【終於上映】 Shin-Evangelion 3.0+1.0 新世紀福音戰士 劇場版: 終 (8)

其實由動畫開始到舊劇場版，主角同佢老豆交流、講嘢，當中所佔時間會唔會比呢個終章少

其實最後補完真嗣同薰/零都大家有交流同共識，但係得明日香咩都唔比佢講就咁送走佢衣點有D怪

的確對每個角色都係好結局,但我覺好結局同遺憾可以係共存
人有時或多或少會諗下如果我果時點樣做而家就可能會係點
唔代表而家過得唔好但都係會諗下有冇其他可能呢
可以無遺憾既大多只會出現係故事之中,睇動畫有時都係想睇d角色開開心心
但庵野既eva由tv版開始都係想叫人平對返現實世界
所以佢寫出帶有遺憾既好結局我都好滿意

明日香有冇同邊個一齊其實一d都唔重要,已經同真嗣冇關係啦
明日香經歷多14年都已經成長左
但佢一樣有好關注真嗣,我既諗法係因為真嗣係佢既遺憾
最後真嗣幫佢擺脫永遠14歲既咀咒
可以真真正正離開eva,將遺憾放入心底開始新生活

真希波同真嗣最後係咩關係我覺得唔重要要,知結局佢地既關係係親密既
可以係長輩後輩,姐弟,家人咩都好
但佢同真嗣係eva世界本身冇太多交雜
真希波本身一定識真嗣先會為佢做咁多野,但真嗣對佢接近形同陌生
如果佢多一d同真嗣既劇情,比佢地成為熟人先會有說服力d
而家好似安排一個舊世界既陌生人同真嗣去新世界咁

破入面情所作為引入新角色我覺得係夠
但q入面佢同真嗣冇見過面就好難搞
到左终入面果然都係冇時間分比佢同真嗣
终製作組分比角色同真嗣交流最多既唔計最後既父子
係明日香,零波,劍也,甚至美理都有安排佢表達佢係監護人
要保護佢唔比佢揸eva,到真嗣話我大過啦重擔我地一人一半
製作組加入一個新人物但又唔想cut舊人物時間
係我覺得就係差真希波依個角色差咁d描寫,如果唔係就好完美啦

有時陪你終老果個人，唔一定要同你經歷好多

零波麗擺明係戀母情意結
明日香就係當環境導致你唯一有得揀既選擇
渚薰就係唯一了解你既hehe

以上任何一個都幫唔到真嗣呢d灰鳩自閉撚

最後殺出一個理解你缺點，而性格又相反既人
而真希波明顯係為咗解救真嗣呢d毒撚而設

又唔好話其他角色幫唔到佢
只係唔同階段會遇到嘅人啫

個故事明明係叫毒撚長大 唔好再發毒撚夢 返返現實
最後又係天降大波妹無條件接受主角
咁樣同tolove 天降之物有咩分別

我又ff下啦
新劇場版明日香係另一個人設
tv版設定不適用於新劇場版明日香

以下係我自己完全ff
回憶入面明日香嘅自白同畫面係唔掛鈎
即係明日香自白嘅畫面，係隨機嘅回憶

由於明日香係新劇場版係複製人
我改稱做式波type

我覺得式波type本體就係回憶入面叫s.s.asuka嘅孤兒

被人送去歐洲nerv或某原因留係歐洲nerv
一直無人無物
有一次見到真嗣一家人果時
發覺自己好想有屋企人
摸下佢個頭又好，抱下佢又好,讚下佢都好
諗諗下好唔開心，然後就坐左去一邊喊(劍介公仔果幕係真嗣補完出黎嘅幻想，所以明日香最後嚇醒左)

但係佢知道咁樣諗係無用
實現唔到嘅願望係痛苦嘅
所以自己只需要一個人就可以
(說明s.s.asuka其實係扮強悍但內心寂寞嘅女仔)

eva量產成功，2號機需要駕駛員
s.s.asuka認為只要成為駕駛員
就會有人認同佢讚佢，令自己唔再係自已一個
然後就訓練自己成為駕駛員
(更衣室，雪地跑步)
但係考驗報告決定佢原來完全無資格做駕駛員
(一大段英文)

