【終於上映】 Shin-Evangelion 3.0+1.0 新世紀福音戰士 劇場版: 終 (8)

庵野鍾意特攝片場
可能當啲卡通打鬥係特攝咁拍致敬掛

初號機同13號機打果part真係好特攝feel

第二老師(契老豆)宮崎駿
但居然唔係風之谷

真係完至好 好滿足 庵野唔好過十幾年又手痕

不過呢個結局 咪即係漫畫結局

明日香係咪發現左自己係複製人之後,唔再介意露比人睇
見到佢竟然主動裸比真治同劍劍睇,明明破果時仲好介意........

另外,八號機食左果堆EVA,除左生返隻手,仲有咩改變左??

係喎，所有野都真希波控制哂，知哂，

最尾又係佢，無敵嘅姿態存在

不過漫畫結局初號機老母重喺太空出面
今次應該堅係乜都冇晒

EOE係扭曲既接納
終係和解既解脫

真希波定位就係破局人啦
庵野頭痛到歌都廢事作就知佢無心係EVA終度
唔洗幫佢藍色窗簾

兼用卡用得幾嚴重
場面直接用破打屎眼使徒個到
初號機同13號機打又電腦製得有啲核突
真係又311又武肺再加庵野又岩岩登”六”
搞到成套戲集大成抄埋一碟咁
由其父子大戰前後
真係TV版同舊電影版撈埋一齊咁

不過結局真係幾好
去咗另一世界定係重造一個世界我諗都係好好嘅ending

我有幾個位就自己ff 多啲

WILLE架艦整比真嗣枝槍可以解做Will意志之槍
無理有幾多希望vs絕望（原本個兩枝槍）…最後人生意義都係靠自己生存嘅意志個啲解讀

真嗣同碇司令個大辨論由舊劇場版淨係講人與人之間嘅隔膜AT field 叫毒撚唔好咁毒世界唔應該變橙汁
而家新劇場版講碇司令搞咁多嘢由頭到尾都係自己放唔到死左嘅老婆
再引申到每個角色嘅心理缺陷（明日香同真嗣揸EVA係想人認同嘅人生意義）
真嗣嘅內心戲靠諒解去解開其他人心結咁

最後真希波點解係留低到係真實世界唔知關唔關佢middle name Mari事
Mari日文名譯「真理」同日文唔知係咪一樣意思
即係好spiritual咁睇無論世界點變到最後哲學性嘅真理 Reality係必然存在

純粹自己解讀
大家一齊討論下
覺得我on9唔好屌咁大力

明日香係第九使徒, 已經唔係人
唔需要食, 訓, 飲水就可以生存
成日強調自己一個人同自己唔係人
枕頭就手槍, 保持最低作戰狀態, 然後就打機多
你講得好, 對比返破就好物是人非

八號機多左4個光環可以入去負宇宙啦
有光環就入到? 點解入到? 真希波拎住劇本, 唔好問

啱啱睇完，好快咁講一下自己未睇任何分析前點諗。
1. 庵野一開始做EVA就係想批判啲毒撚。EVA係個自我救贖嘅故事，去搵到人與人之間嘅連結同愛。（唯拯救碇源堂、真希波拯救真嗣，但當然最後係睇主觀嘅心。）
2. 整個故事係一個loop，真希波係來自佢同真嗣有相遇嘅世界（無EVA世界），嚟到EVA世界拯救真嗣。
3. 到底EVA世界存唔存在？定只係自我救贖過程嘅一個metaphoric presentation？（但最後有除下DSS頸環，所以係真實存在？）
4. Anyways，好感動，EVA係個關於愛嘅故事。結局其實係個BBQ結局，但係個好勁嘅BBQ結局！大家都要愛身邊嘅人

5. 同埋死海文書可能都係來自超越維度意識嘅文書（真希波帶入嚟？）人類補完計畫until (1) 第四次衝擊+(2) 真嗣&真希波最後破局都可能係一早被寫入去/ 至少真希波係知道碇源堂一定係要去到揸13號機打初號機嗰個位，先可能有轉機。喺一個循環宇宙入面，劇本一早已被寫好。
6. 會唔會就係真希波嘅愛帶咗入嚟呢個世界（愛真嗣 meanwhile 其他固有角色都一路仲學習緊點去愛），所以同舊版有不同嘅結局？

lm

7. 「少年啊，成為神話吧。」呢句歌詞（catchphrase）一早點透咗題旨，至到終集真嗣要成為神

估唔到一次過將所有eva包哂底 算做得唔錯

好奇怪，好平靜咁迎接左呢個終，唔知呢個係咪就係空虛嘅感覺
係更多自我解讀之前，今次嘅結局俾我感覺真嗣終於成長。
真波希結局其實真係幾突然，理論上佢地只係見過兩次。
照漫畫佢仲要係唯嘅後輩真係有啲唔係好代入到有咩愛

不過長髮嘅凌波同成長左嘅明日香真係好正

咁漫畫計唔計落呢個looping

8. 雖然係一個流行嘅論述，但係啱啱唔記得咗提。新牌其實係舊版嘅延續，舊版結局後真嗣reset咗成個世界再試多次，所以
(1) 新版一開波海已經紅晒
(2) Q入面渚薰同嗣一齊彈琴嘅時候，講到要係咁練習/ 係咁試 （唔記得exact wordings）
(3) 終集入面真嗣入咗反宇宙世界（higher consciousness/ 神的世界in my opinion），佢嘅視角不再受限於新劇場版，最後諗起已經同渚薰見過好多次。渚薰亦都話自己不斷扮演呢個角色。

呢個係我以上諗法嘅前提。sorry，分咗四個comment講。啱啱睇完太激動，一路寫一路梳理。

最尾轉場景, 兼用卡, 變掃描, 原稿, 致敬晒, 真係一路走來
不過見到庵野心態轉變
另外, 真理真係無解喎
無老, 但又應該唔係使徒