大清亡國關慈禧蛋牛治 2

【常公子歷史頻道247回：斷送共和關 #道德光環 蛋牛治】

♐政府推出1300億救市措施，應該一讚，有錢響身，應使得使，養兵千日，用在今朝，第一次引用林鄭月娥嘅說話，「使咗嘅錢一定可以搵返」，做人要有信念，解決咗今日嘅事先算，有人或者質疑，俾錢雇主出糧，一定有人從中搵著數，但搵著數係香港人嘅本性，香港人嘅偶像就係有錢人，走精面發達，個個都鍾意；唔使做袋錢，邊個唔X想？

♑新一代人同上一輩最大嘅分別就喺呢度，六七十年代出生一批，趕得切搭上香港經濟起飛嘅尾班車，亦撞啱中國改革開放，喺夾縫中嘅香港左右逢源，響佢哋眼中，香港同中國係遍地黃金，中港兩邊走，利用物價勞工成本差異賺取息差，佢哋生得逢時有份執錢，但90年代後出生嘅香港人，面對嘅係一個資本氾濫、泡沫嘅世界，百物騰貴，生活成本高昂，社會高階職位飽和，中國亦都開始唔需要香港幫手，周街有著數日子已經過去，加上新一代人教育程度普遍提高，加上少返大陸沖涼叫雞唱K按摩，普遍道德感都比較強，對好多事都睇唔過眼，更加對自身嘅處境有較大嘅自省空間，階級未能向上流動，終於爆大鑊。

♈經過今次疫情，可以預料，香港經濟都會幾大件事。之前已經提過，上一次2003年沙士重創香港經濟，上頭落重藥救市，放寬自由行，北水同紅色資本湧到，大力扭轉頽勢，你唔鍾意都好，呢個係鐵一般嘅事實。但係今次呢？中國似乎都自顧不暇，況且此一時彼一時，今日嘅香港亦唔係2003年嘅香港，今日嘅中國領導人亦唔係2003年嘅中國領導人。2003年距離九七回歸祇有五六年時間，如果香港衰左會俾人笑你領導無方，面子攸關頭等大事。但今日呢？「中國真的需要香港嗎？」亦成為懸案，「關於香港嘅重要性」，我自己都響度揣摩學習中。假若香港今時今日真係重要性唔大，咁亦唔需要救，由你自生自滅算。

♑但上頭由我哋自生自滅，亦都係好多人希望發生嘅事情，世界上總有唔同意見，如果談情說愛，亦都話邊個冇咗邊個唔得？其實自力更生好重要，失戀亦可以自己一個人開心生活。冇得靠人，就要睇自己嘅實力有幾多？但我對自己，我對全香港人都充滿信心，生命總會找到出路，或者劫後重生，大家觀念改變，先至會有一個全新嘅開始，香港人，共勉之。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/UnMNN2dsRaM

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】（三百五十六回）
大軍閥平反系列

當進入戰爭狀態，就冇所為是非黑白對錯之分，人命血酬本身就係超越人性及道德律，假如抱住道德律上戰場，會死無葬身之地，Mel Gison嘅《鋼鋸嶺》無論如何只係一套電影。當然選擇拋棄道德律同時，你要清楚明白時局是否進入戰爭狀態？當然「每個人判斷是否進入戰爭狀態」嘅意志，本身就會導致時局進入戰爭狀態，彼此互為因果。

睇得通透，正如好朋友周顯大C話齋，全部只係文宣工作，用佛家語言講，係名相嘅分別，不過人類始終係語言嘅動物，嚟到目前為止，仍然冇人有辦法逃避文宣嘅意識形態操縱，但係一場戰爭裡面，文宣工作其實無比重要，但係大家會發現，做文宣工作嘅人好多時候都唔值錢，文人字賤，從來係常態。

亦順帶一提，所謂戰爭，亦並非單單指冒血戰場上嘅血肉交拚，冇煙戰爭一樣係戰爭；金融戰爭一樣係戰爭；意識形態戰爭同樣都是戰爭形式嘅一種。

1920年7月，直皖戰爭爆發，輿論層面上，直系吳佩孚矛頭直指皖系徐樹錚！給其「六大罪狀」，要「檄」，直系出兵，係為咗聲討徐樹錚禍國殃民、賣國媚外、把持政柄、破壞統一、以下弒上、以奴欺主六條大罪，又講「全國本屬一家，焉有南北之界？北洋原係一體，何有皖直之分？追根禍亂之起，則緣於安福系跳棎跋扈，殆甚於閹宦貂璫；而指揮安福系禍國者，唯徐樹錚一人」，所以要以武力粉碎徐樹錚安福系勢力，即所謂「清君側」行動。

講真，徐樹錚係段祺瑞第一號頭馬；關公吳佩孚亦係曹錕第一號頭馬，兩個人背後都有大佬，大佬背後亦有外國勢力撐腰，一層壓一層，其實所謂戰爭，好多時候只係唔同勢力為咗爭奪實際利益而爆發，發動戰爭嘅籍口，亦好多時候並非真相（或發動戰爭嘅真正理由），而後世歷史書裡描述嘅戰爭狀況，經過文人杜撰、剪輯及改寫，再加入個人評論、政治動機及意識形態操縱，其實冇辦法還原任何歷史真相，對中國近代史嚟講，「國共內戰」係一個不盡不實嘅好例子，「抗日戰爭」亦當然係。

