大清亡國關慈禧蛋牛治 2
常公子
1001 回覆
45 Like
10 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
Nice
正常討論辣著個痴線佬，有病睇醫生啦
自己又要串人先 比人串番轉頭又頂唔順話人痴線佬
你睇醫生都沒撚用架啦 死撚左佢算啦
你睇醫生都沒撚用架啦 死撚左佢算啦
常公子歷史頻道303回：替大軍閥平反系列之 #張作霖】
♉1916年，袁世凱死後，風起雲湧，下一代爭霸者陸續出場，段祺瑞嘅「皖系」；馮國璋嘅「直系」互相對立，第三股勢力同時誕生，就係張作霖嘅「奉系」，三分天下局面形成，之後嘅幾年，基本上就係依三股勢力互相拉扯，製造出一個萬惡嘅「軍閥時代」。
♐張作霖嘅崛起，有相當傳奇性，亂世出英雄，張作霖絕對係代表人物，好多人都覺得，如果張作霖比較聰明一啲，同埋目光遠大一點，佢其實有機會成為最後嘅勝利者。張作霖渺小嘅地方係，佢只係想成為「東北王」，唔入關其實都ok；張作霖偉大嘅地方係，佢始終冇做日本人嘅狗，一生堅持平起平坐嘅對等合作關係，最後被刺，或者全因為佢嘅選擇同氣節（如果我哋認同張作霖係比日本人炸死嘅話）。
♑歷史嘅轉折並唔係掌握係張作霖手上，反而係掌握在佢個仔張學良手上，「東北易幟」，張學良同蔣介石聯盟，喺中國近代史上好重要嘅事情，當時中國兩個最大的軍事集團結盟為一，令蔣氐得到足夠嘅籌碼統一中國，真正威脅到日本，先逼使日本發動「九一八事變」，掀起中日戰爭序幕。當然以少帥張學良自己嘅講法，東北易幟係為咗和平，同樣西安事變都係（張學良口述，唐德剛著：《一部未完成的回憶錄：張學良口述歷史》）。
⛎如果張作霖真係死於日本人手上，日本人係行錯棋。繼續扶持張作霖，或者根本唔需要有一個「滿洲國」出現，如果世界上冇「滿洲國」，亦唔會發生中日戰爭，冇中日戰爭，就唔會造就1949年新中國嘅誕生……然後再然後，所有嘅嘢都要改寫。歷史充滿弔詭，冇人可以100%掌握未來，世界上冇先知，唯一一個先知叫托洛斯基。就好似今日嘅香港，千萬唔可以跟車太貼，政治局面瞬息萬變，或者簡單一D，不如睇到11月中，先睇睇開Donald Trump定Joe Biden？
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/KEO5KhOzinU
♉1916年，袁世凱死後，風起雲湧，下一代爭霸者陸續出場，段祺瑞嘅「皖系」；馮國璋嘅「直系」互相對立，第三股勢力同時誕生，就係張作霖嘅「奉系」，三分天下局面形成，之後嘅幾年，基本上就係依三股勢力互相拉扯，製造出一個萬惡嘅「軍閥時代」。
♐張作霖嘅崛起，有相當傳奇性，亂世出英雄，張作霖絕對係代表人物，好多人都覺得，如果張作霖比較聰明一啲，同埋目光遠大一點，佢其實有機會成為最後嘅勝利者。張作霖渺小嘅地方係，佢只係想成為「東北王」，唔入關其實都ok；張作霖偉大嘅地方係，佢始終冇做日本人嘅狗，一生堅持平起平坐嘅對等合作關係，最後被刺，或者全因為佢嘅選擇同氣節（如果我哋認同張作霖係比日本人炸死嘅話）。
♑歷史嘅轉折並唔係掌握係張作霖手上，反而係掌握在佢個仔張學良手上，「東北易幟」，張學良同蔣介石聯盟，喺中國近代史上好重要嘅事情，當時中國兩個最大的軍事集團結盟為一，令蔣氐得到足夠嘅籌碼統一中國，真正威脅到日本，先逼使日本發動「九一八事變」，掀起中日戰爭序幕。當然以少帥張學良自己嘅講法，東北易幟係為咗和平，同樣西安事變都係（張學良口述，唐德剛著：《一部未完成的回憶錄：張學良口述歷史》）。
⛎如果張作霖真係死於日本人手上，日本人係行錯棋。繼續扶持張作霖，或者根本唔需要有一個「滿洲國」出現，如果世界上冇「滿洲國」，亦唔會發生中日戰爭，冇中日戰爭，就唔會造就1949年新中國嘅誕生……然後再然後，所有嘅嘢都要改寫。歷史充滿弔詭，冇人可以100%掌握未來，世界上冇先知，唯一一個先知叫托洛斯基。就好似今日嘅香港，千萬唔可以跟車太貼，政治局面瞬息萬變，或者簡單一D，不如睇到11月中，先睇睇開Donald Trump定Joe Biden？
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/KEO5KhOzinU
【常威近代史】（四百二十七回）
列寧生命的最後一年（下）
「夢想是美好的，現實卻是殘酷的。」
「共產主義的夢是美好的，但實行共產主義卻是殘酷的。」
作為一個馬克思主義者嘅列寧，從來唔會迴避佢要面對嘅問題；作為一個無產階級革命家，迴避問題係可恥同懦弱嘅表現，既然已經愿意付出生命、無償地去解放全世界受苦受難嘅民眾，個人嘅情感其實一啲都唔重要。生命是屬於組織的、是屬於黨的（屬於人民）。如果你唔明白我講乜？或者你唔了解上述說話嘅意義係乜嘢？咁你永遠唔明白列寧模式共產黨為何物？
1923年3月列寧腦中風之前，佢燃燒生命中最後一年嘅燦爛火花，用衰敗嘅身軀全力工作，傳聞列寧一生，每天堅持工作大約16小時，你只要睇佢一生人所寫下嘅文字量，你就會一清二楚，當時冇cut and Paste冇影印機，冇得呃嘅。我講過，慈禧太后每日嘅工作時間都好長（超過12小時），今日，Donald Trump同習近平，我諗每日工作時間亦唔會少於12小時，一個大國要處理嘅事情實在太多太多，總統或領導人嘅工作，一定係燃燒生命（有得揀最好唔好做喇）。
我講過，當共產俄國（或稱蘇聯）建立之後，列寜面對大量問題，當中可歸納成兩個基本問題——就係「對外政策」同「官僚制度」，一個向外，一個朝內，對外政策係「俄羅斯蘇維埃聯邦社會主義共和國」喺敵對勢力包圍嘅情況下，能否生存嘅問題；而官僚制度則歸結於對於管理國家同發揮專職職能嘅問題。響一黨專政底下，共產主義官僚制度無所不管：所有蘇維埃公民、農業同藝術、工業同教育、運輸同新聞工作、宣傳同基建事務，除咗私人生活嘅瑣事以外，一切都管。
共產主義（或社會主義）係一種「集體主義」模式，強調團體合作性同紀律秩序；相反資本主義係一種「個人主義」模式，強調自由創造同市場規律。前者萬事皆管，難免會出現官僚主義；後者由市場需求決定，則必會出現資本壟斷、甚至帝國主義。
針冇兩頭利，兩種模式都有佢嘅好處同壞處。響戰爭動員期間同埋災難面前，講求秩序性嘅集體主義當然秤先，大家睇吓今次新型冠狀病毒疫情中國同美國嘅比較就一清二楚；和平盛世發展經濟，缺乏秩序同紀律嘅資本主義產生靈活調動，似乎無往而不利；我個人不將共產主義秤先資本主義，兩者有利也有弊，真係嗰一句：要符合國情同個別民族嘅實際需要。
【常威近代史】（四百二十七回）
列寧生命的最後一年（下）
「夢想是美好的，現實卻是殘酷的。」
「共產主義的夢是美好的，但實行共產主義卻是殘酷的。」
作為一個馬克思主義者嘅列寧，從來唔會迴避佢要面對嘅問題；作為一個無產階級革命家，迴避問題係可恥同懦弱嘅表現，既然已經愿意付出生命、無償地去解放全世界受苦受難嘅民眾，個人嘅情感其實一啲都唔重要。生命是屬於組織的、是屬於黨的（屬於人民）。如果你唔明白我講乜？或者你唔了解上述說話嘅意義係乜嘢？咁你永遠唔明白列寧模式共產黨為何物？
1923年3月列寧腦中風之前，佢燃燒生命中最後一年嘅燦爛火花，用衰敗嘅身軀全力工作，傳聞列寧一生，每天堅持工作大約16小時，你只要睇佢一生人所寫下嘅文字量，你就會一清二楚，當時冇cut and Paste冇影印機，冇得呃嘅。我講過，慈禧太后每日嘅工作時間都好長（超過12小時），今日，Donald Trump同習近平，我諗每日工作時間亦唔會少於12小時，一個大國要處理嘅事情實在太多太多，總統或領導人嘅工作，一定係燃燒生命（有得揀最好唔好做喇）。
我講過，當共產俄國（或稱蘇聯）建立之後，列寜面對大量問題，當中可歸納成兩個基本問題——就係「對外政策」同「官僚制度」，一個向外，一個朝內，對外政策係「俄羅斯蘇維埃聯邦社會主義共和國」喺敵對勢力包圍嘅情況下，能否生存嘅問題；而官僚制度則歸結於對於管理國家同發揮專職職能嘅問題。響一黨專政底下，共產主義官僚制度無所不管：所有蘇維埃公民、農業同藝術、工業同教育、運輸同新聞工作、宣傳同基建事務，除咗私人生活嘅瑣事以外，一切都管。
共產主義（或社會主義）係一種「集體主義」模式，強調團體合作性同紀律秩序；相反資本主義係一種「個人主義」模式，強調自由創造同市場規律。前者萬事皆管，難免會出現官僚主義；後者由市場需求決定，則必會出現資本壟斷、甚至帝國主義。
