[書蟲］你最近睇緊咩書？7

最近睇左原子時間 講點樣掌控返放左工既時間
作者係個韓國人 做獸醫 同時都係話劇演員 youtuber
前半part講作者自己經驗 作為社蓄放工後既心態 我自己覺得都幾中自己
例如放工返到屋企會因為聽日既壓力而hea左今晚既時間
一直諗星期六日要點點點而放棄左星期一至五夜晚既時間

之後就講作者開始改變 發展自己副業
呢d係同能力同工作無關
而係一啲令自己開心既野
大概講下有咩類型既副業

後半part就講下點樣開始計劃時間 要記錄自己每個鐘做左啲咩
新既習慣由微小既動作做起
再講多少少心態 我都覺得講中左自己
例如一直諗住要完美時機先去做 一直好謹慎咁諗諗諗搞到係咁拖延
而家都努力嘗試緊管理放工後既時間

呢本野大多係社蓄心靈雞湯加簡單淺白既時間管理技巧
第一次睇呢類型既書 作者既角度好易入口
我之後再睇d習慣/時間管理/slash既書 覺得內容太過積極/commercial 唔係好睇得入眼
可能我鍾意睇社蓄頹廢躺平角度出發
有無其他書推介

julio liamazares 的黃雨
講一個人面對死亡的孤獨
譯得好好, 唔會好生硬
係近半年最鐘意的小說

東西之道：《道德經》與西方哲學

Recall
1 作品寫既讀者對象 主要係古時有知識且有權既統治者
人間有惡有痛 要點樣處世 點樣統治 點樣減少世間既苦？

減少人為偏見
偏見其一主要來自欲望 即 要減少自己欲望 從而減少人為偏見

在下者傾向無知 模仿在上位者
上位者無欲 下位者同樣無欲

2 天地有規律
人心打擾天地規律
戰爭係最嚴重既惡果
次於戰爭 就係人際間不同爭執 即政治問題
戰爭 就係政治失敗既最嚴重後果

3 天地間無福禍之分
一切都只係天地循環過程中既一部分
微觀視野 個體有死
宏觀視野 個體生死 係更大範圍既循環
統治者非只視自己或某個人福祉
統治者只係盡量將自己非人化
減少為自己利益而行動
盡量無己無心 順從天道

4 有欲望可以更易貼近滿足
譬如食欲同性需要
有欲望係無限 永遠不滿
譬如權力 財富 知識

5 如果借用Plato比喻：
以國比喻個人
將個人放大 從而更仔細了解個人

如果老子講治國之道

點樣可以將老子既治國之道 用於個人？

國與國間 充滿政治問題 甚至無可避免變成戰爭
避免主動侵略
避免暴露兵器
避免內亂內耗
讓國內資源 下而上自發式 而非上而下命令式 依據實際需要自給自足
不以個人偏好勉強影響天地規律
減少強調價值判斷 減少強調美醜好壞
不為利益或個人貪念行動 （可能可以 以無競爭性既趣味同共享作為動機？ 但要同時避免個人主義式既比較）
實而不華
無言之教

食是實 性是實 滿足是實 力是實 大智若愚是實

統治者緩慢地身教至 將老子之說普及？



Recognize
1 避免正面描述甚麼應該多做
多以負面描述甚麼應當避免
從而保留自然而為的自由
同時避免對事物過度補償
譬如：將本質可以好的事物 過度生產而造成問題

2 避免正面描述
不成器 保持樸 就保有萬能的潛能
如果偏側地過度發展 就生更多偏見
而離天地更遠 更難附合而順應天地

相反 如果保持虛心
就能夠容納而消化未來天地偶然而不可預測地給予既營養

3 人主觀意願 只限制自己對天地既視野
人如果減少主觀意願 就傾向更能全面觀天地

4 嬰兒其一例
因為缺主觀意志 而更柔軟 更能善用天地所予之天賦

5 二元對立 人所虛構
天地有各種事態 但無絕對二元
甚至同一事 喺不同時間回看 就有不同性質
二元對立中既價值判斷成份 總係偏見

如果人唔能夠完全排除二元觀念
其一選擇係 避免二元中只揀一元
而係順應機遇地 包容一切遇到既事態

只有完整消化二元 譬如有好有壞 有美有醜
嗰種完整 先能夠貼近天地

6 要持久 就要有持有止
問題係 個人意志好少有足夠智慧 有與天地一樣既智慧 去恰當安排事態既起始同終結
所以較現實既做法 都係：
減少個人自以為是既判斷 從而順從天地