其實由7月11號開始，直皖兩軍已經開始軍事衝突，戰區分為東西兩路、東路喺京奉鐵路沿線、西路係京漢鐵路沿線，戰線好長，雙方一共投入十萬大軍交火，戰前兩軍無論人數、軍備及後援上，可謂勢均力敵，無分高下。而且直皖兩系，本來就係「北洋軍」嘅雙生兒，如果純粹以軍力計算，係五五波。

但歷史永遠出乎人類想像之外，17號，吳佩孚喺西線大破皖系段芝貴部隊；東線上，直系軍隊得到張作冧奉軍相助，亦大破敵軍，大獲全勝，直皖戰爭，竟然喺短短幾日間結束，戰果係直系至以十幾個馬位放甩大勝，皖系輸到一棟都冇。

而交手嘅慘烈狀況，亦冇想像中咁強烈，好話唔好聽，大家北洋兄弟班，響前線你可能會遇見自己嘅家人、老友、同鄉或同期同班同學，大家揸枝槍say hi，亦無深仇大恨，所以好多場戰役皖系部隊不戰而退，或者選擇大部分投降，小部分解散（仲正！可以逃兵役，或著住件軍裝去鄉鎮打劫一round先）！

冇人趕盡殺絕，亦冇人虐待俘虜，皖系軍人肯即時投降，就可以即刻加入直系陣型，而且禮遇有嘉，軍階不變，可能仲有獎全奬品，只要你掉轉槍頭屌徐樹增安福系就可以。

但皖系一交手兵敗如山倒，理由其實又係文宣，徐樹錚同安福系喺當時嚟講，其實係林鄭月娥同特區政府翻版，如果當時有鍾庭耀做民調，政府支持度可能唔夠兩成，直追今日林鄭、前南韓總統樸槿惠及2019年頭嘅蔡英文，既然普羅大眾對政府有極大怨氣，直系吳佩孚打住清君側旗號，要嚟打倒垃圾政棍，給予人民新希望，當然係一呼百應，前線軍人都係普通市民，警察只不過係鄰舍，人同此心，心同此理，上前線作戰自然無戰意，亦唔會用條命同你搏，情況一目了然。

直皖戰爭，直系贏在文宣工作，即係無法否定嘅事實。開打之前，你見局內人奉系張作霖同埋水晶狐狸徐世昌都投直系信任一票，你就知道勝負一早已經可以預見。

去到7月20號，前線直系軍隊鬼影都冇隻，段祺瑞知道大勢已去、無法挽回，於是請求徐世昌下停戰令，並且主動提出懲辦徐樹錚、安福俱樂部等人作為停戰議和嘅談判條件，段祺瑞自己亦引疚辭職，對應敗局。7月24號，直系奉系兩軍以勝利者嘅姿態進入北京，接管北京兵營，控制首都，直皖戰爭至此完全game over！

戰爭結束，中華民國北京中央政府由姓「皖」改姓「直」，積極處理善後事宜，清除皖系軍閥勢力，內閣安福系人馬炒魷下馬，原京畿衛戍司令段貴芝解職，26號，大總統徐世昌撤銷對曹錕、吳佩孚嘅處分命令；28號，免去段祺瑞督辦邊防事務兼管理將軍府事務各職、撤銷督辦邊防事務處、撤銷西北軍名義、官兵給予遣散費解散；29號下令通緝罪魁禍徐樹錚及一干人等；8月4號下令解散安福俱樂部；8月7號下令通緝安福係黨魁王揖唐及其同黨。

但大部份被通緝人士，當權者亦都給予佢哋充分時間，順利著草離開北京，自愿（或不自愿）留低做炮灰入冊被批鬥嘅，相信亦有一定數目嘅安家費。與此同時，全國各地嘅皖系軍隊，亦都相繼畀直、奉兩系軍閥收編或遣。

直皖戰爭其實醞釀咗兩三年之久，但明刀明槍嘅真實戰爭，只有五日多啲啲就玩完，皖系經此一役，軍事同政治實力遭到毀滅性打擊，從此一蹶不振。特別係段祺瑞徐樹錚二人苦心經營多年、花費巨大代價建立起來嘅邊防軍同西北軍，只係經過幾日時間、幾個回合較量、全軍覆沒，我諗佢兩位從來唔會諗得到。

我成日話，歷史永遠出乎你意料之外！（今日嘅你，一定會相信了）

#常威 #大軍閥平反系列  #大軍閥 #民國歷史


【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

三島悠亞【七不思議：歸來借宿】電子書上架
https://bit.ly/2HaPWAv

❤免費下載

*available on android and ios

【常公子歷史頻道248回：斷送共和關 #五色旗 蛋牛治】

♐中華民國的五色旗，係一支俾人遺忘的國旗，現代人概念中，所謂中華民國，民國時代係指蔣介石政權，而代表蔣介石嘅係青天白日旗，而將青天白日旗取代五色旗，係1927年蔣介石北伐成功之後發生嘅事情，其實又係一次改朝換代，五色旗代表中華民國法統精神，係一支國旗；而青天白日旗所代表嘅係黨國合一，其實係一支黨旗，係蔣介石國民黨嘅黨旗，之後嘅五星旗，亦都係中國共產黨嘅黨旗，支旗係代表政黨，並唔係代表國家。

♊1927年，係一個誕生咗16年嘅中華民國夭折嘅時刻，當然自1911年到1927年前嘅中華民國，並非一個統一政權，而且亦未能夠對全國作出有效管治，甚至乎冇乜豐功偉績。但係1927年前嘅中華民國，始終係一個擁有獨立立法權的國會、同埋擁有獨立司法權嘅最高法院，採用西方三權分立嘅政治概念，貫徹住法統精神；1927年之後，新生嘅蔣介石中華民國政權，完全模仿列寧托洛斯基蘇俄體制，「以黨國一體化、黨軍一體化、黨政一體化為依歸」，其冠冕堂皇嘅五院制中，事實上已經拋棄三權分立同法統嘅精神，亦由1927年開始，法統已經唔存在於中國，人治取代法治，直至今時今日。

