大清亡國關慈禧蛋牛治 2

【常威近代史】（二百八十六回）
袁世凱平反系列（完結篇）

盼中槍學生，早日康復！

袁世凱兵敗如山倒，眾叛親離，整個洪憲帝制徹底失敗，一方面未能抑壓日本人嘅侵略野心、繼而受到同伴黨徒嘅背信棄義、最後遭到全國人民普遍反抗，離心離德。同佢想做嘅團結中國大一統目的完全背道而馳，「洪憲帝制」明顯係一個錯誤嘅政治決定同計劃，就好似林奠2019年要推逃犯修訂條例一樣，錯得再無可再錯，完全係一場自我製造嘅「完美風暴」，不過前者有其崇高嘅政治目的，後者則純粹係：妹仔擦錯主人鞋。

袁先生一生人，個人感覺做好事時間多過做壞事，可惜臨門一腳射失，終於遺臭萬年，同慈禧太后、汪精衛一樣，永遠被釘在中國民間通俗歷史的恥辱柱上，永不翻身。

1916年5月尾，袁世凱臨終之前，佢千方百計想隱住局面，佢搵返段祺瑞出任國務卿，5月29號，佢向全國人民公佈帝制議案始末，鄭重道歉政治錯失，但同日，佢最親密嘅政治盟友湯薌銘（1885-1975，湯化龍之弟）亦宣佈湖南獨立，整個南方脫離中華民國，國家陷入完全分裂狀態，亦係呢個時候，袁世凱嘅生命步入尾聲。

袁世凱再世嘅最後一個星期，歷史記述甚少，睇嚟係幾唏噓嘅。袁世凱嘅死因，坊間普遍認定係「氣急暴亡」，即係做唔成皇帝，監生激撚死，呢個死因，非常符合民間章回小說式想像。但佢真實嘅死因，係中尿毒，前列腺腫脹，「袁世凱患尿毒症，攝護腺腫脹」，亦有坊間傳聞，如果當時能夠採用外科手術進行治療，袁世凱唔會有生命危險。但係喺袁世凱嘅醫療方案上，佢兩個仔分歧極大，大仔袁克定（1878-1958）主張用西醫通過手術治病，而二仔民國風流四公子之一袁克文（1889-1931）則主張用中醫，雙方僵持不下，耽誤醫療時間，最終導致袁世凱死亡。

當然一切嘅講法都冇辦法判斷真偽，總之劇本就係，袁世凱喺佢嘅歷史任務完結之後，就病死咗。The file is closed！1916年6月6號，魔鬼666，中華民國大總統袁世凱病死於北京，享年58歲（實齡56，dying young），舉國震驚。我講過，袁世凱家族成員都係短命種，家族裡面應該有種遺傳病基因存在，但袁世凱之後嘅一代，似乎擺脱咗依種家族遺傳短命基因，大仔袁克定活到80歲先釘蓋。

袁世凱之死，留低嘅係一個大分裂中華民國爛攤子，從此之後，內戰打足30年，死咗無數人命。佢想行洪憲帝制搞大一統事業，復興儒家哲學道統文化，但冇人支持冇人鍾意，國家崩分離析，陷入大混亂，中國人受苦受難，不過路係自己揀，仆街唔好喊。

回頭睇返1911年到1916年嘅世界，中華民國早期兩種政治體系，即「自由主義政治」同「獨裁統治」，似乎彼此促成咗各自嘅滅亡，1912年後大權在握嘅袁世凱，佢感覺到議會同埋省自治削弱咗民族國家嘅團結基礎，中華民國未能團結起來，就唔可以有實力抗衡西方列強（最主要係日本）嘅入侵。要提一提大家，袁世凱當政之時，佢並冇刻意靠攏或依附任何一個西方列強，呢個同之後中國所有軍閥嘅經營手法完全不同，袁世凱一直希望走嘅，係一條中華民國獨立自主之路，無論手段係乜嘢，呢個係一個崇高嘅理想且值得敬仰。不厭其煩多提一次，中國真正主權獨立，要發生喺半個世紀後，中華人民共和國同蘇聯決裂嗰一刻，1969年打烏蘇里江珍寶島戰先至真正得到完全落實。

中國人民真正站起來，雄立宇宙之間，所行嘅路實在太漫長，亦太崎嶇。

袁世凱死後，由副總統黎元洪承繼大總統權力，黎元洪所承繼嘅係袁政治權力，至於北洋系統軍事力量，則落入段祺瑞之手。6月9號中華革命黨總理孫文喺上海發表宣言，要求黎元洪恢復1912年頒佈嘅《臨時約法》，重新打造中華民國自由民主法統建設。

革命KOL孫文再次展示其無可替代嘅政治魅力，佢積極串連各方討袁力量，增加自己政治籌碼。6月11號，黎元洪回覆孫文，要求佢出山大力相助，一起為中華民國共渡時艱……不過槍桿子出政權永遠係真理，真正掌握住北京中華民國中央政府權力嘅人，係當時嘅國務卿段祺瑞，1916年6月29號，大總統黎元洪任命段祺瑞為國務總理，同日，《臨時約法》恢復執行。

故事尚未完結，新一頁正式拉開序幕。隨著袁世凱之死，預告咗軍閥時代嘅來臨。我寫嘅「袁世凱平反系列」亦到此為止，下一個部份，係1916年至1928年嘅「大軍閥平反系列」。軍閥個個都係衰人西人杏加橙？其實未必，真正嘅杏加橙，仲未出場。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【188回：大清亡國關 #革命家 蛋牛治】

♉馬克思主義中歷史唯物辯証法，認為歷史嘅進程並非是由人力所能操控，但歷史證明，人、或個人嘅意志往往係構成歷史發展最重要嘅因素，中國過去150年，出現咗三個好重要嘅人物，分別係洪秀全、孫中山同毛澤東，粗略去講，呢三個人帶來咗三場開天闢地嘅大革命，今集youtube，我嘗試將三個人比較一下……

♑今日係萬聖節，亦喺香港過去幾十年一個最嚴峻嘅萬聖節，群魔亂舞亦難敵警察社會鐵腕統治，成為金屬靈柩嘅太子站中午封站，中環站六點收皮，蘭桂坊四面楚歌周圍封路，偉大而正確嘅港鐵亦只係服務到11點，連一年一次嘅海洋公園哈佬喂亦冇show，大前題係穩定壓倒一切，最好大家喺屋企瞓好覺，第二朝乖乖準時返工返學，或者乖乖哋坐定定睇TVB膠劇繼續放送，成條街冇人，全個社會靜曬，咁就最啱聽。

♎我成日喺度諗，搞到今時今日咁X樣，其實特首林鄭月娥要負上最大責任，6月9號百萬人上街遊行，要求撤回逃犯條例，但係當晚林鄭月娥就第一時間九秒九衝出嚟柒，表示一定要將逃犯條例送入議會三讀通過，你哋屌都係冇用架腥港人，完全違反民意，亦當成百萬腥港人冇到，結果激發巨大民怨大爆炸，先產生6月12號暴力升級，警民首次大衝突，然之後發生嘅事情，就係一連串骨牌效應。邊個話人嘅意志冇辦法左右歷史，如果唔係林鄭月娥當日嘅舉動，我諗事情唔會發展到一發不可收拾。

♍既然犯下彌天大錯，就要承擔政治責任。不下臺總要下臺，下一任特選人選謠言滿天飛，有人話呢個三煞位，邊個做都係一樣。我則認為未必，做一個領導人，個人魅力同個人能力的確好緊要，甚至乎，魅力比能力重要得多，邊個會成為下任特首修補當前嘅亂局？我當然唔知道，但我認為依個時間邊個敢行出嚟坐呢個位，淨係呢份勇氣，已經值得稱讚。

♍因為如無意外，個位一定好難坐得安樂……（唐英年是你嗎？）

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/rFx2OMN7Pjk

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百八十七回）
大軍閥平反系列

2019年10天，自由香港進入軍統時代，啱曬為「大軍閥平反系列」拉開序幕……

袁世凱死，中華民國進入軍閥時代，「#軍閥」（warload）依一個字，係一個貶義詞，表示衰到冇人有，表示擁有軍事實力嘅軍人或團體或政党，割地稱王，自成一國。事實上當一個大一統政權倒臺嘅時候，就會進入軍閥割據時代，即內戰時代，原因好簡單，大佬死咗，啲細嘅就要爭上位，最後要成為新坐館。響中國歷史上，每次大一統王朝結束，就會開始大分裂軍閥割據時代，最出名嘅有漢後 #三國時代、#魏晉南北朝、唐滅後嘅 #五代十國、元朝滅後嘅中原大亂局，仲有我哋要講嘅中華民國軍閥時代。

睇返歷史都幾有趣，中國大部份軍閥時代，都係大概半個世紀50年左右就會收皮，所謂 #羅貫中《#三國演義》「分久必合，合久必分」大道理，亂得咁上下，大家都希望過返啲安樂日子，然而當人民渴望平靜生活嘅時候，佢哋往往會選擇錯誤，而且天下烏鴉一樣黑，做得軍閥邊度會有好人？作為歷史盲毛，大家可以這樣去理解。

