【休養生息】《病港ＩＩ》（７６）

「非常好、非常好，個個都想得到嘅殺人雞，依家就喺我手上。」米田貢雙手負著，看著鐵籠中暴躁的新鬥雞。

「我完成咗你要嘅嘢。」

「亞貢，呢隻雞，其實係關鍵。」米田貢兩睛瞅來。

「關鍵？」

「其實我哋應該宏觀啲，喺王座未被推翻前，其實所有反抗者都係同一陣線。」米田貢表情漫不經心，手指向殺人雞：「四大家族嘅侯家，係特別鐘意鬥雞，鬥雞亦係佢哋旗下最賺錢嘅項目，如果你帶住殺人雞贏到佢哋，我諗佢哋會願意坐低傾傾。」

「同佢哋所有人合作？」

「難道你以為殺死錦綉王，錦綉勢力下嘅人，就唔會有逐鹿中原嘅心態？佢哋同時一樣會動用防疫員，繼續維護成個制度同體系，要對抗到嗰堆防疫員，只可以聯合所有家族，甚至係同鄉會……唔係一兩個個體做到。」米田貢心思細密，晚上影子映落側臉很像位陰謀家。

「到真係事成，聯合完就要分豬肉，佢哋應該唔會支持你推薦嘅十四王子，雖然推十四王子上位，可以安定到錦綉嘅殘餘勢力。」

「人有啲時候，總不免要過河拆橋。」

「你一早諗好計劃？」

「都諗咗陣間，首先要對四大家族投其所好，話哂圍村人係幾排外，一開波就傾合作佢哋肯定唔會理你。」

「侯家鐘意鬥雞，其他人？」

「另外嘅我再講，但如果想喺北部都會區西面行動自如，甚至係同四大家族搞四家聯聚嘅話，首先要搵同鄉會幫手。」

「因為防疫員嘅檢測站太密集？」

「係，類似戰線咁，要靠同鄉會推出去，咁我哋就可以喺西面活動自如，唔受監視同限制，最重要係……同鄉會有個好寶貴嘅資源。」

「你講嘢其實唔洗下下賣關子。」

「地道。」米田貢指一指地面：「佢哋靠住大量嘅農奴幫忙，其實喺北部都會區底下建立咗條，長而深嘅地道，可以話係同迷宮差唔多，他日有地道闖入錦綉內部會好方便。」

「居然連地道都有……」人類的想像力和執行力真的無窮無盡。

「至於點搞掂同鄉會，傾得成反抗嘅事……就睇你造化，亞貢。」

結果到頭來，我還是要前去找伍澤民一次。

羅湖地鐵站。

如常駐紮街站的伍澤民，一看見我就如望見死人般。

「仲搵我做咩啊大老，要講嘅我都講哂……」

「如果你哋想成功推翻錦綉，就要俾我見同鄉會高層。」

「同鄉會自然有自己嘅辦法，唔洗你幫。」

「就靠你哋破破爛爛嘅農具推翻？你哋糧食都唔夠，跑多幾步嘅力都無。」

被說中的伍澤民有點激心，暗暗咬了咬牙，但無法反駁。

「但同我哋合作，你會輕易得多。」

「我真係想知，你背靠住咩家門勢力。」伍澤民稍稍仰顎。

在北部都會區中，很講求家門名號。

「現階段唔能夠同你講，除非時機成熟。」我說。

「咁你叫我點信任你？」

「……」

「但如果你幫我哋同鄉會解決啲麻煩，唔係話唔得……至少可以搏取下我哋嘅信任，係見你身手好先同你講。」

「咩麻煩？」

「幫我哋救出錦朱。」

「你哋嗰位女間諜？」

「係，生要見人，死要見屍，唐米唔想錦朱日後會成為錦綉威脅同鄉會嘅籌碼。」

「你覺得我可以不動聲色咁潛入錦綉，再安然帶個女人出嚟？」我自保可以，但同行人的安全就不能保障。

「唔……」伍澤民沉思一會：「我哋會協助你。」

「點協助？」

「總之我哋有方法帶你入去。」

「地道？」我直說出那個方法。

伍澤民眉頭緊鎖：「你……你點知……」

「我有最好嘅情報員，但你哋有地道點解仲要咁辛苦偷渡入境。」

「你估地道話挖就挖？要用上好多人力血汗，而且我哋有好多都失敗嘅死胡同係挖唔到路。」

我都係揀牙圓

好耐冇睇M係唔同勢力之間周旋
慢慢滲入內部 再推翻一個勢力
間諜M

第幾次？

變咗同呢個post主題「休養生息」好似無乜關係

唔使打杖當休息啦

其他人休養生息

有冇人同我一樣覺得錦朱其實豬咁樣？

太多大大細細既人類勢力 數唔到
只要M睇唔順眼：做前置支線 -> 慢慢入侵 -> byebye
最深刻係幫大本營搞掂D 同埋馴服左公子會
將軍澳個堆邪教都好好睇 想重睇了

