[書蟲］你最近睇緊咩書？7

空谷幽蘭 - 尋訪中國現代隱士

Google play真係好抵見到咁抵會成日忍唔住買

實體樂文田園
電子書kobo 用樂天平台

鳩up 下
好多人對「歷史」嘅印象就係一啲好死板嘅記錄，但其實歷史同時係由下而上去確立。好似好複雜，其實好簡單，每個人，你同我，每日都創造緊歷史。冇錯可能係廢話，但好多人實際上都唔太知/唔太想去留意。例如大家食緊嘅嘢背後有咩典故呢？背後嘅故事擺返當時個年代又有咩意義呢？代表啲咩人？當時嘅外地人點評價（同外地人嘅交流）？ 再者，地理位置同個地方嘅人嘅發展又有咩關係呢？ 不斷去反思，不斷去發掘，其實會衍生出好多嘅問題，我諗呢一世都讀唔哂。歷史係咪冇意義呢？

聽完呢本 The four winds了，本書好deep
故事開始於1921年嘅美國，女主角Elsa一直都無戀愛嘅經驗
頭幾個chapter講佢同一個靚仔邂逅，再因為懷孕而結婚
我無睇過簡介，最初以為係愛情小說嚟
點知故事之後一跳去到1934年，女主角家庭因為the Great Depression同埋Dust Bowl，生活變得愈嚟愈艱難，老公都因為抵受唔住而自己走咗佬
而Elsa帶住對仔女，為咗令佢地生存落去而去咗California,喺當地受盡歧視，會被稱為Okie
故事嘅發展去到結尾都好deep,唔係戈種BBQ結局嚟，而係帶出咗美國The Great Depression時期嘅艱苦

多謝推介 我都好鍾意睇great depression 嘅題材

日本國鐵總裁神秘失蹤然後死亡
同埋緊隨其後嘅人為鐵路事故
背後嘅龐大集團
同埋作者呀公曾經工作嘅特務機構
仲有美軍之間嘅關係

history from below（講咗好多年

lm 書介

Bookmarked!

叛逆巴爾幹 - 從希臘主義的解體到斯拉夫主義的崩潰

如果睇過劉仲敬既作品，就知道佢係諸夏民族理論推廣者，透過引用各個歷史強化民族建構理論、解構大中華，以及證明中國係文化傳播、軍事引入上屬於窪地，即最後傳入既地方。

今次《叛逆巴爾幹》主題係19-20世紀巴爾幹諸國（希臘、羅馬尼亞、保加利亞、塞爾維亞、北馬其頓、克羅地亞、波斯尼亞、斯洛文尼亞、阿爾巴尼亞、黑山）既民族主義形成、建國過程及思想演變。

以上各國共通點都係昔日東方強權 - 鄂圖曼帝國治下領地，但隨住帝國衰落、19世紀民族主義興起，以希臘獨立為首既「大希臘-東羅馬主義」（收復君士坦丁堡、光復塞浦路斯及愛琴海城邦領土，類似國民黨「反攻大陸」概念），到各地逐漸經過希臘化》去希臘化〉本土意識形成既過程

又或者好似塞爾維亞等南斯拉夫諸國既特別建構，或者好似阿爾巴尼亞呢個穆斯林國家，如何因大局從土耳其獨立出黎等等。

雖然一次講十個國家，或者會令人混淆，但劉仲敬活用明、清、民國、中共、台灣既歷史例子借喻，加上佢既諸夏理論，會比較容易入口。（例如大希臘膠、羅獨、保獨、塞爾維亞古文化建構，明明與古代毫不相關，卻因為民族發明而變成「自古以來」）

用歷史介紹民族建構，都係想講一個宗旨
「民族建構係有無限可能，只要你諗到，就可以做到，創作力量同幻想真係會嚇你一跳」

但其實我又唔完全同意。我認為top down 嘅歷史同bottom up嘅角度要同時睇先有成個picture。始終歷史真確性唔能夠完全客觀地證實，但每個歷史行為背後嘅動機就可以理解同解釋

唔知點解我會將呢嗰問題睇做：知識無窮無盡，係咪有不斷深探入去嘅必要？

我哋呢啲凡夫俗子，若果唔係對嗰方面嘅嘢有濃厚嘅興趣，其實一味深究落去，反而會失去本身知識實用嘅意義（可能歷史係更甚，期望有人反駁我）

呢個係一個好好嘅問題 至於從實用嘅角度睇其實深入了解知識未必對「生產力」有直接嘅用途。但係間接上可能會有，例如追求生產外嘅知識，當然呢啲因人而異。亦有人睇書當減壓，減低壓力亦可以增加生產力。

再者，其實我頭先並無惡意，並非要搏取優越感去表現自己對學術盲目嘅「追求」。我亦冇盲目追求因為資源的確係有限。你講得啱，其實對有興趣嘅話題有所追求已經係一個「凡夫俗子」未必做到嘅嘢。（呢個我費時舉例得罪人）

你嘅問題令我諗起早排同個筆友討論到底「意識形態」(ideology) 係咪實質存在。如果馬克斯體系嘅唯物觀就會否定。但係我筆友亦有帶出一個好重要嘅一點就係往往意識形態會帶嚟重要嘅後果。

我答唔到你問題，不過希望可以引出反思

The Power of The Powerless 無權勢者的力量 - Václav Havel 瓦茨拉夫·哈維爾

我睇歷史就係想發掘及認識人類過去既模樣，或者想了解歷史如何塑造今日既社會、世界大勢、意識形態，好似近代啟蒙、自由主義，再演進因批評係「資本家既自由」而萌生社會主義，以及因性別、民族等衍生既思想演進

想了解經濟史，就要認識股、債、匯票、公司，以及各種商品、金融、貨幣本位、利率既歷史，睇人類既創意及金融既多變點樣形成今日Too Big to Fall既現象

又或者，冷戰既影響至今依然存在，東歐、中國、中東、印巴既冷戰時代遺禍並未完全結束，響歐美為打倒共產世界而歡愉時，一個藏得更深、比蘇聯更可怕既力量正暗暗湧現，變成比蘇聯更可怕既帝國

呢點當然
history from below呢個講法最初出現（無記錯的話），係因爲當時嘅 歷史書寫側重 high politics，又或者工運史 噉都係側重工會領導層，所以先會強調返去普羅大衆

我估去到嗰個咁專門嘅層次
啲研究者係本身對個題目好有興趣，亦都唔係單純追求實用

同埋歷史都好難講有啲乜嘢實用嘅地方？歷史唔會重複，嘗試從歷史汲取教訓的話 即使係同一件事，唔同人都可以汲取到唔同嘅教訓

呢排講緊支聯會又講教協嗰排，再睇多次華叔本大江東去，見到佢十年前好有希望咁覺得平反六四可以喺2022年實現（suppose中共領導人換班，會有開明派），就覺得好唏噓

咁誇張 我都睇下先🙏🏻唔該哂樓主

動物農莊
醉愛兒童毒物

同時都睇緊中國思想史論同宋詩概說