最後s.s.asuka為咗成為2號機駕駛員(體操場)
決定抽離自己身體靈魂，注入去複製人身體，復製體改名做式波type

新劇場版eva無註明用親屬靈魂做核心，冬二唔係適格者，即係無左學校啲人係適格者後補設定，坐到eva嘅2個女主係複製人，即係seele基本上setting只批准複製人可以坐eva，而初號機同真嗣係源堂劇本，所以seele好多時都唔滿意初號機同真嗣做超過劇本外嘅事(e.g.麗一直都係試坐初號機嘅複製人，但轉左俾真嗣坐，真嗣意外覺醒(凌波麗意外同使徒融合，然後同真嗣結合進入擬似覺醒等本來應該係按seele計劃做嘅事，但源堂永遠都有方法做到班老鬼嚇一跳嘅劇本)

源堂講過凌波type同式波type駕駛員為此存在，本來由麗去坐3號機(複製人)，但都可以版明日香(復製人)代坐左，都可以反證seele本來就係用複製人揸eva呢個設定

如果seele個補完計劃本身就係想用13號機令融合使徒嘅複製人做儀式祭品，如果唔係式波type坐上去3號機，就會係麗成為同使徒結合嘅祭品(假設3號機意外係整定)，一樣滿足到劇本

提外話注入靈魂呢回事
初號機入面號長髮麗同黑麗智商咁大分別就係因為長髮麗靈魂一直都係初號機入面，源堂要用黑麗設定只可以set到最基本，另加對第3少年有好感(因為知道長髮麗同真嗣嘅關係)，記憶就無辦法承繼

所以s.s.asuka為咗坐eva，連自己改做成式波type都願意，反正無野好輸

第一個式波type正式啟用(好多容器裝住式波，第一個式波打開眼)
由於每次唔係第一個注入靈魂嘅複製體就會成功，會不斷消除失敗品(不斷被terminated嘅相)
直到有可以坐上2號機嘅式波type(simulation take2200)
有啲人會唔鍾意我或者憎我(知式波type係複製人或者知eva只有復製人先坐得都去做複製人)
唔緊要，我只要坐到eva就得，因為坐eva就係我嘅價值(被人重視實現擺脫孤獨嘅願望)

然後呢個可以揸2號機嘅式波type就安排前往日本，同真嗣相遇

破果時式波type有幕典床典席去左搵真嗣傾計
佢話明明習慣自己一個
唔會因為孤獨感影響到自己
可以應番終式波type話訓唔到覺呢樣野
然而佢因為無得訓教嘅孤獨而試下搵個人陪佢而搵真嗣傾計(本來就係怕寂寞嘅人)
當時破式波type有講揸eva係為自己，應終式波type回憶為自己想被人讚
同埋破式波type好強調自己係天才
有可能其實係唔認輸(本來連eva都渣唔到)

劇中一直出現嘅係有s.s.asuka靈魂嘅式波type明日香係使徒化後見到自己果陣叫佢做式波type然後再講「我嘅原型」

本來唔排除式波type仲有後備，但係使徒化嘅式波type有可能一眼睇穿呢個就係本體
本體s.s.asuka身體嘅靈魂有可能係渚薰
(最後嘅eva反映神嘅形貌，你要做嘅係接受我同我嘅愛)
我估薰嘅意思係呢部13號機已經係神，式波type你只需要接受神嘅存在同接落黎嘅再次輪迴)
薰講得咁無情因為佢已經準備好下一次同輪迴同真治嗣見面，你呢啲複製人想阻止四衝嘅願望我唔會在乎

呢到我應該係格硬講
咁s.s.asuka本體後面嘅薰係邊個
13號機要兩個靈魂駕駛，有人話薰同明日香本體嘅靈魂
承上面所講只會用複製人揸eva(真嗣例外)
有傳薰嘅本體就係碇源堂，薰係碇源堂複製人
咁樣會唔會係碇源堂靈魂嘅薰同薰靈魂嘅s.s.asuka本體兩個人
碇源堂用鎖匙將自己成為人以外嘅物種
身體已經等同虛設
而薰s.s.asuka本體只係用黎融合使徒化式波type嘅祭品，而碇源堂就用薰複製體駕駛13號機
本來使徒化式波type仲想用dss大番薰s.s.asuka可以阻止有使徒生命嘅存在消失
但基本上有薰嘅超能力，薰s.s.asuka直接將使徒化式波type穿越dss頸環防止自爆
13號機當時就係碇源堂薰控制，咬爆駕駛倉然後覺醒，再接走碇源堂身體攞番自己肉身

