貓糧資料庫（8）

自制生肉
餵前十二個鐘放落雪櫃解凍
睇咗醫生 打完止嘔針就無事 正常食翻嘢

自制生肉難搞喎
記憶中對冰格個溫度要求好高，唔知12個鐘咁樣會唔會有機會生菌
不過都可能係食唔慣生肉，可以試吓整熟餵先，慣左再慢慢煮生啲咁會好啲

上網見d 潔牙骨 好似幾好
但怕唔怕唔岩隻貓食？
我隻係異短黎

唔洗執着幼貓定成貓罐
只要成份OK就食得
有啲所謂嘅幼貓罐成份仲差過成貓罐

其實貓識唔識分 有穀定無榖？
貓好奄尖
買過好多包無榖雞比佢都唔食 掉左好多包 浪費曬
食慣fit32
我就諗究竟係 衰無榖 衰雞 定純粹fit32鹽份高好食d?
唔肯食 幾健康都無用
求意見

有冇試過thrive火雞？
適口性好高 餵過幾款乾糧我隻貓最鍾意呢款

屋企隻貓 又又又突發尿導炎
估計都係壓力引起
屙唔到尿同埋周圍咁樣試吓屙尿
搞到成屋都一滴滴

今次除左照超聲波
仲照埋X光$1000
冇結石
驗尿都係得好少晶體
仲等緊種菌結果
食完啲藥都冇乜幫助

平時乾糧任食 加一餐罐頭加水
得閒都會灌佢飲水

明明屋企都冇大變動
點解佢會咁大壓力

我準備養一隻貓BB，諗住買Wellness CORE 經典原味無穀物配方貓糧，但係發現原來佢有其他系列例如Wellness Complete Health 成貓 雞肉無穀物配方貓糧同Wellness Complete Health 室內 雞肉無穀物配方貓糧，其實我都唔知有咩分別可唔可以教下我點樣揀，唔該晒

睇成份
揀碳水最少個款
或者直接揀紫色幼貓嗰款

想請教
貓貓一直啲屎都痾唔到條狀
下有屎圖 慎

特別一食罐頭軟便仲嚴重
俾汪喵益生菌食哂一盒都係咁

有無人可以指點下我應該點做？
謝謝

我驚佢有蟲諗住上網睇
隻杜蟲藥個個月餵緊 無斷過架

最近加左20%南瓜同d 肉一齊絞

d 貓都食

睇獸醫啦
軟便可以有好多原因

買錯左汪喵益生菌
有冇主子係食開原味皮膚敏感版？
可轉讓

做左cd rom好耐，睇肥美絲既post以年黎計，想多謝聲你，當時睇係因為有一隻貓過左身，驚覺自己對貓唔夠好，想搵d好野食，結果發現左你呢個post，從此真係改變我家主子一生。

想分享下三隻主子經驗，一隻女而家10歲半，兩隻兄弟而家7歲。

【先講下貓減肥經驗】
當年我隻仔4歲5.4kg，睇完post發現一路食緊隻高碳水的垃圾乾糧同副食罐（諗返起好對唔住主子），決心換左做wellness core 雞乾糧＋thrive。只係轉糧，冇同佢玩冇做多左運動。佢半年後就減左0.7kg，變到4.7kg，成隻貓fit左，毛都光滑左，仲有精神左！（見圖睇分別）


我想講，高蛋白，低碳水真係真係好重要！

不過呢隻仔，6歲時發現尿道炎，仲塞尿管屙唔到尿，要去24小時醫院睇左一皮野。當時有好多struvite crystal，要食尿道處方糧溶晶石。好好彩遇到而家既家庭獸醫，佢同普遍d獸醫唔同，佢唔建議食處方糧，即使尿道糧都只能夠食一段短時間，先溶石，keep住驗尿，到冇晒就轉返正常飲食加多d水。佢話好多處方糧都會食衰個腎，我聽到佢咁講時我就知冇搵錯醫生！（PS 我後來就轉左devoted／ovenbaked 乾糧，唔再食wellness core，雖然唔知有冇關係）

講到結晶，呢隻仔同胎的兄弟，按同樣飲食，反而完全冇結石，醫生話呢d真係睇體質，就算同胎都唔一定有關。

【關於腎病】
到今年，發現隻10歲貓自己飲多左好多水，屙多左尿，食慾差左d，我就心感不妙。先驗尿，發現好稀（SG:1.035 vs 2019年驗過一次係>1.05)，醫生話要帶貓黎驗血檢查，驗完血發現腎病第二期（SDMA:18, CREA:2.2, 鉀偏低) 。由於未去到第三期咁嚴重，醫生就開左鉀離子補充劑長期食用，同埋10日干擾素（因為上年呢隻貓都係腸胃有事唔肯食野，懷疑翻發），而家睇下佢d食慾會唔會好返d，再後續keep住再驗下尿睇下係咪都係咁稀。

我有d內疚，因為呢隻係第一隻養的貓，係咪因為佢頭幾年都係食垃圾食得耐，所以搞壞個腎，醫生安慰話老貓腎功能會愈黎愈差係無計的，而且隻隻貓體質唔同，無得再諗以前，諗下日後點樣keep住唔變差就ok啦。

【關於加水】
前題：平時每貓一日兩餐，每餐半罐thrive＋兩匙中式外賣匙的水，抖半小時就會再俾一至兩匙乾糧

由於擔心貓貓，我驗齊三隻貓尿，得出以下結果：
>>10歲腎貓：SG:1.035 稀得濟 （呢段時間冇胃口，佢只肯食凍乾生肉糧唔加水，所以係佢自己真係飲好多水）
>> 7歲有晶石貓： SG>1.05 + 有一定數量struvite crystal
>> 7歲最健康的貓：SG:1.032 稀得濟

醫生開頭見到健康果隻d尿咁稀，嚇到傻左，問我佢咩事，我講我有加水入罐俾佢食。醫生建議，如果唔係有病（好似晶石貓）唔好加咁多水，俾晒罐佢食就得。因為加太多水，好似健康貓咁，d尿太稀，驗尿就睇唔清d數字，冇得比較。所以，而家健康貓要呢一星期正常飲食唔加水，等佢身體機能回復佢自我需要，再驗一次尿，先能作準。

主子所有驗尿驗血報告我都會keep，同埋搵個好獸醫真係好重要，可以keep track 主子情況。就算健康驗下都好，因為到佢有事，先有份報告對照下。當然，奴才只好繼續努力搵錢…

最後送上10歲靚貓照一張，多謝收看。

主子淨係食肉醬罐同埋有啲口味唔食，所以屋企有啲罐想平放
11罐大罐汪喵肉蓉罐綜合set 6隻味都有
5罐大罐k9雞羊味
8罐thrive雞+雞肝味
有興趣可以tg我：https://t.me/Ching03

想問補充魚油係咪一定有omega6？

因為主子生癌 係好末期好末期嗰種
但佢撘配化療食魚油
開頭精神同胃口明顯好好多

但食咗一段時間 再做化療前幾日
佢又明顯轉差
照超聲波一睇 發覺佢又復發

然後上網睇omega6同omega3嘅作用完全相返
Omega6係會抑制免疫系統 令腫瘤生長

係咪所有魚油都有omega6
有無純omega3撘維他命E

如果無我寧願唔畀佢食啦

肉醬罐 有咩雞味推介
自從佢有cancer
佢嘴挑咗好多

我主要餵汪喵，有時就k9同natural variety instant

仲有？

已放