針冇兩頭利，兩種模式都有佢嘅好處同壞處。響戰爭動員期間同埋災難面前，講求秩序性嘅集體主義當然秤先，大家睇吓今次新型冠狀病毒疫情中國同美國嘅比較就一清二楚；和平盛世發展經濟，缺乏秩序同紀律嘅資本主義產生靈活調動，似乎無往而不利；我個人不將共產主義秤先資本主義，兩者有利也有弊，真係嗰一句：要符合國情同個別民族嘅實際需要。
列寧死前，已經深深感受到蘇聯官僚主義所帶嚟禍害，事實上在任何共產主義國家傳統中，「官僚主義」始終係最大最嚴重嘅問題，毛澤東發動多次民衆運動，包括「文化大革命」在內，與其話佢為了肅反同奪權，不如講佢想根除國內嘅官僚主義氾濫，可惜佢嘅last dance並冇成功，最後共和國仍然落入「官僚」手上……
同樣列寧想做嘅嘢，都冇完全做到，1923年3月9號腦中風之後，佢已經失去領導國家嘅能力，佢只能夠吐出幾個單字，因身體半邊癱瘓長期臥床，被送往政府休養所休養，正式遠離莫斯科克里姆林宮權力核心。呢個時候，大權亦正式落入史太林手上，而史太林同托洛斯基嘅黨內殘酷鬥爭，亦都開打。
5月份，列寧嘅情況忽然好起嚟，佢可以離開張床，響病房內踱嚟踱去，但亦出現古怪嘅行為，包括拒絕服藥、驅趕女護士以及唔俾醫生走近自己。佢能夠見客，亦會讀書，但係往往衹能夠重複著一個詞語：「馬上！」
10月19號，列寧甚至離開休養所，叫司機車佢入城，走咗一趟。佢積極地學習用左手寫嘢……整個政府及蘇維埃，所有人都盼望奇蹟能夠出現，列寧再一次領導國家向前走，可惜奇跡並沒有發生。
1924年1月21號晚上六點，列寧體溫突然升高，之後全身肌肉劇烈痙攣同失去知覺，於6點30分逝世，老婆克魯普斯卡婭響佢身邊，陪伴列寧離開人間，結束佢短短54歲嘅非凡生命。
23號，列寧遺體運到莫斯科，連續四日，幾十萬男女老幼，不分晝夜，冒著嚴寒，喺結冰嘅大街上，等候幾個小時排住長龍入去瞻仰列寧遺容，整個莫斯科陷入咗哀傷之中，世界上亦同時有千百萬人哀悼依位共產主義之父，喺紅場上克里姆林宮旁邊，正興建一個臨時嘅木制陵墓，27號，列寧嘅遺體被送入呢個建築物之中。
但好快遺體就被送入實驗室，喺嗰度，實驗員將佢嘅一啲內部器官從體內掏出嚟，而為咗令到列寧遺體能夠保持生前嘅樣子，更通過一種複雜嘅、至今仍沒有披露嘅化學處理手法，將一種防腐性物質注入屍體內代替體液。列寧嘅妻子克魯普斯卡婭並唔想列寧變成木乃伊，但係冇辦法阻止列寧遺體變成一種宗教嘅象徵器物，一切都以政治優先。
附帶一提，托洛斯基同其他中央委員當時都反對將列寧變成木乃伊，係史太林一意孤行咁做。從此以後，列寧遺體成為一個共產主義象徵物，成為一個擁有高度智慧、永垂不朽、絕對正確的聖賢哲人，用作團結整個蘇聯人民意識形態。
1945年，一座宏偉嘅建築物「列寧墓」正式響克里姆林宮前建成，列寧被安放於水晶棺內供後人參觀，1991年蘇聯解體，曾經有聲音要求取消「列寧墓」，但最後一切保持原狀，直至今時今日。
當然你有權唔鍾意佢，但係似乎冇人可以推翻佢喺二十世紀歷史上嘅重要性。
完。
#常威💀 #大軍閥平反系列 #大軍閥 #民國歷史
同樣列寧想做嘅嘢，都冇完全做到，1923年3月9號腦中風之後，佢已經失去領導國家嘅能力，佢只能夠吐出幾個單字，因身體半邊癱瘓長期臥床，被送往政府休養所休養，正式遠離莫斯科克里姆林宮權力核心。呢個時候，大權亦正式落入史太林手上，而史太林同托洛斯基嘅黨內殘酷鬥爭，亦都開打。
5月份，列寧嘅情況忽然好起嚟，佢可以離開張床，響病房內踱嚟踱去，但亦出現古怪嘅行為，包括拒絕服藥、驅趕女護士以及唔俾醫生走近自己。佢能夠見客，亦會讀書，但係往往衹能夠重複著一個詞語：「馬上！」
10月19號，列寧甚至離開休養所，叫司機車佢入城，走咗一趟。佢積極地學習用左手寫嘢……整個政府及蘇維埃，所有人都盼望奇蹟能夠出現，列寧再一次領導國家向前走，可惜奇跡並沒有發生。
1924年1月21號晚上六點，列寧體溫突然升高，之後全身肌肉劇烈痙攣同失去知覺，於6點30分逝世，老婆克魯普斯卡婭響佢身邊，陪伴列寧離開人間，結束佢短短54歲嘅非凡生命。
23號，列寧遺體運到莫斯科，連續四日，幾十萬男女老幼，不分晝夜，冒著嚴寒，喺結冰嘅大街上，等候幾個小時排住長龍入去瞻仰列寧遺容，整個莫斯科陷入咗哀傷之中，世界上亦同時有千百萬人哀悼依位共產主義之父，喺紅場上克里姆林宮旁邊，正興建一個臨時嘅木制陵墓，27號，列寧嘅遺體被送入呢個建築物之中。
但好快遺體就被送入實驗室，喺嗰度，實驗員將佢嘅一啲內部器官從體內掏出嚟，而為咗令到列寧遺體能夠保持生前嘅樣子，更通過一種複雜嘅、至今仍沒有披露嘅化學處理手法，將一種防腐性物質注入屍體內代替體液。列寧嘅妻子克魯普斯卡婭並唔想列寧變成木乃伊，但係冇辦法阻止列寧遺體變成一種宗教嘅象徵器物，一切都以政治優先。
附帶一提，托洛斯基同其他中央委員當時都反對將列寧變成木乃伊，係史太林一意孤行咁做。從此以後，列寧遺體成為一個共產主義象徵物，成為一個擁有高度智慧、永垂不朽、絕對正確的聖賢哲人，用作團結整個蘇聯人民意識形態。
1945年，一座宏偉嘅建築物「列寧墓」正式響克里姆林宮前建成，列寧被安放於水晶棺內供後人參觀，1991年蘇聯解體，曾經有聲音要求取消「列寧墓」，但最後一切保持原狀，直至今時今日。
當然你有權唔鍾意佢，但係似乎冇人可以推翻佢喺二十世紀歷史上嘅重要性。
完。
#常威💀 #大軍閥平反系列 #大軍閥 #民國歷史
✅本土唯一香港土話近代史文本
❤【常威近代史】第一部《大清亡國關慈禧蛋牛治》，全面開放，免費下載， #freedownload！
Free下載連結🔽
https://play.google.com/store/books/details?id=C3hjDwAAQBAJ
❤【常威近代史】第一部《大清亡國關慈禧蛋牛治》，全面開放，免費下載， #freedownload！
Free下載連結🔽
https://play.google.com/store/books/details?id=C3hjDwAAQBAJ
【常公子歷史頻道304回：替大軍閥平反系列之 #許家屯事件】
♉晚清歷史係一個借鏡，中國同日本之間發動全面性戰爭，其實係一個非常漫長嘅歷史過程，事源於1880年前後兩國同時展開全面洋化改革發展經濟，亦出現一場軍事競賽，當時唔係整核彈，而係打造一枝當時嚟講最先進嘅海軍艦隊，日本建設「聯合艦隊」，而清帝國則打造一支「北洋艦隊」，論軍艦數字噸位及戰鬥火力，兩支艦隊其實旗鼓相當，絕對唔係後人話日本遠遠淩駕於清國之上。
♐仗其實冇人想打，日本亦冇必勝嘅把握，政權並唔係賭博，因為輸一場仗，好容易會引發連鎖效應、最後全盤輸光。但當時中日之間插入咗朝鮮問題，朝鮮主權之爭成為中日兩國交戰導火線，觸發「甲午戰爭」，最後清帝國喺黃海上打輸，李鴻章喺日本春帆樓簽下喪權辱國、割地賠款嘅「馬關條約」。帝國缺口終於打開，之後十幾年就係骨牌效應，最後清帝國於1911年倒臺，歸根究底，就係由打輸一場甲午戰爭開始，所以如果忽略甲午戰爭嘅重要性，你冇辦法了解晚清歷史。
♑實體戰爭嘅代價實在太大，往往係一場豪賭。日本人打贏甲午戰爭，連本帶利贏開巷，名利雙收，擢昇成為列強之一，之後再賭多鋪，1905年打「日俄戰爭」，再贏多次，於是乎被勝利衝昏頭腦，以為自己戰無不勝，最後挑戰終極大佬，1941年偷襲珍珠港，企圖控制整個太平洋。不過日本第三次豪賭就輸咗，仲要食多兩粒原子彈，從此淪為美國附庸國，直至今時今日。
🔯歷史有驚人相似性，當年日本挑戰美國不逐，演變成今日嘅世界歷史格局。1991年蘇聯倒臺，美國最大對手消失，從此一國獨大，享盡榮華富貴，整個世界單邊主義行咗30年，到咗今時今日，美國嘅另一個對手終於出現，歷史會點樣走落去？當然冇人可以知道，我幾乎佢肯定一點，身處其中嘅當權者都冇辦法知道，「陰謀論者」嘅種種評論，往往不切實際，大家摸住石頭過河，係最好嘅描述。發生熱戰嘅可能性相對偏低，亦唔係因為大家懂得克制同諒解，原因只係一個「核」字，冇人想同歸於盡，亦冇人願意兩敗俱傷。
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/yBJCrqJK46U
♉晚清歷史係一個借鏡，中國同日本之間發動全面性戰爭，其實係一個非常漫長嘅歷史過程，事源於1880年前後兩國同時展開全面洋化改革發展經濟，亦出現一場軍事競賽，當時唔係整核彈，而係打造一枝當時嚟講最先進嘅海軍艦隊，日本建設「聯合艦隊」，而清帝國則打造一支「北洋艦隊」，論軍艦數字噸位及戰鬥火力，兩支艦隊其實旗鼓相當，絕對唔係後人話日本遠遠淩駕於清國之上。
