大清亡國關慈禧蛋牛治 2

前帖重溫


大清亡國關慈禧蛋牛治
https://lih.kg/729281
- 分享自 LIHKG 討論區

【常威近代史】（二百五十四回）
袁世凱平反系列

繼續講「中華民族」發明人章太炎嘅故事。

章瘋子佢自認有神經病。非常認真，社會上的確需要依種神經病人，否則制度僵化，冇人企出嚟屌政府，統治階層就會坐定粒六剝削平民百姓，自己則肚滿腸肥，呢啲事永遠唔會停止，否則亦唔會有托洛斯基嘅「不斷革命論」。社會需要變化，需要改革，其實原動力係嚟只一班神經病人，一批唔怕死嘅人去抗爭，由佢哋嘅無私付出，個社會先可以有機會起變化。坐喺屋企歎冷氣睇直播，係唔會改變到個社會，如果你對現狀有不滿，你想有所改變，就要盡一分力，做自己可以做嘅嘢，放低包花生先。

普通平民恐懼變化，希望國泰民安。但係我話畀大家知，混亂先至係常態，從來社會安定平靜嘅時間只係歷史總體時間少數。香港係一個好特別嘅例子，自從二次世界大戰結束後，整個香港經歷咗差唔多70年嘅安定繁榮，經濟及人民生活水平不斷響前發展，其實喺世界歷史上異數中嘅異數。

1911年，章太炎隸屬革命組織光復會，因為光復會同盟會嘅矛盾，章太炎擁袁反孫，佢企喺袁世凱身邊。但係宋教仁遇刺案發生，袁世凱取締國民黨、解散國會嘅一連串行動，章太炎就深感不滿，認為袁世凱背叛「法統」，倒行逆施。1914年1月7號，章太炎真係發癲，隻身直闖總統府，大罵袁世凱包藏禍心背叛民眾！簡單啲講，係直接屌！

咁你估章太炎點收場？

佢之後畀總統府軍政執行處人員拘捕，但係冇即時推去後巷行打靶，亦唔使坐監，袁世凱只係將佢軟禁於「龍泉寺」（註），要佢念佛，平復心中怨氣。軟禁期間，章太炎仍然可以喺寺內聚眾講學，發表學術著作，直至1916年6月袁世凱去世，佢先恢復自由。之後佢嘅故事，之後再講。但我想講，章太炎作為一個中國著名知識份子，直接屌袁世凱，最後亦唔使死，軟禁出返嚟之後，仲有一番新事，仲活到1936年……

袁世凱係暴君？係滿手血腥嘅獨裁者？又從何說起呢？如果你將章太炎同劉曉波比較，就會一清二楚。凡事唔好比較，因為一比較就會知道真相，就會知道輕重所在。千夫所指嘅暴君袁世凱，其實只係滴小水點，同之後嘅大洪水，完全兩回事。

古往今來，中國歷史上所有朝代，都對知識份子有一定尊重。就算皇帝唔buy知識份子個套，亦唔會刻意大規模迫害佢哋。皆因大家都知道，知識份子係社會棟樑，係國家良心所在，係統治階層意識形態嘅最終捍衛者。

直至1950年，我哋嘅偉大領袖毛澤東開始睇通睇透，佢嘅目光超越凡人，佢知道所謂知識份子（臭老九）其實係麻煩製造嘅根源，亦都係共產主義意識形態本身最大嘅計時炸彈。於是佢喺50年代中期推行「反右運動」，一招「百花齊放」、「引蛇出洞」，全力開動國家機器進行有組織及嚴重打壓全國知識份子行動，被迫害被扣帽子被打靶被坐監被流放被牛棚被剝奪人生自由公民權被充公財產嘅人，有幾千萬人。

依一場「反右運動」，亦係世界歷史上一場最大規模打壓知識份子嘅政治運動，古往今來，無出其右。中國人的光輝，在此顯露無遺。反右運動浩浩蕩蕩，將傳中國知識份子全部監生打壓成狗，從此以後，萬馬齊闇，冇人再夠膽向極權統治出聲，冇人夠膽再提出反對意見，所有人只顧明哲保身，終於響反右運動之後，毛澤東再聽唔到任何反對聲音，認為國家一片河蟹，於是開始發顛亂嚟，就推出咗三面紅旗，超英趕美大煉鋼大躍進人民公社，最後引發人類歷史上一場最大嘅饑荒，餓死3000-5000萬中國人……

我讀過唔少歷史，就以依一段時期嘅歷史最為荒謬絕倫，足可以同希特拉屠殺猶太人有得比。順帶一提，五十年代嘅反右運動、打壓中國知識份子主要做實事嘅推手喺毛澤東身邊嘅副帥，亦係我哋嘅改革開放倡導者、總結界師鄧小平先生。

