有無巴絲打鐘意玩Paradox嘅戰略game？(7)

太早買，起碼比兩年paradox搵bug同抄workshop出dlc先

Stellaris睇著佢起碼抄咗啲megastructure mod

用mod連起EU4 victoria2同hoi4?

做咗個小實驗，睇下佢抽人力機制係點。

61M係因為中共行10%兵役法案＋學說有5%人口。但係廣東被印度佔領，所以呢個唔係中國所有核心嘅預備兵。

你見到抽完預備兵吞併之後，其實係計平民被抽走。

換另一個政體，換滿州國接收全中國。

大清而家只能夠抽出1M兵力

江蘇由原本28M平民變咗做26M平民，然後係26M裡面再抽2M預備兵，不過因為啱啱抽完人，你見到佢無完全徴召哂，要等時間填滿。

結論係即使你換走政體，都係要等時間過先可以再次填滿兵力，而且因為核心地區平民人口減少咗，要等埋平民升返上去之前嘅水平，所以想透過換政權係快速吸2次人力係唔可行。

想睇eu4，見系統好複雜咁，新手教學戰報正
我都係睇你hoi4 法國入坑

ir啱啱出嗰陣可以無限宣戰
撕和約減穩定，但劏幾隻豬就會即刻滿翻

見到你個寫法，差啲俾你fake咗

改版改到好似玩緊新game

同埋見依度之前既戰報，唔知有邊D係改版加上，邊D係我冇買既DLC

其實hoi用返之前打法都ok，因為dlc 係無改ai啲編制，戰報裡面都好少用到新嘅間諜系統（因為太隨機，又改變唔到大局）

砌船呢啲就又係無改變到魚雷轟炸機配潛艇嘅無敵組合，所以又無咩好講

sor, 令你誤會左
我講緊EU4

之前見奈巴玩既Castile，estate 果度加左個equilibrium 仲未去研究
同埋queen consort 果度應該係某個DLC?

我勃蘭登堡 最新果個戰記就係最新版本同埋有曬dlc

Total War既更新：加下兵種、加下新勢力、加下新Campaign

Paradox既更新：呢個pop機制好似好玩啲，不如重新寫個隻game?
或者係：workshop呢幾個mod幾得意，我覺得可以拎黎出dlc

佢個estate 1.30 變咗free feature 同埋大執過，唔再係一塊塊地咁封俾estate，而係逐個previlege 咁出

習慣長文唔好quote，好難追post thanks

我睇咗兩個鐘資料，理解咗少少繼業者戰爭段歷史終於有代入感宜家識玩了，其實隻game個系統唔差，係段歷史太冷門。
但我覺得隻game擴張仲易過eu4？因為無包圍網

imperator rome推薦新手玩伊庇魯斯
唔好玩羅馬，因為係超級無聊，瘋狂擴張打蠻族，玩填色遊戲咁，呢隻game好似無包圍網，你附近係毫無威脅
而繼業者戰爭入面的主要幾個國家都戰火頻繁，領土過大，新手好難管理
伊庇魯斯可以參與一部分繼業者事件，領土唔大，開局外交環境算ok❨有敵人有盟友❩，擴張潛力大❨有成就感❩用來熟習系統一流

習慣係用40 width 裝甲師突破，包住咗蘇聯前線之後步兵進攻拖住，操作裝甲師食哂啲兵佢，但係通常啲裝甲師將軍因為初期特質太多，升特性好難

想刷適應大師難過登天

關於EU4，你要知D乜?

雖則開左個新故，但有D野寫唔到落個故到，都係要抽出黎慢慢講

首先要知道既係Paradox 戰略遊戲入面，EU4既DLC算係最多而且好多都係好重要

喺Steam Sales入面，全套DLC打晒折約莫做緊700蚊港紙，價錢已經同一隻新concole game差唔多了更加唔好講冇discount果時
如果你唔想比咁多錢至發現隻game唔好玩，咁你可以選擇下面既Empire Founder Pack ，game既本體同埋最重要既幾個DLC已經包左喺入面

EU4既DLC大致上同Stellaris差唔多，每一次update都會加好多新機制入去，然後將部分功能割出黎賣錢

要逐個DLC知道佢包括D咩，請參考以下文章
https://forum.gamer.com.tw/C.php?bsn=17142&snA=158&tnum=3
而我自己已經分唔清遊戲機制係邊個打邊個，之後寫既文全部都係齊DLC下寫出黎

當然，EU4亦有唔少mod可以揀，我自己只用"Better Font Mod"
同Total War一樣字體細到死又冇得自己校，只能用mod調整
重有如果你會經常load save的話建議隻game裝落SSD


基本操作
EU4都有新手教學，但都係果句非常陽春有等於冇

Tutorial唯一既價值係學識點樣用船運兵，冇喇

揀完Single player之後，就入左可以揀年份同國家既畫面

EU4有名你叫歐陸風雲，自然聚焦喺歐洲國家，不過隻game係任何一個國家都可以玩，你喜歡的話去美洲玩印第安國家、去亞洲玩明朝/日本大名都得，不過喺未熟悉EU4機制之前建議都係乖乖地玩歐洲國家好D