♐仗其實冇人想打，日本亦冇必勝嘅把握，政權並唔係賭博，因為輸一場仗，好容易會引發連鎖效應、最後全盤輸光。但當時中日之間插入咗朝鮮問題，朝鮮主權之爭成為中日兩國交戰導火線，觸發「甲午戰爭」，最後清帝國喺黃海上打輸，李鴻章喺日本春帆樓簽下喪權辱國、割地賠款嘅「馬關條約」。帝國缺口終於打開，之後十幾年就係骨牌效應，最後清帝國於1911年倒臺，歸根究底，就係由打輸一場甲午戰爭開始，所以如果忽略甲午戰爭嘅重要性，你冇辦法了解晚清歷史。
♑實體戰爭嘅代價實在太大，往往係一場豪賭。日本人打贏甲午戰爭，連本帶利贏開巷，名利雙收，擢昇成為列強之一，之後再賭多鋪，1905年打「日俄戰爭」，再贏多次，於是乎被勝利衝昏頭腦，以為自己戰無不勝，最後挑戰終極大佬，1941年偷襲珍珠港，企圖控制整個太平洋。不過日本第三次豪賭就輸咗，仲要食多兩粒原子彈，從此淪為美國附庸國，直至今時今日。
🔯歷史有驚人相似性，當年日本挑戰美國不逐，演變成今日嘅世界歷史格局。1991年蘇聯倒臺，美國最大對手消失，從此一國獨大，享盡榮華富貴，整個世界單邊主義行咗30年，到咗今時今日，美國嘅另一個對手終於出現，歷史會點樣走落去？當然冇人可以知道，我幾乎佢肯定一點，身處其中嘅當權者都冇辦法知道，「陰謀論者」嘅種種評論，往往不切實際，大家摸住石頭過河，係最好嘅描述。發生熱戰嘅可能性相對偏低，亦唔係因為大家懂得克制同諒解，原因只係一個「核」字，冇人想同歸於盡，亦冇人願意兩敗俱傷。
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/yBJCrqJK46U
【常威近代史】（四百二十八回）
風吹雞蛋殼 財散人安樂
1924年1月，國民黨一屆一中全會響廣州召開中，因為接獲大佬列寧死訊，停辦3日，之後繼續。會議推舉廖仲愷常務委員、戴季陶同譚平山為中央執行委員會常務委員，決定成立國民黨中央黨部，由廖仲愷任秘書長（再提一提大家，廖仲愷係廖承志父親），各分部部長為：組織部譚平山、宣傳部戴季陶、工人部廖仲愷、農民部林伯渠、青年部鄒魯、婦女部曾醒、軍事部許崇智。
當中要提一提林伯渠（1886-1990），林伯渠，湖南人，係中國共產黨重要領導人之一，與董必武、徐特立、謝覺哉和吳玉章並稱為「中共五老」。
會議亦決定設立五個國民黨地方執行分部：上海執行部由汪精衛、胡漢文、張人杰、瞿秋白、毛澤東負責。上海係當時中華民國一個最重要嘅經濟城市，沒有其他，上海執行分部嘅負責人，可以睇到粒粒皆星。北京執行部由李大釗、于樹德、張國燾、蔡元培負責；漢口執行部由覃振，張知本、林柏渠、林育南、李立三等負責；哈爾濱執行部由居正、張秋白負責；四川執行部由熊克武、石青陽負責。
情況就好似周天子分封各路諸侯，國共兩黨大員分別分封全國各地。其實當時掃蕩中原吳佩孚嘅北伐都未發生，孫文嘅南方軍政府先啱啱改組完成，搭靚個棚，統一中原？正所謂十劃都未有一撇，但係國民黨一屆一中全會上，似乎國共兩黨都信心十足，佢哋全部都係聰明人，唔會打冇把握嘅仗，似乎來自「第三國際」支援下嘅人力物力軍力，絕對非同小可。
「事後」當然大家都清楚，但「事前」預測先係最重要，賭馬如是股票如是政治亦如是。
記唔記得之前，孫文南方軍政府嘅海關關餘事件，具體情況係咁，自1920年4月開始，因為廣州軍政府內部紛爭（孫文同陳炯明之間嘅鬥爭），粵海關對軍政府暫停支付關餘（即經粵海關出入口關稅之中，有某部分屬於廣州軍政府），之後列強外交團決定將原本歸於軍政府嘅13.7%嘅粵海關關餘交畀北京政府，孫文強烈反對，講到錢唔可以講笑，佢威脅如果要咁做，佢就會派兵接收粵海關，之後列強派出17艘軍艦到達廣州珠江示威，凶9番孫文轉頭。
件事由美國公使舒爾曼擺平，1月6號，佢會見孫文，喺舒爾曼斡旋之下，關餘問題達成折衷方案，北京唔要，孫文亦冇得要，之後由北京政府下令，將此筆關餘撥作江西疏導洪水之用，做善事。
踏入2月，北京中央政府仍然比個「窮」字糾纏，講真，一個國家無論係乜嘢政治制度，帝制又好、自由民主又好、獨裁統治都好，但千萬唔可以窮，因為國家一窮就乜嘢制度都係水深火熱，大家睇吓今日嘅南美同非洲喇？
2月要過農曆新年，叫年關，年關難過年年過，北京各級公務員過去兩三年已經被多次拖糧，農曆年到，大家都叫救命，於是公務員組成索薪團向政府追討人工過年，但政府僅僅發放一個月嘅欠薪幫大家渡過年關。
做警察嘅更大鑊，京城一帶嘅軍警已經半年冇糧出，身無分文，其他各地嘅駐軍亦都派代表嚟北京攞錢，但有鬼錢咩？有啲代表連旅費都用埋，被逼訓街。參眾兩院嗰批大食懶議會亦都冇糧出，其實班國會議員社會賢達個個平日都好大洗好揮霍，充大頭鬼，咁冇糧出，自然俾大耳窿追數，有人甚至要著草，狼狽不堪。
社會經濟不景氣，生意都難做，商人個個欠債，十個煲九個蓋，北京市面唔少鋪頭結業，一片蕭條，慘卵到死。唔好問我啲錢去咗邊？亦唔好去問點解大總統曹錕咁曡水而中央政府咁L窮？呢啲問題好難去答，大家心知肚明。其實一個國家之所以混亂，有時候係因為賬目混亂，盤數要清清楚楚，做到某程度上冇人可以上下其手，要去到1949。
有人話今日嘅香港點衰點墮落，但係大家仲可以睇到條數，睇到啲錢洗去咗邊？我可以講俾大家知，我相信世界上仲有80%以上嘅國家，政府盤數仍然好混亂，完全唔透明。
當時嘅北京，有一個人嘅勢力逐漸冒起，佢係直系陸軍檢閱使馮玉祥（1882-1948），當時整個北京城嘅治安，由佢話事。2月15號發生咗一單咁嘅嘢，話說馮玉祥應邀前赴美國公事館赴宴，車隊行到東交民巷，竟然遭外國人巡警攔截，指馮玉祥座駕嘅車頭燈太亮眼，涉嫌犯法，馮玉祥大怒之下，命令衛隊痛毆外警，佢自己亦都落車打埋一份，鬼佬警察被打走，馮玉祥泰然赴會，當冇件事發生。
事後公使團為咗呢件事向北京政府提出嚴正抗議，馮玉祥亦未驚過，2月19號，馮玉祥同李德全響北京南苑舉行簡樸嘅婚禮，佢嘅原配夫人喺上年12月病逝。
馮玉祥唔係一個可以講笑嘅人物，係一個典型嘅軍閥，如果要寫佢嘅故事，又可以寫幾集。不過首先可以提一提大家，馮玉祥係最早同俄共建立關係嘅中國軍人，早前佢曾經駐守内蒙古，俄共啱啱打開外蒙古嘅路線，面向遠東，俄共需要響邊界之外嘅緩衝區，馮玉祥響李大釗嘅搭線下，同俄共接觸，雙方一拍即合，建立穩定關係，俄共通過外蒙古向馮玉祥提供軍火同物資，而李大釗則獲准喺内蒙古成立「内蒙古人民黨」，發展共產主義。
所以「第三國際」一直視馮玉祥係老朋友，響之後嘅北京，同北伐前後，馮玉祥都擔任重要角色，佢嘅故事，之後慢慢講。
#常威💀 #大軍閥平反系列 #大軍閥 #民國歷史
社會經濟不景氣，生意都難做，商人個個欠債，十個煲九個蓋，北京市面唔少鋪頭結業，一片蕭條，慘卵到死。唔好問我啲錢去咗邊？亦唔好去問點解大總統曹錕咁曡水而中央政府咁L窮？呢啲問題好難去答，大家心知肚明。其實一個國家之所以混亂，有時候係因為賬目混亂，盤數要清清楚楚，做到某程度上冇人可以上下其手，要去到1949。
有人話今日嘅香港點衰點墮落，但係大家仲可以睇到條數，睇到啲錢洗去咗邊？我可以講俾大家知，我相信世界上仲有80%以上嘅國家，政府盤數仍然好混亂，完全唔透明。
當時嘅北京，有一個人嘅勢力逐漸冒起，佢係直系陸軍檢閱使馮玉祥（1882-1948），當時整個北京城嘅治安，由佢話事。2月15號發生咗一單咁嘅嘢，話說馮玉祥應邀前赴美國公事館赴宴，車隊行到東交民巷，竟然遭外國人巡警攔截，指馮玉祥座駕嘅車頭燈太亮眼，涉嫌犯法，馮玉祥大怒之下，命令衛隊痛毆外警，佢自己亦都落車打埋一份，鬼佬警察被打走，馮玉祥泰然赴會，當冇件事發生。
事後公使團為咗呢件事向北京政府提出嚴正抗議，馮玉祥亦未驚過，2月19號，馮玉祥同李德全響北京南苑舉行簡樸嘅婚禮，佢嘅原配夫人喺上年12月病逝。
馮玉祥唔係一個可以講笑嘅人物，係一個典型嘅軍閥，如果要寫佢嘅故事，又可以寫幾集。不過首先可以提一提大家，馮玉祥係最早同俄共建立關係嘅中國軍人，早前佢曾經駐守内蒙古，俄共啱啱打開外蒙古嘅路線，面向遠東，俄共需要響邊界之外嘅緩衝區，馮玉祥響李大釗嘅搭線下，同俄共接觸，雙方一拍即合，建立穩定關係，俄共通過外蒙古向馮玉祥提供軍火同物資，而李大釗則獲准喺内蒙古成立「内蒙古人民黨」，發展共產主義。
所以「第三國際」一直視馮玉祥係老朋友，響之後嘅北京，同北伐前後，馮玉祥都擔任重要角色，佢嘅故事，之後慢慢講。
#常威💀 #大軍閥平反系列 #大軍閥 #民國歷史
【常公子歷史頻道305回：替大軍閥平反系列之 #立憲共和國】