今日飛得太高，下次要降落地面。

註：龍泉寺目前位於北京鳳凰嶺自然風景公園內，始建於遼朝應歷初年。當時鳳凰嶺地處遼南京析津府昌平縣，據說當時釋繼升因對佛法感悟超群而被師兄嫉妒，被排擠出白馬寺，以手上唯一的財產《金剛經》為指引，向北行進，來到鳳凰嶺創建了龍泉寺。其後文革期間千年古刹龍泉寺被紅衛兵徹底破壞，用作民房，現在的龍泉寺是改革開放後重建。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

lm

【167回：大清亡國關 #革命青年 蛋牛治】

♉今集繼續講一代革命大師真國父 #黃興，黃興嘅經歷亦係一個革命青年嘅經歷，一個革命青年如何被煉成？就只有喺戰鬥中不斷成長同鍛練，黃興亦都係一樣，早年響日本嘅經歷，令佢嘅思想轉向暴力革命推返滿清政權，但由佢立志一日開始，到1911年辛亥革命成功，中間足足有十年時間。

♐無論係邊種形式嘅革命，都需要長時間嘅醞釀，要有長時間嘅思想準備，革命者本身亦需要長時間嘅心理同肉體準備。#中國共產黨 於1921年成立，起初只有十幾兩友喺隻船上吹吓水，#毛澤東 係其中一個小角色，我諗當時，佢哋都覺得自己冇乜前途，或者大家都只不過係度發吓夢，講吓點樣改變世界點樣對付軍閥。冇人會相信，28年後，1949年中國共產黨會取得政權，統一全國江山，當年船上一個湖南年青人，會企響天安門城樓宣佈：「新中國成立了！」

♈中共嘅故事講畀我哋知，似乎凡是只要有夢想，就可以成真。中共49年成功建國背後有好多因素，當中 #第三國際（The Third International）嘅資助同 #中日戰爭 發生當然有決定性，但亦都有唔少幸運成分存在。但係縱觀整場建國史，個人感覺中共最成功嘅係紀律性，一個政黨、一個組織嚴守紀律，心態統一，意識形態堅定，齊上齊落，而且不怕犧牲，更加唔介意為咗達到打倒敵人嘅目的而不擇手段，結果喺好多場戰役裡面都以少數贏多數，下風贏上風。你可以話佢不擇手段，但係某程度上亦係目標鮮明、不怕艱辛同勇往直前！而且革命唔係請客食飯，要唱歌跳舞，又要開心又要良知又要達成政治目標？其實冇可能。

♓跪喺主人面前，要求得到施捨同體諒，並唔係革命。革命係一個階級推翻另一個階級嘅暴力行為，係打仗，要死人，同死好多人。所以懇請大家，未到一個地步，再唔好亂用「革命」兩個字。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/bvFeoE5XXlQ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】（二百五十五回）
袁世凱平反系列

相對於現在香港（2019年7月），1914年上半年嘅中華民國，事實上比較平靜安寧。國民黨暫時退場，孫文、黃興、陳其美潛伏日本，預備東山再起。中華民國北京中央政府，袁世凱大權在握，經過兩年多嘅政治混亂，加碼內戰發生，袁世凱心中應該有個底，認為「民主自由」、「議會政治」、「法統」呢啲嘢都係唔適合中國人，佢嘅心態當時應該同成龍好相似，覺得中國人真係需要管，有埋個皇帝就最好，獨裁先係正路，極權統治先係最佳統治方法。

後世歷史經常講一個故事，話袁世凱後來要做皇帝，係一個非常倉猝同埋錯誤嘅決定，仲有人穿鑿附會，話佢個仔袁克定（1878-1958）包藏禍心，呃老豆登上帝位，自己想做皇太子，結果齊齊舐嘢，遺臭萬年。

但真實情況未必係咁，袁世凱後來洪憲稱帝，可能係經過深思熟慮。自由民主法統之路，並唔可以話嚟就嚟，要有一個循序漸進嘅步驟，行「君主立憲」先，首先統一國家，建立中央權威，再模仿日本嘅民主路，用一段時間加強基礎教育建設，培養人民嘅公民意識，先去籌辦選舉國會，行代議政制，可能先係最正確嘅選項。可惜袁世凱以自己將亡之軀做嘅洪憲帝制君主立憲實驗，係徹底失敗收場。

袁世凱係一個開明派嘅大清官吏，響滿清時代，佢嘅思想比所有人行得更前，佢支持光緒帝嘅戊戌變法，亦建立咗中國第一支擁有西方軍紀觀念嘅現代化陸軍，佢亦全力支持慈禧太后1906年搞君主立憲，命運更加要佢成為推翻滿清統治嘅最主要推手，之後佢建立嘅中央政府，身邊有大量西人行嚟行去，任用嘅好多都係由外國名牌大學畢業返嚟嘅西化精英份子。試問一個咁嘅背景嘅能幹之人？點解到最後入後波開倒車，自己反而想做番皇帝。佢嘅心理變化，係極其複雜，太簡單睇佢，以為佢一心想做皇帝號令天下，未免太簡單，而且絕對唔係真相。

