[書蟲］你最近睇緊咩書？7

最近睇完本心理學書叫「自卑與超越」，有幾點幾有趣係話小朋友到五歲個period，父母要好好訓練佢哋同人合作嘅心態，又話啲犯罪人，係童年得唔到其他人關注，所以用啲特別嘅方法去證明自己能力，又指婚姻係兩公婆嘅合作

總結就係想人以同他人合作為岀發點而不是以自己岀發

《第一人稱》算係集小成之作。Cream 同Confessions of a Shinagawa Monkey，最表現到佢能力+風格+主題。另外有兩篇分別講成長（瑣碎）事同愛情遺憾，表現到佢寫實+有d subtle 嘅功力。
不過佢真係幾重複自己，同埋眼光（關心嘅野）比較窄，呢兩樣野係互為因果嘅。

想問大家有冇試過喺blackwell買書事關之前買完本書收到email話items have been despatched但我login番去track my order又無我既訂書記錄但我封email又有我order no.

有冇一d捐書機構推薦

屋企有d書唔夠位擺又keep得算唔錯想捐出去

我搵開呢d:
眾囚書 - 佢地為在囚人士募集書，詳情自己睇fb (我未捐過）
書送快樂- NGO,收書黎免費送比學校或者低價賣出，我捐過幾次，收書點喺新蒲崗

兩間都有書種類限制，詳情請自己睇佢地fb

睇緊獅子的點心
講癌症病人的小說
好睇

道尾秀介最屈機嗰幾本都係玩敘述性詭計

佢本身就唔係主打推理小說 拎佢本磚頭書"模仿犯"為例
書嘅一半已經講左邊個係真兇 只不過佢一直圍繞其他野黎慢慢填落去
好似上面巴打所講 佢行極都係行唔出社會派

當然如果你有特定題材想睇 我可以介紹比你

魔戒
The Chronicles of Narnia

向日葵不開的夏天

試過有朋友係blackwell同一張單買咗兩本書
然後其中一本好快就收到
另一本blackwell分開咗黎寄 我地上網睇仲要所有資料填錯哂 sd email去cs佢答咗啲九唔搭八嘅野
然後我地諗住放棄係其他網站再買 突然本書隔咗成個半月就送到黎

買咗本文化大革命都幾個月仲未開
最近講到翠翠想搞文革2.0係咪應該即刻開嚟睇

依本某程度上直頭歸納唔到佢做敘詭
太破格 第一次睇嗰陣真係估唔到

宮部美幸係主打社會派推理小說，著重原因（WHY），而唔係本格派咁解迷係重點（HOW）。
講開又講我諗唔到佢有邊本係本格派

所羅門的偽證精彩過模仿犯，但你要頂得順佢分上中下共6本磚頭書

The History of the Decline and Fall of the Roman Empire

係咪玩野？
我要入門級

李維羅馬史

Hi 各位書友好耐無見
今日要介紹嘅書係歷史學家Eric Cline寫嘅 1177 B.C. The Year Civilization Collapsed。初版喺2014年出版，今年啱啱出咗新版，納入最新研究成果。


本書封面


作者個樣

本書講嘅係著名嘅 青銅時代晚期崩潰 謎團
有興趣了解嘅可以睇Historia Civilis呢條片，裏面都有參考呢本書
https://www.youtube.com/watch?v=aq4G-7v-_xI

歷史背景
公元前15至13世紀，愛琴海同埋地中海東部有好多獨立嘅文明，例如邁錫尼、米諾斯、西臺、埃及、巴比倫、亞述、迦南同埋塞浦路斯等等。佢地之間會通過國際貿易互動，學者稱之爲人類史上最早嘅「全球化」社會。


而家睇返，佢地嘅互動方式亦都相當有趣。譬如啲國家首領之間會稱兄道弟拉關係（即使佢地無血緣）但係亦都有啲首領係講明唔鐘意呢套

有時亦都有搵老襯嘅情況
例如有啲國家元首係噉問埃及佬搲着數、攞黃金（埃及嘅鄰國有金礦）
有個直頭話 你畀多啲金我 我就畀個女你
另外有封信，巴比倫個首領 喺度嘈生嗮，話埃及送嗰啲金假嘅

好景不常，呢種生活方式喺公元前1177年左右結束，有無數城市被摧毀
至於係邊個或乜嘢造成呢場災難，目前仲未有明確證據。有好多可能，但似乎無一個單一原因導致呢場災難。

可能原因
- 例如喺黎凡特（地中海東部），由北邊嘅烏加里特（今日嘅黎巴嫩境內）去到南邊嘅拉奇什（今日嘅以色列境內）都有考古證據表明有入侵者——或至少有人由愛琴海、安納托利亞（今日土耳其）西部、塞浦路斯 等地移入。有啲城市被摧毀以及遺棄；有啲後來就佔據返；仲有啲無受到影響。舊時嘅歷史學家通常稱呢啲入侵者爲「海上人」，認爲就係佢地搞到文明崩潰；但係近年已經唔再將佢哋視爲崩潰主因，亦都傾向認爲佢地似係移民多啲。

- 呢段時間亦都有地震，但通常社會可以捱到。

- 喺愛琴海同地中海東部，搵到文字證據係關於饑荒嘅，亦有科學證據（例如 花粉）顯示有乾旱同埋氣候變化，但同樣地當地社會亦都一次又一次捱到落去。

- 喺希臘同埋其他地方eg黎凡特，可能有內部叛亂，即使證據唔太確鑿。同樣地社會通常到捱到過去嘅。喺咁廣泛嘅地區同咁長時間發生叛亂，係幾唔常見。

- 國際貿易路線喺一段時間內受到影響，甚至切斷，但目前唔清楚呢樣嘢對各個文明嘅影響——雖然有啲文明（例如邁錫尼）係過度依賴外國商品嚟維持生存。

目前Eric Cline傾向認爲 氣候變化造成嘅乾旱 係青銅時期文明崩潰嘅主因，而緊密連繫嘅貿易網絡就令到各國成爲一個複雜系統，漣漪效應下牽一髮動全身。

個作者咁啱就係上年武漢肺炎肆虐嘅時候update本書呢部分嘅資料

氣候變化、全球化、瘟疫、難民湧入...成件事係好應景。個作者喺結尾嗰度就反問，究竟人類係咪可以汲取教訓，避開又一次滅亡嘅命運

決定睇完手頭上既書之後睇企鵝歐洲史系列果本The Birth of Classical Europe
之前睇左幾本呢個系列既近現代史覺得還可以

D07

呢套真係中學睇到大學畢業

中學睇過頭3集 依家出左社會做兩年野 先出曬加睇曬 都係情懷既 會收藏