♉1911年辛亥革命後，新建立嘅中華民國係一個立憲共和國，但係所謂一部正式、非臨時嘅「中華民國憲法」，始終喺各方政治勢力不斷爭拗之下，從來未正式定案，「憲法」未明，自然無所依從，亦冇辦法出現一個政治主體同最高標準，去統合及協調各方勢力，於是分裂情況日益嚴重，大家各自為政，各有各自己心目中嘅一套「憲法」同「標準」，情況係大家愈走愈遠，爭拗愈嚟愈多。
♉希望透過和平談判、協商同諒解，去達致和平及解決問題，似乎一直都唔work，呢個亦唔係單純中國人嘅問題，係整個世界人類嘅問題。到最後，祇有靠眾多分裂勢力嘅其中一股，打倒其他對手，建立威權產生武力震攝作用，先可以平定局面，1926年蔣介石國民黨嘅北伐係第一次，1945年後嘅國共內戰係第二次，中間仲有一場慘烈無比嘅中日戰爭，最後由中共取得政權，統一混亂分裂嘅中國，建立中華人民共和國，從此以後，憲法定調，貨幣統一，國家先可以真正發展起嚟、建設起嚟。
♑對我哋呢一輩接受西方教育長大嘅人，的確好難接受「槍桿子出政權」呢個事實，「邊個有兵邊個惡邊個有槍邊個話事」、「誰大誰惡誰正確」依套，某程度上係非常野蠻同庸俗，真係唔可以輕易接受，大概「和理非非」大法就係咁樣煉成。但係有陣時回想起嚟，事實始終係事實，就算接受唔到都要接受。所謂和平並非嚟自協商，而係嚟自暴力，的而且確亦係真相。子曰「四十而不惑」，我已年過四十，應該要明白真相。
⛎40歲之後係50歲，年過半百之人，生命已經走到最後階段，依個關口離我亦不遠矣，子曰「五十而知天命」，天命即係宿命，即係命運嘅安排，人嘅力量可以改變客觀環境，但冇能力改變天命，即改變自然定律。中庸有曰「天命謂之性」，「性」指人性， Human nature，人性是天命所賦予，即係「老本」。 用一個最庸俗嘅例子去講：由於你老竇唔係李嘉誠，所以佢留低畀你嘅遺產就祇有這麼多，祇有20萬港紙，你嘅老本就係20萬，如果你想用20萬響香港去投資地產業或者高科技，你應該完全冇機會。understand？天命所賦予嘅「人性」就係咁多，人性有其侷限性，你想突圍其實好艱難。「人類從來無辦法喺協商同談判中解決問題」就同「人類到現在為止仍然無法瞭解宇宙」一樣，係我哋本性嘅侷限，係我哋能力冇辦法做到嘅事。
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/XMzn1eB9eqU
♉1911年辛亥革命後，新建立嘅中華民國係一個立憲共和國，但係所謂一部正式、非臨時嘅「中華民國憲法」，始終喺各方政治勢力不斷爭拗之下，從來未正式定案，「憲法」未明，自然無所依從，亦冇辦法出現一個政治主體同最高標準，去統合及協調各方勢力，於是分裂情況日益嚴重，大家各自為政，各有各自己心目中嘅一套「憲法」同「標準」，情況係大家愈走愈遠，爭拗愈嚟愈多。
♉希望透過和平談判、協商同諒解，去達致和平及解決問題，似乎一直都唔work，呢個亦唔係單純中國人嘅問題，係整個世界人類嘅問題。到最後，祇有靠眾多分裂勢力嘅其中一股，打倒其他對手，建立威權產生武力震攝作用，先可以平定局面，1926年蔣介石國民黨嘅北伐係第一次，1945年後嘅國共內戰係第二次，中間仲有一場慘烈無比嘅中日戰爭，最後由中共取得政權，統一混亂分裂嘅中國，建立中華人民共和國，從此以後，憲法定調，貨幣統一，國家先可以真正發展起嚟、建設起嚟。
♑對我哋呢一輩接受西方教育長大嘅人，的確好難接受「槍桿子出政權」呢個事實，「邊個有兵邊個惡邊個有槍邊個話事」、「誰大誰惡誰正確」依套，某程度上係非常野蠻同庸俗，真係唔可以輕易接受，大概「和理非非」大法就係咁樣煉成。但係有陣時回想起嚟，事實始終係事實，就算接受唔到都要接受。所謂和平並非嚟自協商，而係嚟自暴力，的而且確亦係真相。子曰「四十而不惑」，我已年過四十，應該要明白真相。
⛎40歲之後係50歲，年過半百之人，生命已經走到最後階段，依個關口離我亦不遠矣，子曰「五十而知天命」，天命即係宿命，即係命運嘅安排，人嘅力量可以改變客觀環境，但冇能力改變天命，即改變自然定律。中庸有曰「天命謂之性」，「性」指人性， Human nature，人性是天命所賦予，即係「老本」。 用一個最庸俗嘅例子去講：由於你老竇唔係李嘉誠，所以佢留低畀你嘅遺產就祇有這麼多，祇有20萬港紙，你嘅老本就係20萬，如果你想用20萬響香港去投資地產業或者高科技，你應該完全冇機會。understand？天命所賦予嘅「人性」就係咁多，人性有其侷限性，你想突圍其實好艱難。「人類從來無辦法喺協商同談判中解決問題」就同「人類到現在為止仍然無法瞭解宇宙」一樣，係我哋本性嘅侷限，係我哋能力冇辦法做到嘅事。
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/XMzn1eB9eqU
【常威近代史】（四百二十九回）
黑社會社團政治模式
喺國父孫文生命嘅最後一年，佢似乎將焦點集中響北伐戰爭之上，我講過，孫文係一個「廣東迷」，生於斯，長於斯，對長江以北嘅北方，興趣並唔大（你睇佢一路冇學好國語或普通話北方語你就明白），問題仍然停留喺王家衛《一代宗師》中所述嘅南北之分，不過南方地帶有一個非常重要嘅城市，冇錯，千回百轉，兜兜轉轉，就係大錢罌遠東金融中心上海，得上海則可得天下，之後發生蔣介石領導下嘅北伐戰爭，終點站亦都係上海。
無論如何，你承認又好唔承認又好，金錢先係最重要，北京中央政府冇辦法有所作為，全因為莫財；東北張作霖咁威，因為有日本人背後打本做生意；孫文能夠翻盤打北伐戰爭，亦因為蘇聯條大水喉。我個人認為，孫文得廣州，能夠控制廣東省一帶打敗陳炯明，佢已經心滿意足，但係「聯俄容共」政策下，赤色革命政權必須壯大落去，「第三國際」全力向中國「輸出革命」，當然亦唔係單單「革」區區一個廣州「命」。
1924年1月24號，孫文任命蔣介石為中國國民黨陸軍軍官學校籌備委員會委員長，校址設在廣州黃埔，依一間亦係之後大名鼎鼎嘅「黃埔軍校」。
國民黨「一大」結束之後，塵埃落定，廣州軍政府亦全情投入北伐戰爭預備之中。當時形勢，盤據中原嘅關公吳佩孚、甚至北京嘅大總統曹錕，似乎都未能及時醒覺嚟自南方孫文嘅軍事威脅，直系嘅心腹大患，仍然係東北嘅張作霖。不過孫文坐大，亦正式與張作霖形成前後夾攻直系之勢。
講開又講，吳佩孚成為第一個登上美國時代雜誌封面嘅中國人，亦係1924年年頭嘅事，當時時代雜誌將吳佩孚吹捧成為「中國最強者」，話佢有力統一中國。從上述事件可以睇到，吳佩孚當時係美國在華利益嘅代理人，美國甚至想捧佢代替大佬曹錕，當然事後睇返，美國完全係錯判形勢，登上時代雜誌封面嘅民國關公，可能高處不勝寒，事業亦將行到盡頭。
講返廣州，1924年2月頭，孫文軍政府同廣州商會協定，發行善後短期手票50萬貸款俾政府，應付軍費及各項政府開銷。件事非常清楚，要北伐吖嘛？要打仗吖嘛？咪要籌旗囉，唔通政權自己出曬咩？現代世界，好多人都有一種錯誤理解，其實打仗都係一種經濟活動，仲係一種非常有效嘅經濟活動，你係咪支持我先？你係咪支持政權先？係就俾錢，而且冇得唔俾，否則政治後果自負。
新冷戰格局下，美國要支持臺灣對抗中國，首先就賣批F-16俾你先，仲成立埋臺灣維修部，成筆大生意，美國軍火商袋袋平安先，明白未？要圍剿中國，要控制環太平洋，各位盟友，唔該畀錢買軍火先，和平穩定以及平衡，需要付費，或叫收陀地。
政府要出錢買軍火，到頭來重擔始終落入平民百姓肩上。1924年嘅廣州，軍政府財政部就將向商人借返嚟嘅50萬元中嘅23萬元短期手票發俾軍人做伙食費，軍人揸住「手票」（即等同新印嘅銀紙），就響廣州街頭購物。最出位嘅係，事前廣州總商會同政府並冇發出公告，商人同市民亦未收過消息。於是有店東拒絕收票，發生口角繼而動武，有人被殺，之後全廣州商店罷市。
幾日後，軍政府要擺平事件，宣佈暫時撤銷手票購物，2月10日全廣州先復市。老實講，孫文對廣州人的確幾好，之前被逐出廣州時，已經用軍艦炮轟過廣州百姓，今日又玩新銀紙……然之後，當然陸續有嚟，鬼叫你支持我孫文咩？係咪？
2月2號，「一貫道」首領「路中一」病逝，享年73歲，大權落入其妹「路中花」手中，聽個名你就知道係邪教，《論語．里仁》：「慘手！吾道一以貫之」，「一貫道」最初響山東一帶發展，20年代開始，一貫道開始向河南、河北、山西、陝西等地擴展，教徒人數有幾十萬、甚至過百萬（冇正式統計數據）。依類半黑社會半宗教式嘅迷信「非法社團」，當時響中國有好多，或大或細，細嘅組織幾千幾百人埋堆圍爐，佔領一個山頭一個鎮，就可以自立為王，各地政府俾面你，叫你做社團，如果你唔聽話想作反，就叫「匪」，匪係要剿嘅。