♐法統精神，其實只在另一個中國人社會中存在至今，嗰個地方叫香港，因為香港係英帝國殖民地，當然要補充一點，香港一直存在嘅法統精神，並非係香港住民所堅持得到，而只係殖民地必須依從宗主國嘅政治制度運行而生，二十世紀六七十年代前嘅香港，亦絕對唔係一個法治社會，當中貪汙腐敗嘅混亂情況，甚至乎令外人感覺到不可思議，香港人重視法統精神、重視法律、重視三權分立，應該係從70年代初廉政公署建立後先至開始，當中第26任港督麥理浩爵士擔當住最重要嘅啓蒙角色。

♊近年好多人開始懷疑法統精神？亦有意見認為人治可以超越法治，甚至比法治優越，人治更適合現代資訊爆炸世界運作，因為法治以白紙黑字為依，缺乏靈活性同死板；而人治則可以靈活變通，適應瞬息萬變嘅時勢變化。對於上述對法治嘅質疑，我常公子無任何可以補充嘅餘地，畢竟喺今日資訊爆炸嘅年代，任何人皆有提出其意見嘅自由，提出嘅意見並非一定要合乎理性或者通過任何驗證得悉其真偽。畢竟你又講我又講，大家唔需要為任何言論負責，亦冇必要負責，言論自由就係自由（唔通真係要全民搞实名制？），正正就係今日嘅社會形態。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/qsM1PR3204E

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百五十七回）
大軍閥平反系列

政治問題，當去到無法用協商或談判辦法解決，最後只有訴諸武力，邊個有槍邊個惡，邊個打贏邊個話事，係千古不變嘅道理，以為可以用理性服人、以為可以用道理取得政權，統統只係廢話同幻想。

當然政治嘅最高境界係「亂中有序，序中有亂」，20幾年前我睇過一本書，係金觀濤、劉青峰所著嘅《興盛與危機》，寫於中共最開放嘅曇花一現年代1982年，1992年由中文大學出版社出版，裡面曾經講過，用我好朋友年青才俊賭Sir嘅演釋：「知識份子由古到今都係最重要嘅維穩機械零件」。

所謂「書生造反」，由士大夫知識階層講出批判政府嘅說話，其實係極權至愛，一來可以藉此渲洩民間怨恨，睇咗段字、聽咗次演講、參加咗次集會，慷慨激昂鳩叫唱歌，發洩咗心中不滿怨恨，成個人爽曬，瞓醒返工生活照常；二來批判聲音，某程度上又可為極權統治提供自我調節及派系內鬥元素，令極權系統更加健康成長、發展和進化……你中有我，我中有你，無分彼此，條條大路通羅馬，睇得明先算係有智慧。

新世代就有好多人睇通睇透，「書生造反」真係唔得，「道理」只可以作為鬥爭過程內文宣工具嘅一種，並非主體；而且文宣固然最重要，但須得配合實際行動先可以產生一定效果，毛澤東講過，革命並唔係請客食飯，要學鬥爭，要跟毛主席。當然你進化嘅同時，人哋都識進化，5G時代，速度最重要。

佢返1920年，直皖戰爭幾日打完，段祺瑞皖系一鋪清袋，戰事完結，回歸政治解決，戰爭只係為咗改變政治局面、權力交替嘅手法，某程度上，直皖戰爭仍然係一場文明戰爭，打完就算，冇話要對敵人趕盡殺絕，血流成河，總之你肯交出權力就可以，並非一定要攞你命！

但隨住時日推移，之後響中國發生嘅軍事衝突愈嚟愈遠離文明，當然呢個情況亦並非單單發生喺中國，第二次世界大戰就比第一次世界大戰血腥殘酷無情得多……全人類集體殺紅了眼，幸好有人發明原子彈，將所有沉溺響血腥殺戮嘅人心喚醒，終於締做咗之後20世紀下半葉嘅長久繁榮安定和平黃金時代。

關於直皖戰爭，仲有幾點需要補充。

第一，皖系當道期間，一直奉行親日政策，段祺瑞的幕後金主其實就係日本人，「五四運動」催化反日浪潮，段祺瑞嘅皖系係首當其衝嘅受害者，全國人民差唔多所有人都認為皖系賣國，當民國關公吳佩孚從湖南前線撤防北歸時，沿途人民爭相送迎，「Yes Sir！直系嚟到我帶路」！全國人民反日愛國情緒逢勃，皖系唔輸有鬼。隨住段祺瑞權勢消失，響外交上，日本失去咗扶植多年嘅政治代理人，中華民國亦都響之後逐步離棄親日政策，同日本愈行愈遠，日本帝國有見及此，所以部署扶植溥儀滿洲國政權，企圖繼續維持在華利益，沙盤推演，亦種下咗日後中日戰爭全面衝突嘅種子。

第二、響直皖戰爭中，直系民國關公吳佩孚更加展現咗佢嘅超卓軍事才能，呢位被段祺瑞認為係「書生造反」嘅文人將領，光芒萬丈，登上紐約時代雜誌封面，普遍對佢嘅評論係：「用過去的標準衡量，他（吳佩孚）可以說是個第一流的軍人。」

