[黃Viu有得睇] 戀愛兄妹2

印象中珠妍係因為睇到宰亨童年照好得意+份人搞笑(?) 所以轉軚嘅（雖然睇童年照同公開職業係同時發生）
同埋其實珠妍本身同哲賢都因為好大個年齡gap而冇乜火花啦，轉軚都合理嘅，又唔覺得係睇唔起啲咩
至於龍宇係唔係我就no comment了，而家佢行親出嚟我都覺得佢好黑人憎，乜嘢衰嘅推理都好似好合理咁

最大問題係大家覺得允荷冇抗拒過允在
如果好似少爺咁婉拒珠妍其實冇乜野

不過戀綜就係咁
識既時間又短，大家都係睇外表先，好正常

理解允荷點解send msg比龍宇
禮貌又好心動都好
(始終龍宇喺一大班人嘅時候表現出嚟嘅形象的確好吃香 幽默成熟charm嘅大隻機師)
作為觀眾先會見到龍宇嘅缺點
同埋更加清楚見到允在優點
希望允荷自己識諗唔好中伏

感覺上智媛，宰亨同正燮都睇得出龍宇有d自戀/自大
佢地對話有時好似會暗地話緊龍宇

睇返係的士同智媛既對話，正燮應該想允荷揀允在多d

睇緊有個youtuber分析允在同初雅會更夾
其實我都覺
允在會留意到初雅一啲特點，初雅其實都唔抗拒允在
但係淨低既時間真係唔多了
應該冇時間再去了解

如果初雅換左世承 聽到佢講野1999又兜 一定串9佢

哲賢2次date都無乜鏡頭 可能個人比較悶？

其實韓國人都話緊允荷
你睇下面條片啲留言都係話龍宇問左允荷幾次佢都避開唔提允在
返到屋企突然當允在透明
唔係轉人問題 係態度問題
當然都有機會係剪輯效果

https://youtu.be/_4NSm4YxNF0?si=6uUkYOOjQfDCxdhl

同埋允荷係咪覺得允在只可以揀佢
其實我覺得初雅都會想了解允在但冇機會喳

雖然戀綜黎講 允在外表冇龍宇咁吸引
但係我覺得其實相處落允在man 好多同真實好多
龍宇扮野扮到其它人都頂佢唔順

平時睇開個加長版仲未有中字

係，雖然知佢地綫下happy ending, 但都想下集佢氹返允在。允在有得任揀女約會時都揀個最無可能嘅珠妍等允荷安心但調轉允在收唔到sms, 允荷明知佢唔開心咁離開都由得佢，仲坐定定係龍宇隔離...有種覺得允荷都唔係太在乎允在啫，只係之前無人揀

人地智媛同宰亨一有誤會就即刻講清楚，好大對比，希望只係未播氹允在，唔係無氹啦

龍宇既目標睇落似係智媛
咩成日一齊飲酒相處時間最多

不過佢太兜圈 允荷可能誤會左係講佢

韓網果邊都鬧得允荷龍宇幾西利下

其實我都覺得佢係講緊智媛
由佢朝早入智媛間房又間唔使撩下智媛咁
佢之後見到宰亨智媛咁close好似好愕然

車入面三角手姿勢真係好煩
平時你有張台、扶手先可以擺到, 佢就半零空擺三角, 仲要keep到成程車, 佢唔累咩 難怪有D網民話佢作狀

我唔知係唔係翻譯問題, 我又唔覺允荷態度唔好 (龍宇就真係公認態度問題)

估唔到你咁多負皮
其實我都唔明點解咁多人鬧允荷, 話佢態度? 真係唔覺好差wor
不過我都估我會多負皮, 之前話允在家境唔夠好, 又多負皮

正變性格咁鍾意考古, 初雅同佢一齊應該好辛苦
我都有D估唔到正變家庭咁有愛, 性格竟然係咁鍾意考古aka疑心重aka冇安全感,
我識得家庭圓滿嘅人好少可會咁無安全感

外貌就一定㗎啦, 而且第一集時允荷都係揀龍宇, 錯過左咁多集先第一次date, 對方又疑似對自己好感(即使誤會左), 允荷一定轉軑。
龍宇唔駛講, 去到新加坡就搵位同初雅斬攬, 即使唔係允荷同佢date, 係其他女仔, 佢都會轉軑, 純粹工具人

其實蝦頭好食架wor, 估唔到韓國人唔食