普羅中國歷史定義中華民國嘅軍閥時代，係由1916年開始，至1927年 #蔣介石 北伐佔領上海結束清算共產党終結，中間大約祇有十年時間，呢個係國民黨史觀。

但我常公子認為，大分裂軍閥割據時代，應該由 #太平天國 清空滿清軍事力量開始計起，即係1865年左右，#曾國藩 同 #李鴻章 所創立、有外國資金投入嘅軍紳民兵制度，即係准軍同湘軍，其實已經係一種軍閥嘅統治形式，祇不過佢哋口中仍然效忠滿清中央政府，從此之後，製造南北分治，喺百年常態，中間出現過無數軍閥，佢哋用不同形式同面貌割地稱王。真正回歸大一統，其實係1949年 #中華人民共和國 建國之後。當然，如果又廣義啲去睇，到咗21世紀，其實中國仲係處於分裂狀態，因為中華民國民主自由政權仲喺臺灣存在。

軍閥成為貶義詞，係因為佢哋最後冇成爲勝利者，事實上，蔣介石國民黨係一個軍閥系統，#毛澤東 共產黨亦都係一個軍閥系統，不過佢哋最後打贏咗仗，就成為正式嘅合法政權存在於歷史嘅論述中，歷史永遠由勝利者所執筆，所以一眾袁世凱死後執政嘅北洋軍閥，最後只能成為勝利政權嘅抹黑炮灰。

我個人感覺，香港人對軍閥嘅形象介定，源於1972年 #李翰祥所執
導嘅一齣電影，叫《大軍閥》，由 #許冠文 主演，當時係全年票房總 冠軍，內裡嘅軍閥形象，鹹濕衰格，貪財懦弱。我自己個人感覺，李大導當時所諷刺嘅並非中國軍閥，而係香港嘅資本家，信不信由你。

大軍閥嘅論述，由取代袁世凱死後一切軍政權勢嘅段祺瑞開始。

#段祺瑞（1865-1936），原名啟瑞，字芝泉，安徽合肥人，出生於淮軍將領世家，祖父段珮為劉銘傳軍三營統帶，段祺瑞童年生活就喺軍營中渡過同受教育，所以佢嘅出身，就係百分百軍人純正血統，1885年佢考入李鴻章創辦嘅天津武備學堂，1889年前赴德國深造，第二年回國響北洋軍械同威海衛隨營武備學堂教書，將德國普魯士式軍隊管理概念及軍人戰術傳統，全面帶入陳舊落伍清帝國軍事系統之內，對中國之後嘅軍事發展，影響極深極遠。

1895年加入 #袁世凱 陣營，係小站練兵第一代領軍人物，袁世凱手下最得力武將，佢有個朵叫「北洋軍事學第一人」，佢長期主理北洋軍軍事學堂教學工作，大部份北洋軍將領唔係佢嘅部屬，就係佢嘅學生，就算兩者都唔係，都會係佢嘅軍學信徒。

1911年民國之後，長期擔任陸軍總長一職，涉足政界，亦有「政治不倒翁」嘅綽號，佢一直喺北京中央政府控制住北洋軍隊，袁世凱稱帝，佢唔buy，日本人易收買唔到佢。外號「#北洋之虎」，佢嘅主要競爭對手係「北洋之狗」#馮國璋。段祺瑞主內，控制住北洋軍事系統內部運作；馮國璋主外，主要領軍打仗，兩人因為地位同利益競爭，長期處於不和狀態，「兩人一來一外，均有掌握大局之資格」。段祺瑞於北洋集團內部培植咗以佢為首嘅勢力派系，我哋叫「#皖系」。「皖」指安徽合肥地帶，段祺瑞係安徽合肥人。

袁世凱中尿毒暴斃，副總統 #黎元洪 成為大總統，段祺瑞出任國務總理，前者只係虛名，中華民國中央政府軍政大權，事實上集中在段祺瑞一人手上，中國第一個大軍閥粉墨登場，之後無論佢做過乜嘢好事都好，先天註定佢係下流賤格。

#常威 #大軍閥平反系列 #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【💣香港關 #中英聯合聲明 腿蛋治 第十五回 ICAC 】

♒貪污同上下其手係中國人嘅民族劣根性，所謂「公平公正」每個中國人都識講，但係真實好少人真心認同，口裏說不，身體就是最誠實，大家都應該一清二楚。斂財貪腐，當然並唔係單單係中國人嘅問題，只不過係中國人特別嚴重的問題。

♉香港曾經是世界上最貪腐城市之一，70年代之前，所有人參與貪污當食生菜，係日常生活唔可以缺乏嘅一種生存原則，尤其是當年嘅警隊，根本就係一個有組織性嘅巨大貪腐系統。第25任港督麥理浩爵士，於七十年代一手將整個貪腐局面改變過嚟，成立廉政專員公署ICAC，獨立於公務員系統之外，亦由嗰日開始，香港呢個地方先真真正正文明起嚟，從此以後，能夠擁抱西方普世價值，融入大世界，成為世界文明人類嘅其中一員。

♐九七回歸前夕，當時好多人擔心嘅，就係貪腐問題會再一次喺香港滋生，平心而論，當時人嘅憂慮，並無大規模發生，過去20年，廉政公署仍然運作正常，繼續擔任起肅貪倡廉嘅任務，依種情況，要多得港英殖民地政府留下嘅優良制度、以及喺廉政公署工作嘅工作人員嘅專業態度，進一步睇，亦都係「高度自治」嘅一種正面表現，其實非常值得讚許。

♐貪污問題，一直係中國大陸改革開放後面對最大嘅挑戰，1989年嘅六四事件，其實本質上就係反官倒、抗議特權階級貪腐、導至民不聊生貧富懸殊問題叢生、人民嘅一次大型反抗。但六四之後，隨住中國經濟高速生長，人民生活水平顯著提昇，先將嚴重嘅貪腐問題互相對冲抵消。但貪污問題從來無解決過，甚至失控爆發，直至習近平上臺，先至用強硬政治手段大力打貪，因為佢明白，再唔控制各大山頭嘅巨大貪腐行為，整個國家，遲早一日會被唔同嘅山頭貪腐勢力崩分離析，最後亡黨亡國。

♈依一個原因，就係習近平要將所有權力集中於一身嘅理由之一。

🇬🇧https://youtu.be/U31yPnYL1d0

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百八十八回）
大軍閥平反系列

1916年袁世凱死，洪憲倒臺，我自己定義係第一次「法統重光」，自由民主法統回歸中華民國？開玩笑（普通話發音），其實係大分裂時代正式開始！蛇無頭不行，冇大臺就失控，民主機制唔完善下，就需要以領袖個人魅力製造威權，凝聚國家團結民心，你睇慈禧在位半個世紀，大清帝國得以苟然殘存，推翻滿清後，民國初期僅有嘅凝聚力，其實係來自軍政強人北洋大佬袁世凱當政，單只論政治魅力，袁世凱同慈禧比較，已經係天同地，現在袁世凱死埋，唯一凝聚國家嘅威權正式消失，冇繩綁住啲馬騮，啲馬騮就會周圍走，仲會因為爭奪資源打交，就係咁簡單。

「法統重光」後，走馬上任嘅中華民國大總統黎元洪，到達佢一生人政治事業嘅巔峰，但佢冇真正實力同個人魅力統合全國分離力量，有人話黎元洪係民國史上一個最幸運嘅人物，因為佢得到嘅權勢同埋名譽，同佢嘅實力完全不成正比，廣東話叫非常符碌。

但睇返轉頭，佢亦唔係符碌，處事面面俱圓，厚道待人，辦事周到細緻，平生以「不得罪任何人」為座右銘，做一舊「政治海綿」任人搓圓撳扁，係第一代「和理非非」代表人物，亦係佢嘅生存之道，如果中華民國多幾個黎元洪式人物，或者之後嘅歷史，亦都唔駛用鮮血而寫下。

袁世凱死後，黎元洪重新任命各省軍政長官，以「不得罪任何人」為大前題，最緊要「劣」得大家舒服。響北方北洋派系控制嘅省份，基本上沿用原班人馬，而南方西南各省，則選用護國軍領袖同地方軍閥，務求穩定為先，先行結束戰亂，其實無話錯，其實畀佢去堅做，要切換什麼人，佢亦都做唔到。

中華民國政治結構呈現前所未見嘅弱勢，日本進一步有動作，1916年7月3號，水深火熱嘅俄國，仲同日本人喺聖彼德堡訂立第三次協定及第四次密約，互補遠東利益，務求中國唔俾第三國政治支配。7月8號，日本駐華公使向中華民國外交部通告《日俄新協約》，中華民國被通知，只係得個「知」字，就係咁多。

命運驅使日本人今後三十年成為中國最大嘅敵人，1917年沙俄政權倒臺，列寧共產主義上場，西方列強亦深陷於第一次世界大戰浩劫中，從此以後，日本人單方面獨大，正式取代大英帝國，成為中國最大利益獨佔國。

但係和理非非黎元洪亦有一定作用，7月12號，廢止《懲辦國賊條例》及《附亂自首特赦令》，釋放所有喺本年7月2號之前因為政治犯罪而被拘禁嘅人，撤銷各項因為政治問題而發出嘅通緝令，減少血腥殺戮，其實係德政，要讚黎元洪！

