【終於上映】 Shin-Evangelion 3.0+1.0 新世紀福音戰士 劇場版: 終 (8)

一入第三村已經勁cute
周圍問咩嚟 好唔捨得佢
比起Tv版/新劇場版個pokapoka麗更鍾意佢

多左個個唔係第二次衝擊留低？

其實呢個部分真係好開放
唔需要太框死

大概得出以下幾項係事實：
1. 呢個世界再無EVA
2. 因為(1) > 無衝擊 > 無人埋怨真嗣
3. 因為(1) > 無EVA詛咒 > 佢地開始長大

而其他都係開放、可以引人想像既睇法：
1. 以拍特攝包裝為REBOOT成無EVA世界既具體方式
2. 明日香射返第三村都係其中一幕 REBOOT完世界再無第三村
3. 離開片場大家卸下本身身份，有啲似洗腦咁過返正常生活
4. 只有作為扳機既真嗣同超然既真希波知道呢件事，開始新生活

因為真希波係同司令同唯同年代嘅人

第三村=現實世界
雖然唔美好 但係人與人之間努力互相幫助
3位主角都係想同毒撚講
明日香知自己異類 雖然口講唔會出街
但其實好想保護呢條村
黑麗無左命令無左意義
好多野都唔識 一路同人相處去學習
真嗣自暴自棄 但其實所有人都關心佢愛佢
其實呢part係3個人既救贖同尋找自我
呢part眼濕濕真係好好睇
仲有後面美里每個shot
都有真嗣同個仔張相 真係當佢仔咁

想問吓除咗新舊版動畫之外仲有啲咩eva 嘅作品係必睇？（官方/同人都ok）

神造人 人造神 弒神 成神 人願世界再無神

劇終

呢個一黎係隨住負宇宙真嗣同源堂意識構成環境順理成章既操作方向
二黎補埋庵野趣味

左上仲有龍貓添

唔會放戲院上？

初號機喺邊無啦啦彈返出嚟？

其實睇唔明已經預咗

只係3個女主角嘅配置有啲感受
佢地3個係一世人會經歷到嘅愛情
先唔講大家鍾意邊個角色

麗係母愛，明日香係遺憾嘅戀愛，真希波係妻子(唔代表本人CP立場)
母愛係無私，戀愛係任性，妻子係無條件嘅陪伴

母愛可以承受你任何牌氣，你想被愛佢會被你，唔想被愛佢會離開你
真嗣佢唔想坐EVA，白麗願意為佢一直坐係駕駛座，唔俾佢再坐EVA
真嗣內疚自己做咩都錯，黑麗願意等到佢講野為止。
但兩個麗都係出自一種想真嗣幸福，而非想被真嗣鍾意佢嘅無私愛心。
Q真嗣咁執著自己係救咗阿麗，始終一個願意係你同老豆之間做和事佬嘅女人，除咗你老婆，家姐阿妹之外，一定係你阿媽。
白麗俾到真嗣嘅係第一種母親嘅愛。
佢要救嘅係一個俾到佢第一次母愛嘅女人，並唔係被一種對佢有性追求嘅愛人，佢想保護佢嘅心意係回報佢呢種無私母愛
佢係會對你一心一意。

戀愛係一種無盡嘅反覆無常，你唔會知佢想點，但佢會希望你知佢想點而做到俾佢。
你點解唔知我嬲啲咩，永遠嫌你幼稚，妒忌你有時會叻過佢，但會係你一種長處入面動情。
每一段戀愛入面都有可能出現個遺憾，兩個陌生人由唔理解到理解，再因為太過理解而分開。
兩個互相曾經有好感嘅人，其中大家都無坦白過自己真正嘅感情，因為一件事而爭吵，最後無成為過情侶。
到長大後發現其實你始終係我心入面嘅遺憾，有時會嘗試去了當年嘅心願。
日後我雖然會搵到自己嘅所屬，但係你有事嘅時候，我會係最了解你嘅人
至少有一刻，你對我坦白果陣，我會怕羞到面對唔到你。
我會對你變心，但曾經嘅心意永遠存在。

