763 Like
12 Dislike
陀蘭
2024-03-14 01:14:31
有文
飛𨋢扭屎忽
2024-03-14 01:21:51
搵到可以點死未
陀蘭
2024-03-14 02:56:08
麻煩公仔嚟揸乾我
PanzerV
2024-03-14 07:34:24
每日都是這樣過
2024-03-14 07:56:32
加速度係唔變 但唔代表重量唔會影響落地時間 除非你個環境係真空狀態
邊度有咁筍
2024-03-14 08:21:52
估唔到突然變成物理學術台 好得意
娘子糾纏
2024-03-14 09:15:14
s = ut + 1/2 at²
s = 距離
u = 初始速率
t = 時間
當a 加速度 = 10去計
五十層樓的高度大約135米
咁t ≈ 5.2 秒
即係嗰隻肥嘢就用咗5秒跌落最底
朴明恩
2024-03-14 09:39:30
呢條公式係適用於uniform acceleration
現實上計埋air resistance既話會耐少少
凡人的智慧
2024-03-14 11:16:25
睇故就咪撚咁認真啦 又唔係咩大bug
西門廿一九
2024-03-14 11:21:34
原先只係理科人睇唔順眼講返句 點知引咗咁多人
文青死全家
2024-03-14 17:31:28
墮入羅莽
2024-03-14 18:54:29
討論下姐
墨說
2024-03-14 19:12:09
「帶路。」我說。
伍澤民對我並不信任,他猶豫好幾秒鐘。
「仲未諗完?防疫員就快殺到。」我可不怕被人捉,自有脫身的方法。
伍澤民重新站起:「跟我嚟。」他抱起唐米,帶著我穿越山林。
要躲過大量防疫員搜捕並非沒有辦法,只是要依賴覆蓋甚廣的綠植,給自己掩藏位置。
伍澤民脫下鴨綠色大衣,露出一身迷彩服,穿著出現到叢林中,簡直如同隱形衣。
「你披住我件大衣,如果唔係你成身白好覺眼。」伍澤民把大衣給我。
防疫員都沿著快景路前去支援,雷厲風行得出動小貨車乘載防疫員。
伍澤民躲在草叢間,靜靜地觀望情況:「你喺邊到搞到依件防護服?」
「啱啱嘅哨崗。」
「聽你口音,本地人?」
「你聽落有少少唔正。」
「因為我以前成日中港兩邊走,但我都係本地人。」
「你係蛇頭?」我直問。
「算……算係。」伍澤民回頭打量我幾眼。
「搵你偷渡真係死,搵自己嘅客做餌。」我揶揄。
伍澤民不屑一哼:「你咩都唔知。」
等防疫員都跑開,伍澤民繼續上路。
我們所行經的大石磨是座山丘,禾草長到人的腰上,我蹲低行走可以躲過防疫員視線。
「邊境防守嚴格咗好多。」我記得以前偷渡,邊境也只有小貓兩三隻。
「你唔知發生咩事?」伍澤民好像知道原因。
「你講下。」
「前排獵手黨唔知出於咩原因,集體失蹤。有人話佢哋俾錦綉王滅口,好多好多原因……但無論點都好,結果都代表住錦綉王旗下嘅打手,都已經唔見哂。」
「然後怕俾人推反,就喺邊境設重防,防止外人入嚟搗亂?」
墨說
2024-03-14 19:12:19
「你可以咁諗……我以前都係獵手黨,走去問過下舊人,佢哋收到嘅風話獵手黨係集體離家出走。」伍澤民說得沒有錯,而且領頭人是我。
我再問:「佢都靠暴力手段統治咗成個北部都會區咁耐,仲會有反抗勢力?」當作了解北部都會區的政治生態。
「的確……本地人嘅話,好多家族都俾人鎮壓哂,再唔係就被收編。」伍澤民話鋒一轉,神情肅然:「但你,有冇聽過「同鄉會」?」
