[書蟲］你最近睇緊咩書？7

有無人有用kindle睇中文書

事關想間唔中揾啲英文書嚟學睇下，某啲中文書又唔想特登買實體嘥位，唔知kobo買完書轉去kindle個體驗好唔好

有呀 兩三年前買左部ppw4
好撚薄好輕好爽 你驚睇唔到某啲英文嘅 佢裡面自帶字典功能 可以發埋音

想直上oasis

幾銀？
同埋你可以等埋black friday先買

睇完susan cain 嘅quiet，主要係challenge 社會推崇'extrovert ideal' 嘅呢個槪念。

作者提到幾樣野，which 我覺得幾有insight

首先就係作者提到原來係其他人存在嘅情況下，我地對某樣野嘅perception 係會隨之fundamentally咁改變，而唔係因為我地consciously察覺到其他人嘅存在，而改變我地嘅睇法，去順應返群體嘅共識。即係conform to groups 係build in 咗係我地嘅基因入面

第二，作者提到內向嘅人通常會對一啲friendly 同gentle 嘅人產生好感，而外向嘅人反而會係一啲competitive , engaging ，confrontation同conflict 多d嘅環境下更生好感。咁俾我種啟發就係同d extroverts 相處嘅時候，自己可以assertive d，比起避免衝突、和睦相處，反而會增進彼此關係。

第三，作者提到introverts 係比較可以stretch自己，去適應場合，係malleble ，而唔係vulnerable (呢個講法我幾鍾意)。好多時introverts 係一啲比較易緊張嘅場合，往往係透過前額葉去抑壓amygdala嘅活動，去令自己適應到個場合。 咁比我嘅insight 係，所謂某啲心理治療，譬如CBT等等，係咪都係train緊我地嘅前額葉去做呢個行為? (biologically咁講)

最後就係，內向往往被視為一種弱點，甚至係缺點，但作者提醒我哋，嚮往獨處，prefer deep thinking，往往係成為artists、masters、thinkers嘅條件，而唔鍾意過份social，需要時間recharge 亦都唔需要覺得羞恥，因為我地喺一啲deep relationships 入面更加能夠投入、表現自己。

所以，各位introverts 要識得欣賞自己呀

好似2000頭

買ppw算啦 依個價唔值得
你平時搭車睇 即係光度會夠 唔洗自動調節
人體工學嗰啲睇你隻手大唔大

等埋Black Friday睇睇個價先 唔急

各位師兄
最近用readmoo買電子書電話睇
但總係覺得好多阻滯
睇兩頁又碌左去fb

想買部mooink s
係咪係部野照入番自己ac
再dl落黎睇就得？
呢部野有冇伏？

有冇鍾意睇歷史書嘅朋友，有野想請教下

我本身唔係讀歷史出身嘅人，最近有興趣想知道多d 唔同國家嘅歷史，例如英國。但本身對呢個國家嘅認識程度唔高，純粹係識得一d名人同聽過下d大事件。以前都睇過下一d歷史資料（書、片、wiki)，但感覺自己冇一個框架將睇到嘅野好有系統咁整合，好快唔記得哂，剩底係腦入面嘅資料好零碎。

想請教下應該點樣睇歷史書先容易吸收內容？

有幾點好重要：1 冇永遠嘅extrovert/introvert，一個人會隨時間改變。2 唔同環境嘅extrovert/introvert 特質亦有啲唔同。3 extrovert/introvert 係流性嘅概念，冇絕對。

回應：

即係conform to groups 係build in 咗係我地嘅基因入面

係，人類係群體動物嚟。環境同人際係好重要

作者提到內向嘅人通常會對一啲friendly 同gentle 嘅人產生好感，而外向嘅人反而會係一啲competitive , engaging ，confrontation同conflict 多d嘅環境下更生好感。

呢個我對生理嘅解釋有所保留。呢個揀fd嘅規律係結果定成因？
最後我覺得作者出發點係好，但小心會blame the victim。 introvert 唔係一個問題，點解introvert 要去迎合extrovert 去fit in? 好多時候混淆咗introvert 同唔識social

利申我打呢啲唔係想搵嘢鬧純粹想反思下，我亦都未睇過本書。

我都唔係讀歷史出身，但係對歷史本身都有D興趣，同巴打分享一下我既睇法。

我自己就用幾何學既原理去學歷史既，大體就係分成"點"、"線"、"面"。

所謂"點"，通常就係歷史上里程碑式既事件。例如中國歷史中東漢末年咁計，"赤壁之戰"就係其中既一個點，咁係呢個點裡面，佢必定有前因後果，首先可以好簡單咁睇一睇件事既背景、經過、結果同影響。咁係呢個位就大體上完成。

跟住到"線"，線通常都係時間線，你可以由你有興趣既點開始入手，然後開始向前同向後延長條線。用返上面赤壁之戰既例子，赤壁之戰就係本身曹操想統一全國所發動既戰爭，向上推就係因為佢統一咗北方，咁就帶出咗上一個重要既點 - 官渡之戰。赤壁之戰向下推就係三國鼎立個形勢就此形成，再有比較大改變既改變就係劉備失荊州，關羽、張飛之死引發既夷陵之戰。