7 事態 無意志下 作為物質存在 總已有自己既性質
總會發揮作用
唔需要意志地 發揮作用

遊心之路 : 《莊子》與現代西方哲學

Recall
1 老子偏向講統治者
莊子偏向講凡人

2 儒家要求秩序 要求社會價值觀明確
認為秩序 就係可預測
基於明確價值觀 要求人民每人有數個明確角色
然後用角色規範個體既行為 甚至思想感受
儒家認為咁樣會社會安定

3 莊子反對個體去順從呢種體系
特別係要避免 連自己既心都認同而內化呢種意識形態

社會係咁 真心順從 會自己有精神問題
用力反抗 成本太高
真實假裝 就外順其勢 內心自由

4 內心無真實具體既價值判斷 包容世界一切可能性
接近無我無己 無所待 順應自然如鏡

外在 唔係真誠認同外在要求
唔係真誠重視 外在要求既技藝
但抽離地滿足一切要求
從而維生

5 對待外在要求 如孩子玩假裝遊戲
了解現象非真 但都要回應同處理
避免嚴肅 部分輕鬆又部分在意
但在意既態度唔係源於在意實際利害
只源於 想透過假裝去享受參與遊戲時有既趣味


Recognize
1 除事實 不信有客觀價值要守
2 不需過度自律 只要自我消融
3 傳統以恐懼引領體制建構
4 借用真心與外境的不協調產生趣味
5 在趣味中 節省能量 同時得到能力
6 減少因外境的能量消耗 可以放鬆 似回歸孩童時期
7 趣味其一源是自由
8 幽默有淨空作用
笑 似悟 難以言明
解放思維 隨後有快感
又能自然地更能善用能量
9 自我矛盾 而同時每有自我可被矛盾
10 避免建立偶像
11 避免讓自己產生不能成長的路徑
12 沒有實在的中心 所以能夠真確流動
13 沒有事先理論指引 只隨境而有的敏銳觀察
14 忘卻自身 全身全心地專注於外物 自發應物
15 無好
16 遊 必是心遊 遊心
心成隨境而變的工具 沒有目的 沒有目的地
17 治療在於清理束縛 繼而避免受傷

莫斯科紳士

像哲學家一樣生活 : 斯多葛哲學的生活藝術

Recall
1 可控/不可控 內在/外在目的
2 刻意失去 而知無用
3 生命或一切擁有都只是借來的工具 隨時會收回
4 命運不可改 只能善用
5 最大欲望是滿足 然後排除一切 有礙最大欲望實現的小欲望
6 自然欲望易於滿足
7 避免非哲學家的聚會

Make Time by Jake Knapp and John Zeratsky

由Google Venture兩個前員工寫 分別做過YouTube同gmail
借用google sprint 幫startup以極短時間實踐同驗證idea既方法
套用落日常生活到 以hightlight, laser, reflect, energize 幫你「make time」

終於睇完白夜行以下少劇透

睇完草草諗到呢啲

我有2

我覺得白夜行最正嘅位就係比讀者去用上帝視覺去睇發生乜事，亦都會以其他人嘅視覺去敘述故事，但就係唔會講男女主角真實諗啲乜，一切都係估估下/推斷出嚟，成個故事就好有想像空間

有無人有睇盧丹的惡魔

有kindle但想入手多部中文e-ink reader 想睇吓大家推介邊部？

Kobo Libra
mooink S

Kindle同mooink S 雙修

最近睇咗我要準時下班2
覺得好睇過1 起碼內容真實啲
講咗好多日本職場文化
例如女性被輕視 個客永遠大晒 有返工無放工
不過都仲係擺脫唔到日本小說果種有啲誇張同英雄化咗主角嘅情節

Mooink S 有冇kindle咁好用

有個唔係好關睇書嘅感受想分享下

事關本人嘅朋友以我認知中，係比較少睇書嘅。有時，我間唔中係咁依講下睇緊咩書就會dead air或者轉topic架啦。因此，其實我就會帶有少少輕蔑嘅態度去睇佢哋。因為我覺得喺呢個時代底下，保持對知識嘅追求係重要嘅。當然，佢哋都可以掉翻轉諗，識咁多嘢有鬼用咩，未又係咁。

