貓糧資料庫（8）

怪獸部落個罐頭好唔好
諗住轉罐罐

貓貓9歲 最近唔舒服驗完血同照超聲波 醫生話一邊腎細咗 可能係慢性腎衰竭
我喺診所買咗十幾罐老年罐罐比佢食 但佢完全唔食
食完藥又係咁屙爛屎(宜家停咗藥) 佢唔食嘢好怕佢脂肪肝/冇力
暫時停咗乾糧同老年罐 比返平時喺超市買嘅普通罐罐比佢食 唔知會唔會對佢身體好大影響呢？

推一推

我果隻食汪喵，間中nv罐，四個月後停針
唔好食處方喇，我果隻出院時醫生都係開處方
有打胰島素血糖都係日日高到爆錶
一轉普通濕糧第二日就跌到落單位數不過當然有胰島素效果影響

我隻貓有一邊眼腫左同開開下咁
聽左寵物鋪講買左lysine100比佢食同買左洗眼水比佢洗眼
請問咁樣會唔會好返？同埋要幾多日

唔去睇醫生? 隻隻貓身體狀況唔同喎！

因為我問寵物鋪 佢話貓疱疹病毒
叫我咁樣就好得返
咁我聽日睇下佢仲有冇咁 再帶佢去睇醫生啦

我覺得Book咗醫生先
唔好信曬寵物鋪講嘅嘢呀

睇醫生啦 貓疱疹好難搞 特別係免疫力低會好易長期有 我隻貓睇咗兩個月醫生又返發 依家轉咗藥好好多 寵物鋪講既野信唔過

聽日會帶埋支藥同洗眼水過醫生到再問問
我仲有另一隻貓 洗唔洗隔離佢地？

貓貓4個月大，本身食開rc baby & mother，早排逐少逐少幫佢轉左wellness core幼貓糧。

但轉左之後佢就好少食乾糧，淨係中意食罐罐同雞肉係咪代表佢唔中意wellness糧？洗唔洗再轉糧？

因為我地要將d乾糧混埋罐罐佢先會食哂lam清光以前佢食rc可以食到勁多 依家就唔多食wellness

我既情況同你一樣
RC加左誘食劑 所以好多貓聞到都貓衝
對比上黎就覺得佢唔鍾意食wellness

我主子都係食多咗罐之後都唔肯食wellness
但我發現只要我唔係屋企佢就會食
可能佢知道佢唔食 我就會換返罐俾佢
好奸詐

同埋乾濕最好唔好兩溝
因為需要既消化時間唔同
對貓仔腸胃可能會造成負擔

咁你會點樣令佢可以食多D Wellness
驚佢淨係食雞柳唔夠營養因為我又唔係日日比罐
之前試過要遂粒餵佢先肯食，正衰仔

雞柳無乜營養
要餵就餵雞胸
佢唔食 一係狠心啲 收糧
到下一餐先畀

好，唯有試下餓下佢

見到有人話加汪喵肉鬆落乾糧吸引佢地食，work唔work??

續步續步嚟啦

正解
隻衰仔連我用手逐粒餵都唔肯食
因為之前佢一唔食我就即刻比罐 驚佢餓親
變咗佢知道罷食就可以有罐
之後狠心啲 佢唔食都照擺喺度
佢肚餓就自然會去食

另外煮熟咗嘅雞會流失咗啲營養
唔好佔每日食嘅份量太多

要食溝營養粉

多謝你地，新手貓奴好多野唔識
營養粉有無邊隻好推介？？

好味小姐

我都係新手嚟呀
我都係上網睇睇書搵答案

喂左隻老流浪貓好耐 想問唔係喂senior cat糧得唔得之前一路餵applaws chicken for senior cat但依家買開舖頭無入 想轉taste of the wild嗰隻鹿+三文魚對隻貓有冇影響

新手貓奴一問！ 三個月前領養貓喵翻屋企，貓喵淨係食罐罐，唔食乾糧，睇翻網上既資料都話純濕糧好，就無轉糧既念頭。
問題係，試過幾隻糧 mon petit ,nurture pro , 漁極，vitapet 之後發現佢應該係食魚會肚痾，不停痾軟屎。而食mon petit 至尊肉醬就食得好，痾靚屎，但發現都幾高碳水化合物
而家想轉隻肉醬貓罐 想低d碳水化合物，長期喂
唔知大家有無乜推介？

巴打你個啲係副食罐？
長期食會營養不良
主食罐可以揀thrive canagan 汪喵 k9 instinct

罐上有寫aafco主食罐。。 所以之前揀佢