官方建議土耳其、卡斯提爾(Castile, 西班牙前身)、葡萄牙適合新手，事實上如果想亳無壓力咁玩，葡萄牙絕對適合你，但代價係可能會冇乜挑戰性而悶，但用黎學下點玩就一試無妨

一入game之後成個畫面已經多掣到唔知邊個打邊個，唔緊要，我地慢慢睇

首先最重要既係右下角地圖上面果排制，你可以自行設定邊個short cut開邊一款地圖模式，重要既地方係好多資訊，例如每一個區域包括邊幾個province、生產物、所屬Trade node都可以喺到一目了然

↑不同地圖種類顯示不同資訊

要更改地圖類型好簡單，喺上面果排制right click，就可以慢慢揀要邊款

留意同一格short cut可以set多於1個地圖種類，例如我將同Trade有關既兩種地圖放埋一齊，方便隨時切換睇唔同野，依D就睇個人習慣了

第二個係右上角既outliner

類似於Stallaris既outline，即時睇到好多好重要既資訊，click左上角個加號可以調整要/唔要show出黎既資訊，實際玩落果時自己慢慢校

第三個係上面果條bar，玩開都知HOI 4, Stallairs果D都係頂頭係資源相關既野黎

比較複雜，逐個講
1. 錢 - Ducats
威尼斯貨幣單位Ducats，地位類似18-19世紀左右東亞地區通行既西班牙銀元，或者現代既美元，簡單黎講即係錢

2. 陸軍人力 - Manpower
打仗時回復人力所需要既資源，由於EU4比較難殲滅敵人，manpower既深度決定一個國家既戰力

3. 海軍人力 - Sailors
同陸軍人力一樣，但由於海軍船隻既生產時間長，依部份通常可以忽視

4. 穩定度 - Stability
一個由上下限-3到+3既野，越高代表國家越穩定，較難出現叛亂同有其他buff

5. 貪污 - Corruption
總之就有唔好既野，正常情況下應該長期係0

6. 威望 - Prestige
上下限-100到+100，mouser放上去可以睇到影響D咩數值
因為依類型既數值會出現衰退，高於0會長期自然地歸向0，反之低於0會慢慢歸向0，所以要透過唔同既行動/event維持高威望，從而維持高buff

7. 合法性 - Legitimacy
君主政體下判斷國王對於王位有幾高合法性，正常而言會keep住100

8. 力量投射 - Power Projection
衡量你既國家喺人地眼中有幾強(廢話黎)
唯一意義係高於50時行政、外交、軍事君主點各+1
可以透過唔同行動，主要係向宿敵(Rival)做某D野之後拎得最多

9. 君主點 - Monarch points
分為Administrative Power, Diplomatic Power, Military Power三種
行政、外交、軍事點數係EU4入面大部分行動所消耗既資源，例如研究科技、吞併國家、改變province文化等都會用到，係最重要既資源
收入來源廣泛，由君主能力、顧問、階級特權等提供每月收入、event 或者 mission提供單次收入等

10. 使節 - Envoy
左至右係商人(Merchant)、殖民者(Colonist)、外交官(Diplomat)、傳教士(Missionary)，分別可以執行唔同任務，例如有殖民者就可以殖民新土地、有傳教士先可以改變province既宗教

11. 時代 - Age
每約100年一個時代，可以達成唔同目標，累積一定數值後可以換加成

最後一個就係大佬，左上角個國家徽章或者short cut "F1"開出黎既國家畫面


每一個畫面都濃縮左極大量既資訊，國家財政、外交關係、科技、任務、軍事狀態等等全部喺晒到，不過依到唔打算詳細講，將來大家就會識



其實除左國家畫面之後，每一個province畫面都有一大串重要訊息

就咁依張圖大概都有15樣野要睇了

不過都係一樣，之後慢慢就會知道要點睇，又知道乜野係最重要、幫到你既野



關於新手教學故
今次想用新方法寫教學，娛人娛己
EU4由於複雜過HOI 4好多，所以遊戲上我會盡可能將D野簡化小小比大家明大概係咩黎，而唔似得HOI 4咁教大家點玩得好
不過有D野都係識左好有用，例如1.30修改之後既階級系統，係可以將錢變成唔再值錢既野黎，識玩的話可以唔洗再為錢而煩惱，重可以滾雪球咁早小小變強，依D野大致上都會寫下既

成唔成功實在未知之數，不過可以預期既係寫作速度會非常慢，可能要跨post先完到，希望大家可以慢慢等

玩karaman重組rum做成就

係咁比火雞warning 一打周邊國家佢就參戰

同Timurids開戰佢就enforce peace拒絕又參戰 第一次見火雞咁煩膠 雖則我偷襲過佢一次分開佢2邊土地

只要有足夠工業力 將領個啲係唔重要
Fighter空優 CAS + Strat Bomb海 足以摧毀敵方

無咁多坦克整40w

嘩正
奈何巴呢個新手教學寫得好清楚

奈巴寫得好詳細 支持支持