「無。」
「無?咁你應該唔係經常留喺北部都會區。」
「講唔講得我聽?」就算他不說我都會自己去查。
「一個主要由中國人為主體嘅組織,成員大部份係廣東人,自細睇開三色台嘅劇大,所以好多都識廣東話。呢十年嚟,都不停有上面嘅人走難落嚟香港,但嚟到北部都會區被人當成「農奴」奴役,同鄉會就喺嗰時慢慢組織發展起嚟……」
「你咁樣講,呢個同鄉會似乎唔係單單俾同鄉人互幫互助咁簡單。」
伍澤民忽然停下來:「我只可以幫到你依到,依到係古洞……你靠自己方法生存,以前每條村出面啲檢查站,大部份用嚟擺居多,依家佢哋真係會仔細檢查,祝你好運陌生人。」
我把鴨綠色大衣拋給伍澤民,跟他正式分開。
回復一身防疫員服裝,我接著朝雙魚河鄉村會所前去。
本來雙魚河鄉村會算是邊境之外,但防疫員無端把那裡都納入邊境範圍,使我不得不偷渡潛入。
透過混水摸魚的方式,我穿過公路上一段檢查站,轉了不知多久的路,才正式來到米田貢的領地。
我一走到門口就向其僕人表明身份,然後過不多久就獲放行,把我帶到去見米田貢。
米田貢正在打高爾夫球,球就放在一名平躺地上男子嘟著的嘴巴上。
「啪!」米田貢作出揮打。
平躺男子側身按著頜骨,痛不欲生。
米田貢揮打結束後,轉身望向正前來的我:「我嘅朋友,亞貢。」
我脫下口罩,露出真貌確保他認得我。
「點解每次見你都係玩緊啲變態嗜好。」我不禁問。
「變態?哈哈哈哈,只係玩到無嘢好玩。」米田貢雙手按著球桿撐地:「點啊咩風吹你嚟?又想喺我呢到,拎到咩好處分享俾自己同鄉。」
墨說
2024-03-14 19:12:41
「我嚟只係完成對某人嘅一個承諾。」
「嗰個人好重要嫁?」
「都幾重要,佢走一走就影響到成個北部都會區嘅形態。」
米田貢是裝傻的聰明人,他立馬會意我在說誰。
「佢係咪想令到北部都會區變得更美好?」米田貢婉轉地問。
「算係。」我答。
米田貢愉悅一笑:「嚟我酒窘到傾。」
環境昏暗的酒窘下,很適合談些不能見光的事。
「亞貢,你飲唔飲酒?」
「會適量飲。」
「我最近迷上咗款特別嘅酒,要俾試下?」
「嗯?」
小小的品酒室中,一位金髮碧眼的妙齡女郎走入,為病港非常少見的外國女性。
「我唔玩女人。」我跟米田貢說。
「佢唔係用嚟玩,哈哈哈。」米田貢卻笑著說:「Olivia,準備下。」
名為奧莉維亞的異國女性坐上品酒室的躺椅,緊接家廚麥里佐現身,戴上丁腈手套輕輕拉開奧莉維亞的手袖,露出一節雪白的玉臂。
麥里佐開始介紹:「依款酒叫做「血釀」,係用健康年輕嘅外國女性血液所即場釀製,產地來源係美國,但混有四分一比利時血統,血液係A型,味道非常甘甜。接下落嚟我會抽取一千毫升血液,分俾兩位各五百毫升,再混合其他材料製作血釀雞尾酒。」
「即係飲血?」我怔住。
「哈哈哈,唔係飲血!」米田貢搖頭大笑:「你當我哋係咩野蠻人,血釀!係叫血釀!嘻嘻嘻……」
傻豬黎既
2024-03-14 20:20:36
割一割隻手就冇咗1公升血
西野小春
2024-03-14 22:13:49
Dr.D 未認真
唔計
墨說
2024-03-15 00:44:00
補上上po800正評
廢柴的雪人
2024-03-15 00:49:10
森林大火鳥
2024-03-15 00:59:48
海弧狸
2024-03-15 01:05:11
虔誠者長啲定病港長啲…
由之前睇虔誠者就諗墨巴想寫長故?用虔誠者來練筆。
而家病港2其實完未?