第三、直皖二系，其實都係袁世凱北洋系統嘅分裂，自相殘殺下，基本上大大削弱咗北洋軍閥整體實力，打從1905年開始主宰整個中國政治形勢嘅北洋系統時代，正式宣佈步向沒落，北洋軍閥當然係netgetive things，對當時嘅人嚟講。但係當然冇人可以估到，北洋時代快將終結，另一個更血腥更恐怖更極權嘅時代亦將會降臨。不過之後嘅當政者對人民嘅洗腦亦都相當成功，起碼到咗今時今日，冇人會開口懷念依班北洋軍閥。21世紀後先至有少少，我常公子係其中一個。

世事往往如此，今時今日香港人唔少懷念董建華同曾蔭權主政時代，講真當日大家咪鬧到佢兩個仆街。

第四、冷手執個熱煎堆嘅人係奉系張作霖，戰前充當和事老，形象攞滿分；戰爭發生時全力支持直系，精確投注選擇；戰爭結束後，同直系共同成為北京中央政府嘅新主人，加上張作霖奉系財政充裕，一片大好前程，張作霖權勢上昇，亦都增加咗佢嘅涿鹿中原野心，直奉二系共同主宰北京局面並唔能夠維持幾耐，盟友好快變成敵人，而且羽翼豐盛嘅張作霖，亦開始唔聽日本人枝笛。

第一次買馬贏大錢嘅理論，個心雄咗，之後就會輸凸。張作霖如是，曹錕如是，我哋嘅民國關公軍事天才吳佩孚何嘗不是？勝利總會衝昏頭腦，鋼鐵其實在失敗中鍊成。

第五、直皖戰爭，充分突顯咗軍閥之間為咗爭奪利益，不惜隨意發動戰爭，普羅人民對現行政治嘅失望到達臨界點，大部分人再唔相信中華民國中央政府能夠為人民帶來幸福，要求改革要求繼續革命情緒蔓延。民心找尋新出路，革命KOL孫文嘅中國國民黨再有市場，同樣共產主義馬克思主義，亦都係唔少熱血青年最後嘅心靈歸宿。

情況同今日香港亦都一樣，「五四運動」和平示威集會高叫口號「書生造反」嘅手法大家都知道唔work，要真正改變世界，要有一套全新嘅戰鬥模式！

歷史的確喺度不斷循環，用更貼切嘅講法，叫永劫回歸。



【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道249回：斷送共和關 #民初經濟 蛋牛治】

♉自從疫情爆發，待在家中的時間多了，生活變得異常簡單，每天做要做的事情，做完之後就拿拿臨返屋企，響條街度，見到好多人眼神裏都有恐懼情緒，一種可以透過空氣傳播嘅病毒，原來威力真係好大，目前武漢肺炎病毒所製造嘅經濟損失，數字上已經超越第二次世界大戰，亦可以預見喺不久嘅將來，這場病毒會徹底改變整個世界嘅格局，更重要嘅係可能改變所有人類嘅生活方式。

♈疫情期間，為咗追蹤病毒傳染途徑，所有政府同政權對人民私隱嘅侵入程度到達前所未有嘅地步，加上高科技協助，所有人嘅行蹤根本無所遁形，一場瘟疫，直接將所有之前群眾無法接受嘅全天候監控措施變成理所當然，因為一場瘟疫，大家亦欣然接受監管。你願打我願捱，接受監管為咗保命。但疫情過後呢？非常時期嘅非常措施會唔會全部收返？或者係唔係100%收返？我唔知道，不過可以想像，響香港，自由將會逐漸遠離。

♈早兩日許冠傑開演唱會，網絡上有唔同聲音，有人話阿Sam唱出香港精神，亦有人話佢已經out date，再唔可以代表香港。網絡世界言論，畢竟各有各自由，無需要定奪邊個啱邊個錯？我嘅睇法，係一個七十歲嘅老人家，自彈自唱，唱足兩個鐘，雖然把聲已經不及從前，但亦都係高難度動作，唔係個個七十歲可以做得到，許冠傑真係好嘢！許冠傑係香港一個icon，同佢有相同地位嘅，可能祇有周潤發同周星馳。有人話，阿Sam係既得利益者，思維停留喺佢哋最光輝燦爛嘅年代，但係應該唔係罪吧？演唱會期間，許冠傑個吉他仍然貼住貓王Elvis Presley貼紙，對襪係美國旗，今日好多人都唔知道Elvis Presley係邊個？那是遙遠嘅事物，許冠傑亦從來冇否認過，懷舊並非罪過，停留係自己最光輝燦爛嘅日子，邊個唔想？最慘嘅係從來未有過所謂光輝燦爛嘅日子停留，過去嘅一切都係一文不值，統統想徹底拋棄，徹底忘記，我諗先係最痛苦嘅事。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/Ln4XpE5BsmM

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【疫市再版：#YouTuber新手到網紅 】

🤔奇跡真係會發生，香港過去一年發生乜嘢事大家都知道，但係逆市總有奇跡，由 #賭Sir、#常公子、#劉殿下同 #Rios 合住嘅大作【YouTuber從新手到網紅】仍然暢銷，第一版順利賣曬，現在推出第二版，四位作者加添內容，搞到成本字典咁厚，仲要加價，你話唔係奇蹟仲係乜嘢？