其實我覺得，袁世凱永遠係一個做實事嘅人。當1914年頭局勢稍為平靜，佢就即刻整頓中國嘅貨幣制度，中國貨幣制度自從19世紀中葉開始已經一片混亂，社會上流通嘅貨幣五花八門。一個國家如果唔能夠統一貨幣，亦即係話永遠冇辦法釐清賬目，一條清楚嘅會計賬目都冇辦法做出嚟，國家要行現代化？一定係嘥鳩氣。日本自從明治維新，佢哋嘅首要工作就係統一貨幣系統，日本帝國的強大崛起，呢個係重要因素。

唔明？

你可以想像吓現今香港，如果可以用港紙、人民幣甚至美元、或其他貨幣、或者貴金屬任意流通，你去7仔買包煙，可以用美金，又可以用貝殼、黃金、白銀、google pay或者用津巴布韋嘅貨幣找數，而政府又冇一個有權威性嘅兌換匯率制度，就算有，市民都唔願意百分百遵從，咁個社會會點呢？唔使講，一定會好亂。20世紀初期嘅中國，就係一個咁嘅局面，社會上流通嘅貨幣，有大量入口嘅西班牙銀鑄幣，亦即係我哋睇民初劇嘅「大洋」，每個割據政權，又會發行自己貨幣，又有自己一套匯率，咁，就真係七國咁亂。

1914年2月7號，北京政府頒佈《國幣施行條例》，明文規定，「國幣」嘅鑄造權及發行權歸中央政府所有，新貨幣採用銀本位制，基本單位係「圓」，1「圓」即純銀6錢4分8厘。「圓」以下嘅輔幣單位，有銀幣半圓、2角、1角；鎳幣5分、銅幣2分、1分、5厘、2厘、1厘。《國幣施行條例》規定，公款出入交易必須使用新幣，市面上流通嘅舊銀角、舊銅元、舊制錢、由政府以國幣收回改鑄。

袁世凱嘗試統一幣制，但當然並唔成功，因為由佢管轄嘅中央政府，勢力只係集中於北京外圍華北一帶，南北仲分裂緊，仲有好多游離政權嗡嗡吓。國家未完成統一，處於分裂狀態，一個分裂嘅國家？又點可以有統一嘅貨幣制度呢？政治經濟不可分割，呢個就係最佳例子。貨幣統一，意味住政治需要統一，中國真正統一貨幣嘅日子，其實係1949年中國共產黨統一天下、建立中華人民共和國之後。

行文之始，心亂如麻，天祐香港，天祐港人。

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【168回：大清亡國關 #黑社會 蛋牛治】

♉今集繼續黃興嘅革命事業，推翻滿清，地下組織即係黑社會，一直擔當著非常重要嘅角色，孫文就係洪門嘅人。黃興係1903年發動嘅湖南革命，亦係同當時嘅黑社會「哥老會」合作發生，呢啲並不是什麼奇怪嘅事，黑社會本身就係愛國嘅，昨日如是，今日都如是。

♉地下社團，黑社會組織係每一個社會存在嘅事物，我諗，古往今來亦祇有高度極權嘅專制社會，例如希特拉嘅納粹，史太林同毛澤東當權嘅極左時代，黑社會先至唔存在。因為凡有商業活動，必有灰色地帶，一個資本主義社會嘅運作，亦有表面經濟同地下經濟兩個範疇，表面經濟就一般我哋面對嘅經濟數據，但地下經濟活動，同樣係一個資本主義社會金錢血液流動不可缺少嘅原動力。我記得，現在香港人懷緬香港最輝煌燦爛嘅日子，即上世紀八、九十年代，亦都係黑社會活動最活躍嘅時代。

♐霍布斯邦教我，自己親身經歷感受嘅歷史，先係真正嘅歷史。我成長嘅二十世紀八九十年代，黑社會係大潮流。我哋返學作做黑社會打扮，蝙蝠袖、窄腳褲、孖池頭、尖頭鞋，講粗口食紅萬，睇龍虎門，筆袋裏面經常有把十二吋大鐵尺，同其他同學有拗撬或講數，就匿喺手裡面做武器，我哋亦都好希望可以跟個大佬，正正式式食加入社團，做一個真真正正嘅黑社會會員。

⛎我常公仔嘅經歷，就同成班同學響上世紀80年代去過調景嶺（國民黨基地）拜大佬見阿公，每人預備咗一封36.6嘅老毛，入到一間破爛嘅石屋內見一個中年人，中年人收咗封老毛，就教我哋唸一首詩，之後同我哋講，以後有乜嘢事就可以撻佢個朵同社團個朵，而我哋嘅身份，亦正式成為社團嘅「藍燈籠」。於是我問中年人，「藍燈籠」仲有乜嘢記認？佢就叫我去女人街買一隻虎頭銀戒指，一定要係老虎頭，戴喺手指上，其他人就會知道你「有料到」。

♐因爲我當時好窮，成百蚊隻虎頭銀戒指實在買唔起。事後依件事亦冇乜人跟進，帶我哋去調景嶺見阿公嘅石硤尾南山村大佬，亦好似入咗冊，再冇出現過，於是成班同學發嘅黑社會夢，亦到此為止。而且升上高中，揀咗理科讀，功課多咗好多又要應付會考，做黑社會嘅事就咁不了了之。

