇到節目，會知道自己只記得追女仔搞到阿妹喊

阿哥成日都唔明 （短信都唔識send), PD幫到你盡剪埋比你睇阿妹點解咁唔開心。 返去錫返阿妹啦

今集允載智緩兩兄妹好真實,
智媛幾次想同允載講感情事,
第一次係廚房允載煮緊野, 冇留心就算,
但去到basement, 每當智緩主動講煩惱時, 允載都只係會講返自己嘅野("允荷好可愛"),
難怪智媛之後咁傷心,
一開始允荷同智媛講允載對自己幾好, 智媛都話唔似佢認識嘅哥哥,
之後又見到有世承兩兄妹互相關心做對照,
對比太大, 難怪智媛會話點解哥哥唔愛自己, 傷得自己最深嘅永遠係親人,
允載又唔係唔關心智媛, 上次智媛架車(而且仲係登記係允載名下)出事, 都係允載親自去處理,
但情緒上允載真係唔足夠支持妹妹,
希望允載睇左節目後可以反省下,
不過已經係成年人, 都唔expect佢改到D乜, 但最起碼阿妹同佢講野時, 佢專心聆聽下都好

佢已經狂比人插上節目想紅 扮直進男
話嗰句以為初雅係貓 但其實係狗
係叫佢冷靜啲咪咁chur
但我覺得初雅龍宇兩邊都可以理解
只係兩個角度
龍宇都攤開哂嚟講自己心路歷程
同呢個消極嘅態度
如果要扮嘢 根本可以做戲做全套
達唔到自己期望咁的確最後未必一齊到

新加坡之旅第一日就已經將龍宇初雅、正變世承兩pair徹底宣告死亡

其實主持都唔止一次講佢兩兄妹好真實，唔係話其他兄妹假，只係現實大部份兄妹都好似智媛允在咁樣相處，其他嗰啲相親相愛兄妹係PD千挑萬選出嚟
而且智媛太堅強，唔止允在，全家人都當咗佢係姐姐，連外人最初印象都覺得係姐弟
上咗節目同其他兄妹相處，發現原來"哥哥"可以係咁樣嘅，冇比較冇傷害

如果想紅 我寧願佢做好哥哥 幫妹妹搵男朋友好過 好似哲賢咁 之前直進搞到初雅塔曬糖依家又縮 實比人屌到化
如果係扮野想紅真係鄧初雅慘 希望係劇本

我都記得智媛講過類似, 平時感受唔到哥哥嘅愛, 又或者被哥哥激親, 智媛自己都有辦法調整情緒,
但今次唔同, 同其他兄妹相處落, 發覺原來可以有另一種模式, 而呢種相親相愛mode係智媛一直追求, 所以打擊更大。

有一part允載係件小事上面好細心, 主持人都忍唔住講, 點解唔將呢份細心放係細妹度。

後面哲賢都講過自己經驗, 佢本身都係唔太理姐姐感受, 後來改變左, 當時允載都在場聽到, 佢都表示原來siblings係可以咁樣相處, 真心希望會對佢有啟發。

今集龍哥認真大扣分,
佢老實講自己睇法, 包括對另一女仔(智媛)有好感, 其實都唔係錯得晒,
但之前次次sms都堅持比初雅, 坐飛機又揀初雅, 樹立人設太高
佢地係新加坡食飯呢度我仲以為翻譯問題, 點解會轉變得咁快, 中間係唔係有D情節剪左

世承嗰pair恐怕未完

喊都好, 正式死心, 開開心心同阿哥玩埋剩返個trip仲好,
又或者同哲賢玩囉, 之前佢地兩個都去過行公園, 又送過書比世承

仲等緊黃viu update

你哋講到今集好精彩咁

上集表演個陣允載智媛/宰賢初雅分別坐唔同枱
龍宇第三組入去佢直接行去允載張枱

希望世承正燮快啲完

允在一來俾智媛縱壞哂
當正智媛照顧佢係義咁
二來諗嘢太單一直線
覺得智媛要確定對象先有計傾幫到手
的確對理解能力歷代級墊底嘅人嚟講
相處咗三十年唔會唔知智媛想傾咩
所以佢係好刻意咁避開話題
只係鏡頭下咁樣做真係好令人失望
其實呢方面唔止兄妹
現實朋友都會有呢啲情況
明明只係需要聆聽對象
對方偏偏扮哂蟹唔配合