【休養生息】《病港ＩＩ》（７６）

「無咗最主要嘅獵手黨，同鄉會嘅人海同游擊戰術好湊效，防疫員一時間都突破唔到，所以依場革命需要有個突破口，而突破口就係諸位嘅家族。你哋決定站邊，都好左右到局勢發展……」米田貢認真分析。

廖家公子：「其實乜都唔做，對我哋係最好，就算做……都需要權衡利害，係咪值得做。」

「最重要係我哋對上嘅老頑固，你都知佢哋份人，最唔想有咩改變，暫時家族真正話事嘅始終係佢哋。」候家公子說。

「加上同鄉會話要解放農奴？無咗佢哋，邊個幫我哋耕田養魚。」鄧家公子說出最重點的事情。

「你哋都提出咗幾個疑慮，但我只係想提提大家，今次機會一過就無，如果齊福皇真係捱過今鋪，往後區內實施嘅政策只會越嚟越嚴厲。」

「哈，所以要我哋一齊追求自由平等啊？」候家公子笑了聲。

「我想同各位一齊造王。」米田貢張開雙手。

大家沉默半晌，由鄧家公子開腔：「造你上去？」

「唔係我，係齊福皇嘅十四王子。」

「十四王子……」文家公子思索著：「無聽過。」

「齊福皇咁多仔女，點解偏偏要揀佢？」廖家公子問。

「佢係齊家嘅後人，揀咗佢上位，至少本地人唔會抗拒。其二係我同佢早係相識，以後朝中有人好辦事。」

「但……同鄉會都唔會同意。」

「哈哈哈哈哈，同鄉會從來唔係咩血濃於水嘅組織，不過係一班想爭取共同利益嘅鄉里，到時候新王上任，釋出善意拋少少甜頭已經可以瓦解一大半抵抗勢力。」

「但農奴問題一日唔解決，日後都可能……」文家公子有所忌諱，早晚會再發生相同事情。

「有時候一件事包裝好佢，觀感就唔同哂，我哋自然有辦法解決。齊福皇手段實在太高壓，有時懷柔並施俾對方覺得仲擁有自由同生存空間，先係上上策。」米田貢說。

「假設我哋都同意你，最大問題嚟，點樣說服我哋屋企長老？」鄧家公子說。

米田貢嘻笑：「最簡單嘅傳統，決鬥？」

文家公子以為是什麼大計，頗為失望：「你講笑咩米生，佢哋老人家點打，亦都唔會打。」

「未講完……我係指，係根據佢哋喜好嘅決鬥。」

「你意思係？」鄧家公子皺眉。

「侯家你哋嘅鬥雞生意最賺錢，令尊最重要就係鬥雞。」米田貢指出。

「係……但講到鬥雞，你唔會夠我老豆鬥，佢隻鬥雞唔係講笑。」侯家公子表現出不安。

「唔洗擔心我哋輸，嘻嘻我哋捉咗隻聞風喪膽嘅殺人雞。」

「我哋家族收埋咗隻鬥雞，叫「殭屍雞」，佢好與別不同，你哋真係唔會夠佢鬥。」

「到時就見真章。」米田貢微笑，順便介紹我：「況且我有最好嘅鬥雞訓練師，亞貢。」

「亞貢？唔係打拳嘅咩……」其他人疑慮。

米田貢轉望：「廖家公子你哋家族最鐘意賽馬，係我馬場嘅常客。」

「你想鬥馬？我姪仔幾乎係北部都會區最好嘅騎師，隻馬都係好特別嘅純種馬。」廖家公子都覺得米田貢勝面不大。

「問題不大，我有全港最好嘅騎士──亞貢。」米田貢又介紹我一次。

「又係佢？」

「哈哈哈，佢擅長嘅嘢有好多。文家公子！令堂好似話係區內嘅麻雀神？」

「諗都唔好諗，同我阿媽鬥打牌簡直不自量力……佢打咁耐牌幾乎未輸過錢。」文家公子勸米田貢不要多想。

「咁啱，我嘅亞貢都係打牌高手，可以挑戰下。」米田貢說。

「打麻雀都扯上我……」我有些愕然。