玩到最大，咪清末洪秀全「太平天國」囉，同一樣嘢嚟啫，即係「黃巾賊」、「五斗米道」、倚天屠龍記張無忌「明教」、龍虎門東方無忌「白蓮教」，亦即係陳勝、吳廣、項羽、劉邦、張獻忠、李自成、孫文革命黨、共產黨、法輪功、水房、三合會……如此種種，性質完全相同，只係外表包裝相異。總之個社會窮人夠多，大家冇飯開，有個人插支旗仔話包伙食生老死葬，就自然可以聚人，人聚得少，人數唔夠，叫黑社會；人數夠多，意識形態理論硬淨，就叫政權，understaood？
中國實在太大，人口實在太多，充滿多樣性及多元化，經濟不景時代，盜賊如毛係常態，歷代統治階層追求「大一統」，亦並非單純為咗權力，有時候只係為咗「管治」成為可能，大家你一句我一句，各抒己見、各有山頭、或割地稱王，最後一定係大分裂。唔好問我「統一」好？抑或「分裂」好？近代歷史我衹能夠提供一個例子，蘇聯未分裂前係超級大國，分裂後力量全無，就係咁多，no more補充。
#常威💀 #大軍閥平反系列 #大軍閥 #民國歷史
政府要出錢買軍火，到頭來重擔始終落入平民百姓肩上。1924年嘅廣州，軍政府財政部就將向商人借返嚟嘅50萬元中嘅23萬元短期手票發俾軍人做伙食費，軍人揸住「手票」（即等同新印嘅銀紙），就響廣州街頭購物。最出位嘅係，事前廣州總商會同政府並冇發出公告，商人同市民亦未收過消息。於是有店東拒絕收票，發生口角繼而動武，有人被殺，之後全廣州商店罷市。
幾日後，軍政府要擺平事件，宣佈暫時撤銷手票購物，2月10日全廣州先復市。老實講，孫文對廣州人的確幾好，之前被逐出廣州時，已經用軍艦炮轟過廣州百姓，今日又玩新銀紙……然之後，當然陸續有嚟，鬼叫你支持我孫文咩？係咪？
2月2號，「一貫道」首領「路中一」病逝，享年73歲，大權落入其妹「路中花」手中，聽個名你就知道係邪教，《論語．里仁》：「慘手！吾道一以貫之」，「一貫道」最初響山東一帶發展，20年代開始，一貫道開始向河南、河北、山西、陝西等地擴展，教徒人數有幾十萬、甚至過百萬（冇正式統計數據）。依類半黑社會半宗教式嘅迷信「非法社團」，當時響中國有好多，或大或細，細嘅組織幾千幾百人埋堆圍爐，佔領一個山頭一個鎮，就可以自立為王，各地政府俾面你，叫你做社團，如果你唔聽話想作反，就叫「匪」，匪係要剿嘅。
玩到最大，咪清末洪秀全「太平天國」囉，同一樣嘢嚟啫，即係「黃巾賊」、「五斗米道」、倚天屠龍記張無忌「明教」、龍虎門東方無忌「白蓮教」，亦即係陳勝、吳廣、項羽、劉邦、張獻忠、李自成、孫文革命黨、共產黨、法輪功、水房、三合會……如此種種，性質完全相同，只係外表包裝相異。總之個社會窮人夠多，大家冇飯開，有個人插支旗仔話包伙食生老死葬，就自然可以聚人，人聚得少，人數唔夠，叫黑社會；人數夠多，意識形態理論硬淨，就叫政權，understaood？
中國實在太大，人口實在太多，充滿多樣性及多元化，經濟不景時代，盜賊如毛係常態，歷代統治階層追求「大一統」，亦並非單純為咗權力，有時候只係為咗「管治」成為可能，大家你一句我一句，各抒己見、各有山頭、或割地稱王，最後一定係大分裂。唔好問我「統一」好？抑或「分裂」好？近代歷史我衹能夠提供一個例子，蘇聯未分裂前係超級大國，分裂後力量全無，就係咁多，no more補充。
#常威💀 #大軍閥平反系列 #大軍閥 #民國歷史
【常公子歷史頻道306回：替大軍閥平反系列之 #矛盾】
♉人類世界充滿矛盾，原因是很多時候我們祇有兩種選擇：做抑或唔做？啱定錯？善與惡？黑與白？係正確抑或係錯誤？合乎道德抑或不合乎道德？資本主義還是共產主義？黃絲抑或藍絲？相信這一兩年間，香港人亦都最清楚。過往好多人唔理政治，覺得永遠唔關自己事，終於有一日要殺埋身，定要你選擇立場，或者起碼跟啱條隊，站錯隊會招致損失，賭馬嘅情況，叫侷賭。
♐世界亦都充滿矛盾，國家與國家嘅鬥爭從來冇停止過，而且地球人口響未來二、三十年會邁向100億，目前76億，而天然資源卻急劇減少，單單水資源亦有可能喺未來十年內出大事。可以預見，因為爭奪資源大前題下，矛盾同鬥爭一定會進一步升級。會唔會發生類似第一次世界大戰同第二次世界大戰嘅大悲劇？我冇辦法預料，畢竟除咗戰爭同瘟疫之外，並冇其它方法大規模消減人口。
♍但我們可以設想一個沒有矛盾的世界嗎？如果這種世界真的存在，就一定係一個極度高壓嘅世界，所有矛盾只會被巨大嘅極權壓力所抑壓，被迫歸於統一口徑，這種事喺歷史上亦都曾經出現過，亦有人嘗試做過，當然亦未見過成功例子。不過，科技不斷嚮前，對人嘅控制同監察亦都因為科技進步而不可同過去同日而語，今日你無論去過邊？做過乜嘢？同乜嘢人聯絡？如果上頭要知或想知，亦都會一清二楚知道。
♈互聯網同智能電話嘅出現同普及，並冇將人類帶往一個更自由的世界，反而某程度上將全人類關入一個被高度監控嘅監獄裡，相信20年前，冇人能夠想像得到。同樣道理，20年後嘅世界，都冇人能夠想像得到，事情發展得太快，變化不斷出現，亦會有無數嘅Bug，不斷破壞之餘亦同樣不斷修補巨大缺口……
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/43M7n5MiJOg
♉人類世界充滿矛盾，原因是很多時候我們祇有兩種選擇：做抑或唔做？啱定錯？善與惡？黑與白？係正確抑或係錯誤？合乎道德抑或不合乎道德？資本主義還是共產主義？黃絲抑或藍絲？相信這一兩年間，香港人亦都最清楚。過往好多人唔理政治，覺得永遠唔關自己事，終於有一日要殺埋身，定要你選擇立場，或者起碼跟啱條隊，站錯隊會招致損失，賭馬嘅情況，叫侷賭。
♐世界亦都充滿矛盾，國家與國家嘅鬥爭從來冇停止過，而且地球人口響未來二、三十年會邁向100億，目前76億，而天然資源卻急劇減少，單單水資源亦有可能喺未來十年內出大事。可以預見，因為爭奪資源大前題下，矛盾同鬥爭一定會進一步升級。會唔會發生類似第一次世界大戰同第二次世界大戰嘅大悲劇？我冇辦法預料，畢竟除咗戰爭同瘟疫之外，並冇其它方法大規模消減人口。
♍但我們可以設想一個沒有矛盾的世界嗎？如果這種世界真的存在，就一定係一個極度高壓嘅世界，所有矛盾只會被巨大嘅極權壓力所抑壓，被迫歸於統一口徑，這種事喺歷史上亦都曾經出現過，亦有人嘗試做過，當然亦未見過成功例子。不過，科技不斷嚮前，對人嘅控制同監察亦都因為科技進步而不可同過去同日而語，今日你無論去過邊？做過乜嘢？同乜嘢人聯絡？如果上頭要知或想知，亦都會一清二楚知道。
♈互聯網同智能電話嘅出現同普及，並冇將人類帶往一個更自由的世界，反而某程度上將全人類關入一個被高度監控嘅監獄裡，相信20年前，冇人能夠想像得到。同樣道理，20年後嘅世界，都冇人能夠想像得到，事情發展得太快，變化不斷出現，亦會有無數嘅Bug，不斷破壞之餘亦同樣不斷修補巨大缺口……
♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/43M7n5MiJOg
【常威近代史】（四百三十回）
中國人應唔應該戴戒指？
1924年3月，北京中央政府陷入嚴重財赤，中華民國中央政府外交部要求與美、日、英、法等列強駐華公使，重開關稅談判，其實貿易關稅，係關乎一個國家嘅生死存亡問題，所以中美開打，係由貿易戰開打，貿易戰就係關稅問題，傾唔掂就上昇到政治層次軍事層次，凡事皆如是，你肯畀錢就可以搞掂，唔肯畀錢，就刀槍相見。
中國最新嘅提議係增收2.5%嘅附加關稅，以彌補國家開支，不如我俾大家猜吓，當時列強到底會唔會應承呢？做乜要益你先？你只係砧板上嘅一件hea爆肥豬肉，任由宰割，而且當時中華民國已經爭奪強好多錢，超級債仔想翻身，睬你都傻，想增加關稅增加收入？可以嘅，慢慢傾囉，用今日內地嘅術語：「忽悠」你先，「和稀泥」多一陣先，「議而不決」先，拖吓拖吓，就會冇咗件事……
做人做到某個年紀，真係要識玩「和稀泥」依招，呢個字冇英文翻譯，係中國人先識玩，總之有事發生，有問題有project要提出，就大家傾吓先，傾得幾傾，搬吓龍門，轉移吓視線，或者扮善忘，你唔記得我就唔記得，就會整整吓冇咗件事。
官僚系統公務員最鍾意玩依招，反正傾嘅時候個個月亦都有糧出，生活如常樓可照供股可照炒，開個project玩一年半載，最後close file無咗件事，中間商討嘅時間內不但大家有糧出，而且玩得高明少少，仲可以呃埋公帤顧問費勘察費出差費……