為咗平息民憤，黎元洪響7月14號，頒布懲辦令，下令捉拿、嚴懲洪憲帝制禍首一共八人，懲辦令稱：「自變更國體之議起，全國擾，幾陷淪亡，始禍諸人，實尸其咎，楊度、孫毓筠、梁士詒、夏壽田、朱啓鈐、周自齊、薛大可、均著拿交法庭，嚴行懲辦，為後世戒。其餘一律寬免。」

追究袁世凱帝制責任，要搵依八個替死鬼治罪，南方一眾護國軍軍閥，就要求黎元洪殺曬呢班人，但係政治海綿貫徹始終和你飛飛。懲辦令發出之前，黎元洪已經通知有關人仕，楊度等人喺段祺瑞庇護下，先後安然離開北京，通而不緝，令通緝令成為一紙空文，八位代罪羔羊，冇人要付出性命作為代價，之後佢哋仲有人回歸政治舞臺，你話抵死唔抵死？

上述事件，正好反映出黎元洪「不得罪任何人」嘅個性，當時嘅人叫佢「黎菩薩」就係咁解，黎元洪雖然係軍人出身，但佢並唔係軍閥，佢反而係一個真真正正嘅政治家，好多時候，佢只係想出嚟解決問題，並非爭權奪利，單就這一點，就值得後世人尊敬。

只可惜，所有嘅屠刀已經磨利，黎元洪嘅道德高尚同風骨，冇辦法阻止人世間嗜血權欲嘅廣泛蔓延，人民再不需要和你飛飛，而係需要血腥革命。1916年下半季，黎元洪的確有機會成為「中華牌碎肉機」負責關機嗰個人，可惜中國嘅命運給予佢接觸碎肉機開關掣嘅機會，並無給予佢關上開關掣嘅能力……

你有你和理非，我有我繼續打，1916年7月3日，護國軍兵分三路進攻廣州，發起討伐廣東都督龍濟光嘅「討龍戰爭」。龍濟光長年盤據廣東，曾經積極擁護袁世凱帝制，阻撓過護國軍北伐。黎元洪嘗試出面叫停，改任陸榮廷為廣東督軍，但係雙方戰爭持續，打到8月中旬，陸榮廷領軍打到去肇慶，龍濟光被迫交權，前赴南海，討龍戰爭正式結束。類似嘅軍事衝突，之後不斷喺全國發生，天下大亂就係咁解。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【189回：大清亡國關 #愛因斯坦 蛋牛治】

♉1905年被稱呼為愛因斯坦奇蹟年，一個20多歲年輕猶太人腦袋，利用空想思考實驗，破解科學迷思，顛覆西方整個物理學界，為人類找尋對時間、空間同宇宙最後嘅答案。愛因斯坦當時身處奧匈帝國首都維也納，一個歐洲大陸最美麗最文明嘅城市。

♈我所作出嘅比較係，當愛因斯坦1905年為人類嘅科學帶嚟重大突破嘅時候，中國仍處於野蠻落後嘅原始世界之中。當時東西方嘅知識文化水平分野極其巨大。日本人明治維新用上40年時間不斷嚮前衝，終於僅僅搭上西方文明尾班車，成功脫亞入歐，擺脱野蠻落後。但當時嘅中國仍然未有日本嘅覺悟，仍自以為本身嘅文化極其優越同無法替代，實情係自己打飛機落後他人百九幾年，依一個中國人落後於西方文化嘅巨大鴻溝，一直冇辦法修補過嚟，真真正正輸在起跑線，一輸輸到今日21世紀……

♑1905年，亦係人類最美好燦爛輝煌嘅日子，歐洲大陸上，資本主義而生嘅帝國主義透過剝削同爭奪所創造嘅經濟繁榮，邁向最高峰階段，連帶科學、技術、文學、藝術、哲學及人民日常生活，一同步上歷史上顛峰，冇人能夠想像得到，只不過是短短十年後，整個歐洲會陷入入一次史無前例嘅世界大戰，超過1000萬人死亡，真係一句有咁耐風流，就有咁耐折墮……

♊然而第一次世界大戰，只係呢個殘酷世紀嘅開端，無數戰爭會響之後不斷發生，文明嘅人類，卻造出最野蠻嘅行為，甚至有人講，20世紀係西方歷史上最可怕嘅一個世紀。擺脱咗過去嘅愚昧落後，20世紀嘅世界人民其實證實同實踐咗所謂自由，公義、平等等種種理想，但係好多時候都只不過係短暫嘅曇花一現。

♉但係大家唔好灰心。自由、公義同平等等普世原則，並唔會因為災難、戰爭、極權而消失，我哋總有辦法將佢哋繼續存留響心裏，響適當日子從頭再開始，目前，就算喺最絕望最黑暗嘅情況下，亦都唔好喪志，加油！

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/0wRSbxvKGYY

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【190回：大清亡國關 #五大臣出洋 蛋牛治】

♉香港人追求民主嘅路途，由上一個世紀80年代開始，之前嘅香港人一直對民主毫無興趣，港英時代統治階層亦都冇積極發展香港嘅民主，雖然事後好多文獻都話佢哋本來想咁樣做，但真實情況係，港英政府一直採用愚民政策，政治嘅嘢，市民最好唔好理咁多。

♏情況到咗1984年，中英聯合聲明簽訂，英國人著手大力喺香港發展民主政制，與其話係大潮流所趨，不如講英國人一早就知道地雷要預先埋下，九七之前我發展香港民主係大功德，而97之後發生乜嘢問題，就係閣下嘅問題。經歷過上述轉變嘅人，都會一清二楚。

♉轉捩點係1989年發生嘅六四事件，我可以同大家講，六四事件之前其實全香港人大部分都好愛國，亦都相當支持中華人民共和國由鄧小平一手主導嘅改革開放政策，當時香港人幻想，中國會放棄社會主義，擁抱資本主義，中國會行上西方世界指定嘅民主自由發展之路，然後香港回歸，從此一帆風順，國家好香港好，大家安安樂樂過穩定繁榮嘅好日子。當然事後睇返，純粹只係香港人一廂情願。人生不如意事十常八九，現實世界亦如是，壞事佔九成，好事往往係曇花一現。

♊最後一任港督唔係一個普通殖民地官僚，而係當時嘅前保守黨黨魁彭定康，彭定康一到香港，就著手處理六四之後香港人要面對嘅回歸問題，大力發展民主，亦響香港20世紀90年代成為民間焦點。香港人嘅民主路，眨下眼一行就行咗30年，經歷咗九七回歸，到咗今時今日，我哋並唔能夠根據《基本法》規定，一人一票普選行政長官，立法局議員選舉，仍然有功能組別嘅不民主內容。細心計算，其實30年嚟，只係行咗半步都唔夠。今日香港人擁有嘅民主，其實係甩皮甩骨，笑當年慈禧太后，我哋一啲資格都冇。

♉過去幾年，香港嘅民主同自由不但無嚮前行，而且有倒退跡象，結果累積民怨，發生今年夏天嘅終極大爆發，下一round會發生乜事？我哋可以繼續嚮前行？抑或我哋嘅自由會被收緊？進入極權模式統治？老實講，我真心唔知道。但如果用讀歷史嘅角度去睇，壞事發生嘅可能性相當高。當然唔使太灰心，有一樣嘢，叫鬥長命。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/T5dqoUgJl8I

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百九十回）
大軍閥平反系列

1916年中，段祺瑞嘅「皖系」坐鎮北京，馮國璋嘅「直系」佔據南京，兩大軍閥陣營正式出現，逐鹿中原，長江下游地域，前「護國軍」一衆軍閥爭相割據，其他邊陲區域，亦都不斷有武裝力量趁亂插旗，局面未明朗化。樹倒猢猻散，袁世凱威權消失，中華民國正式宣佈進入大分裂時代。

而響日本人勢力盤踞嘅東北，亦有一個軍事集團無聲冒起，佢就係軍閥張作霖（1875-1928）嘅「奉系」。張作霖崛起嘅故事，相當傳奇，佢係奉天省海城人（今日遼寧），曾經讀過幾年私墊，叫做識字，之後做過唔同行業，包括獸醫，20歲左右佢加入宋慶嘅毅軍，參與過「甲午戰爭」，戰爭後退役，返回家鄉。

由於當過兵，就變咗專業人士。於是佢召集咗一群青年人，組成咗一支「富豪保安隊」（趙家廟保險隊），主要負責保護東北有錢人嘅產業，需知道天下大亂，盜賊如毛，關東士紳階層都非常明白，政府軍信唔過，要保護自己產業，就要建立自己嘅武裝力量。其實概念上，就係曾國藩李鴻章時代嘅團練、即民兵、即私人軍隊，由士紳階層有錢人一手供養同扶植。有人話張作霖係做「盜匪」起家，至於初初係「盜匪」定係「保安」，要睇你點define。

