有無巴絲打鐘意玩Paradox嘅戰略game？(7)

Del左 都係唔得
算啦 唔該哂巴打

hoi4 正體mod轉咗字體好難睇

CH. 2

身為王儲，阿方索既每一日都過得非常忙碌，文要學習其他語言、聖經；武要學習馬術、弓術，另外還要學習如何管理國家。

今日既午課，為阿方索上課既係費爾南•洛佩斯(Fernão Lopes)，佢係阿方索既父王杜阿特一世所聘請返黎，為葡萄牙編寫歷史既學者。喺杜阿特一世猝逝後，阿方索既母親任命費爾南為王位繼承人既老師，負責教導阿方索各種知識。

教室內，費爾南用平和既聲線，問阿方索一個問題：
「請問一個王國內有乜野事務最為重要？」
「老師，係外交、國防、財政。」
阿方索駕輕就熟地回答左費爾南既問題。

「好。咁請問目前邊D王國視葡萄牙為敵人？葡萄牙既盟友是誰？」
「老師，葡萄牙既敵人係非洲既回教國家——摩洛哥(Morocco)、突尼斯(Tunis)、以及特姆萊森(Tlemcen)，而盟友係英格蘭(England)。」

=================================================

按F1或左上角盾徽後，左至右第3格(Shortcut 3)係外交頁，可以得知目前外交狀態
Enemies既意思係被該國家視為宿敵(Rivals)
而Ally 即係盟友，類似於軍事聯盟，盟友被宣戰時自動加入戰爭，或者被邀請加入戰爭時拒絕的話，將會扣減聲望(Prestige)及即時中止聯盟關係
=================================================

「好，咁我地既敵人又是誰？」
「摩洛哥、特姆萊森，以及格拉納達(Granada)」

=================================================

每個國家都可以根據自身既國力或敵人，設定最多3個宿敵，能夠設定但你唔設定的話將會扣減力量投射(Power projection)
設定宿敵既好處係可以增加採取敵對行動時既聲望收入(如打贏仗、割地等)，亦可減少1/3割地時消耗既外交點數
另外既好處係可以由宿敵身上獲取力量投射，例如：長期維持宿敵關係、私掠、禁運、割地等，盡可能將力量投射推到+50以上後，行政 / 外交 / 軍事點每月收入各+1
總之預計之後會向邊D國家發動攻勢，就設佢地做宿敵就得

↑依度將摩洛哥、特姆萊森，格拉納達三者設定為宿敵
=================================================

「可否請您解釋一下，為何葡萄牙會視佢地為敵人？」
「格拉納達係回教徒喺伊比利亞既最後殘餘勢力，一日唔將佢地除去，回教徒都會喺伊比利亞取得立足點，必須除之而後快；摩洛哥、特姆萊森則同葡萄牙喺非洲既利益有關，為左對抗卡斯提爾我地必須向非洲擴張；為左救贖我地亦必須將天主既教誨傳播開去；仲有……為父王報仇。」

「為左擊敗可恨既敵人，葡萄牙需要做咩？」
「富國強兵，老師。」
「咁請您析述一下如何富國，如何強兵？」
「好。」

=================================================

同HOI4唔同，HOI4既經濟實力=生產裝備既能力
而EU4既經濟實力=有幾多Ducats、每月有幾多Ducats收入
詳細既經濟系統解說請睇依條link:
https://home.gamer.com.tw/creationDetail.php?sn=4170492

有幾多錢，睇最上面果條bar就得；有幾多Ducats收入，則要拆分收入、支出兩項黎睇
EU4既主要收入來源有4個：
1. 稅收 – Taxation
2. 生產 – Production
3. 貿易 – Trade
4. 黃金 – Gold
依度講下到底錢從何來
每一個province都會收到稅、都會生產一種商品、都會提供人力(Manpower, 沿海的話再加Sailors)

到底收幾多稅、出幾多兵係睇果格province既發展度而定，發展度越高、收入自然越高
你亦可以提升某province既發展度，但需要支付一定數量既君主點，例如要收多D稅就要比administration power, 生產更多商品要支付diplomatic power

計算完所有province既收入後，會再乘以效率值(例如Production efficiency)先至等於最終收入
例如每個月有1 蚊Tax income, Efficiency係10%，每月收入就會變成1.1蚊

