同老婆相處上嘅困難

小弟今年37, 同老婆結左婚一年半. 佢今年年頭由台灣來左香港住. 基本上生活上所有開支都係我負責（15k 租屋, 12k 家用俾老豆老母, 10k 零用比老婆, 5k 比台灣外父外母, 12-13k 自己加屋企水電食物開支）. 老婆就無返工, 基本上日日都係屋企, 而且最近我又日日WFH. 結果就產生好多問題, 例如佢無返工, 我自然expect佢會做家務. 咁佢都有做嘅. 不過佢又會成日話自己咁係等如打掃工人. 又例如佢唔係好識煮飯同佢食好少, 咁我食嘢係有要求嘅人.我有一次同佢講, 你煮嘅我真係食唔飽, 佢就發脾氣...話佢已經好努力學緊...其實我一個禮拜都最少都煮返兩三餐啦, 都叫做返負責左一半. 佢有少少潔癖, 所以我都盡量係清潔上就佢, 又會負責洗廁所唔洗佢做. 但係佢仍然都會日日哦我呢樣唔收好, 嗰樣唔放好. 我有時真係比佢煩到噪. 而經日日朝7晚6, 我都唔敢話自己賺錢就乜鬼家務都唔理.
另外, 我公屋仔長大, 而家雖然算揾得幾多. 不過我重係習慣慳住咁買屋企用品, 佢又成日唔好下下買平, 例如d廁紙要買返4層. 我基平上都只係想慳得就慳咁, 但對佢我真係唔慳, 佢來香港嗰時隔離, 我book間貴嘅比佢住21日, 來左又送個7皮嘢chanel袋俾佢. 反而我自己個個月零用用來買比自己嘅連10%人工都無. 有時諗下自己, 就覺得自己做乜要搞正咁. Sorry, 我都係呻下, 不喜勿插.

你老婆一直都冇返過工？
定佢黎到香港先冇搵野做？
佢以前係台灣做d咩先
就咁睇，只可以話大家既期望唔一樣
佢可能覺得黎香港做少奶
你就指意佢做家庭主婦
再係咁，好易炒車

你老婆真係嘆

多D溝通啦ching 如果講極佢都係唔明或者發脾氣 你真係要諗諗兩個人價錢觀一唔一致 生唔生活到落去

其實每個男人都係咁架啦 壓力好大 如果返到屋企都要受罪咁或者要小心翼翼 人生真係苦過dee dee

娶台妹
ching傻撚左個鼻

結婚唔岩你,你累左人

其實近排見結左婚既朋友
見到佢地既相處模式
覺得婚姻就係一個做大佬，一個support咁
做support大部分時間都要聽聽話話
如果兩個都係有主見既人
個家庭就長期家嘈屋閉

你話你老婆會話你咩咩咩咩咩咩
你會唔會屌返佢？
會既就兩個都咁有主見，難搞
一係你就做M底男，比佢屌下就算
一係就屌到佢聽話

佢已前係台灣返類似sasa嘅sales

貼錢養人嗰囡

唔好縱壞啲女人，翻唔到轉頭架

你單身會好過好多

我見好多女性都好emotional
可以理性同有效咁溝通既真心少

要俾錢養埋對家長老, 天字第一號水魚

我最煩就係收工返屋企都重要成日比老婆哦.

其實我睇你打既野
覺得你地唔多夾
你想搵個女主內，聽聽話話既
明顯佢唔係咁既人
傾到既就傾下啦

你而家知點解咁多男人情願喺自己架車度聽下歌
都唔想返屋企啦

你咪攞多幾k請工人咯

好難 佢黎左香港 冇曬台灣以前人同玩開地方

台妹 家庭主婦

離婚啦咁撚辛苦既然

又唔好咁講, 我都係希望老婆開心d. 我唔介意俾多錢佢. 最多勤d揾返. 最重要係希望佢明白我真係想對佢好, 佢又可以多d欣賞我嘅付出, 少d日日哦, 日日話我呢樣嗰樣

台妹拍拖就好，結婚會180度變，大部分都係諗住做少奶奶唔返工

同意，你將俾佢個10k
分出黎請個姐姐
有人煮飯有人打掃
前題你係真係想佢日日唔使做

同埋你地傾過黎香港個陣
有冇講清楚日後生活安排？
佢仲使唔使返工個d
如果冇傾過，咁只可以祝你好運
佢太無聊，好容易就識過第2個
肯陪佢去玩去癲
自己睇路啦樓主

所以我都成日叫佢去揾嘢學, 讀下書. 咁咪可以多d自己生活. 少d focus係我身上

做女人真係好