正如黑社會去夜場收陀地，你每個月交保護費，佢就會保護你，有其他人嚟踩場，佢哋就會出手，進行暴力驅散（唔使舉橙旗嘅）。做任何生意買賣，最好背後有黑社會backup幫手，因為並唔係一切事情同糾紛，都可以用正常法律途徑或警察制度解決，放喺現代資本主義社會，「收數」就係大問題，有人借錢唔還，天經地義。警察同法律可以替你擋數，但唔會幫你收數，透過法律途徑民事訴訟追數，效果非常有限。所以最佳方法，都係要用非法手段收數。你想人幫你，平日就要供養佢哋，飲茶灌水係必須，行多步定期出糧，就變成僱傭關係，私人軍隊制度就係咁樣建立起嚟。

20世紀初期庚子事變發生，義和團蹂躪東北，需要保護嘅有錢人人數劇增，於是張作霖嘅保安生意就越做越大，由最初只係服務一班老細，到後來有無數條水喉射住，之後加多場發生喺東北嘅第零次世界大戰「日俄戰爭」，清廷政府直情放棄東北地區，任由雙方戰事發生。有求就有供，張作霖勢力扶搖直上，終於自成一國，槍桿子出政權，又一佐證。

1907年局面平定後，由於清政府冇錢又冇兵，乾脆收編張作霖集團為己用，畀埋個政府認可嘅軍事牌照佢（奉天巡防營右路統領），繼續經營坐大。由「地方民兵」搖身一變，變成「政府正規軍」，亦係自19世紀中葉以來，清帝國軍事制度嘅常態，得到正式中央授權，亦並唔代表要聽中央指揮，「黨指揮槍」？要發生喺50年後，軍隊仍然係屬於張作霖自己，並唔係屬於你清帝國，我鍾意點玩就點玩。

張作霖嘅軍事集團，更加擔任警察嘅角色，其主要嘅任務係「捕匪」。呢個時候，袁世凱一手推動的大清陸軍改革已經開始，北洋新軍進駐長春，張作霖嘅民兵事業其實差唔多已經玩完，幸好攝政王載灃及時罷黜袁世凱，重新提拔張作霖坐正，抗衡袁世凱勢力，時來運到，想避都無得比。

辛亥革命後，民國成立，袁世凱任命張作霖為27軍軍長，授予中將軍銜，而張作霖得到袁世凱支持，為咗鞏固佢奉天嘅地位，佢亦支持袁世凱稱帝，1916年，袁世凱再封張作霖做「盛京將軍」，袁世凱死嘅時候，張作霖出任奉天督軍兼省長，整個奉天同東北一帶，亦正式成為張作霖嘅勢力範圍，「奉系」於始誕生。

由一個普通兵仔，到最後割據一方成為一代梟雄。個傳奇故事真係熱血激情，同時証明，向上流動真係要響亂世先有，太平盛世，就係階級分明，既得利益者唔會離座，層層抑壓，低下階層永遠冇得翻身。明白呢個道理，就會明白呢個世界點樣運作，亦都會明白，自我調節一定會出現，就算唔食煙都會患癌。

張作霖嘅故事，我哋未來再講，但係不得不提，張作霖亦同日本有千絲萬縷嘅關係，東北喺日本一直想染指嘅地方，張作霖軍事勢力坐大，冇可能冇日本人幫手同支持。不過後嚟張作霖有一個仔，並唔係張學友，係張學良。

一代playboy張學良同蔣介石關係密切，「東北易幟」亦係蔣介石國民黨專政事業重要爆發點，因此，從正統歷史中，我哋亦都好難發現張學友老竇張作霖同日本人嘅關係描述，反而最出名嘅係日本人響1928年「皇姑屯事件」中炸死張作霖。

1916年，似乎大家都在找尋緊意識形態出路，黎元洪同段祺瑞亦唔係專制獨裁式嘅人物，佢哋似乎真係想搞好中華民國政治制度，9月8號，孫文派出胡漢民（1879-1936）廖仲愷（1877-1925）入京，與國務總理段祺瑞商討國事，大家仍然有偈傾，當時撇除軍閥間軍事衝突，其實民間交流相當河蟹。

9月1號，由陳獨秀（1879-1942）創辦嘅《青年雜誌》，改名叫《新青年》，依一本係當時中國最煽動性同最具影響力嘅年青人刋物，大力宣揚共產主義及馬克思主義學説，《新青年》第一期，中國共產主義之父李大釗（1889-1927）發表【青春】一文，號召全國青年反抗，裡面咁樣寫：

『衝決過去歷史之羅網，破壞陳腐學說之囹圄，大膽向封建主義進攻，為創造一個青春的新國家而努力！』

舊嘅嘢全部都係唔好，只有新嘅嘢就係最好，所以我哋要不停換電話……

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【💣香港關 #中英聯合聲明 腿蛋治 第十六回 ICAC 】

♒1971年11月9號，原來係香港第25任港督麥理浩爵士嚟香港履薪嘅好日子，最近都不停講麥理浩，每寫一筆，就感覺到麥理浩爵士當年嘅實務施政風格，十年時間其實話多唔多，話少亦唔少，麥理浩嘅十年，就做咗無數實事，徹底改變咗香港，亦帶領香港邁向光輝燦爛嘅年代，香港，真係需要一個好嘅領導人。

♐今集內容，講麥理浩如何拆解當年嘅警廉衝突，兵貴神速，做事絕不拖泥帶水，隻鑊爆咗，就短時間內頒佈特赦令，軟硬兼施，將一場警廉風暴化解於無形，由這一件事，可以睇出麥理浩嘅務實施政手。從此以後，香港警察嘅形象提昇至亞洲第一，甚至世界前列，今日香港警察形象一落千丈，究竟係邊個嘅責任？當權者真係要好好反省一下。當然警民關係破裂，亦係施行極權統治嘅大前提，否則警察同人民站於同一陣線上，如何可以施行極權統治呢？大家真係用心諗清楚，其實所有事情早有部署，完全唔係意外事件。意識形態戰爭，其實早已喺回歸後嘅香港發生緊。

♋當年麥理浩解決香港嘅嚴重貪污問題，係建立一個獨立於警隊、或獨立於整個公務員系統以外嘅「廉政專員公署」，即ICAC，杜絕咗警察自己人查自己人嘅陋習。今日香港，特區政府仍然堅持拒絕成立「獨立調查委員會」調查最近警察嘅嚴重違規行為，堅持用警監會自己人查自己人，其實係毫無作用，亦冇可能平息民憤。事情畢竟發生咗，想和稀泥冇件事，係國內嘅文化，並唔係香港人嘅習慣。我亦好相信，「獨立調查委員會」一定會成立，只不過係遲早嘅問題。當然就算將來「獨立調查委員會」能夠成立，大家亦唔可以寄予厚望。

♑最近搬屋，鎖事繁忙，《香港關中英聯合腿蛋治》第17回，將會延後一個星期先出街，請大家見諒。

🇬🇧https://youtu.be/HhdWC68czIo

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百九十一回）
大軍閥平反系列

中華民國與日本簽訂21條後，日本勢力進一步入主東三省一帶，日本亦順理成章取代英帝國，成為中國最大利益獲得者，在之後日子，日本資本大力投資東三省，建設重工業及壟斷農業，而東三省所提供嘅各種原材料供應，更成為日本經濟國力不斷坐大嘅重要理由。

中華民國與日本的摩擦不斷增加，1916年8月，就發生「鄭家屯事件」（與鄭家純冇關）。鄭家屯位於今日吉林省，21條後，日本在該地駐扎56名士兵，並設置巡警署，8月13號，一名日本商人毆打一名中國兒童，當地中國駐軍28師士兵上前勸阻，引起爭執，之後發生武裝衝突，雙方都有傷亡。事件發生後，遼源縣知事（中華民國當地官員）親自前赴日本軍營慰問，反被扣留，中華民國軍隊被迫撤出許家屯區域。日本駐京公使更向北京政府提出嚴正抗議，要求大力處分尋釁滋事嘅中國官兵。

從上述事件可以睇到，當時日本已經一步一步侵蝕中華民國領土，類似「鄭家屯事件」嘅民間地區性衝突，響之後20年不斷發生，中日兩國仇恨，亦不斷與日俱增，到最後終於發展到二次世界大戰嘅「侵華戰爭」爆發。

在袁世凱死後，中華民國亦陷入一場「法統」危機，副總統黎元洪繼任大總統，以及段祺瑞即位國務總理，其實受到一場憲法爭論嘅挑戰。以北洋軍閥集團把持嘅北京政府為一方，西南軍閥控制嘅軍務院以及國民黨、進步黨等黨派為另一方，展開近一個月嘅激烈爭執，史稱「新舊約法之爭」。

「舊約法」係指孫中山於民國元年1911年制定公佈嘅《中華民國臨時約法》，包括係呢個基礎上修訂而成於1913年公佈嘅《大總統選舉法》；而所謂「新約法」，即係只由袁世凱一手炮製，於1914年5月公佈嘅《中華民國約法》以及同年12月公佈嘅《修正大總統選舉法》。兩者最大嘅分別係大總統嘅權力以及產生方法，尤其是喺政體、總統選舉、總統任期、總統權限等各方面規定有好大嘅差異。