至於貿易要講太複雜、黃金屬於特殊商品，將來再解釋
或者可以睇依條link自己研究左先：
https://home.gamer.com.tw/creationDetail.php?sn=4854306
另外，正常而言遊戲既初期稅收係收入大宗，而中期開始因為海外殖民、全球各國提升科技，增加商品生產及貿易值之後，收入既重心就會由稅收轉為商品及貿易，到時候就要處理貿易相關既系統

講完收入講支出，再睇多次張圖

可以見到支出項有部分下面有條bar，依條bar可以比你決定要比幾多%錢落去
有一個做法係和平時期將軍隊支出壓到最低，雖然會令軍隊士氣變0，但可以節省唔少錢去做其他野
重有一個慳錢方法係關閉城堡(Fort)


一種係逐個province閂，一種係全部閂晒
關閉城堡後會令果格province變成冇城堡保護，好處係節省一半維持費
初期城堡開住的話每月要比1 ducat, 少一半即係比0.5 ducat就得，中期開始新式城堡既維護費會變成2 / 3 / 4 ducats，不過都係將來既事
但留意重新開啟城堡，或者重新支付滿額軍隊維持費，要等一段時候先至會回復應有既防禦力同士氣，自己諗幾時打仗再提早開返

=================================================

「咁所以，葡萄牙要提升收入的話，從最容易既方法黎睇唔應該向卡斯提爾宣戰奪取土地，一則兩國既實力差距太大，二則兩國同樣信奉天主，既不應同室操戈，教宗亦會施予壓力。因此，擊敗異教徒就成為唯一出路。」
「好，不愧為先王既兒子！今天課堂時間無多了，或者將來再講。」
「謝謝老師既教導。」
.
.
.
阿方索忙碌既一天尚未完結，黎緊佢重要繼續上課，晚餐時又要學習餐桌禮儀，到了晚上又要複習今日學過既野先至可以上床訓教結束一天，不過依D都係後話了

「喲，大小姐，乜返黎里斯本都唔搵我呀，好掛住你呀」
「死痴漢同我行開。」

里斯本 晚上時份
就喺旅館底層既小餐廳，瑪利亞穿上有笠帽既罩袍，靜靜地坐喺餐廳既一角獨自享用晚餐，而依個時候一個年輕既男人行左過去搭訕。

「真係冷淡呀，明明我地以前喺休達經常喺夜晚用身體展開激情既對話…」
「阿夫朗什將軍。」

阿夫朗什伯爵(Earl of Avranches)現年25歲，佩特羅既得力助手，由於能力出眾且得到佩特羅信任，現時掌握兵權。

瑪利亞一邊避免引起旁人既注意繼續用餐，一邊冷淡地斜眼望實住阿夫朗什對眼，用非常平淡既語氣叫左阿夫朗什個名。感覺到殺氣既阿夫朗什只好舉起雙手表示投降及請對方冷靜

「抱歉喇抱歉，一時間改唔到既語氣。」
「……咩風吹你黎依度？」
「佩特羅既線眼佈滿里斯本，你一個人去見國王既消息早就傳遍城內。」

「……」
「佢叫我黎係想我同你講，宮殿既事唔需要你擔心。」
「……」
瑪利亞繼續默不作聲，食住佢既海鮮大餐。
「你返黎既目的到底係乜？」
「見你。」
「嗯？嗯！？」
阿夫朗什一時間以為自己聽錯，明明多年以來嘗試過無數次撩瑪利亞都失敗，今次瑪利亞居然為左見自己先由休達返去里斯本

「大…大小姐？」
瑪利亞用手帕抹一抹嘴，說：
「唔好誤會，係為正經事。」
「我對任何女性都好正經，就算大小姐都唔例外。」
阿夫朗什擺出有史以來最有型既chok樣，用非常認真既語氣同瑪利亞示愛
「瑪利亞大小姐，可以的話今晚賞面黎我屋企嗎？我正好有幾枝上好紅酒愁緊同邊個飲。」
「我講既係正‧經‧事。」
「係係係……」
阿夫朗什縮起打算拖住瑪利亞既手，再次舉起雙手作投降手勢

