1月7號，國民政府為增加政府收入，開徵特種消費稅，正式向商人埋手，上海總商會等80個商業團體聯合致電國民黨中央政治會議及國民政府，要求停止特種消費稅徵收，「以維國貨而安工商」。29號，財政部拖你二十日先回覆：「五省裁厘會議決議裁撤厘金改辦特種消費稅，係根據全國裁厘委員會議定施行大綱辦理」、「裁厘後國庫收入虧損七千六百餘萬，需海關稅則定期實行，關稅收入當有增益，但以之償還庫券公債本息及撥歸建設要政之需，能否盈餘毫無把握，況中央軍政各費月需巨款，籌撥艱難，希望工商各界體諒。」2月1號，上海總商會等80餘團體再電財政部，重申停徵特種銷售稅嘅要求，但不果。
有句說話叫「官商勾結」，正正就係表達政治同經濟沒法分得開，同樣道理，政權同商人（或者今時今日我哋叫財閥）亦冇辦法分得開，世界上所有事情都係用錢先可以發生同解決，要推翻一個政權，或者建立一個政權，需要無限金錢支助，錢並唔係萬能，但係冇錢就萬萬不能，任何事情都需要金主，瞭解依層關係，即係瞭解政治同經濟本為一體嘅關係，你對世事會清楚好很多，點解共產主義最後要消滅貨幣？因為共產主義者非常明白，金錢先係萬惡之源，所有問題都係喺金錢上面衍生。
1月10號，張學良誘殺位高權重嘅奉軍將領楊宇霆（1886-1929）同埋常蔭槐（1876-1929），楊宇霆同常蔭槐兩人係奉系元老級人馬，以辦事幹練聞名，楊宇霆仲係張作霖嘅親信，兩人舉足輕重，一早就對含住銀匙羹出世嘅二世祖學友心懷不滿，楊宇霆更加係背後叫學友做「阿斗」，自己就係「太上總司令」，經常連同常蔭槐架空學友。
真係屌你老母，我老竇叫張作霖，關你忍事咩？東北易幟，兩大元老又極力反對，易幟之後，兩人又暗中聯絡日本人同桂系，借名編練山林警備隊，意圖不軌。今日下晝，兩人求見張學良，要求成立東北鐵路督辦公署，由常蔭槐擔任督辦，學友就話晚飯後決定，晚飯之後，兩人又到大帥府，點知有入冇出，就被警務處長高紀毅（1890-1963）率兵槍殺於客廳之中。兩人死後，張學良牢牢控制曬東北軍隊。
其實好多人（仲）唔明白政治係乜嘢？政治本來就係血淋淋嘅生死鬥爭，有時候唔係你死就係我亡，你可以話張學良心狠手辣，但係如果佢唔咁做，可能好快被殺嘅人就係佢自己，殲滅戰嘅意思，就係咁解。
#常威💀 #蔣介石平反系列 #黃金十年 #民國歷史