👍【YouTuber新手到網紅】第二版正式上市，各大書局有售（除了大衆）！請各位繼續支持！

有咩唔同㗎？
利申：睇晒嫁得過系列👍🏻

有成100頁新內容

【常威近代史】（三百五十八回）
大軍閥平反系列

直皖戰爭後，北方政權易手，段祺瑞徐樹錚安福系一敗塗地，原來7月21號，直系大軍踩入北京，段祺瑞先生曾經試過自殺，但不遂，戲是交足的。之後佢老人家退隱天津，暫時步下政治舞臺，不過佢嘅政治生命並未完結，幾年後會再復出，好彩冇死，真係留得青山在，哪怕冇柴燒？

北方大洗牌，南方亦立立亂，你真係當孫文流嘅？錯了！冇咗孫文、受桂系軍閥操縱嘅中華民國第二中央廣州軍政府，好快無咗革命應受性，既然名不正言不順，就人人可以取而代之，而且真相係，衹要你有人有槍有金主，又能夠搵到一個推翻現行政權嘅籍口，做足文宣，又有人願意上前線掘地雷擋催淚彈，你就可以成為一支「革命軍」或「護國軍」，凡事都係名相上嘅分別，如果你過咗40歲，就應該要明白。

7月尾，就有一個叫徐紹禎（1861-1936）的革命元老，響應孫中山號召，響江門召集幾千人攻打廣州，揭開討桂序幕；相同時間，當時孫文手上最強嘅王牌，自由軍閥陳炯明手中一支有實力的「粵軍」亦開始部署攻打廣州軍政府。

之前講過，心高氣傲（但真係有料到嘅）蔣介石同陳炯明唔啱key，於是離開咗軍隊，呢個時候佢又去咗邊呀？原來7月1號，經過南方財閥資本家數年籌備，「上海證券物品交易所」終於經北京政府農商部批准成立。

「上海證券物品交易所」採用股份制形式，參考日本交易所經營手法，頗具規模。由浙江寧波人、蔣介石同鄉虞洽卿（1867-1945）任理事長（龍頭），郭外峰、聞蘭亭等六人任常務理事，理事17人，全部都係上海灘嘅商業巨頭。交易所資本總額為500萬，當時嚟講係一個天文數字，分作十萬股，經營業務為有價證券（即股票）、棉花、棉紗、布匹、金銀、糧油、同皮毛七種，交易所設備齊全，有200個經紀，設三個交易市場，而當時身在上海嘅蔣介石，就得到同鄉朋友張靜江（1877-1950）嘅資助，喺交易所擔任經紀！

張靜江阿爺張頌賢係江南巨富，往返於南潯、上海與杭州三地，經營絲綢出口同兩浙鹽業，聚斂的資財超過一千萬兩白銀，號稱南潯「四象」之一。

原來蔣介石唔撈軍人後，竟然去咗上海炒股票，仲學人做莊。中學歷史課本好少提蔣介石依個舉動，但我個人認為，良禽擇木而棲，有一份荀工等緊自己，原來嗰份工梗係要立刻辭職。因果問題，都係睇史學家點樣演繹同裁剪。喺蔣介石身上，充分體現出政治經濟學本質，政治同經濟本為一體，軍佬可以做股票經紀，股票經紀又可以變返做軍閥。

我有陣時諗，如果1920年蔣介石做股票經紀之後，炒到風生水起，做上海灘大財閥，我諗佢亦未必會搦番起枝槍做番軍閥。如果真係有咁嘅一日，中國近代史將會被完全改寫，我諗至少會死少好多人……

講開蔣介石，就講埋毛澤東。

之前講過，俄共旗中組織「第三國際」派遣吳廷康來華，籌備響中國建立共產黨，5月，以《新青年》雜誌為中心，陳獨秀喺上海組織「馬克思主義研究會」，為共產黨雛形，6月，陳獨秀、李漢俊、俞秀松、施存統、陳公培五個高級知識份子，開始籌建上海共產黨，之後再有陳望道、沈玄廬、李達等加入。7月，上海共產黨正式成立，推舉陳獨秀為書記，不久，邵力子、沈雁冰、李啟漢、趙世炎、周佛海等人相繼加入。

上海共產黨組織成立後，立刻著手組建咗全國最早嘅「社會主義青年團」，用列寧、托洛斯基嘅經驗，忠貞不二嘅「無產階級先鋒隊」係建設武裝革命力量及之後領導武裝革命力量嘅必要條件，你要堅貞不二，要ture believers，必須由小培養，灌輸意識形態，共產主義嘅玩法，到今時今日都冇變過。

社會主義青年團，由俞秀松做團書記（順帶一提各位，不熟悉國情嘅朋友，所謂書記，Secretary，並唔係秘書咁簡單，係最大嗰個），青年團團員有劉少奇（1898-1969）、羅亦農（1902-1928）、任弼時（1904-1950）、蕭勁光（1903-1989）等20多人，呢班人差唔多全部都係中國共產黨之役之嘅中流砥柱。

同時，上海中共亦都創辦咗向勞工階層宣傳馬克思學說嘅通種刊物《勞動界》週刋。9月頭，時髦雜誌《新青年》改組為上海共產黨組織嘅機關宣傳刊物，公開進行馬克思主義宣傳活動，而且指導各地建黨組團嘅工作，實際上起咗共產主義組織臨時中央嘅作用。

而在7月，一班勤工儉學留學法國的中國留學生，由「新民學會」會員蔡和森（1885-1931）領導響法國蒙特利爾召開會議，有20幾個中國留學生參加，會議確立方針，「改造中國與世界」，主張中國建立共產黨，走上列寧托洛斯基領導嘅十月革命道路。