咁究竟，黎同段所承繼嘅權力，係基於「新約法」抑或「舊約法」呢？如果唔承認袁世凱1914年嘅《新約法》，咁黎元洪同段祺瑞根本冇法理基礎主理中華民國中央政府？你可能覺得奇怪，乜當時1916年嘅人都要守法嘅？要談法治嘅？要追求法統嘅？冇錯！係啊！1916年嘅中華民國，仍然係一個追求法統嘅世界，大家做嘢，都需要有一個法治嘅基礎。

但點解變到今時今日咁呢？唔好講中國大陸喇（遠離理性嘅事物，我哋最好少啲討論），就講二十一世紀嘅香港，點解會變到無法無天，警察可以唔帶委任證？可以蒙面？可以隱藏身份？可以溝入外來人？可以同黑社會公開合作？可以講大話？可以打傳謀？可以濫捕、誘捕及毆打市民？事實上，歷史倒退咗100年。

新舊約法之爭，其實又係南北之爭，黎元洪係一塊「政治海綿」，佢唔希望得罪任何人，因此一直採用模棱兩可嘅態度，敷衍面對雙方爭拗，段祺瑞當然擁護新約法來加重自己嘅權力，但係佢亦唔敢太玩嘢，畢竟佢都一個合理嘅好人。

呢件事，同好多政治事件一樣，大家不斷拗嚟拗去，到最後始終冇一個定案，如果南方勢力拉倒北京中央政府嘅話，咁之後又點呢？又打仗？有冇咁多錢打仗呀？

況且我覺得最重要一點，係西方一眾列強，日、英、俄、法、意、比，特別係日本人，傾向支持黎元洪段祺瑞暫時執政，穩住局面。既然大佬都話ok，咁其餘做細嘅就唔敢出聲勒。

1916年6月29號，黎元洪以大總統名義，就約法同國會問題提出申令：「憲法未定以前，仍遵行中華民國元年3月11日公佈之臨時約法，之憲法成立為止。其二年10月5日宣佈之大總統選舉法，係憲法之一部，應仍有效……玆依臨時約法第五十三條，逐行召集國會，定於本年八月一起繼續開會。」

「新舊約法之爭」告一段落，黎段依「新約法」理據而承繼袁世凱政治權力，合法上臺執政主理北京中央政府，但佢哋承認「舊約法」法理基礎不變（放生孫文）。繼續模棱兩可，總之一切重新開始，中華民國嘅法統就態仲係處於討論階段，一切未達到有效共識，大家要繼續傾落去。但冇人諗過，1916之後10年，已經係中國人最接近法統嘅日子，係之後，所謂法統概念會離開中國人越嚟越遠，最後遠到我哋根本唔知法統係啲乜嘢？

不過我想講，「法統」啲嘢，始終係西餐，中國人要食中菜，食西餐永遠食唔慣。就算今日嘅香港，有英國人用咗百九幾年教你用刀叉，但係有人始終都係鍾意用筷子食中菜。西方事物，始終唔符合中國國情，中國人存在於地球村上，要有自己一套生存方法。呢個係審美嘅問題，正如紥腳三寸金蓮都有人覺得靚一樣，況且你成日話要擁抱普世價值，點解普世價值要由西方人去定義呢？唔通我哋中國人自己講嗰套就唔係普世價值咩？又況且，民主制就係要少數服從多數，即係話無論件事係啱定錯，只要有多數人支持，就係正確嘅。咁14億人夠唔夠多呢？

朋友啊，大家去思考一個問題。當有一日全世界大部分人都認為「自由」係唔應該存在嘅時候，咁「自由」係應該要消失嘅，因為大原則係少數要服從多數。今日嘅香港人，一定要好好諗吓呢個問題……至於問題嘅答案，其實你需要自己答自己。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【191回：大清亡國關 #君主立憲 蛋牛治】

♉發生響1906年慈禧太后提出嘅君主立憲運動，其實係滿清統治階層為咗回應民間不斷升溫嘅反對聲音而提出嘅降溫手段，當然係唔見棺材唔流眼淚嘅措施，如果清帝國識得響1860年，同日本一齊起步搞君主立憲政體，我諗成個世界歷史都會改變咗。歷史無如果，十九世紀日本人能夠放棄一切傳統文化、全面擁抱西方價值，因為佢哋冇文化包袱。而當時清國人，或者叫中國人，永遠覺得自己嗰套儒家哲學體系天下無敵，係世上最高端嘅政治行政產品。講真，如果真係得，就唔會之後搞到一鑊泡。

♊今日香港，仍然有唔少人好愛好擁護中國文化，好反西方文化，覺得洋腸都係唔好，係我哋自己中國人嗰套嘢先啱我哋中國人自己，對於有依種睇法嘅人，我冇嘢可以補充，我亦唔會同佢哋講道理，亦唔會嘗試扭轉佢哋嘅心態，畢竟人各有志，各有所好，百貨應百客。我覺得西方文明比中國文明優越，只係我自己嘅想法，我都可能會錯。

♑中國文化或者儒家哲學係咪好東西？其實我答你「係」，只不過要深切去理解儒家哲學嘅好處同埋深度，需要嘅文化背景比較強，簡單啲講就要讀多啲書，睇得明唐君毅牟宗三，你先至可以明白儒家思想係一個幾咁優越幾咁高尚嘅文化系統。否則流於表面，不求甚解，淪為教條主義，或接收埋當權者畀你嗰啲錯誤信息，你就只會得到儒家哲學唔好嘅嗰部份，啲堅嘢，你永遠無辦法得到。

♑西方文化優越之處，在於簡單易明，自由、民主、公義、三權分立……每一樣事物都非常容易理解，亦都切合人性所需。總括一句，中國文化的確係博大精深，但係問題在於深得濟、型過龍。要如實理解，其實好艱難，亦有好高要求，普通人應該做唔到，既然係咁，不如乾脆退而求其次，擁抱西方文明同普世價值，其實係一條簡單有效易明嘅道路。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/sOniCAWd-sM

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百九十二回）
大軍閥平反系列

1916年年中開始，段祺瑞及黎元洪上臺當政，開展咗中華民國真正「立憲共和國」聯邦制時代，其實亦係中國一個最民主嘅時代，清水總理段祺瑞係好人一個，黎元洪用現今香港人嘅角度，係一隻完全嘅和理非非動物。兩個人基本上都依從「法統」做事，可惜得出嚟嘅效果，係爭拗不斷，社會停滯不前。

同香港過去嘅日子都係一樣，國內同胞好鍾意講香港長期陷於政治爭拗漩渦之中，結果內耗大量精力，經濟同科技冇辦法追上強國強勁發展大時代，呢類「高見」，其實普遍存在香港人心裡面，甚至有人會覺得，我哋應該同內地同胞想法一致，放低身段接受極權統治，然後全心全意發展經濟。亦有人認為，「中國式極權模式」可能係現今世界政治嘅一個最可行政經模式，西方人都應該效法中國，放棄民主自由，follow me please。

不過亦都冇辦法，有錢係大曬，有錢就會好惡，有錢就係一切都正確。你話支爆？幾十年未爆喎老友？你話我欺壓人民？打壓言論自由？但今日大部份中國人都支持共產黨執政喎？香港搞逆權運動，中國人又冇人支持喎？你又點解釋呢？今日中國嘅發展，連美國人都驚，咁仲唔係正確？大前題係，「自由民主」唔可以當飯食，菲律賓印尼都有自由民主，結果係點呢？啲女人咪要出國嚟香港做工人囉。

舉多個例子，第一次世界大戰之後，威廉二世倒臺，德國嘅「第二帝國」時代結束，取而代之嘅係一個自由民主嘅文人政權，叫「威瑪共和國」，結果響威瑪政體當道嘅十幾年間，民主德國嘅發展停滯不前，日日有人遊行示威，甚至出現馬克大崩盤，全國經濟大蕭條，人民生活非常悽慘，最後催生希特拉納粹黨上臺，用極權統治修補殘局，亦為全人類之後送上最大嘅一場人道災難：WW ll！講完！民主自由真係冇撚用啊！

1916年嘅中國，大家對中國憲法採取嘅形式莫衷一是，各有各嘅見解，結果爭拗聲不住，其實，當時中國四億人口中，只有一小部分知道或者關心憲政係乜嘢，大部分中國人依然對政治一無所知，喺佢哋心裡面，慈禧太后=孫中山=袁世凱=黎元洪≈蔣介石≈毛澤東，其實完全冇分別，政治只係社會最上層金字塔頂極少數人嘅利益遊戲。既然自由民主法統喂唔飽我，我點解要理佢呢？

大致上，段祺瑞同黎元洪執政嘅時代，只係喺一片爭爭吵吵、離離合合、衆人爭權奪利中渡過，中間發生乜嘢事，我哋慢慢開始講……

1916年9月21號，安徽省都督、手中擁有一支二萬人「辮子兵」嘅張勛、省長倪嗣沖等召開第二次徐州會議，拉攏唔同省份嘅滿清殘餘勢力、復辟派保皇黨，推舉張勖做「十三省聯合會盟主」，會議最主要鞏固北洋集團勢力，反對南方國民黨為宗旨。會議之後，成員聯名致電北京政府，反對唐紹儀等人參加內閣，而且大力指摘國民黨議員同閣員刻意製造政治混亂。第二次徐州會議仲有一個最主要目的，就係開始討論復辟清朝嘅可能性，而且仲確立咗復辟滿清帝國嘅戰略程序。