然後係"面"，好多條線組成既就係面。咁除左中國外，同時代既世界有咩國家存在，例如羅馬帝國係差唔多時期發生咗五人同時稱帝既事。又或者唔一定要係同一個時間線上去比較，亦都可以比較差唔多類型既歷史事件，好似赤壁之戰係一場統一戰爭，咁可唔可以比較下隋滅陳既統一戰爭，或者1871年德意志帝國建立之前普魯士打既三場統一戰爭 - 普丹、普奧同普法戰爭。我呢度只係想舉個例，呢堆戰爭可能除咗都係想統一之外，其實無乜共通點，但越多呢D比較參考，你就會記得哂所有細節，個系統就會出嚟架啦。

以上都係個人不學無術之意見，啱聽啱用既話就好，唔啱聽就當我無講過啦

比較好的方法係盡量將唔同事件關聯起來，因為你逐樣野去背的話，好快就會失去興趣
例如一本歷史書關於第一次世界大戰，好多零碎的hard facts資料可以暫時省略先，例如死咗幾多人，經濟損失幾多，我認為各類事件之間發生的關聯，你明白咗後會引起更大興趣，會易啲記，一個王子被刺殺，兩個國家就宣戰，然後一個一個國家就陸續加入戰場，好多野係一環扣一環
最重要係選自己有興趣的環節，我建議拎本實體書，小說，歷史書去睇，因為wiki去搵啲hard facts係夠快，但太過平舖直敘，唔大引起興趣

可以試下focus 一個年代

角度同環境好重要
1 focus 一個年代
2 可以試從人物入手：人物背景，代表咩層級，對比其他層級, etc
3 對比其他年代

無錯個人認為如果巴打唔介意keep住比錢買書黎睇既話
部野完全無伏 只係用咗佢個書套再拎上身會比較厚身
但無咁扇手

利申: mooink 打手

純粹講下點解introvert 要去迎合extrovert 去fit in

好簡單 因為內向人係好多人面前做返自己嘅話
外向人會覺得好奇怪 然後會批評內向人

舉例
我一個人食飯 唔想social
因為咁我每轉一次工
都會俾人問一次點解要一個人食飯
點解唔同同事吹水

做appraisal
上司永遠會話
「最好都係同同事傾下計」
但我真係唔想social
「你表達能力咁差 有冇諗過學好啲中文？」
你突然間問我問題 我一下子答唔到 講到好差
但你會唔會俾時間我諗下點答？
「你諗野咁慢 點pick up d task呀？」
我都唔想架 所以我只能預早準備好啲嘢

雖然我聽得多 已經習慣左
但我識嘅內向朋友 因為好介意呢啲說話
所以咪要去迎合extrovert 去fit in
強迫自己social 但其實唔開心嘅

希望解答到你嘅問題

我自己都係一個比較內向嘅人，所以我都對呢個題目都幾有興趣。我睇呢個題目嘅出發點其實同你差唔多，但我對解決方法嘅睇法有少少唔同。我認為呢個社會觀念嘅問題應該由外向嘅人心態上改變返。當然內向人有需要睇呢方面嘅書，例如Quiet，去令自己覺得empowered。解鈴還需繫鈴人，到最後外向社會仍然用有色眼鏡嚟睇內向人嘅話，內向人點都唔會fit in 到

我本身都唔係讀歷史出身嘅人。最近幾年開始睇歷史書

想問下你係睇邊啲書？

因爲我自己嘅做法係會睇啲入門書先，有咗個粗略嘅big picture，然後再揀自己有興趣嘅topic鑽研。啲入門書通常都已經按時序社會經濟文化階級性別分章節，各方面都掂啲，所以睇完已經有個系統。

你嘅情況會唔會係因爲對某件歷史事件有興趣，就直接睇嗰方面嘅專著？
如果噉的話，確實可能會有啲支離破碎嘅

同埋就係 試下做筆記
唔單止睇嘅時候highlight 啲段落，鍾意嘅可以直頭copy落嚟翻譯一次（假如你睇英文書），會入腦好多
然後睇完成本書之後，參考返你copy落嚟嘅段落，寫下書評溫故知新之餘，方便你日後pick up返本書

所以點解咁鼓勵各位寫書評放上嚟就係噉解

學中學歷史阿Sir話齋，讀歷史你當佢係故仔書睇。

原來可以咁樣，有個框架去理解歷史真係有系統d，多謝巴打

其實係講解樣可以另到你儲到個習慣出黎,而唔係叫你死死咁套用佢套方法

我之前睇咗Boris Johnson 本the Churchill factor，入面都提到好多邱吉爾生平嘅事件，聽都未聽過，可能因為我本身對英國歷史冇乜認識，要係咁google咩黎，但可能因為同人物有關，印象就深刻d，但就真係純粹係透過呢個人去理解件事，但對果件事發生嘅歷史背景就要再額外去睇資料 e.g wiki，一上wiki見到一大抽野就暈

最近睇果本係the Churchill factor，因為對呢個人物有興趣就搵咁黎睇

試過上wiki睇真係覺得好悶，由入門書開始睇似乎真係實際d


講開做筆記，睇歷史書我又真係好少做呢個動作，最多都係抄底一d陌生嘅事件/人物再做research，筆記都真係係睇d self help book先做

書評打手，黎緊睇完新書就寫上黎