蔡和森係湖南人，係毛澤東朋友，8月中佢寫咗封長信比毛澤東，暢談對於馬克思主義十月革命以及組織共產黨等重大問題嘅睇法，佢指出，政黨、工會、合作社同蘇維埃係無產階級革命運動的四種利器，實現社會主義嘅方法，主要係階級鬥爭同無產階級專政，強調組織中國共產黨嘅重要性，並對組黨嘅方法、時間、準備作出具體嘅設想。呢封信對毛澤東影響甚深，佢全盤接受蔡和森嘅睇法同見解，好快第三國際亦都接觸毛澤東，將呢個湖南有為青年帶入中國共產黨內。

而初期中國共產黨猛人北京大學學生張國燾（1897-1979），亦即係之後長征前最有資格同毛澤東爭取中共最高領導地位嘅一個人物，亦喺依個時間到達上海，會見陳獨秀。

李居明話齋，臨兵鬥者，皆陣列在前。

#常威 #大軍閥平反系列  #大軍閥 #民國歷史


【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

正
下次可否加埋周大C心得

【常公子歷史頻道250回：斷送共和關 #戴頭盔 蛋牛治】

♉利用一場武漢肺炎疫情，特朗普將圍堵中國政策升級，多條戰線開打，貿易戰輿論戰經濟戰，全方位進攻中共政權，東西新冷戰格局形成，可以肯定，實體戰爭並唔會爆發（因為打仗太貴），主要仍然係打成本效益可以控制嘅意識形態戰爭，美國喺呢方面好擅長，因為佢哋同前蘇聯畢竟玩咗幾十年，到最後佢哋係贏家，1991年超級大國蘇聯無聲解體，中共會否步蘇聯後塵？當然我唔敢肯定，但係有蘇聯解體例子在前，攻守之間有更多數據例子掌握，而且中國本身亦都係意識形態大國，玩意識形態有其專長，大家真係唔好以為阿爺或上頭係傻，中共政權，係響殘酷戰鬥中成長開展出嚟，食過夜粥，並非溫室裏面嘅花朵，唔係講玩架。

♑美國嘅最終目的係乜嘢？要令中共倒臺？我唔覺得。認真地講，中共今日嘅強大，亦都係由美國一手扶植出嚟，祇不過目前嘅情況係，妹仔大過主人婆，美國不得不出手，要中國分清莊閑，大家和睦共處，首先要搞掂邊個先係大佬？其次，中國係一個龐大嘅消費市場，14億人口，每人畀一蚊你你都發達，畀民主自由你chinese？只係藉口，美國最想係中國全面開放市場，尤其是係金融市場，你唔肯開放，就打到你開放、磨到你跪低，理由可以好簡單。

♐有人話，今日嘅境況係因為白人至上主義者Donald Trump上臺，事實上，所謂「中國威脅論」早響奧巴馬第二個任期已經開始出現，2008年金融海嘯係轉捩點，奧巴馬就有重返太平洋政策，目的就係抑壓中國繼續坐大，Donald Trump上場，全面執行圍堵中國政策，其實呢個係美國嘅基本國策，加上老人當政，有今生冇來世，自然手段更狠加辣。所以亦有一個推論，就算Donald Trump任期完結，下一任新美國總統上場，無論係共和黨定民主黨（我幾乎可以肯定，一定會係一個老人），圍堵中國嘅政策亦唔會改變，直至中國肯認清自己位置為止。

♏無可否認，中美之間嘅鬥爭會越嚟越尖銳化，冇辦法，大家都印得銀紙太多，講多次，如果印銀紙可以解決問題世界上就沒有問題。一場武漢肺炎疫情，全世界每個政府，終於搵到最佳借口，放開雙手繼續量化寬鬆，印刷機瘋狂開動，撲水救火，但畀大火銷毀嘅山林會係荒蕪一片，寸草不生，要荒土變回森林，要幾十年以上嘅時間。中間依幾十年，難免會打個你死我活。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/PIZYNwimwGc

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常威近代史】（三百五十九回）
大軍閥平反系列

「第三國際」繼續向中國滲透，共產主義思潮越燒越旺，1920年8月底，繼吳廷康後，「第三國際」派出馬林（1883-1942，Maring）作為代表到中國考察共產主義運動發展情況，馬林係荷蘭共產黨嘅建立者，嚟中國之前，亦喺印尼工作過，熟悉東方情況，普遍相信，馬林係中國共產黨建立嘅奠基者，大家唔可以唔識佢。

直系軍閥控制北京後，大總統徐世昌任命靳雲鵬為署理總理，重新組閣，北洋之虎段祺瑞下野，但段先生並未有被追究戰爭罪行，反而由頭馬徐樹錚全部受曬，北京政府外交部要求各國公使查緝引渡徐樹增等十人返北京受審，徐生係「十大禍首」之最，全部表面功夫啫，當時徐生已經借日本使館之助逃到天津，再潛入上海公共租界內隱居，入咗租界當然仍然好食好住，你吹得我脹咩？一國兩制呀。

等陣，東山再起，好快。

南方方面，蔣介石喺上海做經紀炒股票，好快瀨嘢。8月中旬，佢政治上嘅敵人陳炯明所率領嘅一支「粵軍」喺福建漳州舉行誓師大會，決定集結兵力，攻打廣東，要打低控制廣州軍政府嘅桂系軍閥，粵桂大戰爆發。

「粵軍」係1917年12月，由孫文所建立嘅一支由「廣州軍政府」直接控制嘅軍隊，由陳炯明統帥，陳炯明依個人，革命履歷豐富，佢係文人，鄉下海豐，同常公子一樣。叉開一筆，海豐人永遠行得最前，先有陳炯明，後有響海陸豐建立中國第一個蘇維埃政權嘅共產主義者澎湃（1886-1929），毛澤東稱呼佢為「農民運動大王」，其實之後毛澤東做嘅好多嘢，都係向澎湃學習，唔識澎湃，唔好學人話識中共。