北京政府方面，為籌辦召開新一輪國會，商討憲法國體，忙到一頭煙，其間繼續同西方列強不斷借錢，維持政府開銷同發展經濟，9月25號，廣九鐵路通車，香港人可以直接搭火車返大陸玩。

時間去到10月，10月1日，當時著名學者、畢業於美國康乃爾大學胡適（1891-1962）發表《與陳獨秀書》，開始正式倡導中國文學及文字革命，之後胡適成為咗「五四運動」嘅中流砥柱代。之後一年1917，胡適再去美國哥倫比亞大學讀埋個PHD返嚟（佢呢個哲學博士真係讀哲學嘅），從此以後，胡Sir就係中國知識分子嘅代表人物。

10月10號，孫文、蔡鍔、唐繼堯、陸榮廷、梁啟超、岑春煊受勛。表揚佢哋響推翻袁世凱帝制中所付出嘅努力，袁世凱6月6號死，屍骨未寒，已經開始被人鞭屍，之後仲鞭足100年，去到今時今日21世紀，所有中國人都要話佢係仆街。

10月31日，之前真國父黃興從美國回歸，打算同孫文講和，重投革命事業，但唔知點解，無厘頭死於一場急性胃潰瘍，佢嘅死有冇內幕？我唔講喇，之前亦都講過。總之從此以後，革命KOL就淨返孫文一個，你要擁抱革命，就只可以擁抱我！

黃興死後一星期，被譽為「再造共和第一人」，發動護國戰爭反對袁世凱嘅軍神劉松仁蔡鍔，亦都響日本福岡病逝，死因係肺結核，事實上蔡鍔由1916年8月頭病發，已經去咗日本醫病，拖咗三個月，始終難敵死神呼喚，死嘅時候實齡有33歲，同黃興一樣，英年早逝……

黃興同蔡鍔嘅早死，有人話係中國人冇運行，因為佢兩位都係忠肝義膽嘅好人，當然佢哋嘅聲名極佳，亦係因為dying young，如果俾佢哋活落去，可能到頭來都只係兩個許冠文式大軍閥。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【192回：大清亡國關 #岳飛 蛋牛治】

♉由今年6月9號一場反修例200萬人大遊行開始，香港進入一個全新時代，逆權運動遍地開花，而且越演越烈，暴力不斷升級，社會撕裂情況非常嚴重，黃藍兩邊完全冇偈傾，呢個亦都係發生喺我身邊嘅事情，早幾個月，雖然大家政見唔同，但都可以進行討論，但發展到今時今日，我實在冇辦法認同某些朋友嘅政見，畢竟人命關天，所謂道不同不相為謀，大家只有少啲見面，或者見面嘅時候避開政治敏感話題，唯有咁樣，亦都非咁樣不可。

♐早幾年，喺網絡上成日俾人笑嘅「勇武派」，或者叫「焦土派」到今日成為運動主流形式，「攬炒」漩渦已經形成，社會經濟深受打擊，年尾就快到，相信裁員結業核彈亦會好快爆炸，明年2020年會變成點？應該冇人會預測得到，我個人並不太悲觀，畢竟重新洗牌未嘗唔係一件好事，所謂有危先有機，太平盛世，通貨不斷膨脹，樓價上昇到兩萬蚊一尺，完全脫離一般市民嘅承受能力，其實先至最得人驚。

♏而家上街抗爭嘅年青人，好多都同我抱有相同諗法。太平盛世，其實邊有機會向上爬？既得利益者永遠肚滿腸肥，佔據有利位置者亦永遠唔會願意主動離開。處於食物鏈嘅最低層，其實冇嘢好輸，細訴歷史，上一個世紀90年代機會處處，其實都係因為一場8964，六四事件令好多香港人對中國共産黨失去信心，於是擁有資產者高薪厚職者紛紛移民加拿大，人走咗就有位置空出嚟畀後面嘅人上位，真相殘酷但係天經地義。

♑地覆天翻，時勢出英雄，火鳳凰終於會浴火重生，身為土生土長嘅香港人，我完全未驚過。未來一定更好，大家唔好悲觀，身處亂局當中，當然會擔驚受怕，但係亂局過後，日月自然就會換新天，未來一定會更好，唔知你信唔信呢？反正我就相信了。我常公子係一個樂觀主義者，我喜歡讀歷史，因為歷史上邊發生嘅事情，會令你更明白今天面對嘅嚴峻局面……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/RWESu7D0zC4

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百九十三回）
大軍閥平反系列

1911年辛亥革命推翻滿清，中華民國建立，但其實大家要知道，中華民國立國嘅《憲法》其實仍未制定清楚同落實，大家仲用緊一部叫《臨時約法》嘅物體做嘢同做法理基礎，仍係臨時性，叫用住先，只係condom，1916年8月1號北京黎段政權重新召開國會，就係要將制訂《中華民國憲法》嘅工作繼續。要寫民國歷史，真係好複雜同好亂，或者由1911年制定本《憲法》嘅發展過程，制訂憲法，係西方民主觀念「三權分立」（行政、立法、司法）中，立法機關嘅工作，而由1911年開始，國家級嘅立法組織其實出現過好多次嘅變化，現在為大家整理一下：

1.各省都督府代表聯合會（1911年11月30日-1912年1月28日），先喺武昌，後響南京召開，革命省份嘅都督，即軍事力量領袖為建立新共和國採取嘅第一個步驟。

2.臨時參議院（1912年1月28日-1913年4月8日），以南方革命黨人同國民黨員為核心，先響南京召開，然後遷移到北京，制定出一部《臨時約法》。

3.第一屆國會第一次會議（1913年4月8號-1913年11月13號）
，依一次係中國有歷史以來第一次召開嘅民主國會，可惜因為宋教仁之死為觸發點，引發南北之爭，連串爭執下，最後被袁世凱驅逐國民黨議員而解散。

4.政治會議（1913年12月15號至-1914年3月18號），一個係一個傀儡立法組織，係袁世凱為取代原有國會而召開。

5.約法會議（1914年3月18號-1914年6月5號），起草咗《新約法》，取代1913年頒布嘅《臨時約法》，純粹為袁世凱獨裁專政舖路。

6.參政院（1914年5月26號-1916年6月29號），由袁世凱控制下，依從《新約法》，暫時行使國家立法功能，即係袁世凱恢復洪憲帝制背後嘅最主要政治backup。

7.第一屆國會第二次會議（1916年8月1號-1917年6月12號），袁世凱死後舊國會恢復運作，重新承認1913年頒佈嘅《臨時約法》章程，由北京黎段政權掌控，目的係起草同制訂一部永久性嘅「中華民國正式憲法」，（劇透）可惜到最後都無成功。

由上面嘅描述可以睇到，中華民國立國短短五年間，其實係連一個正式公認嘅立法機構都冇辦法產生出嚟運作，而且1916年8月第一屆國會第二次會議後，仲有無數咁多次離離合合，仲有唔同嘅立法組織會出現同消失。參與其中嘅政客，因為大家有唔同意見，亦代表唔同嘅政治利益，因此完全無辦法達到共識同妥協，爭拗不斷發生，背叛亦都係常態，一部永久性中華民國嘅正式憲法，亦從來冇機會產生過。於是亂局持續落去，連一部正式憲法都冇嘅國家，其實唔可以稱呼為一個完全獨立嘅主權國家，憲法體制由於參予分子熱衷於派系鬥爭而耗盡咗自身嘅活力，呢個亦係當時中國大分裂時代嘅忠實寫照。

叉開一筆，政治如何可以達至共識？唔同的意見點樣先可以達成和解及統一呢？透過對話、協商同和談，就可以達到和諧？大家坐低傾，和理非非，就可以解決問題？化解爭執？

政治嘅吊詭就喺呢度，我哋明明大家都相信彼此間嘅談話協商，可以解決一切爭執。但係歷史話比我哋知，談判嘅作用非常有限，人類始終係弱肉強食茹毛飲血嘅哺乳類動物，一切政治紛爭，其實需要用暴力同軍事力量解決，邊個有錢邊個有兵邊個有暴力邊個惡，「槍桿子出政權」先係永恆真理，用暴力打贏咗你，用恐懼令你妥協令你不敢再反抗，然後先埋位傾，政治其實就是這麼一回事。

真正一部通行全國嘅共和國憲法，又能夠全面得到落實同推行，其實要去到1949年10月1號先至有……

20世紀初期嘅中華民國，其實充滿矛盾，整個國家喺矛盾同衝突中成長發展起嚟，有人問，點解西方世界嘅自由民主議會嗰套嘢，會冇辦法喺中國順利實行呢？呢個題目太大，好難回答。大概中國或中華民族本身就有一套自己嘅內在規律性存在，用現代人嘅講法，係DNA嘅問題，西方民主自由思想，某程度上真係如中國共產黨所講，並不符合中國國情。