「最後係鄧家，你哋經營嘅競技鬥獸場好似係新興嘅娛樂產業？」

「嗯，大部份動物都係喺落馬洲站，出錢搵人上大陸捉落嚟。」

「亞貢會直接打爆關。」米田貢指著他說。

「我諗難啲米生，我哋有百獸之王坐鎮。」鄧家公子輕蔑地托眼鏡。

「對於「決鬥」呢個傳統規矩，大家意下如何？相反如果我輸咗，就接受你哋出嘅對等條件。」

四家公子對望一眼，異口同聲地說：

「同意。」

慈善雀王大賽

M牌品好唔好？

一睇就知又諗住鯨歌出千

打牌唔使叻嘅，用鯨歌就得

一次又接多幾個支線任務

好快搞掂

輕輕一推～

叫我哋換成統一白色嘅衫做記認，派人出去斬嗰班農奴。

好想知道迪迪尼嗰幾條友係咩人嚟 定係病者嚟

Pushpushpush

白衣人

蜜穴：一嚟就4項支線，我屌

我睇緊啲乜嘢

標題仲好意思叫做休養生息

舟車勞動入到嚟北部，都冇得抖下，就要即刻多咗四個支線任務

魔瞳會唔會都有what if外傳

魔瞳？

「咁各位安坐家中，等候我同亞貢嘅嚟臨啦。」米田貢拍拍掌：「上菜。」

廚師麥里佐推餐車過來，放一籠籠的點心上桌。

蒸籠逐一打開，分別有燒賣、蝦餃、炸蝦卷、牛肉球、牛肉腸粉、叉燒包和菜苗餃。

「居然係點心……」四位公子都很錯愕。

「好耐無食過呢？」米田貢彈響手指，讓下人沖茶：「整壺香片。」

「真係好耐好耐無食過……」候家公子唾棄分泌旺盛，頻頻地吞喉。

「我身為最大嘅糧食供應商，點可以隨便拎啲原型食物嚟敷衍你哋，各位慢慢嘆。」米田貢拿起叉燒包撕成兩半享用。

四家聯會結束後，米田貢給他們送行。

我站在門口看著他們四人的背影，不禁問：「究竟決鬥個規矩係邊個定落嚟……」

「係大家公認嘅傳統，鬼叫我哋依啲地區無法院，喺無律師嘅世界就係咁。」米田貢揚起嘴角，問起別的事：「你都幾醒目啊，成餐半滴紅酒都無飲。」

「啲葡萄酒係用你腳趾踩，我唔多想飲。」

「啱啱望住嗰條友飲用我腳菌釀製嘅精華，佢哋仲要飲到好識品酒咁嘅樣，就覺得好笑。」米田貢真的惡趣滿盈。

「鬥雞、賽馬甚至係乜嘢鬥獸場，我都可能有辦法贏，但係打牌……」我對文家的決鬥有點疑慮。

「你打拳都識，會唔識打牌？」

「兩樣嘢有咩關聯？」

「你學識好快啫。」

「我覺得唯一贏嘅機會，就係瘋狂食雞糊。」

「哥仔，打牌正常最少三番起跳。」米田貢手背拍我胸膛。

「……到時再算。」

「你放心，我會全力協助你嘅，學習鬥雞先？」

「鬥雞都要學？唔係放喺到，由得兩隻雞互打就完？況且我哋隻鬥雞人都識殺，我諗都唔洗點訓練。」

「邊有咁簡單呀，鬥雞好講求一樣嘢……鬥志。」

「鬥志？」

「簡單嚟講就係打氣嘅意思，只要你打氣越激昂，咁你贏面就越高，因為隻雞會為咗你而奮戰。」

「點解我會覺得你好認真咁講廢話……」

「我幾時有呃過你？」

「但隻雞殺我都嚟唔切，會肯為我奮戰？」

「咁係因為佢未當你係主人，依個係大自然嘅法則，弱肉強食。想要支配比你強大嘅生物，你就要擁有令佢臣服嘅力量。」

「即係你叫我去打隻殺人雞？」

「係。」

「你話點就點。」

我前往囚禁著殺人雞的鋼籠中，準備憑赤手空拳應付。

「咯咯……咯……」吃著飼料的殺人雞察覺到我的出現。