⛎歷史實在太有趣，自己親身經歷嘅歷史，更加有趣！今個夏天，其實係一堂充實嘅歷史課。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/JIUhnhRvZ4Y

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

冇追一排又追番到live

Push

【七不思議：歸來借宿】實體版本周上架
https://bit.ly/2HimOr9

【七不思議：歸來借宿】電子書現已上架
https://bit.ly/2HaPWAv

*available on android and ios

【常威近代史】（二百五十七回）
袁世凱平反系列

今集講講外國勢力問題。

由1842年清帝國簽訂不平等條約《南京條約》開始，外國勢力大規模入侵中國，出現所謂「條約港口」（Treaty Port），授予外國人居住權同貿易權。當中包括上海、廣州、福州、廈門同寧波等港口，呢啲港口亦都係中國最先發展起嚟嘅地方，割讓出去嘅不屑子香港，更加唔使多講，飛黃騰達。

到咗1893年增加咗28個地方進行對外貿易，去到1914年中華民國，「條約港口」總數達到92處，不但沿海地方，當中更加唔少係喺內地城市或者中國內陸邊境，或者鐵路交叉點，我哋可以統稱為「商埠」。但有一點值得留意，去到1915年，位於中國92處商埠中，只有48處保持正式海關關卡制度，即係話，有好多地方出入貨品進行貿易，係唔需要打關稅，屬於黑市貿易，亦即係中華民國政府冇錢收。

最近睇過一篇文章話畀我知，20世紀初期，中國人嘅GDP位處世界第六，佔全球總貿易額大概6%（以上數字未fact check），但係實際情況可能係更高更高，未列入官方經濟數據嘅黑市貿易更加可能佔去真正貿易額嘅大部份。中國人嘅境況係有份出汗、冇份出糧，其實相當悽慘。

貿易商埠，亦產生「租界」問題，租界即係專門畀外國居民居住嘅特區，享有領事館轄權，租界內嘅行政，例如警察、衛生、道路建設、市政管理等等，都係由外國人自己搞曬，財政收入係外國當局向租界內住民商販所徵收嘅地方稅，同中國政府無關。民國初年，上海、天津、漢口同廣州都有大量嘅外國人租界。天津市當時就有英國、法國、德國、日本、俄國、比利時、意大利同奧匈帝國租界；黎元洪勢力範圍漢口，就有英國、法國、德國、日本同俄國租界。真係國中有國，何止一國兩制？租界內，外國人甚至擁有產業自由買賣轉移嘅權利。

再講一啲技術性嘅問題，用民國初年嘅上海做例子，上海嘅公共租界，列強雲集。唔少外國人向租界外中國人買地，中國當局將地契發畀外國人，地契再響外國領事館登記確定，而領事館實際上發給一種地契保證書，以使土地嘅轉讓權及擁有權更加確定，因此同時亦提高每一項產業嘅價值（有外國人法律backup，係唔同啲），所以上海租界外內，都充滿土地投機。用香港人嘅概念，就係炒樓，就係製造資產泡沫。不過問心一句，唔製造泡沫？財富又從何而來呢？

又要叉開一筆，最近有人用whatsapp send咗篇文章畀我，話香港人On 799，錯失21世紀初期幾個互聯網熱嘅陶金機會，你睇騰訊阿里巴巴而家幾萬億（幾十萬億）市值，而香港人就只能夠繼續炒樓，但我想補充一點，騰訊阿里巴巴嘅市值同香港嘅樓價一樣，亦都只係「炒」出嚟，亦都係資產泡沫嘅一種，講真大家都喺度吵啫，你有國家隊支持，啲股民又夠貪心夠蠢，梗係戰無不勝啦。

好朋友財經大師周顯教我，所有高科技項目，實際上都係為咗炒作股票，0700騰訊如是，tesla如是，Amazon如是，Netflix如是， 笑香港人只係識炒樓，其實只係五十步笑百步。香港有錢人同財閥，過去冇大力投資高科技，其實簡單啲講，係佢哋覺得炒樓穩陣過炒科技，你睇「數碼港」由一個科技項目變成樓盤項目就一清二楚。當然亦係一種固步自封嘅心態，風險越大，回報自然越大，自然定律，香港財閥唔想冒風險唔想搏牌，亦都係因為佢哋已經太有錢之故。

最重要有一件事，泡沫總有爆破嘅一天。

去返民初上海，你咪以為係鬼佬玩曬。喺法律上中國人唔准喺租界內擁有土地，不過實際上，好多中國人都通過外國代理人做到依一點，喺上海嘅租界之內，其實有大量嘅土地資產係由中國人直接擁有，佢哋好多係有錢人，亦好多係黑社會。1914年，上海法租界擴展20倍，呢個情況亦可以反映出，儘管當時中華民國政治局面一片混亂，但係上海仍然係充滿經濟活力，一個地方只要有生意做，有金錢周轉流動，其實政治穩定或混亂，一啲都唔重要，有時亂反而更好。你睇今日2019年7月嘅香港，夠亂未？但一潭死水嘅股市係冇跌過（亦冇昇過）……哈哈！