毛澤東係1937年寫嘅《矛盾論》，最近大紅大紫，內裡有咁嘅描述：

「按照唯物辯證法的觀點，自然界的變化，主要地是由於自然界內部矛盾的發展；社會的變化，主要地是由於社會內部矛盾的發展，即生產力和生產關係的矛盾，階級之間的矛盾，新舊之間的矛盾，由於這些矛盾的發展，推動了社會的前進，推動了新舊社會的代謝。」

矛盾永遠唔會消失，社會上存在矛盾係常態，而且如果我哋相信毛主席，我哋更加要清楚「矛盾」並唔係壞東西，因為矛盾先至係推動社會前進同社會代謝嘅力量。信奉馬克思主義唯物辯証法嘅話，你就會明白，正常和平和諧穩定水靜河飛嘅社會先係最危險嘅社會，因為冇矛盾就會缺乏嚮前發展嘅動力，亦係違反唯物辯証法歷史法則，所以當冇矛盾嘅時候，就要想辦法製造矛盾，要想辦法製造鬥爭，睇過《22世紀殺人網絡》未，一個完美嘅系統，需要自我製造Bug同病毒，目的唔係破壞系統操作，而係要測試系統應對災難嘅能力，同埋加強系統自我完善發展嘅原動力。

冇錯，係深咗少少，不過一定係真相。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【193回：大清亡國關 #馬騮甩繩 蛋牛治】

♉常公子嘅香港近代史暫停一個禮拜，儲下稿先，今日繼續出蛋牛治，大清亡國嘅故事講到，慈禧太后為咗平息社會上嘅革命聲音，於1906年開始搞君主立憲回應國民，冇錯，你冇聽錯！當日嘅慈禧太后真係回應咗國民嘅訴求，大清國民要求開放政體，慈禧太后就答應開放政體，推動君主立憲運動，至於點樣開放幾時開放？拖唔拖你？做唔做得足十成？係另外一回事，總之你有訴求，我就嘗試回應你。

♑今日香港，民間嘅訴求已經好清楚，但政府嘅講法係「佢哋唔會屈服」？其實我好唔明，政府係為人民服務，人民嘅訴求就係政府應該做嘅嘢，邊有話屈服唔屈服？大家係公平嘅，你寄張稅單嚟，我照足稅單上嘅銀碼去交稅，平日奉公守法，有盡公民義務去投票，做足一個公民嘅本份。咁，我對你有訴求係合情合理，你要回應我嘅訴求，
亦係你嘅責任同本份，乜嘢叫做屈服呀？林鄭月娥你忽上腦嗎？

♉今日特區政府嘅問題，就係領導階層永遠覺得自己冇做錯，永遠覺得自己係做得最好，你哋班柒頭，以咁嘅身世同知識水平辦事能力收世上最貴嘅公務員人工，其實撫心自問，你哋醜唔醜？放你去美國，我諗你連做一個聯邦政府中級公務員嘅資格都冇，既然有高薪厚職，反而唔去好好檢討自己，永遠覺得自己嘅能力天下無敵，覺得所有問題係市民嘅問題。如果真係，之前個社會就唔會累積民怨？樓價亦都唔會升到二萬蚊一尺？你哋真係冇責任，Sorry，我唔覺喎，如果所有問題都係市民嘅問題，如果一切問題可以由市民自行內部協調解決，你哋班柒頭亦都冇存在嘅價值……

♍如今社會民怨沸騰，動盪不已。但係統治階層冇人問責、冇人落台、冇人認錯、其實係一個奇蹟。實際上，冇人要推翻呢個政府，普羅市民只係想政府回應訴求，大家以一個合情合理嘅態度，和平理性去解決深層次問題，永遠淨係識得以硬碰硬，以暴制亂，與民為敵，製造撕裂，香港冇運行，其實又係理所當然。

♊其實道理好簡單，並唔複雜。你哋係要用你哋嘅智慧同能力去解決香港現今嘅問題，唔好將個波傳去市民腳下，因為收緊二十幾三十萬港幣一個月人工的人係你哋，並唔係我哋。


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Phw6zQuiM50

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百九十四回）
大軍閥平反系列

1916年6月底，黎段政權上臺取代袁世凱執政，造就了第一次「法統重光」，中華民國再一次以「法統」重新建立，可惜之後發生嘅事情，只係亂上加亂。

正如1913年袁世凱解散舊國會，驅逐國民黨議員，取消法統。後世人都話係一代奸雄袁世凱出於一己私利製造嘅大陰謀，老實講，責任並唔喺剩係響袁世凱一方，舊國會被解散並唔係袁世凱刻意設計嘅陰謀，用劉仲敬嘅講法，係「而是各方缺乏良好協調造成的交通事故」，係集體炒車，「良好協調是長期經驗累積的產物」，而當時即中華民國建國兩三年貨仔，中國人又咁撚小氣？邊有呢種民主自由議會運作嘅經驗呢？而且要從協調中找到共識、達成默契，需要有犧牲精神同埋海量心境，即係有人要為咗大局著想唔怕蝕底、肯犧牲自己或自己所代表集團嘅利益，可惜上述嘅因素正正係中國DNA中所缺乏，今時今日嘅香港政局，你會睇得一清二楚。

後來袁世凱行番帝制，都係心裡面有一個覺悟，就係「中國人係要管嘅」，唔去管，就會甩繩馬騮，狗咬狗骨，就會電腦大爆炸。呢種覺悟袁世凱有，成龍都有，

1916年7月，新舊約法問題暫且解決，7月14號，唐繼堯以全體軍閥名義通電全國，宣佈撤銷南方「軍務院」，雙重中央局面結束，北京政府黎元洪大總統宣佈依法8月1日重新召開國會，國務總理段祺瑞亦開始佢嘅組閣工作。

段祺瑞嘅第一張內閣名單，其實相當有共融性，佢並唔係單純委任自己友入閣，佢設法係閣員名單中羅致北洋軍閥集、國民黨、進步黨、舊派官僚、甚至前帝制支持者等各種勢力做代表，務求想「劣」得個個都開心，可惜內閣名單一出場，就惹來各方非議，保守勢力一方屌名單中國民黨員太多，相反國民黨一面，就屌你老X土冇進步，所以大家都唔開心，亦冇人滿意。

上述事件反映民主制度嘅弱點，要明白一個哲學問題——世界上係冇一件事可以令所有人都滿意，你就算香港政府今日每個市民派十萬蚊，亦都有人會講派錢唔會幫到香港人。你做壞事固然仆街，但做好事亦有人會話你好心做壞事，所以響政治世界，其實並冇好壞黑白是非之分，有嘅只係「共識」同「協調」，多數人認同嘅就係「好事」。正如二次世界大戰，德國納粹黨屠殺猶太人，其實係大部份德國市民嘅意願，不單止德國人，當時亦有好多歐洲人覺得係應該，所以整個歐洲大陸滅絕猶太人行動先會順利發生。

要達到共識，就需要用唔同嘅手段去完成目的，關雲長關公固然重要，但係世界上只有一個 California荷里活，唔係所有人都好似美國人咁識拍電影同包裝自己嘅意識形態，要製造共識，最簡單嘅手段就係玩獨裁統治，一言堂政治環境下，99.99%嘅人舉手贊成，咁仲唔係最完美嘅「共識」境界？

以上問題，係每一個涉足想政治嘅朋友，應該好好思考一下嘅哲學問題。

之後黎元洪同段祺瑞不斷設法尋找各方共識，到最後改變咗某啲內閣成員名單，至此，新內閣名單基本就緒，只要等待國會通過，就完成法定手續。

中華民國國會依照1912年頒布嘅《臨時約法》第53條規定喺北京復會，1916年8月1號當日上晝十點，喺北京眾議院舉行開會儀式，參、眾兩院議員一共457人出席會議，大總統黎元洪致開幕詞，並根據《大總統選舉法》第4條規定，補行咗佢做大總統嘅宣誓儀式。

之後嘅成個8月，國會進行咗對憲法、政體同新政府內閣組成嘅激烈辯論，我個人認為，依個8月亦係中國人有歷史以嚟最民主自由嘅一個月，不同嘅意見大膽發聲，大家大鳴大放，在爭拗中尋找共識、響辯論中達到協調。大家要記住，依種我哋後世人覺得咁正斗嘅民主議會局面，係由黎元洪段祺瑞一手促成，後世抹黑段祺瑞嘅人，其實全部冇智慧同徧頗。

9月1號同4號，國會進行選舉點票，響超過半數同意之下，段祺瑞內閣成功夠票過關。10月底，國會更加補選咗當時嘅江蘇督軍馮國璋為副總統，但馮國璋睬你都生臭狐，佢並無前往北京任職，只係響佢嘅地盤南京接受中華民國副總統嘅任命，打仗出身嘅人就係太聰明，調我入中央？明昇暗降？馮國璋唔受依套喎，段祺瑞你傻的嗎？

黎元洪同段祺瑞對法統嘅努力，令一直處於嚴重對立狀態下嘅南北關係漸趨緩和，亦一度出現咗袁世凱當政時期從未有過嘅融洽合作氣氛，當時有人認為段祺瑞係民國再造民主自由法統嘅「功臣」，其實並無錯。

