原來話咁快已經差唔多一個月
分享吓心路歷程
一開始嗰兩星期係真係幾有心機 同體重都跌得幾快(水份
)
後尾開始就比較隨心 開始目測計卡路里算
一開始食少咗嘢 真係會feel到冇咁有力 有次做cardio仲有啲頭暈
不過慢慢就開始適應返
其實我今次減磅嘅方法純粹係calories deficit
日平均少一百卡左右
仲有跟返平時習慣 一星期至少五日gym同間中cardio
因為冇咩特別限制自己食咩 仲成日出街食
所以唔會話有好肚餓嘅感覺
但係呢因為呢後半月成日要趕deadline 真係暴食咗好多次
一諗唔通 即刻想食住餅睇youtube
我都好清楚自己一暴食會點 就係食餅先 之後完全停唔到
有次一食食咗兩條餅 一個公仔麵兩隻蛋同一包檸檬茶 計埋成差唔多二千卡 真係唔好話唔爽
不過總括嚟講 有八成時間都維持到嗰飲食嘅 所以覺得暴食吓都冇問題
但都同呀媽溝通過 叫佢唔好買呢啲trigger food返嚟
俾大家睇吓成果啦
認真講 分別唔係好大
但係個人感覺係大腿同臀嘅脂肪冇咗多啲
下個月應該盡量維持住先 事關都要考試同想做gym有力啲
大家繼續努力啦
btw附上開始做247嘅時候同而家的肚對比照
利申 上面圖全部有谷