1914年係重要嘅一年，因為歐洲大陸就快爆發第一次世界大戰，天下即將大亂！

下次繼續上海灘法租界！

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【❤香港關 #中英聯合聲明 腿蛋治 第五回】

♒香港政治發展史，最重要嘅一件事係發生係1967年既「六七暴動」。延綿接近半年嘅暴動，波及到社會唔同嘅階層，每一個香港市民都受到唔同程度影響同衝擊。六七暴動由一場發生於觀塘膠花廠勞資糾紛開始，起初冇人會諗到事件會一發不可收拾。

♋六七暴動，左派人仕又稱呼為「反英抗暴運動」，主要針對港英殖民地政府戴麟趾港督嘅高壓統治，暴動主要參與者，都係擁護中華人民共和國、擁有左派背景嘅「左仔」，策動連番暴動嘅組織，係背後有中共資金支持及直接指揮嘅香港工會聯合會，簡稱「工聯會」。背後嘅意識形態，係共產主義反對資本主義，係普羅大眾工人階級反對資本家對工人嘅長期剝削。

♐我經常抱住一個論點，就係今個夏天（2019）發生喺香港嘅事情，其實同1967年非常相似，當然歷史條件、物質條件同意識形態條件已經完全唔同，但係市民上街，甚至暴力衝擊政府統治階層，其實內裡就係對日常生活嘅極端不滿。無法否認，香港嘅經濟風光，由60年代一直延綿至90年代中期，30年風光如畫，其實響1997年之後，經過一場亞洲金融風暴已經從高峰滑落。加上2003年一場沙士，更加暴露咗香港經濟嘅脆弱性。

♈當時挽救香港經濟嘅方法，係開放自由行同內地資金到港，之後十年，香港經濟產業模式大轉型，簡單啲講，香港由一個外向性國際化嘅經貿模式，變成單一產業化服務內地資金湧港嘅畸型經濟結構，內地資金全面取代香港本地資金同外資，商家全面服侍大陸，忽視香港本土市場。當然商家嘅做法無話啱定錯，資本主義從來就冇道德可言，況且風擺邊邊向邊邊，邊度有錢搵去邊度，亦都係香港一直落嚟嘅成功之道，「靈活變通」就係咁嘅意思，香港人最叻就精面，永遠想左手交右手，低買高沽，從中取利，亦係我哋嘅本性。

♐但係，世事嘅嘢，就係有咁耐風流有咁耐折墮，凡事都係雙面刃，加上炒賣風氣從來未停止，大家非常樂意大量製造泡沫，但求表面好睇，不理會內裡腐化枯朽。普羅階級嘅人工，畀通脹同樓價遠遠拋離，生活水準急速下降，用連登這一句說話最啱：「千幾二千一晚酒店、成百蚊一個餐、牛雜都50蚊碗」（加一句，60蚊一包煙），就係大家面對嘅實際生活問題。

♑人工中位數仍然係萬零蚊，但係一層400呎市區樓，已經要去到800萬。仲未夠，香港嘅統治階層似乎一啲都睇唔到，仍然容許香港經濟產業繼續單一化大陸化，職位係好多出現（洗碗清潔保安地盤），但係工種就少得可憐，結果香港人覺得向上流動嘅機會大幅減少，怨氣不斷累積，仲未夠……統治階層成日叫唔好將香港政治化，但係佢哋做嘅每一件事就係搞政治，民生經濟一籌莫展，淨係識得用儲備搞大白象基建，討好中央，搞利益輸送，在位者尸位素餐，今日發生嘅動盪，真係唔可以怪曬林鄭月娥，之前兩屆政府責無旁貸，我成日屌今日想出嚟撈政治油水嘅曾俊華，就係咁解。

♉示威者一句口號叫「光復香港」，其實就係想香港作出轉變，從而走出之前所建立的困局同獸籠束縛。香港過去嘅成功，係我哋能夠擁抱世界、擁抱多元化展示出嘅巨大能量；今天我哋嘅頽落，就係固步自封，主動放棄一籃子貨幣政策，為求舒服就手，全力傾倒單一市場所引發。

♎有人驚變，死得更快。其實唔去變，又係一樣死，做人要有希望，而且人類嘅命運本來就係處於不斷變化之中，佛經有云：「人於此生，為愛欲驅使，隨欲所之，沉醉諸樂，輪迴生死，永為愛欲之奴，隨波逐流。」

🍳https://youtu.be/Aaa8CPzobr8

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】（二百五十八回）
袁世凱平反系列

1914年係人類詛咒嘅一年，因為第一次世界大戰喺依一年爆發。一戰係一場非常複雜同殘酷嘅戰爭，亦都係整個19世紀延續落嚟，歐洲極端民族主義同國家仇恨嘅整體爆發，以英法為首協約國陣型，大戰以德國奧匈為首的同盟國陣型。響歐洲甚至全世界，冇人可以做中間派，只可以跟隊（中華民國非常幸運跟啱隊形），非藍即黃，整個世界被徹底撕裂3.0，到達冇辦法回頭嘅地步。