但係中國人就係鍾意鬥，外部矛盾稍有平息跡象，風平浪靜就會屎忽痕，內部就發生新矛盾。總統府同國務院兩派勢力，隨即於權力分佈、同埋第一次世界大戰對德國外交問題上大動干戈，展開咗激烈嘅權力鬥爭。

段祺瑞主理嘅國務院，由佢第一號頭馬國務院秘書長徐樹錚（1880-1925）把持，由於段徐有北洋系軍事力量作為後盾，佢哋根本唔將黎元洪嘅總統府放入眼內，而黎元洪亦唔甘心做「橡皮圖章」，積極拉攏國會民主力量同美國勢力支持，對抗主要由日本人支持嘅國務院勢力！

院府之爭，一觸即爆！

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【194回：大清亡國關 #憲法大綱 蛋牛治】

♉1908年清帝國頒佈憲法大綱，為君主立憲作好法律準備，憲法大綱一開始，就講出人民有集會結社嘅言論自由，而且採用西方三權分立制度。悲哀嘅係，110年過去，所有當時憲法大綱講嘅嘢，仍然未曾響現代世界中國社會落實。

♎三權分立係西方民主自由制度嘅基石，行政、立法、司法三權各自獨立，互不干涉，係一種良好嘅制度。近年有唔少香港人，反對這種已經行咗幾百年嘅有效政治社會運作制度，因為行政可以干預司法同立法，所謂三權，最後要為最高政權而服務。對於有這種想法嘅人，我冇嘢可以補充，既然佢哋可以認為入後波可以高速行曬成條屯門公路，我實在冇嘢可以講，「開倒車」係近年香港社會嘅常態，復古似乎係大潮流趨勢，過多一段時間，行返帝制或者君主立憲一啲都唔奇。因為真係好多中国人真心相信，中国真係需要有皇帝管治。袁世凱當年行番洪憲帝制嘅想法可能根本無錯，只不過佢係行得太前。

♉世界上並無一種政治制度係完美，哲學概念，世界上亦無一樣事物係絕對完美，西方三權分立當然亦有佢缺陷嘅地方，自由民主亦都好容易會產生「民粹社會」。思考世界和人生，並唔係要思考「那種東西那種選擇才是最好」嘅問題；而係要思考「那種東西那種選擇所帶來的壞處是最少」嘅問題，即所謂「兩害選其輕」。

♉比較「自由民主」同「極權統治」，壞處當然係前者比較少，呢個就係我選擇前者嘅理由，我並唔係話「民主自由」係世上最好係天下無敵，但係比較「極權統治」，前者無疑係優秀百倍。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Rl-OzpB7588

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

又啱

好post 好有心機 支持你

希望你可以講多啲自己睇法同意見

【常威近代史】（二百九十五回）
大軍閥平反系列

今集講黎元洪同段祺瑞之間嘅權力鬥爭，即係「院府之爭」。

其實近代中國史，都有另一場「院府之爭」，就係中共裡面嘅毛澤東同周恩來兩位偉大同志嘅鬥爭，毛澤東長期身兼國家主席軍委會主席，其實就係大總統；而長期擔當國務院總理周恩來，就控制國務院。兩人表面係親密戰友，但其實鬥到飛起。

毛澤東所代表嘅係真正共產主義烏托邦式左派幼稚病黨徒；而周恩來即係整個蘇聯訓練列寧式幹部實幹派官僚主腦。表面上毛澤東一人坐大，但其實佢處處受制於周恩來，1966年發動文化大革命，用十年浩劫時間，幾千萬人生命作為代價，毛派先向另一個列寧式官僚幹部劉少奇奪權，最後將矛頭直指周恩來，可惜特務出身智慧非凡嘅周恩來，就連齊天大聖都動唔到佢半條汗毛，1976、77年，兩個鬥足50年嘅偉人，雙雙前後腳去見馬克思。

邊個贏？當然係周恩來贏，跨代死鬥，要到第二代先分勝負，因為毛澤東後繼無人，佢嘅繼承人「你辦事、我放心」好人華國峰，忠誠滿分智慧零分，羔羊難敵狐狸，最後始終被另一個列寧式幹部官僚、政治強人鄧小平所取代，鄧小平奪權之後，更加粉碎毛澤東嘅所有夢想，實行開放改革，共產主義變資本主義。毛澤東在世嘅最後努力，亦衹能夠將佢嘅極左路線烏托邦式共產主義美夢，苟延殘存多17年。亦由鄧小平上臺開始，技術官僚當道，文革而生嘅歷史大補償由金字塔頂少數人所獨得，直至今時今日……

中共嘅故事以後大把機會講，返番去1916年11月先……

隨住黃興同蔡鍔去世，歷史進入新一章，中華民國國會8月1日復會，黎元洪宣誓做大總統，段祺瑞內閣名單通過，黎段政權擔正，袁世凱死後嘅權力真空得到修補。但係11月2號，就爆出眾議院提出彈劾國務院秘書長徐樹錚案。

先講講徐樹錚（1880-1925）呢個人，佢係江蘇人，任何人都有頭馬，佢就係段祺瑞隻頭馬。根正苗紅，日本陸軍士官學校畢業，由1901年開始成為段祺瑞嘅幕僚，係佢嘅私人秘書同文膽。佢唔係廢人，相反我個人感覺佢能力非常高，1912年徐樹錚為段祺瑞起草《北洋五十將乞共和電》，以武力威脅滿清王朝和平退位，係佢嘅一大功績。

1914年5月，徐樹錚被任命為陸軍部次長，成為中華民國陸軍第二把交椅，當時佢只係34歲。但袁世凱明顯唔like佢，1915年袁世凱稱帝，就係徐樹錚勸阻段祺瑞抵制帝制，於是袁世凱炒咗佢魷魚，袁世凱同段祺瑞關係惡化，就係因為一個徐樹錚。1916年6月，袁世凱死後，段祺瑞馬上拉返佢入政府，任命返佢做陸軍次長兼國務院秘書長，權傾朝野，絕對唔係講笑。

新格局下，黎元洪同段祺瑞權力鬥爭，院府之爭展開，其實理由又非常簡單，和你飛飛黎菩薩並唔係北洋系統嘅人，幾年之間由一個武昌小小兵頭，撈到大總統之位，其實某程度上係時來運到屎忽撞棍，所以有人話佢係民國歷史上最幸運嘅人，其實又無錯。反觀段祺瑞，無論資歷同實力都遠響黎元洪之上，點解要同你黎元洪平起平坐？你有乜撚嘢資格呀？

所以以段祺瑞為首嘅國務院北洋系人馬一樣睇唔起黎元洪，只係當佢係一個橡皮圖章，「簽名啦，大總統！」應該係一句經常出現嘅對白。其實由6月開始，已經爆出多次徐樹錚頂撞黎元洪，身為國家最高元首大總統黎元洪當然心有不甘，明白自己雖然勢孤力弱，但係手握當時最強大嘅武器，就係「法統」！而且段祺瑞響時人心目中，只係大奸大惡袁世凱嘅copycat，民意基礎輸蝕畀黎元洪。

1916年下半年，算係中國最自由民主嘅年代，大家依法做事，唔係有兵就惡曬。於是黎元洪借法統發爛，彈劾徐樹錚，彈劾案眾議院列出徐樹錚七大罪狀，包括藐視總統、強迫總統蓋印、秘密派員參加張勛嘅徐州會議、暗中操縱軍人干政……，條條大罪，法統面前，徐樹錚落馬，由黎元洪自己友張國淦（1876-1959）接任國務院秘書長。

徐樹錚下馬，院府衝突正式浮面。除咗徐樹錚，黎元洪亦開始安插大量自己人於新政府內，力圖抗衡段祺瑞北洋系統勢力擴張。

政治紛爭一直冇停過，但係一場中華民國意識形態大戰，就醞釀發生。辛亥革命之後，滿清王朝被推翻，其實亦都係儒家哲學嗰套君君臣臣、父父子子、要個社會井然有秩序嘅意識形態被大部份中國人所唾棄，唔信儒家哲學，咁信乜呢？

其後袁世凱想行洪憲帝制，目的都係想復興儒家哲學傳統文化，想個社會回復傳統秩序狀態，減少紛爭，再一次邁向大一統，袁世凱帝制嘅失敗，進一步證實，維持中國社會3000多年超穩定狀態嘅儒家哲學意識形態已經失去其生命力。

1916年11月12號，國會參眾兩院之中，就有超過100多名議員喺北京組成「國教維持會」，佢哋響國會提出，將「孔教」列為國教，要求寫入憲法，回復祭祀孔子之禮，國會憲法審議會開會審議憲法草案條文嘅時候，是否將孔教定為國教，成為議員之間激烈爭論嘅問題。而係當時社會上，一股徹底將舊文化儒家哲學摧毁嘅文化力量，亦都逐漸形成，舊嘅唔去新嘅唔嚟，係當時大部份人、或者講係年青人最時尚嘅想法。

當然，當年亦都冇人諗到，100年後，21世紀儒家哲學要喺個屎坑度錨返上嚟，重新擔當拯救中國人民道德滑坡嘅意識形態武器。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ


【常威近代史】第二部《中國一百年前的第一次改革開放》實體購買
https://www.382now.com/product?id=151

買左第三部
加油