海豐之後仲有名人輩出，香港嘅頭號通緝犯葉繼歡同蔡子強就係海豐人，問你服未？

早響1909年7月，陳炯明當選廣東咨議局議員，積極推行各種改革社會與保障人權議案，係百分百民主先鋒！後在上海加入同盟會，有份參與過黃花崗起義，係百分百革命英雄，之後做過廣東副都督，建設廣州，頗受人民愛戴。喺革命理念上，佢亦都完全有自己嘅獨立思考能力，並非盲從附和孫文，孫中山重組「中華革命黨」，要求黨員畫押宣誓效忠孫文個人，陳炯明就認為其不符合民主思想，並未參加。

廣州軍政府成立後，陳炯明再同孫文走埋一齊，其後軍政府內桂系軍閥排擠孫文，軍政府分裂，陳炯明帶住佢支粵軍，以「援閩粵軍總司令」名義進駐福建漳州，建立「護法區」，施行民主新政，其實即係割地稱王，陳炯明響閩南逗留咗足足兩年零四個月。

三島悠亞【七不思議：歸來借宿】電子書上架
https://bit.ly/2HaPWAv

❤免費下載

*available on android and ios

【常威近代史】（三百六十回）
大軍閥平反系列

去到1920年嘅9月下旬，南北方形勢大喘定，北方中華民國中央政府換大佬同時，南方原本由桂系（廣西軍閥）操縱嘅廣州軍政府亦宣佈倒臺，孫文嘅中國國民黨重新入主廣州，而且好快會成為一股全新嘅反動武裝力量，挑戰北方政權。

南北之分，一向係中國近代政治嘅基本格局，事實上以一條長江劃界，南北中國截然不同，文化不同、語言不同、甚至基本生活習慣同功夫都唔同，出嚟碌得十零二十年，去過大陸浦又好做生意又好，你就會發現，作為一個南方香港人，好難同北佬溝通。今時今日嘅政治局面，當然係北佬大曬，南方完全處於被抑壓嘅位置，這種局面，相信會維持一段好長嘅時間。

南北政局大洗牌嘅同時，共產主義政黨無聲喺中國崛起，起初只係侷限於精英知識分子階層，即文人書生，活躍分子數數埋埋唔夠1000人，但隨住俄共布爾什維克取得全面內戰勝利，「第三國際」人到錢到之後，「中國共產黨」響吳廷康同馬林指導下開始建立雛形，並且高速發展。

1920年9月27號，蘇俄政府發表第二次對華宣言，釋出善意，希望中華民國內各個政權能夠承認布爾什維克嘅政治地位，以及面對俄國羅曼諾夫王朝倒臺、改朝換代嘅現實。9月28號，湖北省政府就正式接收漢口嘅俄租界，因為依個「俄租界」隻「俄」係「沙俄」，並唔係「共俄」。沙俄勢力正式喺中國退場，當然俄國人對中國嘅千絲萬縷關係並唔會因此消失，俄國只係換咗個牌頭，之後插手中國內政，布爾什維克比沙俄更積極百倍，且有效百倍。

中國同俄國嘅關係，係地理問題，兩國幾千公里邊界相連，想切割都不可能切割，時而盟友、時而仇敵，師徒莫問、兄弟反目又如何？總之是地理雙生兒，去到21世紀仍然難捨難離。你睇今日習近平所行嘅每一步路，你話佢唔係模仿或參考普京先生？邊個信？

有個故事可以講多次，一直飽受美國欺壓嘅墨西哥，19世紀時有一個墨西哥將軍俾人問：「點解你唔祈禱要求上帝幫助墨西哥人對付美國人？」，將軍嘅答案係「上帝離墨西哥太遠，而美國離墨西哥太近」。相同嘅地緣政治因素，除咗俄國同中國；仲有北韓同中國；日本同中國；中國同越南；更加唔使講仲有香港同中國。本是同根生，難免相煎何太急？

其實喺共産主義蔓延中國嘅同時，另一股「無政府主義」思潮亦係知識份子階層有唔少擁躉，無政府主義者當時紛紛發表文章抨擊馬克思主義，其實係行前於整個時代嘅覺悟，無政府主義者反對階級鬥爭同暴力革命嘅觀點，同時否定一切政治權力嘅生成。當然無政府主義能夠對共產主義提出積極批判，卻冇提出解決問題嘅有效方案。當時嘅中國，所面對嘅係貧窮民不聊生政治動盪嘅問題，假若真係行無政府主義，人人放空hea做，唯一嘅結局就係會被列強解體，全中國人民會成為其他大國資本家喺國內開設工廠嘅奴隸同埋廉價勞工。

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常公子歷史頻道252回：斷送共和關 #衝上雲霄 蛋牛治】

♉因為一場武漢肺炎疫情，美國加快圍堵中國戰略，戰爭機器一經啟動，多方面出手，其他盟友亦需要推波助瀾，大家要揀好排邊條隊，想做騎牆派收兩家茶禮，兩年前仲可以，過咗2020年應該冇可能。就連中國係西方世界最好嘅朋友法國，法蘭西係西方世界中最先承認中共政權嘅國家，足足比美國日本早成十年。最近法國總理馬克龍都出聲指責中國隱瞞疫情，日本亦提供經濟資助幫助日本企業撤出中國，大佬有order，大家要做嘢。

