[黃Viu有得睇] 戀愛兄妹2

我唔係好明龍宇最後係想同智媛講啲乜
想約智媛？我望唔透

想智媛約佢
但又唔想自己講出口
都幾明顯下

同對住初雅一樣
自己想轉向就暗示要初雅轉向先

有啲男人係咁
唔想做壞人 就冷暴力你 等你講分手先
然後周圍唱你係臭雞飛起佢

主要係智媛都落晒閘
仲有三日爭取到啲咩
唔明點講提完又提

唔明允荷+1唔知係咪得我諗到咁長遠
喺允荷角度，如果佢同允在發展落去
正燮同智媛唔係發展唔到會更加好咩
大家都發展到，遲下其中一pair分手咪面阻阻

好似想試下智媛對佢仲有冇興趣咁

一嚟試下智媛對佢仲有無興趣，二嚟同妹講咗要幫佢，想引下智媛用個指定約會名額係佢身上。所以先話第2日得你同正燮嘅約會對象4個人可以出去咁好呀

不過佢眼中智媛只同宰亨約咗一次，唔知佢地定哂情都正常嘅佢戴智媛帽嗰次硬搵野讚智媛都已經係想刷存在感

佢同妹喺房傾計
珠妍鍾意宰亨 宰亨鍾意智媛 智媛鍾意邊個佢冇落結論
應該覺得智媛仲係open status
然後自己同智媛date過兩次
覺得自己大機會過宰亨

其實去試下唔係問題
但扭扭擰擰咁up堆廢話
不如直接問智媛想date邊個仲好啦

龍哥問智媛聽日…嗰下智媛表情都估龍哥想約佢
但龍哥又係要兜個圈講嘢
龍哥喺有一大班人嘅情況下真係charm好多
鬥雞嗰陣佢講笑講嘢係正常自然
我係女會俾佢呢啲時間吸引
但一到兩個人獨處龍哥就會變到好奇怪

宰亨已經講到去結婚
佢仲兜晒圈咁講嘢
因為一大堆人一齊比reaction氣氛就會好
一到單獨相處佢就變得噚氣，智媛都嫌佢口水多

佢應該生活上冇遇到係年下但又咁開朗，識做人又直進既女仔，再加上節目到世承對佢咁主動，佢應該都驚係人設，成日望住佢佢都覺得係策略，而冇諗到世承真係好鍾意佢，睇佢雖然好勝但唔算有自信

其實去到新加坡就算成班人一齊個陣佢都變到怪怪地，無啦啦要求要智媛頂帽戴，跟住係咁講黑松露，啲人都feel到佢有啲自我

不過如果龍宇真係講出口既話智媛都應該會即刻落閘
好似智媛拒絕哲賢咁

睇翻viu版好似cut走咗宰亨同智媛係車度d甜蜜片段？都幾長下，仲諗住比較下個字幕翻譯，好似成段唔見咗感覺好可惜

佢地係車度拉扯同高手過招勁好睇，讚可愛摸臉同盯妻幾分鐘，仲有呷醋智媛第一次唔揀佢，宰亨發現鐘意嘅band係智媛公司旗下等等
同埋夜市度宰亨呷醋未來外母揀咗龍宇唔揀佢，二人係度講其他cp, 好多cut走哂幾建議宰智粉去搵返足本版嚟睇。宰亨真係將佢d疑問問哂智媛，點解第1次唔揀佢，外母點解唔揀佢，sms好遺憾係點解等等都問哂智媛，果然係推土機

B站有個叫消耗了6枚硬幣嘅up主有精製中字版，感覺都幾好，比起其他版本通順d，但以上片段佢未upload哂，希望佢會整埋

智媛黑人問號都好正常，因為前一晚同宰亨傾計時有講龍宇同初雅好似新婚夫婦，又話初雅係佢理想型，點會諗到“以為”佢地咁穩定，但轉頭想約自己

智媛同宰亨啲約會畫面真係甜到漏
全程2人暗地裏打直球睇到好爽
無扭扭擰擰
好識接住對方話題
食飯嗰陣發現到當有啲傾偈gap位 (姐係無人講野時)
智媛會直望住佢
然後宰亨怕羞飲野避開望向第到

星星手錶個度
智媛話除之前要問對方
呢度好有宣示主權嘅味道

智媛完全係食住宰亨
但一到某啲位宰亨又會佔返主導 玩突襲
例如影星星手錶 問佢係咪眼瞓

2個都高手嚟

智媛好識講嘢 眼色超快
做開娛樂圈係唔同啲
識得點樣應對人同時又唔會得罪對方
點到為止嗰種
其實見智媛都已經好隱晦咁拒絕佢
但哲賢仲係咁講 我同你講呢啲就係我想約你 我地無約過 所以我想同你去date
最後用 我唔想搵同性格嘅人
我想搵可以發掘到我另一面同埋可以拉我出嚟嘅人
K.O咗哲賢


龍宇本身少搵佢地玩 交流唔多
最多都係多人一齊喺張枱食飯 坐梳化傾偈
但突然間入佢間房都知咩事
見佢坐喺度扭扭擰擰擰 講咁耐又唔入主題
我覺得智媛係feel到龍宇有野想講
但又見到佢講唔岀口 搵嘢up
可能佢見到龍宇呢個舉動
之後會聯想到龍宇初雅出現咗問題

其實智媛同宰亨睇人都好通透，我覺得智媛知龍宇咩料子
佢地係夜市討論龍宇嗰part，話龍宇勁鐘意人注目, 做d手勢(我覺得佢地有少少意思暗指佢造作嘅意思，可能我曲解啦)
智媛仲同媽媽講龍宇表面沉穩但其實好多野講，少爺扮龍宇都好似好可惜viu版 cut咗

但係哲賢算係咁
第二朝同初雅傾計果陣都笑住講宰亨先係智媛理想型

如果智媛get到龍初出左問題
可能宰亨初雅date完返嚟同佢係天台就會講起件事？
我估初雅同宰亨會談心

偏偏cut哂嗰啲先最好睇

係，cut咗嗰d明明好好睇。有part智媛係車累到訓著咗，少爺係咁偷望佢幾次，最後直接望住智媛睡顏沉思成分鐘，成段無對白，但會get到佢真係好婉惜同智媛開心嘅時間同沉船
加埋個bgm, 好多人都話呢part睇到淚目，但偏偏就cut咗

原來我柒咗，宰智扮龍宇同呷醋外母唔揀佢嗰part無cut, 我速睇skip咗老屈咗viu tim

但其他cut咗嘅都好可惜

我估cut咗係因為會俾人覺得佢哋太穩
變相下集智媛揀邊個約會會太易估唔夠dramatic
一係就因為播埋宰智篇幅太長唔balance

一睇到龍初cut就會睇到好窒息索性飛咗去算

龍初cut尤其去咗新加坡好難睇
2個人成日講好認真嘅話題但又唔flirty
即係世盛正燮都會講認真嘢，但有火花有推拉
好睇好多