一個巨大國家傾倒，好多時候唔係因為外來壓力，而係由於內在制度崩壞，官僚系統太龐大太腐敗而引發。好似香港咁，近十幾二十年，明顯落後於亞洲其它競爭夥伴，無論係中國、臺灣、南韓、新加坡……當日嘅龍頭大佬，今日要包尾，點解嘅？
A.由於內部政治爭拗引發內耗？
B.上層建築公務員無所作為？
C.後生仔唔掂？
40歲前會答「A」，40歲後就知道係「B」，人渣先答「C」。唔可以怪人？人類嘅天性本來就係慵懶，垂手可得邊個唔想？唔使做有糧出根本係每個人嘅夢想！如果我做高級公務員成為官僚，我諗我都會變成一樣。
毛澤東建國後搞20年群眾革命，地覆天翻，你以為與天鬥與人鬥其樂無窮？你以為單純為咗建設共產主義烏托邦？統統都錯曬，其實係要打官僚主義，係要清黨。點解叫托洛斯基做先知？因為托洛斯基一早已經知道問題喺邊處？社會需要不斷革命，需要不斷洗牌先可以嚮前行。權力令人腐化，亦令人固步自封。
1924年，清室退位已經13年，因為清室退位優待條款，成班大食懶仲住喺紫禁城，大飲大食。但中央政府已經嚴重財困，公務員都無糧出，試問仲邊有錢供給比你溥儀嘅小朝廷經營呢？滿清皇族，亦好快要say goodbye屈辱地離開北京……
同蘇聯嘅關係又點呢？北京政府代表王正廷同蘇聯公使加拉罕經過多輪談判，傾好《解決中俄懸案大綱協定》方案，主要係關於兩國嘅領土爭議、外蒙撤兵以及鐵路等資產嘅分贓問題，本來大家答應簽字落實，但3月15號北京內閣認為方案內容未符合理想，包括外蒙撤兵嘅附帶條件以及中東鐵路贖價過高問題。外閣要求同加拉罕再商議，加拉罕態度強硬，認為協定已經草簽，唔能夠有所變更，此後蘇聯一再催促北京簽約，但北京政府堅持修改，雙方交涉擱淺。
講真嗰句，你以為北京政府唔知道你蘇聯（公開）資助南方孫文革命政府作反嗎？將你蘇聯為敵人，亦係理所當然吧？而且當時蘇聯共産主義政權被西方列強所孤立，好多國家根本未承認蘇聯存在。
至於一早同蘇聯行埋一齊嘅孫文，亦唔承認國民黨被「赤化」喎，佢響3月2號《中國國民黨週刊》上指出，國民黨改組（指加入中共黨員）目的係強化黨嘅功用，加強黨員聯繫，並且分擔責任，集中力量，並非「赤化」同「分裂」。
中共黨員加入國民黨，喺孫文嘅解說中，唔算「赤化」國民黨，而係「來者不拒，昭我黨之量能容物，而開將來繼續奮鬥之前途」，佢更用陳炯明背叛做例子，簡單啲講，就係唔理黑貓定白貓，捉到老鼠嘅就係好貓。當然捉到老鼠完成任務之後，貓還是有顏色的，不過這是後話，係孫文死後先發生嘅事情，其實同國父無關。
有單嘢補充吓幾好笑，當時盤據山西嘅不倒翁「山西王」閻錫山（1883-1960），自1911年辛亥革命之後，就用軍閥身份就佔據山西省，自立為王，冇人能夠打得低佢，一直要去到1949年先正式收皮，「山西國」呢個獨立王國玩足三十幾年，其實閻錫山先係真正嘅大軍閥記錄保持者。1924年3月，佢突然屎忽痕，向全省發出公函，下令各級官員不得佩戴戒指！
因為閻錫山認為戴戒指本來係西洋風氣，中國人數千年來冇此習俗，戴戒指會敗壞風俗，會失去中國人嘅尊嚴。成日話經一事長一智，讀歷史讀到呢度，我先知道原來「戒指」係西洋習俗，中國人唔應該戴。如果係真，而家玉器市場大家所見嘅古董戒指，應該全部都係假，古裝劇亦都錯Q曬。不過我之後翻查資料，始終冇辦法證實「戴戒指」文化嘅來龍去脈，畢竟太偏僻了。
不過既然歷史有發生過，我就寫出嚟同大家分享吓。
#常威💀 #大軍閥平反系列 #大軍閥 #民國歷史
1924年，清室退位已經13年，因為清室退位優待條款，成班大食懶仲住喺紫禁城，大飲大食。但中央政府已經嚴重財困，公務員都無糧出，試問仲邊有錢供給比你溥儀嘅小朝廷經營呢？滿清皇族，亦好快要say goodbye屈辱地離開北京……
同蘇聯嘅關係又點呢？北京政府代表王正廷同蘇聯公使加拉罕經過多輪談判，傾好《解決中俄懸案大綱協定》方案，主要係關於兩國嘅領土爭議、外蒙撤兵以及鐵路等資產嘅分贓問題，本來大家答應簽字落實，但3月15號北京內閣認為方案內容未符合理想，包括外蒙撤兵嘅附帶條件以及中東鐵路贖價過高問題。外閣要求同加拉罕再商議，加拉罕態度強硬，認為協定已經草簽，唔能夠有所變更，此後蘇聯一再催促北京簽約，但北京政府堅持修改，雙方交涉擱淺。
講真嗰句，你以為北京政府唔知道你蘇聯（公開）資助南方孫文革命政府作反嗎？將你蘇聯為敵人，亦係理所當然吧？而且當時蘇聯共産主義政權被西方列強所孤立，好多國家根本未承認蘇聯存在。
至於一早同蘇聯行埋一齊嘅孫文，亦唔承認國民黨被「赤化」喎，佢響3月2號《中國國民黨週刊》上指出，國民黨改組（指加入中共黨員）目的係強化黨嘅功用，加強黨員聯繫，並且分擔責任，集中力量，並非「赤化」同「分裂」。
中共黨員加入國民黨，喺孫文嘅解說中，唔算「赤化」國民黨，而係「來者不拒，昭我黨之量能容物，而開將來繼續奮鬥之前途」，佢更用陳炯明背叛做例子，簡單啲講，就係唔理黑貓定白貓，捉到老鼠嘅就係好貓。當然捉到老鼠完成任務之後，貓還是有顏色的，不過這是後話，係孫文死後先發生嘅事情，其實同國父無關。
有單嘢補充吓幾好笑，當時盤據山西嘅不倒翁「山西王」閻錫山（1883-1960），自1911年辛亥革命之後，就用軍閥身份就佔據山西省，自立為王，冇人能夠打得低佢，一直要去到1949年先正式收皮，「山西國」呢個獨立王國玩足三十幾年，其實閻錫山先係真正嘅大軍閥記錄保持者。1924年3月，佢突然屎忽痕，向全省發出公函，下令各級官員不得佩戴戒指！
因為閻錫山認為戴戒指本來係西洋風氣，中國人數千年來冇此習俗，戴戒指會敗壞風俗，會失去中國人嘅尊嚴。成日話經一事長一智，讀歷史讀到呢度，我先知道原來「戒指」係西洋習俗，中國人唔應該戴。如果係真，而家玉器市場大家所見嘅古董戒指，應該全部都係假，古裝劇亦都錯Q曬。不過我之後翻查資料，始終冇辦法證實「戴戒指」文化嘅來龍去脈，畢竟太偏僻了。
不過既然歷史有發生過，我就寫出嚟同大家分享吓。
#常威💀 #大軍閥平反系列 #大軍閥 #民國歷史
✅本土唯一香港土話近代史文本
❤【常威近代史】第一部《大清亡國關慈禧蛋牛治》，全面開放，免費下載， #freedownload！
Free下載連結🔽
https://play.google.com/store/books/details?id=C3hjDwAAQBAJ
【常公子歷史頻道307回：替大軍閥平反系列之 #法統重光】
♉最近看過一本書，是James Meek嘅【財團治國的年代】，內裡有這樣一段：
「在民主社會中，絕大多數民眾仍舊相信社會主義與自由可以並存。他們不明白，民主的社會主義——過去幾代人的偉大烏托邦理想——不僅不可能實現，推行的過程中還會產生恰恰相反的結果，也就是徹底地摧毁自由。」
♊社會主義與自由可以並存？相信大家到今天已經一清二楚。但值得思考嘅係，自由究竟是什麼？要擁有自由需要付出什麼的代價？1991年蘇聯解體，就係80年代美國總統朗奴列根同英國首相戴卓爾夫人合力吹捧「新自由主義」嘅結果。響「新自由主義」全球化經濟模式嘅火車頭帶動下，西方資本主義世界經濟欣欣向榮，到達九十年代中期嘅巔峰，相反蘇聯嘅社會主義模式卻被比下去，東西方兩大陣營嘅民眾生活水平越扯越遠，終於引發蘇聯內部產生不穩定因素，最後引發內爆，堂堂大國無聲瓦解。
♑所謂「新自由主義」，就係一切社會產業被高度私有化。用最貼身嘅例子，係香港嘅「領展」，以前全港公屋商場停車場及其他產業屬於公家管理（public）模式，後來整件拆出嚟私有化，之後上市，製造大量財富，因此注入大量發展動力，而家全港公屋商場街市變得美輪美奐，大家都應該睇到——其實如果唔計趕住小商戶生計——成件事天下無敵，不過落街買餸就貴咗幾倍啫。至於係好事定係壞事？要閣下自己判斷。
♑凡事都係雙面刃，有好處亦有壞處，「新自由主義」全球化模式，帶來大量商機，亦推動印刷機不斷印銀紙，做成一浪又一浪嘅資產泡沫，去到2008年終於爆煲，之後嘅日子，就係善後嘅問題，拖到今時今日，終於未解決嘅要解決。當然好似我咁依一類咁宏觀嘅論述，其實一啲作用都冇，純屬炒作。
♑【常威近代史】第五部《霹靂大忠臣對決無敵大買辦》電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/L6xs0m726PU
♉最近看過一本書，是James Meek嘅【財團治國的年代】，內裡有這樣一段：
「在民主社會中，絕大多數民眾仍舊相信社會主義與自由可以並存。他們不明白，民主的社會主義——過去幾代人的偉大烏托邦理想——不僅不可能實現，推行的過程中還會產生恰恰相反的結果，也就是徹底地摧毁自由。」