♑中國共產黨亦唔係紙紮嘅，面對美國同整個西方世界嘅大力圍堵，近日亦都郁手，先響新疆羅布泊傳出核試消息，似乎係要提醒返全世界知道，中國係一個核武國家；海南省於南沙同西沙群島，即海南三沙設立「市轄區」，名正言順講到明係中國領土，企硬姿態，似乎係想講你知，如果要打我係會奉陪咁話。當然我唔相信會打，國際外交上從來都要企硬，冇人可以展示軟弱一面，畢竟大家博弈中，你退一步對方就會進一步，絕對唔會手軟。

♊由80年代開始，美國全力扶植中國經濟發展，其目的係想中國有一個共產主義社會變成一個資本主義社會，從而永遠同共產點義大佬蘇聯割蓆，大戰略成功，蘇聯於1991年正式倒臺分裂，從此不再成為美國世界霸權威脅。重申一次，六四事件發生後第一個解除對中國貿易禁制嘅係美國，美國繼續扶植中國經濟發展，真正嘅想法一定係想中國由經濟制度轉變，逐漸演化成政治制度轉變；但係多得蘇聯解體經驗，中共明白絕對不能夠喺政治上展現弱勢，否則亡黨係必然。當年戈爾巴喬夫展現弱勢，希望與西方世界達成和解，前後不過幾年間，蘇聯就玩完。

♉所以由90年代開始，中國一方面大力發展經濟，但另一方面喺政治上完全冇放鬆，亦隨住經濟發展，人民生活水平不斷上，反而令更多中國人真心擁護共產黨統治，香港亦如是，從而演化到今時今日嘅地步。但時代轉捩點，似乎由一場大瘟疫開始，出年2021年，係中共建黨100週年，佢哋亦都要開始面對一個最嚴峻嘅挑戰，仗冇可能會開打，但係更大規模嘅博弈，就一定會發生。香港係雙方戰場嘅前線，動盪亦係必然，依一點絕對唔會有錯。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/M1AhuJXey38

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百六十一回）
大軍閥平反系列

上次講過嘅「湖南獨立運動」，響1920年下旬，南北兩邊政治局面仍然動盪時，「獨立」思潮其實蔓延整個中華民國，唔少省份都有獨立嘅聲音，要求真正落實行美國「聯邦制」，放棄大一統，追求「聯省自治」，而實際情況，當時中華民國的確係處於聯邦制分治狀態，好多地方有軍閥割據，行緊自治，（兩個）中央政府根本鞭長莫及。

獨立聲音係湖南叫得最響，只不過係湖南人一直行在時代最前端，當然仲有個紅太陽毛澤東帶頭鬧事，孫悟空大鬧天宮，你估講笑？不過行聯邦制，只係屬於中華民國小部分人嘅空想，在當時全國接近九成仍然係文盲嘅中華民國農業社會中，「大一統」，「一個中國」仍然係唔少人根深蒂固相信嘅事物，情況到今日何曾有改變？唔單止要「大一統」、「一個中國」，最好仲有個皇帝出嚟話事。

成龍講錯，「中國人係需要管」並唔係事實，真相係中國人希望被「管」，做個聽教聽話嘅奴隸，乜都唔使諗，飯來張口就好。一個人口巨大嘅龐大國家，唔將佢分拆為不同部分管理實際上係非常愚蠢，所謂聯邦制，分區而治係好事，可以因應不同地理因素與不同民衆組成成分而實施相應管治手法，「一國兩制」就係最佳演繹，本來河水不犯井水咪幾好？你硬係想行「一國一制」，貫徹中央權力至地方政府，自然會引起民衆反抗聲音。而且，要大一統，要政策從上而下貫徹全國執行，要14億人follow同一個IG，唯一可以做到嘅就只有用「極權統治」手法。

所以得出嘅結論係，「極權統治」並非純粹由當權者主動施行，而係廣大民眾所要求發生，既然你咁鍾意俾人管，我就管撚住你，用廣東話俗語講，係「條路自己揀，仆街唔好喊」。

當時中華民國有冇國歌？其實有，並唔係《梅花》。

早響1913年，北洋政府將《卿雲歌》定為中華民國國歌，1915年，袁世凱稱帝前後，改以王露作曲嘅《中華雄立宇宙間》為國歌，並數次更改歌詞。去到1920年11月16號，北京中央政府教育部根據國務會議決議通過，自明年7月1號起，以《卿雲歌》為國歌歌詞，《卿雲歌》出自《尚書大傳虞夏傳》，而曲譜則用「國歌研究會」會員蕭友梅所作嘅樂譜。

卿雲是一種祥瑞之雲，司馬遷《史記·天官書》有記載：「若煙非煙，若雲非雲，鬱郁紛紛，蕭索輪囷，是謂卿雲。卿雲，喜氣也。」

《卿雲歌》歌詞如下：

「卿雲爛兮，糺縵縵兮。日月光華，旦復旦兮。日月光華，旦復旦兮。」好深？係！古文來的。

白話語譯為：「祥雲燦爛，曲折而瀰漫。太陽與月亮的光輝照耀在天地之間，日復一日。太陽與月亮的光輝照耀在天地之間，日復一日。」其實語譯咗白話都好X深……

一首國歌，代表一個國家嘅國格，以及國民對國家嘅期望，中華民國北京政府用古文《卿雲歌》，可以睇得出當權者（嗰班十惡不赦嘅北洋軍閥）對儒學哲學同中國傳統文化，念念不忘。歌詞溫和但渾厚，包含儒家哲學最高境界世界大同嘅理想，係華夏文明嘅優良傳統。