有時你唔明點解有個人會突然出現係你生命入面，無啦啦會幫你，無啦啦會係你最困難嘅時候幫你一把。
而你最後選擇同佢一齊行到最尾。
可能係為咗有人陪？可能佢當你係得唔到嘅真愛代替品？
但係你唔介意，因為你同佢相處嘅一刻，你係最唔需要收埋最想隱瞞嘅自己，而佢又會係你最寂寞嘅時候係人海中記得你嘅存在。
雖然你唔係我嘅真心，但有你嘅出現，我覺得我可以同你走落去

講番結局，中間啲野唔識解釋咁多，都係結局多人嘈
明日香同劍劍都講得通(唔好用毒撚心態去諗，同生共死美少女一定係要同主角配)
而且劍香CP只係「終」嘅世界存在，無EVA世界入面明日香都係一個人，retake可以同真嗣一齊，漫畫版有同真嗣相遇過。無EVA世界入面都有可能同明日香會有相遇。

最後好多人講係真希波真嗣CP
我覺無講明佢兩個關係。
真希波聞完佢，串佢有大人嘅味道，真嗣就玩野用大人語氣讚真希波會聞佢啲味同玩估佢係邊個果下好細路仔可愛，只係被大家感覺真嗣已經唔係細路仔，被人聞就會臉紅，而唔係互filrt。
至少佢兩個無臉紅，本來真希波就貪玩，真嗣改變世界後對人成熟咗
或者只係頭先仲係海邊大波妹同海灘少年，下一刻大家都變老咗，想確認一下係咪頭先嘅你咋。
最後係無EVA嘅世界入面，真嗣嘅頸圈其實可能只係一個裝飾
而佢本來係為贖罪而帶，而佢已經無任何罪孽係新世界入面，我覺得只係意思上真嗣要放下以前一切，然後一齊向新世界出發。

一直收埋喺隻艦度

睇到百感交集
由細細個睇dvd 覺得好血腥好驚
到大個啲睇新劇場版 主要睇機械人打怪獸
再大個少少重睇TV版 開始明
因為覺得自己有啲似碇真嗣
感受到孤獨、驚，想逃避
然後Netflix上咗 又重睇
去到最尾睇埋最後一套EVA
見到碇真嗣大個咗，要走喇
真係好撚唔捨得

睇到一舊雲，最後個結局我覺得幾好 雖然仲有好多野唔明，但最重要既係 真嗣長大了

EVA本來就每個人有自己睇法
完得到有得解脫已經足夠
最後邊個黨係贏家都冇所謂真嗣大個仔自己識揀
放唔低既只會成為下一個源堂

話說之前邊套有講加持點死？

最後紅海沙灘果個明日香係咪舊劇場版果度

雖然無得去戲院睇有啲可惜﹐但好處可以不斷重睇搵線索回味。
每個人都可以將自己睇法套落EVA帶出暗喻﹐
作品能夠多方面引起觀眾共嗚﹐正正就係EVA本身魅力。
對我嚟講真嗣同明日香最感觸。
就算點天造地設都好﹐錯失時機就唔能夠一齊
人大咗就要學識接受遺憾﹐
但同時要搵位向對方大方表達出嚟﹐作為內心解脫。

真嗣同明日香講：幫我問候劍介
就好似知道唔能夠一齊﹐用愛祝福佢同其他人﹐
但之後劇中只表達駕駛倉到步第三村。
我睇成緣份都有好多變數﹐
可能同劍介一齊﹐又可能再遇另一個﹐又可能孤獨一世。
再唔係同完劍介一齊再同另一個都得。

而最後月台就好似比喻緊兩個人雖然相愛過﹐無一齊後就如人生過客﹐
從始兩人活喺兩個世界﹐的而且確故事兩個人又真係活喺兩個唔同世界。
至於真希波同真嗣﹐我覺得只係講緊兩個人一同向新世界出發。

呢種意識流嘅視覺表現手法黎講都算幾有趣
特別係細個都有睇開特攝 好鍾意呢一幕