[黃Viu有得睇] 戀愛兄妹2

佢慣性代入自己要做「好人」
死都唔做醜人

呢啲人做另一半其實都幾難搞

我覺得係佢唔想失去”好好先生”呢個表面形象先腥msg比初雅

積埋積埋好多怨氣 到頂唔順一下過爆出嚟

有冇可能係細個聽阿爸阿媽一講深入少少嘅話題就鬧交
然後阿媽帶佢同細妹出街食嘢放輕鬆返
所以佢習慣咗一聽到對象想交心就會抗拒
同佢食下飯簡單吹下水就開心

不過其實初雅工時過長 交流時間咁短
難講其他仔打電話會唔會認得出
再講首爾期間大家都覺得龍哥唔捉住佢俾佢休息係好過正燮捉住佢/其他人唔俾瞓
所以唔可以話唔關初雅事
長時間工作 無時間/精神互相了解 亦都可以係唔適合拍拖搵另一半嘅缺點嚟

唔知係翻譯問題定龍宇講嘢太玄太兜圈 有時睇完龍宇講嘢係get唔到佢想講咩

允在完全係對照組
允荷一樣要返工 佢會送允荷出門口
仲專登買允荷鍾意食嘅麵包
初雅同哲賢有好多屋企一齊傾話嘅畫面 包括返工前都傾過計
點解龍宇做唔到？
更唔好講聲稱一見鍾情 但連初見就係披髮都可以唔記得

直接講dating
係連初雅都覺得只係得佢問 龍宇完全唔好奇佢嘅嘢
dating係節目環節冇得卸膊話唔想初雅咁攰廢時問咁多啦掛

龍宇呢種人好煩
心裡面已經有晒選擇決定
但佢要人估 唔肯自己講
你估唔中佢又會發你晦氣
永遠唔想做衰人 就算你估中佢心裡面點諗去遷就佢 佢都唔會表現出嚟佢原本都係咁諗 只會話佢去配合你
少咗發你晦氣嗰part 但好人只會係佢

我都唔明龍宇想講乜 而家佢同初雅約會我全部fast forward
正變世承雖然係考古專家，但起碼我睇得明佢地考緊乜野古自啦

唔知係唔係剪接問題，龍宇係新加坡唔止對初雅，連對其他人都變左另一個人，首爾嘅開朗幽默大哥去左邊

龍哥都係普通人 一開始可能想大家無咁多距離感
就做成熟啲照顧大家 等大家相處舒服啲嗰個角色
又喺大家面前喊過 俾大家睇到軟弱嗰一面
呢方面佢喺屋企同朋友面前都未見過佢喊
唔開心都係自己內心忍住
去到新加坡個個都話佢同初雅新婚夫婦
好似間接幫佢定好晒 感覺開始唔舒服
因為同初雅真正溝通嘅時間根本唔多
到有時間溝通諗住了解下 就已經俾大家定咗一對
可能又覺得呢啲唔係佢控制到嘅範圍內
同佢無得選擇自己要做人哥哥一樣

幾對姐弟/兄妹我最鍾意就算初雅同哲賢，亦都係因為佢哋先追個節目，一開始見到初雅，哲賢，妹妍同李龍宇影合照個幕覺得好溫馨，幾個男嘉賓入面除左哲賢就比較好感李龍宇，但睇多幾集覺得李龍宇把口就話鍾意初雅，但行動上根本無表示，如果唔係哲賢點會感覺唔到，而允在又會驚佢會揀允荷，結合之前有爆料話佢簽左網紅公司，忍唔住懷疑佢係拎初雅係鏡頭面前樹立專一人設，反正只係send下短訊，咩都唔洗做

尼幾集之後真頭覺得佢黑人憎，好似之前既佢只係扮出嚟咁，到新加坡只係扮唔到落去原形畢露，就算係對初雅無意思都好，都唔洗咁掛，講嘢又兜曬圈奇奇怪怪咁，又咩都淨係識怪其他人同埋好多行為都反映佢其實係個幾自私既人。

其實佢個家庭雖然係單親家庭，細個父母成日嘈又有個細咁多既妹，無可否認對佢成長係有影響，對比另外3對健全幸福家庭係差啲，但睇落佢媽媽係女強人，佢地家庭物質上應該唔差，對比初雅佢地家庭已經算好好多。同埋都三十幾歲人啦，係咪可以因為童年同家庭有缺陷就將所有問題合理化尼？

我既感覺係龍宇想搵既類型係少爺既女版

希望佢下集同允荷約會抽離下
會冇咁苦瓜乾
好彩呢兩集有允允同宰智carry

同哲賢一齊算啦

龍哥同哲賢朝早喺泳池做運動真係好養眼

節目開始時我記得呢度唔少網民, 同我自己都覺得龍哥家庭背景真係唔好搵返類似背景嘅人, 因為佢(同佢伴侶)只會更辛苦, 不過當時同初雅真係好襯, 所以後來就再冇人講, 而家睇返唔知算唔算預言實現左。
佢呢種背景嘅人一就搵心理醫生解開童年陰影, 一就搵返家庭完整有愛嘅另一伴, 咁佢先唔會咁有壓力

同埋我覺得以佢依家嘅心理狀態
就算俾佢遇到啱嘅人
佢都未必捉得緊

應該冇人合理化龍哥行為, 大部份都係話緊佢變臉
不過佢行為的的確確好大原因來自成長背景, 呢D就算成年後都冇得話改就改, 開講有話, 3歲定80。
其實初雅都係咁, 不過佢敏感性格都好大可能來自成長背景, 呢種性格亦唔係人人頂得順, 節目初期傳初雅同宰亨最後一pair, 其實我覺得初雅宰亨一齊, 初雅會無咁大壓力

雖然唔係話單親家庭就無資格有幸福, 但佢都30歲人, 性格好難改, 可能允荷、世承呢D係愛之中成長嘅先會適合佢? 不過龍哥會唔會又搞到女仔唔開心另一件事

應該咁講
我從來冇話過佢咁做係啱
單純想分析下佢依啲無禮行為背後嘅原因
有時唔可以話佢單純係仆街就結案㗎嘛

允荷可能會適合佢多啲
始終世承雖然外向 但係對龍宇嚟講都係似妹妹
可能又會進入返要照顧妹妹嘅loop
而允荷外向得嚟有好成熟嘅一面 唔使人lead
可能各方面都反而會幫到龍宇

都係, 龍哥應該搵返D大姐姐會啱佢多D,
我見佢即使同男仔相處, 都不自覺turn on哥哥mode, 呢D人可能都唔知其實自己唔想做哥哥, 只係由細到大身邊人慣左佢做哥哥, 佢就自動自覺turn on

龍哥身上正正反映到原生家庭對一個人影響幾大, 我覺得幾值得討論

https://youtu.be/u61gscP3c3c?si=FF8BkG3-z1ArwWWs

見到呢條片分析龍宇個心理狀態，都係原生家庭影響多

真係咁岩佢喺節目到表露左佢真實個一面出黎
如果唔係真係會覺得佢係個完美既人

節目一開頭個陣都有少少人質疑點解會有咁完美既人原來真係冇