「計劃詳情係點，地道咩位置。」

「我哋唔會咁快話你聽地道喺邊，佢係我哋同鄉會重要嘅命脈，我哋有個培訓咗好耐嘅粵曲戲班，你會透過佢哋暗渡陳倉。」

伍澤民為方便講解，直接帶我到洲頭村某間平平無奇的村屋中。

伍澤門用特定的節拍敲響木門，不一會單位大門才打開。

「各位同志好。」伍澤民負著手打招呼。

「伍同志好。」屋內有男有女。

「同志？咩料……」只有我一個愣然。

屋中擺放著大量粵曲道具、服裝、化妝品，拿著劇本圍讀

「依位先生係？」一位女士問。

「會加入行動嘅新同志。」

「哦？臨時加人少見，佢有咩過人之處。」身形魁梧的男子放下手中箱子：「會唔會影響我哋計劃。」

「如果係凡夫俗子嘅話，我唔會臨時加佢入隊，但經我親自驗證……佢唯一特長就係好打得。」

「哥仔點稱呼？」坐在鼓上的英俊男子問。

「我一定要答？」我反問。

伍澤民拍我背部：「做得好，唔好答，我哋都係用假名互相稱呼對方。」

「嗰個女仔叫花旦、大大隻嘅叫花面、啱啱問你咩名嘅叫正生，你嘅稱呼就叫……小丑。」伍澤民給我逐一介紹。

「有冇得……」我欲言又止：「唔叫小丑？」

其實名字什麼的不要緊，反正也是假的。

但叫做小丑，總是有點不自在。

「好啦，你叫武生。」伍澤民發出陣陣訕笑：「其實啲名都係參考自粵劇嘅角色。」

「你哋打算用粵劇戲班混入錦綉花園？」我一眼就看出他們行動大概。

「嗯，睇粵劇算係齊福皇最愛嘅活動，我哋戲班成立表演咗好多年，就係為咗可以有機會接觸齊福皇。」伍澤民說。

「小丑，你唱首《帝女花》嚟聽下先？」正生叫我。

「……」我不作回應。

「唔好意思，武生先啱。」正生笑了笑。

「喂喂，正生，唔好咁大惡意好唔好？」花旦投以不屑目光。

「講下笑啫，武生明嘅，無傷大雅。」

「你哋繼續忙自己嘅，我同武生繼續講解下。」

「假設成功用戲子身份混咗入去，之後點？」

「我哋會有混咗入去嘅內應同你哋接頭，講你哋聽錦珠嘅位置。」

「……你哋到底有幾多卧底喺入面。」

「總之行動目標係營救錦朱，佢全名叫崔錦朱。」

「我扮演嘅角色係？」

「你唔識唱粵劇、唔識用樂器，咁你唯有做不怒自威嗰種角色，我會幫你準備下。」伍澤民拿出一本封塵尋的劇本：「你熟讀佢，背哂對白同動作。」

伍澤民給我的劇本，名為《關公月下釋貂蟬》。

「你講真？」我掀起閱讀。

「你覺得我講緊笑可以即刻行出去。」伍澤民指著門口。

我轉身，面向門口。

伍澤民捉住我的手：「喂！唔准走，你已經知道我哋秘密，場戲點都要演埋落去。」

「幾時會入去錦綉園到。」

「大約三日後係我哋入去例行表演，每次粵劇戲班任務都係將裡面嘅情報偷運出去，只係今次加多個任務救走錦朱。」

「即係話……錦朱行刺齊福皇嘅事，你哋都係靠入面嘅內應獲悉？」

「咁緊係，你點解要問咁蠢嘅問題？」

「只係怕情報錯誤。」

伍澤問不屑地一笑：「情報點會有錯？」

「因為內容實在太仔細，正常情報多少都有啲要估估下嘅地方。」

「咁你就準備入去打探下真偽。」伍澤問拍拍我肩膀：「只要今次你行動成功，同鄉會就會考慮信任你。」

「我有少少好奇，你依個前獵手黨，點解會選擇加入同鄉會。」

「可能係因為我太正氣？我老婆係農奴階級，我唔想自己家人一生一世受人勞役同歧視，今次獵手黨消失，係我哋推翻齊福皇嘅大好機會。」伍澤民打開木門，用鑰匙反鎖：「依三日好好同佢哋相處。」

「武生，你要做嘅角色係關羽啊……」花面左手搶過我劇本查看，右手捏一捏我手臂和肩膀：「幾好，身體有肌肉，應該負擔得住件戲服。」

「關羽係咪應該有把青龍偃月刀？」我開玩笑的說。

「係，會準備把堅嘢俾你。」花面拿出捲尺量度我的身體。

不一會，他便拿出關羽深綠色的戲服給我穿上。

穿上之後還要化妝和貼上長長的鬍鬚，最後手執一把青龍偃月刀，足足重達五十公斤。

「你哋咁多卧底，又周不時入去表演，點解無搵機會殺齊福皇，要到最近先搵女流去刺殺。」我問。

「無十足把握我哋都唔會做，同鄉會之前一直養緊兵，先發規到今時今日嘅規模。」花面答。

穿著戲服耍關刀什麼的，對我來說輕易得很，背熟劇本才是最困難一步。

所以接下來的三天裡，我都全神貫注地熟讀著劇本，學會如何在月光下釋放貂蟬。

到了出演當日，我們的同鄉會粵劇戲班，在多名壯丁的幫助下，搬著大量道具和戲服前去錦綉園。

同鄉會特別為我製作了假的身份證明，方便我通過檢測站。

闊別米埔濕地公園多時，它已經變成了齊福皇的玩樂天地。

觀鳥屋成了一幢幢別緻的閣樓，保留著原有的山水風貌，每個人都身穿古式古香的中國傳統服裝，至於上層的人則酒池肉林。

當一個人坐擁權力巔峰時，是真的可以為所欲為。

哪怕是將整個地區，帶回到封建年代。

武器 +1

扮關二哥諗起呢幕

我係諗起超時空要愛

M有新武器

m想人叫佢做怪物

M for…

小丑

因為內容實在太仔細，正常情報多少都有啲要估估下嘅地方。

在月光下釋放貂蟬