「黎緊我會安排我喺休達既親兵混入正規軍，請你借佢地既能力操練軍隊，以顧問名義。」

=================================================
軍隊可以值由訓練獲得專業度及訓練值，提升作戰能力

陸軍專業度(Army Professionalism)主要經由訓練軍隊、聘請將軍及event提升，每20%解鎖一個能力，專業度同時影響軍隊既傷害加成、圍城速度，詳情請參閱下面條link既相關部分
https://home.gamer.com.tw/creationDetail.php?sn=4442906
訓練時陸軍維持費會自動調節到最大，或者應該話唔將維持費開到最大就無法訓練
由於專業度累積緩慢，而且計算每月加成既公式同正在訓練既軍隊佔陸軍上限幾多有關，建議長期做訓練，越早越好
有一種睇法係請一個將軍要50軍事點，而陸軍維持費用既係ducats，間接等於用錢換君主點，因為君主點實在太重要，唔應該喺開局為左慳錢而放棄另類既君主點收入，所以唔洗將陸軍維持費較到最低 (當然根據國情唔同有唔同做法)
另一樣野，陸軍專業度唔會產生自然衰退，所以可以安心升

而軍隊訓練度(Army Drill)大致同HOI4一樣，透過訓練可以加buff，但唔同既係訓練度會自然衰退，補充兵員之後亦會大幅減少，所以唔算必要，或者應該話係升專業度時既副產品
=================================================

「令回教徒聞風喪膽既『休達的魔女』既私兵呀……但一直以來唔係同正規軍保持距離亳不相干？點解要咁做？」
瑪利亞依個時候將右手搭喺阿夫朗什放喺檯面既粗糙左手，說：
「咁做係為左葡萄牙，亦為左我地兩個，唔好比佩特羅哥哥知道。」
「......嗯！」

鬼迷心竅既阿夫朗什就喺依一日由佩特羅陣營被暗中拉攏到阿方索陣營入面，不過等到阿夫朗什知道既時候已經係好耐之後既事了。

-CH 2 完-

支持奈何巴

對新人呢講呢d簡單易明，易入口好多

唉頂中間有張圖貼錯左
支出圖係依張先係

後期黎講，軍事點=人力請將軍會加專業度，50點軍事換1專業度
專業度可以5%可以換一年人力。
可以話係 錢(請僱問+5) 軍事點(換專業度) 人力同專業度 係互換既

雖則打單機的話，後期擴張夠+大量建築，冇幾可需要換人力

同埋低專業度係有好處，就係僱傭兵會平啲。
但而家既version唔似以前咁可以混編(僱傭步兵加正規騎炮，因為步兵折損係最大同最平，最有效率)
而家早期既僱傭兵好方便，但後期會直接滿60人一隊無得拆 會食哂attrition同埋好難搭炮上去。
所以我都係走專業化多不過後期唔缺軍事點，可以短期內爆100。(而且國力大又唔會缺人力

其實你地點樣大興土木? 我基本上都頭靠重覆破產黎起工廠。
一個save閒閒地破 4 5 次

我唔需要自己破產，只需要人地破產

打仗屈錢
基本上中期以後就唔休錢

英國國教轉Anglican 真心冇咩優點，church power 淨係可以換錢/重商/+1穩定，殖民仲要冇左 treaty of Tordesillas 保護

btw 你地會點揀？
Protestant 加Production Efficiency？
Reformed 加貿易收入？
定係唔轉玩教監+ treaty of Tordesillas ?

計宗教強度，我會咁揀catholic > orthodox > coptic> anglican > reformed > protestant

有殖哂西伯利亞?波立太強? 試下直接打哂成個日本同中國開tc囉

個人感覺christianity
orthdox>catholic(搶到教宗)>coptic>>>protestant>catholic(default)>hussite=reformed>>>>anglican
orthdox, coptic world conquest 最有用
中間4個差唔多(叫ok用得過既buff)
anglican=垃圾，唯一意義係易拎deus vult cb

都可以咁講，不過我好鍾意開innovation ，innovation idea + anglican 唔使一陣就爆創新度。
不過anglican衰極我都覺得好過protestant
catholic 只要係大國多cardinals 教庭小賣部啲野都好勁好方便。

加埋綜合黎計(宗教加成+地緣因素)，catholic仲有個好處係外交容易 多傳教buff 本身又多國家用天主教 玩one faith應該算最易(同sunni 並排)

protestant真係外交又唔掂 buff又廢我會排佢包尾。

不過胡斯好新奇玩過胡斯波希米亞 提早宗教戰爭100年，開局就不斷迫人轉教傳教，後尾搶埋皇帝。
不過就特別係見過一場(我玩非洲)係commonwealth轉胡斯傳成哂成東歐。但波希米亞轉番做天主教

protestant 周身刀無張利，睇下你覺得呢樣係好定壞啦，我個人覺得還好宗教對我最大用處都係用黎打聖戰所以我prefer deus vult>+25 opinion