一戰由1914年7月28號打到1918年11月11號，總共歷時4年3個月零2周。最低限度估計，超過6500萬人參戰，當中死亡人數約為1600萬，當中包括士兵同大量未列入統計數字嘅平民，同時係世界上一場打法最可怕最殘酷最野蠻嘅戰爭。但人類冇喺呢場戰爭裡面得到任何教訓，20幾年後再打另一次更龐大嘅毀滅性戰爭，即係第二次世界大戰。

有人講，第一次世界大戰其實可以避免，當時歐洲兩大陣營（主要係英國、法國同德國），互相猜忌同埋互相仇視，其實並非真係咁水火不容唔可以化解，只不過fake news滿天飛，新仇舊恨炒埋一碟，結果仇恨腐蝕民心，雙方堅守嘅極端民族主義意識形態係真正嘅元兇，同時整個歐洲亦都缺乏有力嘅中間派調和，結果引發碎肉機完全開動，所有人一齊被攪成肉醬。

睇咗咁多歷史故事，個人印象最深刻係發生喺19世紀中葉美國南北戰爭，戰爭打完，雙方喺偉人林肯手上能夠實現大和解，冰釋前嫌，共同攜手重新建立國家，大概依一個亦係美國之後成為一個超級強權嘅重要理由，當然林肯自己最後都被刺殺身亡，捨身成仁。鬥爭好容易出現，和解好難達成，美國人其實做咗人類歷史上非常罕有嘅高難度動作，有興趣嘅朋友可以深入嘅了解南北戰爭，或者能夠對今日嘅世界局面，有更深刻嘅體悟。

去返剛剛搭上民族主義尾班車嘅1914年中華民國，一戰響年中爆發，1914年上半年，袁世凱實施獨裁統治手段，希望維持國家基本秩序，令佢有時間做小小實事建設中華民國，建立基本國體。呢個時候，袁世凱嘅生命進入倒數，佢仲有兩年命，其實當時袁世凱只係54歲，但佢嘅家族一向短命（未知是否同一種家族遺傳病有關），袁世凱都心知肚明，明白自己時日無多，所以不得不加快步伐做嘢。

為咗消滅社會上反對自己嘅聲音，4月頭，北京中央政府頒行報禁，打壓全國報紙媒體（當時嘅主要媒體，亦都只係報紙），徹底扼殺言論自由。1912年初全國有報紙500多種，大力打壓之後只剩低139種。袁世凱嘅做法我非常唔認同，報禁期間，一共有71間報館被查封，49間報館被審查，9間報館俾軍警徹底搗毀破壞，24個報人被殺，60個報人被拘捕入獄。單睇數字，係一件巨大嘅文字獄。當然，當時大部分報人都係傾向革命思想，袁世凱中央政府要玩獨裁，就一定對著幹。類似情況，到咗今時今日嘅世界，完全沒有改變過。

其實林美香，亦都發生喺袁世凱身上，嚴格嚟講，1912年前嘅袁世凱，佢所做嘅一切都係有利於中國嘅歷史發展，又係嗰句，如果識得急流勇退，或者再早死三四年，佢會係一個偉大嘅歷史人物，唔需要遺臭萬年，1913年頭至1914年間，袁世凱選擇行專制獨裁高壓統治路線，一方面係迫不得已，另一方面亦都係咎由自取。

1912年議會政黨運動，或稱為法統之路，雖然因為宋教仁之死引發內戰失敗收場，但係袁世凱再冇給予民主第二次機會，呢個係佢成世人行得最錯嘅地方。中國人玩自由民主只係第一Round，衰咗都係好正常，世界上冇嘢係一次就得，必須要喺無數失敗之中汲取教訓同經驗，咁下一次先會做得更好。但歷史睇到，好多人都好心急，有好多人以為所謂政治變革，係一朝一夕嘅事，其實所有嘅歷史改變，都係漫長而且反覆，好似股市咁，無論要升抑或要跌，其實中間都有上落波幅，條Curve永遠唔會係一條直線咁上或落，而係一條彎彎曲曲、上上落落嘅曲線。明白這一點，大家就會好過好多。

同時袁世凱嘅最大敵人孫文、黃興、陳其美亦開始喺日本有所動作，1914年5月11號，孫文致函記者出身、日本首相大隈重信（1838-1922）要求日本幫助中國國民黨討伐袁世凱，大隈重信由十年前孫文1903年定居日本開始，已經同孫民關係密切，千絲萬縷，如今大正年間，大隈重信再次拜相，佢亦都運用政治影響力全力協助孫文翻盤。孫文黃興為首嘅國民黨，經過半年沉寂，終於響日本本土得到重生，日本政府同國民黨雙方攜手，以全新戰略部署，預備向袁世凱北京中央政府展開猛烈攻勢。