而當中都會有個好間唔中睇下書嘅朋友，但佢多數都係睇啲科普書(?)，例如講下大腦嘅構造、運作之類。我唔係想去貶低科學嘅價值，但我下意識成日會覺得睇呢啲書似乎解答唔到時代留俾我哋嘅問題，唔係依家嘅priority，有少少嗰種「睇嚟做乜嘅感覺。」我知咁諗係唔啱，不過有時腦海就會浮現呢啲諗法。我自己都睇開文史哲多，咁老實講呢啲大部分嘅內容都帶到俾我對於我哋身處嘅地方唔同面向嘅思考，就算fiction都有1984, Brave New World呢啲可以引起反思。

大家對於唔睇書，或者唔係睇你睇開啲人有無呢啲諗法，或者可唔可以糾正下我嘅諗法？

原來有原作小說

我未至於睇唔起啲唔睇書嘅朋友，純粹係覺得傾唔埋
尤其是我無其他嗜好，打波、打機嗰啲都唔啱我

不過我都唔太鍾意睇 科普類嘅書最主要係我對於啲「學術普及」類嘅書觀感麻麻，好似太淺，睇完又唔肯定啲嘢係咪真係準確，有時間直接正正經經睇本introduction好過

又唔係話睇唔起嘅，只不過有少少洩氣。之前有個生日，唔理佢睇唔睇，都送咗本香港簡史俾佢

自從呢幾年睇多左書，覺得睇書真係好正。就算係睇文學嘢，都feel到有所得

香港簡史我睇睇下半途而廢明明其他地方嘅歷史書我都無問題
文學我好少睇，感覺投入唔到

好想有你呢種朋友

「事關本人嘅朋友以我認知中，係比較少睇書嘅。有時，我間唔中係咁依講下睇緊咩書就會dead air或者轉topic架啦。」

你都識講你啲朋友唔睇書，你仲講書人哋點接你話題？
就好似一班睇書嘅朋友入面，無啦啦有個人講做GYM嘅嘢，俾着你都唔識點應佢啦下話？

「因此，其實我就會帶有少少輕蔑嘅態度去睇佢哋。因為我覺得喺呢個時代底下，保持對知識嘅追求係重要嘅。」

你係咪覺得自己睇書、識好多嘢所以高人一等，唔睇書嘅就無用？況且唔睇書就等於無追求知識？追求知識唔一定淨係得睇書一個途徑，仲有其他方法。記住人外有人、天外有天，大把人無睇書都叻過你，咁你憑咩覺得自己睇咗啲書就叻過人？

「而當中都會有個好間唔中睇下書嘅朋友，但佢多數都係睇啲科普書(?)，例如講下大腦嘅構造、運作之類。我唔係想去貶低科學嘅價值，但我下意識成日會覺得睇呢啲書似乎解答唔到時代留俾我哋嘅問題，唔係依家嘅priority，有少少嗰種「睇嚟做乜嘅感覺。」」

你界定知識優先性標準係咩？點解你覺得你睇嘅嘢superior過你朋友睇嗰啲？佢對腦神經學有興趣，唔代表佢學嘅知識無用，如果你個腦出咩意外，佢可能救你一命都未定，咁你仲會唔會覺得佢學嘅嘢係低priority？你覺得你睇嘅書解答到「時代留畀你嘅問題」，但就算解答到，你有能力解決到嗎？如果無，咁你讀嘅書係咪無用，係咪你所講「宜家」嘅priority？淨係知無用，你仲要識點樣運用你所學到嘅知識

「之前有個生日，唔理佢睇唔睇，都送咗本香港簡史俾佢」

我係你個fd本書就好似送禮勤咁擺埋一二邊，知唔知點解？因爲你無從佢嘅角度諗佢適合睇啲咩，你只係喺你角度諗佢應該讀啲咩。簡單嚟講，你淨係諗自己，無諗過其他人真正需要啲咩

唔好怪我講得直，有時問題唔係出喺人哋度，而係出喺自己身上。心態決定境界，如果你仲覺得自己睇嘅書比人哋高級，唔將其他知識一視同仁的話，咁你同井底之蛙無分別，以爲睇書可以擴闊自己嘅視野，實則仲係困喺自己嘅小小世界度，一步都無踏出過。

你都啱既 我都覺得透過唔同角色視覺睇成件事係有趣既
所以先咁引人留意男女主角既諗法
可能我比較鍾意推埋故仔解清楚曬啲野
又或者其實唔當佢係傳統既推理著作會比較好

你講晒我想講既野