救命
本身屋企養緊三隻貓
呀媽由細到大負責喂 成日聽寵物店啲人推介就買開某隻罐同糧 加埋任食乾糧制
後尾佢帶老啲嘅貓貓搬走咗 我照顧返兩隻貓貓(1歲幾同3歲)因為1歲幾隻貓貓好肥
3歲幾果隻因為以前比人棄置山上 所以細膽又細食啲先無咁肥
開始上網研究先發現 任食制係唔健康 然後再研究乾糧同罐罐 發現仆街啦
原來呀媽長期每日一罐餵佢地嘅係kakato嘅副食罐 仲要係魚底 而任食嘅乾糧係皇家Royal
自此之後我開始改返定時喂 朝早同臨瞓餵啲糧 中間果餐試各種美國認證嘅主食罐 台灣汪喵都試過
但幾乎晚晚都倒大半罐咁濟
有時咁啱係魚味佢地可能會嘗臉食多幾啖 但都係食唔曬 明明已經係share一罐
雞牛味更加唔洗諗 聞兩聞就撥地下走開
見網上話餓下佢地再餵都有幫助 尋日諗住狠心啲 淨係喂左朝早次糧 之後就直落夜晚主食罐 半個鍾唔食就收起
結果
佢地真係企硬 去到第二朝都係唔肯食 一歲果隻淨係飲曬啲汁
因為成廿個鍾我怕佢地餓到有脂肪肝 同埋最近無任食+副食魚罐瘦左好多 最後都係讓步咗比左兜皇家糧
依家屋企剩咗好多主食罐 預計都係全部落垃圾桶