#常威 #斷送共和關袁世凱蛋牛治  #袁世凱 #民國歷史


【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

自推

要文

【169回：大清亡國關 #同盟會 蛋牛治】

♉今集講到真國父 #黃興 同 #孫文 終於喺日本碰頭，海外嘅反動勢力同國內嘅反動勢力正式合流，成立「同盟會」。大清帝國最大嘅敵人係1905年開始出現。亦喺同盟會成立當日，所有游離嘅反動力量終於俾一個組織、一種意識形態統合起嚟，形成一股更大嘅力量，對抗滿清政府嘅極權統治。

♐世界在變，其實當年同盟會嘅角色，就係「#大台」，潮流興拆大台，今時今日逆權運動遍地開花，好多人就覺得最主要嘅原因就係無大台，因為如果「大台」存在，大家其實散咗水好耐。呢個講法我唔否認，「大台」令大家散水，係三番四次歷史教訓。但係冇大台有一個問題，就係件事好難收科，兄弟各自爬山，各有各做，你唔代表我，同時我唔代表你，前線兄弟有前線兄弟嘅立場，政客有政客立場，和理非非可以和你飛飛，有人反對共產黨，有人仇警，有人當打WarGame亦有鬼，真正萬物離散，要重新搵到共識或找尋一個大家認同嘅方向發展運動，實在好難，或者需要一段好長嘅時間醞釀同統合。

♉時間係大家嘅敵人，因為時間拖得越來越，大家只會越疲倦，社會大眾日常生活受到騷擾嘅時間太耐，亦會失去民心。香港上一次世紀政治大動盪，係1967年嘅「#六七暴動」。如果以時限計算，由新蒲崗香港人造花廠勞資糾紛嘅5月頭開始，直至去到同年12月，社會先至回復完全平靜，整個六七暴動經歷咗大約半年時間，前前後後一共有51條人命失去，有警察亦有平民，大家都付出沉重代價。但係歷史大災難之後就係歷史大補償，70年代香港，終於因為呢一場政治大洗牌，確認目標，重新起步，一躍成為亞洲金融中心。

⛎提一提大家，星期日我嘅channel，會繼續有香港近代史系列第六回，正正就係講六七暴動細說從頭，請大家捧場。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/5Lfvk87jSzI

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】（二百五十九回）

袁世凱平反系列

天祐香港。

最近思緒混亂，上集應該要講上海租界問題，今日補充返，講埋租界問題，先去敘述孫文創立中華革命黨，終極翻盤。

上海當時嘅租界，主要係講公共租界，喺中國國內「國中之國」，完全自治，係一個特別行政區，畀我嘅感覺係一個百份百嘅「自由城邦」，租界之內嘅法律貿易管治等制度，完全行歐洲模式。大部份人理解，公共租界係由英國人話事，但真實情況並非完全如此，去到20世紀，當時嘅上海租界你可以理解成係一個聯合國，一個小型歐洲，唔同國家嘅人出入求財、務求發展機會同貿易機遇，萬眾一心只搞經濟不談政治，欣欣向榮，去到20世紀初期，上海租界甚至喺地球上數一數二嘅金融中心股票市場，亦係整個遠東財富嘅集中地。

滄海桑田，上海同香港都係從1842年《南京條約》簽訂嗰日開始發展，1840年嘅香港只有區區2000人口，同樣1840年嘅上海，亦只不過係長江出海口嘅一條小漁村。冇人能夠想像，經過半個世紀高速發展，上海同香港會成為遠東主要金融貿易中心。所有一切，托賴冇中國人玩，如果有中國人叉隻腳埋去搞局，應該又會玩到一pat屎，你可以話我崇洋媚外，但事實上的確如此。你叫隻馬騮去寫博士論文，佢應該都係無能為力。推根究底，係能力問題。

上海唔係好似香港一樣，從來冇割讓出去，屬於中國（清帝國或中華民國）領土，但係由1842年開始，通過各國領事頒佈一系列嘅「土地章程」手段，上海租界呢個「自由城邦」逐漸拓展成形，好多時候係先做咗改變，先至畀北京政府正式批准，而北京亦不得不作為既定事實而接受。理論上，係對中國土地主權嘅一種「軟性侵略」，呢個係不得不承認嘅事實。常用嘅手法係，逐步逐步嚟，逐小逐小咁蠶食你，起初係建造租界外嘅道路，然後係鋪設自來水管同埋電力，最後就係實施徵稅同埋行使警察嘅權力。

軟性侵略你，逐小逐小蠶食你，等你唔覺唔覺慢慢流失血液，係聰明嘅統戰做法。一次過奪去你所有，往往會引起好大嘅反作用力。用50年時間半個世紀慢慢食埋你，係正常嘅設計，係聰明人嘅選擇，但有人太心急，想嗱嗱臨吞曬，終於引爆炸彈。