♊社會主義與自由可以並存？相信大家到今天已經一清二楚。但值得思考嘅係，自由究竟是什麼？要擁有自由需要付出什麼的代價？1991年蘇聯解體，就係80年代美國總統朗奴列根同英國首相戴卓爾夫人合力吹捧「新自由主義」嘅結果。響「新自由主義」全球化經濟模式嘅火車頭帶動下，西方資本主義世界經濟欣欣向榮，到達九十年代中期嘅巔峰，相反蘇聯嘅社會主義模式卻被比下去，東西方兩大陣營嘅民眾生活水平越扯越遠，終於引發蘇聯內部產生不穩定因素，最後引發內爆，堂堂大國無聲瓦解。
♑所謂「新自由主義」，就係一切社會產業被高度私有化。用最貼身嘅例子，係香港嘅「領展」，以前全港公屋商場停車場及其他產業屬於公家管理（public）模式，後來整件拆出嚟私有化，之後上市，製造大量財富，因此注入大量發展動力，而家全港公屋商場街市變得美輪美奐，大家都應該睇到——其實如果唔計趕住小商戶生計——成件事天下無敵，不過落街買餸就貴咗幾倍啫。至於係好事定係壞事？要閣下自己判斷。
♑凡事都係雙面刃，有好處亦有壞處，「新自由主義」全球化模式，帶來大量商機，亦推動印刷機不斷印銀紙，做成一浪又一浪嘅資產泡沫，去到2008年終於爆煲，之後嘅日子，就係善後嘅問題，拖到今時今日，終於未解決嘅要解決。當然好似我咁依一類咁宏觀嘅論述，其實一啲作用都冇，純屬炒作。
♑【常威近代史】第五部《霹靂大忠臣對決無敵大買辦》電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/L6xs0m726PU
【常威近代史】（四百三十一回）
民調可信 豬乸也會爬樹
人類總喜歡鋤強扶弱，無論對錯，衹要是弱者就一定多人支持，今日嘅中國似乎例外。1924年3月30號，北京一份雜誌刊出由北京大學所做嘅一場民意調查。題目係「俄國與美國誰是中國之友？」民調訪問咗842人，包括商人、學生、工人、政客、軍警等，結果當中有491人認為蘇俄先係中國之友，佔6成，其中學界知識份子有371人親蘇，僅有71人親美。
民調反映出，當時中國知識份子中親蘇者佔大多數，亦即係支持共產主義（或社會主義）佔大多數，至於信奉美國嗰套自由民主制度，反而係少數派。事實上呢個民調有一定代表性，知識份子左傾，亦從來都係常態，直到今時今日都冇變過。知識份子嘅毛病，就係凡事太過理想化，鬼唔知共產主義好？但做得到先得架？馬克思墳墓上面寫著「我並非一個馬克思主義者」，實際上可圈可點。
當然民調由左派知識份子大本營北大做，而樣本只有842人，當時中國有四億人，個sampling偏頗得可憐。不過民調就係呢個意思，邊個話民調係用嚟反映真相？從來社會上所有民調及數字，祇不過係要你傾向相信某種「真相」。而且無論任何議題，社會上大多數人都係冇意見嘅，香港立港版國安法，夠大件事未？但我相信祇有20%左右嘅人激烈反對，亦有大概20%嘅人絕對支持，其他60%，衹要唔影響日常生活同樓股租金，其實冇乜所謂，佢哋其實冇意見，亦由於佢哋冇意見，所以要用方法誘導佢哋產生「意見」。
一切所謂民意、所謂社會輿論亦如是，社會上大部份人真係有意見？抑或只係少數人將「自己嘅意見」加諸於其他人身上，從而產生所謂「普羅民意」呢？所以本公子一向認為，意識形態操控先係重中之重，唔識搞意識形態，冇意識形態操縱策略，或者根本唔知意識形態係乜，會好大件事。
大家睇民調，千祈唔好咁認真。並非認真你就輸了，而係認真你就百份百「信了」。
意識形態點樣玩？問第三國際喇！1924年4月1號，「中央通訊社」喺廣州正式成立並且發稿，呢個係中國第一家全國性新聞通訊機構。中央呀？乜中央唔係響北京咩？原來中央響南方廣州，外國人都明白了。原來President唔係曹錕，係孫文，oh l see。
中央通訊社由國民黨中央黨部根據國民黨中央執行委員會嘅指示而創辦，宣稱力求做到新聞確實、傳真、並且普及化。呢啲咪叫玩意識形態囉，北京中央政府都未有中央通訊社？南方軍政府竟然有？大家有乜唔同呢？多咗個鮑羅廷掛？
4月7號，偉人蔡元培由法國到咗英國，會晤當時英國內閣工商大神韋伯夫婦，討論英國退還庚子賠款用途嘅問題。搞到1924年，美國同日本一早退咗喇，英國人，有時候真係得啖笑。
4月8號，孫文正式接受戴季陶提議，撥款編印近30年來中國各種文件，作國家檔案歷史保存，你北京未做我先做，一邊搞硬實力開黃埔軍校訓練軍官預備北伐開拖，另一邊搞軟實力意識形態基建，雙管齊下，蘇聯顧問做指導工作，真係零舍不同。
4月11號，孫文風頭火勢，北京國務院玩大裁員瘦身，凡官制以外員工，一律停發薪水。北京政府冇錢是真的，但你話曹錕冇錢我就打死都唔信，不過直系曹錕嘅錢應該用來擴軍，隨時預備同東北張作霖再打一場。
4月12號，東北大佬張作霖召集「東三省中俄交涉會議」，作出回收中東鐵路管理權及驅逐俄國共產黨等決定，同蘇聯割蓆，劃清界綫。
同日，廣州政府公佈《國民政府建國大綱》，孫民嘅理想係將中國建設為資產階級共和國（冇赤化喎），他親自草擬咗依個建國大綱，並經國民黨第一次全國代表大會通過，事實上孫文一生人，到此時此刻先真正步上最高峰，可惜佢並唔知道，癌細胞已經喺佢肝臟開始擴散……
大綱裡面講，國民政府本著革命嘅「三民主義」（註一）同埋「五權憲法」（註二）建設中華民國。建設程序分為「軍政」、「訓政」、「憲政」三個時期。
軍政時期即使用武力推翻原有統治者及其制度，即係戰爭狀態；訓政時期即係奪取政權後，由政府對民智落後嘅人民進行政治訓練；而最後憲政時期，即係讓國民根據憲法規定嘅權限選舉政府同議員。去到憲政時期，建國方為大功告成。
上述將建國過程分為三大時期，好有馬克思主義歷史唯物辯證法味道，將歷史作階段性切割，然後用人為力量加以操控其發展過程，令其程序化、規範化，一切要喺掌控之中、計劃預設之中，想有美好生活？Please follow my way。
4月12號仲有件大事發生，就係印度著名詩人兼大文學家泰戈爾（1861-1941）應邀來華講學，泰戈爾生於1861年，係印度著名作家、詩人同哲學家，於1913年獲得諾貝爾文學獎，亦係第一個亞洲人獲此殊榮，泰戈爾作品瀰漫著神秘色彩同宗教氣氛，喺國際上享有好高聲譽，亦都深受中國嘅東方文化愛好者推崇。
4月18號泰戈爾應上海文學研究會邀請，發表題為《東方文明的危機》演講，由輕輕的我來了中國浪漫主義詩人徐志摩（1897-1931）在旁翻譯，泰戈爾呼籲不要迷信西方嘅物質文明，而忽視咗東方嘅精神文明，之後前赴北京講學。順帶一提，泰戈爾一生反對英國殖民統治印度，佢係印度獨立運動嘅精神文化支柱。
註一：即民族主義、民權主義和民生主義。
註二：和其他三權分立的憲法不同，在於政府的三個分支之外（行政權、立法權、司法權）設有具中國特色的考試權及監察權，是為五權分立。
#常威💀 #大軍閥平反系列 #大軍閥 #民國歷史
4月8號，孫文正式接受戴季陶提議，撥款編印近30年來中國各種文件，作國家檔案歷史保存，你北京未做我先做，一邊搞硬實力開黃埔軍校訓練軍官預備北伐開拖，另一邊搞軟實力意識形態基建，雙管齊下，蘇聯顧問做指導工作，真係零舍不同。
4月11號，孫文風頭火勢，北京國務院玩大裁員瘦身，凡官制以外員工，一律停發薪水。北京政府冇錢是真的，但你話曹錕冇錢我就打死都唔信，不過直系曹錕嘅錢應該用來擴軍，隨時預備同東北張作霖再打一場。
4月12號，東北大佬張作霖召集「東三省中俄交涉會議」，作出回收中東鐵路管理權及驅逐俄國共產黨等決定，同蘇聯割蓆，劃清界綫。
同日，廣州政府公佈《國民政府建國大綱》，孫民嘅理想係將中國建設為資產階級共和國（冇赤化喎），他親自草擬咗依個建國大綱，並經國民黨第一次全國代表大會通過，事實上孫文一生人，到此時此刻先真正步上最高峰，可惜佢並唔知道，癌細胞已經喺佢肝臟開始擴散……
大綱裡面講，國民政府本著革命嘅「三民主義」（註一）同埋「五權憲法」（註二）建設中華民國。建設程序分為「軍政」、「訓政」、「憲政」三個時期。
軍政時期即使用武力推翻原有統治者及其制度，即係戰爭狀態；訓政時期即係奪取政權後，由政府對民智落後嘅人民進行政治訓練；而最後憲政時期，即係讓國民根據憲法規定嘅權限選舉政府同議員。去到憲政時期，建國方為大功告成。
上述將建國過程分為三大時期，好有馬克思主義歷史唯物辯證法味道，將歷史作階段性切割，然後用人為力量加以操控其發展過程，令其程序化、規範化，一切要喺掌控之中、計劃預設之中，想有美好生活？Please follow my way。