講咗咁多其實全部都係我ff
覺得唔share會訓唔到覺
始終係影響自己20年嘅作品

真希波本來係源堂一伙，知道所有劇本係唔出奇
但係真嗣一叫凌波麗就開到傳送門真係ff都諗唔明
最後我認同s.s.asuka係鍾意真嗣
但庵野有殘疾老豆心靈創傷，殘缺係好呢種心理
所有唔會令到佢地有好結果嘅
唯有ff下佢地呢段唯美嘅愛情啦
而真希波姨姨帶真嗣走只係幫唯睇住個仔啫

亂咁譯

Mari入佢隻艦果陣有話佢果度L結界密度好高

條友應該拎英文個譯本照譯

終於見到成年人既討論

而唔係小學雞咁
見到同學仔拖手
就話人拍拖
講足成個學期

第一次睇中譯，唔對路。第二次睇英譯，唔明就查字典，再唔明就中英對照睇有冇差異。睇咗差唔多4個鐘先睇完...

其實明日香都係庵野嘅部分投射
明日香講過好多次佢無 eva就乜都唔係
片尾又混入 CG製作過程
應該就係代表住庵野工作/創作eva嘅一部分人生
甚至直接代表 eva呢套作品

呢度應該係想正式同大家講 eva結束
其實係一個好好嘅結尾嚟

真嗣對明日香講“我都喜歡你”
在我睇嚟係庵野同大家講佢都好享受創作 eva
以及喜歡所有喜歡 eva嘅人
但係時候結束了

所以我用緊劇情做reference都係用日文原文算
個中譯影響理解同觀感英文其實幾準確，只係少少位同原文語境有分別

話說shinji 係咪一直都叫緊
零做綾波 明日香做明日香
我recall番佢成日都係叫Ayanami 同Asuka

初號機變初代號添

完全睇唔明Q睇終會唔會唔明

睇完終你先知q做緊乜

明日香果度
candidate has failed to meet established performance requirements.
thorough assessment of subject's condition and circumstances has concluded any probability of recovery and / or regaining prerequisites to
be minimal.
research resources have been reallocated. this decision is final.
候選人未能達到既定的績效要求。
對受試者的狀況和情況的徹底評估已經得出任何恢復和/或重新獲得先決條件的可能性都是最小的。
研究資源被重新分配。 該決定是最終決定。
---------------------------------------------------------------------
我覺得冇咁複雜
只係NERV當時有幾個EVA試驗
初號機就老母+仔 (日本)
二號機就複製人+?? (歐洲?)
反正最後結果就係總部覺得2號機算係失敗左, 取消繼續研究,
將資金投去其他試驗, 例如6號, 8號...12號
後面果D駕駛員都唔使, 唔好過前期果D型號?

凌波可能係最早試驗型號, 式波係凌波改進型
起碼式波唔會用用下變橙汁
二號機試驗最後結果就得到2個式波型試驗體
一個就係獨眼明日香, 一個可能就係13號機入面果位

13號機要雙靈魂啟動, 但只要機入面有靈魂,
外面就可以用傀儡系統控制(參考傀儡系統控制初號機打3號機)
薰死係13號機入面, 所以有薰靈魂
13號明日香靈魂可能係原型, 亦可能係另一個複製人
反正式波試驗最後好似有2個成功品

至於長髮麗...
只係回應返真嗣, 佢當時真係救返左麗
真希波同明日香剪頭髮一幕: 頭髮仲識生, 證明仲係人
麗長髮=麗係人
證明當時真嗣不顧一切, 起碼有價值

太多鳩黎
有時成句野既字眼skip晒拎大意黎譯
Hime 佢又成轉做殿下 一時先公主
好差囉個翻譯

英譯係幾好，不過成日睇唔切要暫停,
情緒會被打斷

之前導左老婆睇晒tv+序破q
但係今次d中字太差
廢事叫佢睇

一樣聽人話殘體中文翻譯得好d，但廢事睇住了

個繁體字幕都唔知做乜鳩，係咪google translate