當時管理租界嘅行政機搆，叫上海公共租界工部局（Shanghai Municipal Council，簡稱SMC），起初SMC祇不過係租界納稅人會議嘅執行機構，但它逐漸擴大權限，最後取得租界行政管理嘅具體權力，其中包括向租界內中外居民徵稅同埋維持治安嘅警察權力，順帶一提，工部局唔可以徵收「土地稅」同「關稅」，因為土地仍然屬於中國，依兩項稅款要由中國自己徵收番，但除此以外，SMC差唔多完全話曬事，我哋睇CCTVB民初劇，租界內嘅「巡捕房」，即差館警局，就係由SMC直接管轄（唔關中國政府事）。

20世紀初期，SMC嘅9個成員（議員），係由租界內嘅外國有錢人用選票選出，選民只係佔咗所有外國居民大概10%，華人與狗當然冇份，真真正正小圈子選舉。而且SMC透明度非常低，仲成日唔開會，基本上只係一個核心小圈子俱樂部，主要係英國人，代表租界內工商界嘅利益。而當時，公共租界嘅市政僱員絕大部分係英國人，20世紀初期僱員總人數為 1076人，其中有965人係英國人，人數並不包括巡捕房中嘅792個印度警察，事實上，當時維持租界治安嘅係英藉印度人（錫克教徒，所以包頭），冇中國人，民初劇裏面巡捕房有中國探長，純粹係我哋中國人自己打飛機嘅想像。

SMC呢個租界裡嘅最高行政機關，要到1928年，蔣介石北伐成功佔領上海之後，先有中國人可以參加成為代表。SMC嘅行政權力，亦冇你想像中咁大，SMC經常會同上海各國領事館同北京外交使團發生衝突同磨擦，當然牽涉嘅，多數係利益分佈嘅問題。

外國人係租界內嘅生活，完全歐化，佢哋日常生活嘅必需品，差唔多都係由歐洲直接入口，外國人響租界所過嘅生活，同響歐洲可以講完全冇分別，唯一嘅分別就係更正斗！同大家嘅印象非常相似，租界同租界外完全係兩個世界，租界之內是繁華先進歌舞昇平，而租界之外就係貧窮落後極權恐怖。兩者代表住貧富懸殊，階級壁壘分明。

由於租界享有領事管轄權，喺20世紀初期前後，成為咗唔少異見者同革命者嘅避難所，從梁啟超康有為、到孫文黃興，甚至後來的共產黨人，都多次利用租界逃避執政者嘅追捕通緝、或者響租界之內策動叛亂、周轉現金、買賣軍火或經由租界港口著草他鄉。

#常威 #斷送共和關袁世凱蛋牛治  #袁世凱 #民國歷史 

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【170回：大清亡國關 #三民主義 蛋牛治】

♉孫文提出嘅建國大綱，就係三民主義，我們稱呼為孫學，或者叫國父遺訓，三民主義中嘅三民，就係「民族」、「民權」同「民生」，其實三民主義，喺唔同時間有唔同嘅解讀，例如「民族」一詞，起初在推動推翻滿清革命嘅時候，指謂嘅只係「漢族」，後嚟建國之後，民族就等於「五族共和」，侵埋你滿州人玩。

♉「民權」嘅意義，亦都一直在變。革命前，就係民主自由議會法統，建國之後，就係穩定民心嘅權力所在，所謂民權，未必一定有民，而且為大局著想，為大部份人嘅福祉利益行事，民權亦都可以變成極權，亦都可以指謂黨國合一，總之唔亂就可以。

♐「民生」部份，喺孫文初初立説嘅時候，其實有極重嘅社會主義色彩，一句「平均地權」就統統體現曬，就算唔係社會主義，都一定係中間偏左路線，我講過，孫文同佢老婆宋慶玲其實係百分百嘅社會主義者，係史太林嘅朋友。當然作為後來蔣介石國民黨意識形態思想中嘅「民生」演釋，已經完全冇曬左膠元素。

♎政治只係為咗解決當前問題，並非要解決長遠問題。

♈因此意識形態會因為要解決唔同嘅當前問題，而作出相應嘅唔同變化，世界上沒有事物是永恆，「活在當下」先至重要，只要能夠解決眼前嘅問題，他日洪水滔天，又同我有咩嘢關係？類似嘅脈絡，唔單止喺政治上，今時今日21世紀，人類面對嘅問題應該係環保問題，全球氣溫不斷逐年上昇，溫室效應下，南北兩極冰塊大量溶解，一場史無前例嘅生態大災難已經逼近眉睫，到時就算係自由民主國家也好、極權國家都好，大家都無法避免洪水滔天。全球人類減放碳排放量，其實要立刻開始進行，但係環保問題幾十年後先發生嘅事，屬於長遠問題，放喺人類眼前嘅難題真係太多太多……

⛎提一提大家，星期日我嘅YouTube channel，會繼續有香港近代史系列第六回，講六七暴動細說從頭，請大家捧場。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/6paqUMh3r5k

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

想問真係史實定當小說咁睇？

推

隨你喜歡

屌呀我當事實咁講會唔會比人笑死

俾人笑就一定

好難捉摸呀法印