4月12號仲有件大事發生，就係印度著名詩人兼大文學家泰戈爾（1861-1941）應邀來華講學，泰戈爾生於1861年，係印度著名作家、詩人同哲學家，於1913年獲得諾貝爾文學獎，亦係第一個亞洲人獲此殊榮，泰戈爾作品瀰漫著神秘色彩同宗教氣氛，喺國際上享有好高聲譽，亦都深受中國嘅東方文化愛好者推崇。
4月18號泰戈爾應上海文學研究會邀請，發表題為《東方文明的危機》演講，由輕輕的我來了中國浪漫主義詩人徐志摩（1897-1931）在旁翻譯，泰戈爾呼籲不要迷信西方嘅物質文明，而忽視咗東方嘅精神文明，之後前赴北京講學。順帶一提，泰戈爾一生反對英國殖民統治印度，佢係印度獨立運動嘅精神文化支柱。
註一：即民族主義、民權主義和民生主義。
註二：和其他三權分立的憲法不同，在於政府的三個分支之外（行政權、立法權、司法權）設有具中國特色的考試權及監察權，是為五權分立。
#常威💀 #大軍閥平反系列 #大軍閥 #民國歷史
【常公子歷史頻道308回：替大軍閥平反系列之 #院府之爭】
♉世界銀行前行長佐立克（Robert Zoellick）警告，如果各國不共同合作面對當前危機，世界就會與1900年時期所經歷的相似。佐立克認為，中美交惡是對全球經濟復蘇的嚴重威脅。
♈當前的危機，應該係指疫情危機、金融危機以及生態危機。除咗第一項突如其來殺全世界一個措手不及，其餘兩項早已經存在，金融危機係印銀紙嘅問題，二次世界大戰之後半個世紀嘅風光，即所謂人類嘅黃金時代（Golden Era），始終要找數，情況係一個靠同財仔借錢同埋信用卡透支生活得榮華富貴嘅人，一直用數冚數卡冚卡嘅方法轆落去，終於到咗某一日，十個煲連一個蓋都冇，定理仍然係特區政府教咗你，「借錢總要還」。
♈生態危機係資源問題，亦係人類嘅生態危機，Golden Era風光生活就要耗用大量資源，由上世紀90年代開始，人類終於開始覺悟濫用資源下，各種問題開始浮現，例如氣候變化，一年熱過一年，人人都有感覺到。生態危機氣候問題並唔係個別國家嘅事情，係整個人類要面對嘅問題，未來50年，單單淡水資源問題就會跑出，而全人類對於個問題，仍然避而不見，或者當前要處理嘅問題應太多，未發生嘅問題根本冇辦法處理，當下都未搞得掂，如何思考未來？
♈放響眼前更大嘅問題，反而係全球合作問題，整個地球上嘅國家，不但冇好好走埋一齊傾吓點樣處理危機，反而越行越遠，由前年開始浮上水面嘅中美爭鬥，不但無緩和嘅跡象，而且越演越烈。半年前，我都認為一定唔會打仗，但半年後我已經有少少想修正自己嘅講法。因為戰爭會加速一切嘅發生，等大家唔再拖拖拉拉，互相消耗，好似係一勞永逸，壞處唔需要講——平民百姓將會大難臨頭。
⛎中美鬧到咁僵？中國有錯嗎？我覺得冇。美國有錯嗎？我都覺得冇。呢個先係最大問題，其實大家都冇錯，彼此只係企響自己嘅立場、同埋面對嘅相異生存環境下而作出最符合自身利益嘅選擇。讀歷史讀得多你就明白，好多事情並唔係人類嘅意志所能主導同理解。
♑【常威近代史】第五部《霹靂大忠臣對決無敵大買辦》電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/utJ_4tIB1jQ
♉世界銀行前行長佐立克（Robert Zoellick）警告，如果各國不共同合作面對當前危機，世界就會與1900年時期所經歷的相似。佐立克認為，中美交惡是對全球經濟復蘇的嚴重威脅。
♈當前的危機，應該係指疫情危機、金融危機以及生態危機。除咗第一項突如其來殺全世界一個措手不及，其餘兩項早已經存在，金融危機係印銀紙嘅問題，二次世界大戰之後半個世紀嘅風光，即所謂人類嘅黃金時代（Golden Era），始終要找數，情況係一個靠同財仔借錢同埋信用卡透支生活得榮華富貴嘅人，一直用數冚數卡冚卡嘅方法轆落去，終於到咗某一日，十個煲連一個蓋都冇，定理仍然係特區政府教咗你，「借錢總要還」。
♈生態危機係資源問題，亦係人類嘅生態危機，Golden Era風光生活就要耗用大量資源，由上世紀90年代開始，人類終於開始覺悟濫用資源下，各種問題開始浮現，例如氣候變化，一年熱過一年，人人都有感覺到。生態危機氣候問題並唔係個別國家嘅事情，係整個人類要面對嘅問題，未來50年，單單淡水資源問題就會跑出，而全人類對於個問題，仍然避而不見，或者當前要處理嘅問題應太多，未發生嘅問題根本冇辦法處理，當下都未搞得掂，如何思考未來？
♈放響眼前更大嘅問題，反而係全球合作問題，整個地球上嘅國家，不但冇好好走埋一齊傾吓點樣處理危機，反而越行越遠，由前年開始浮上水面嘅中美爭鬥，不但無緩和嘅跡象，而且越演越烈。半年前，我都認為一定唔會打仗，但半年後我已經有少少想修正自己嘅講法。因為戰爭會加速一切嘅發生，等大家唔再拖拖拉拉，互相消耗，好似係一勞永逸，壞處唔需要講——平民百姓將會大難臨頭。
⛎中美鬧到咁僵？中國有錯嗎？我覺得冇。美國有錯嗎？我都覺得冇。呢個先係最大問題，其實大家都冇錯，彼此只係企響自己嘅立場、同埋面對嘅相異生存環境下而作出最符合自身利益嘅選擇。讀歷史讀得多你就明白，好多事情並唔係人類嘅意志所能主導同理解。
♑【常威近代史】第五部《霹靂大忠臣對決無敵大買辦》電子書上架（條download link在下面），請大家課金支持我一直走落去，直至劉少奇骨灰到達北京王光美手上…
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上4000訂戶！
✅https://youtu.be/utJ_4tIB1jQ
✅本土唯一香港土話近代史文本
❤【常威近代史】第一部《大清亡國關慈禧蛋牛治》，全面開放，免費下載， #freedownload！
Free下載連結🔽
https://play.google.com/store/books/details?id=C3hjDwAAQBAJ
【常威近代史】（四百三十二回）
八方風雨會中州
1924年4月，紫禁城又發生醜聞，之前已經不斷有人將紫禁城嘅奇珍異寶販賣圖利，又啱嘅，賣一件，一世無憂，搏一搏，單車變摩托。末代皇帝溥儀老師陳寶琛（1848-1935）等人，不斷盜賣紫禁城文物，引起公憤，連帝師都咁有道德，由佢教出嚟嘅皇帝當然正斗。其實呢班清室大食懶，好多人已經睇唔過眼。白食白住大駛慣，正一大曱甴！中華民國眾議院開會討論，要求內政部採取措施對應，其中一個可能性，就係取消清室退位優惠條款，放逐呢班仆街杏加橙出紫禁城。
4月20號，溥儀喺紫禁城召集王公大臣，討論應付國會將會取消帝號及優待條件嘅提案，呢班大食懶時日無多，當然原來佢哋又好有用，可以比日本人用嚟建做滿洲國做神主牌，sorry，係偽滿洲國先啱。
時間倒流，4月10號，當時中國擁有最大實力嘅大軍閥，直系孖寶之一、魯豫巡閱使民國關公吳佩孚擺五十大壽，當時嘅世界，50歲算長命，當然要賀一賀佢。吳佩孚喺根據地洛陽慶祝大壽，數千賓客前往賀壽，朝野文武百官、社會名流賢達雲集洛陽，衣香鬢影、冠蓋雲集，堪稱一代盛事。依一位被美國時代雜誌Time Magazine推舉為有力統一中國嘅軍事強人，真係唔講得笑。
末代皇帝溥儀派後來成為滿洲國國務總理嘅鄭孝胥（1860-1938）之子鄭讓宇前往祝壽，送上御筆壽頌一幅、純金無量壽佛一尊為賀禮；八面玲瓏嘅康有為亦前往祝壽，並題壽聯一幅，云「牧野鷹揚，百歲勛名纔半紀；洛陽虎視，八方風雨會中州」，更加有人擦鞋，話「茶眼而碧眸，正準而赭髯，有如成吉思汗；掌中直冲最高指之天下筋，有如李世民；掌中之膚肉，柔軟如蠶如棉，與之握手之人，刹那間令人即生一種快感」等等，肉麻當有趣。講真論擦鞋，中國人真係天下第一。
不過叫得做關公，當然唔係流。吳佩孚趁此機會，召集蘇、皖、贛、豫、陝、魯七省代表及長江艦隊將領，密議長江聯防事宜，擬定以南京、洛陽兩大重鎮作為南北總防區，分設聯防司令一名，吳佩孚任北區司令，齊燮元（1885-1946）任南區司令，另在漢口設立聯絡處。由此睇嚟，吳佩孚亦知道長江以南嘅孫文日漸冒起，不得不防。
當然我哋都知道，兩三年後能夠統一中原嘅並唔係吳佩孚，而係當時正在廣州黃埔軍校預備練兵嘅蔣介石。不過1924年4月，吳佩孚同蔣介石嘅地位，相差九條街，我諗吳佩孚未必識佢。
吳佩孚一生以文人自居，文武雙全，佢同學生嘅關係非常親近，因此佢嘅下屬都好buy佢，長勝將軍並非偶然，1923年，吳佩孚喺洛陽開學校練兵，對住一群投身軍旅嘅青年學生大呼：「我要把你們培養出一百個將軍來，把中國失去的土地都收回來！」年青學生則高叫：「大帥萬歲！」呢個時候，吳佩孚嘅聲望同實力到達巔峰，西方世界甚至認為張作霖同孫文嘅時代已經過去，如今係吳佩孚嘅時代。