大清亡國關慈禧蛋牛治 2

https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

❤請加入常公子的近代史世界！

【常威近代史】（三百四十三回）
大軍閥平反系列

當梁啟超響中國推銷「第三種文明」，即係響資本主義框架下作出修正同改良方案，希望民眾唔好投靠信奉紅色共產主義極端思潮，但係大趨勢係共產主義先係時尚思維，尤其是係年青一代知識份子，共產主義更加係佢哋認為係唯一解決中國問題嘅良方妙藥。

1919年9月16號，有天津學生聯合會、女界愛國同志會等20餘人組成嘅「覺悟社」成立，並開始出版《覺悟》雜誌，宣傳共產主義。但點解要提？因為「覺悟社」嘅發起人，就係大名鼎鼎、啱啱喺日本留學返嚟嘅革命巨人周恩來（1898-1976），仲有周恩來後來嘅妻子、終身革命伴侶鄧穎超（1804-1992）。近代中國歷史共產主義運動中嘅重要人物亦開始漸露頭角。

亦有理由相信，五四運動之後共產主義思潮響中國迅速蔓延，其實亦都同俄國布爾什維克成立「第三國際」（The Third International）背後大力組織同
泵水有關。

首先同大家講講乜嘢「第三國際」？第三國際本名為「共產國際」，1919年3月2號喺莫斯科成立，當時俄國內戰已經到達白熱化，由托洛斯基領導嘅紅軍擊敗白軍，節節勝利，俄國革命可以講已經成功鳥。但係當時嘅共產主義者，佢哋嘅夢想並唔係於個別國家建立共產政權，而係要發動世界革命，推翻整個資本主義制度，建立一個共產主義世界共同體，所以就有「英特納雄耐爾」（international）嘅堅持。

世界革命係列寧同托洛斯基嘅理想，佢哋認為共產主義唔能夠只於個別國家實行，否則毫無前途可言。世界革命思潮，要去到列寧死後、史太林擊敗托洛斯基執政，先至煙消雲散。

1919年3月嘅第一個星期，列寧喺古老帝國法院召開國外各個左派社會主義團體嘅大型會議，一共有40幾個代表參加，佢哋分別嚟自布爾什維克（俄國共產黨）以及差唔多世界上每個國家包括德國、奧地利、匈牙利、芬蘭、波蘭、愛沙尼亞、拉脫維亞、立陶宛、白俄羅斯、烏克蘭、捷克、保加利亞、羅馬尼亞、塞爾維亞、瑞典、挪威、丹麥、荷蘭、比利時、瑞士、意大利、西班牙、葡萄牙、英國、愛爾蘭、美國、澳大利亞、日本嘅共產主義者代表（特別一提，共產國際第一次代表大會中國並未派代表出席）。呢啲代表能夠到達莫斯科，其實經歷重重封鎖，有人偷盜潛入俄國，亦有人中途被捕。

會議嘅目的其實好唔清楚，或者係要宣告成立「第三國際」，或者係為此作出初步預備。其實除咗俄國共產黨之外，其他出席會議嘅代表，組織力量都非常薄弱，根唔能夠組成一個羽翼豐滿嘅國際性共產主義組織，為此，俄國共產黨擔當起牽頭作用，落實以俄共布爾什維克嘅政治力量，全力支援其他國家嘅共產主義活動發展，亦由「第三國際」成立嗰一日開始，整個世界嘅共產主義運動開始被組織化、規範化起嚟，再唔係各有各搞，亦即係講畀大家知，此後推動世界共產主義革命背後嘅金主，就係俄國布爾什維克。

咁第三國際個「第三」係點解呢？喺呢度講埋。

所謂「第一國際」，即係「國際工人協會」（International Workingman's Association, IWA），成立於1864年，係共產主義之父馬克思有份始創建立嘅「國際工人聯合組織」，1871年第一國際參予並領導巴黎公社運動，巴黎公社失敗後，大會總部遷移去到美國紐約，並於1876年喺美國費城召開嘅會議中宣佈解散。

而所謂「第二國際」（The Second International），正式名稱係「社會主義國際」（Socialist Intetnational），響巴黎成立於1889年7月14號，恩格斯（Friedrich Engels，1820-1895）係其中重要嘅牽頭人物，「第二國際」係一個由世界各國工人政黨組成嘅國際聯合組織，組織宗旨以罷工作為工人嘅鬥爭武器，第二國際所作出嘅影響，包括宣佈每年嘅5月1號為「國際勞動節」，每年嘅3月8號為「國際婦女節」，並創立咗「八小時工作制」運動，其主張比較溫和同務實，希望喺資本主義框架內作出改良同修正，藉此改善工人階級福利以及減少無產階級數目，循序漸進，利用和平手段過渡共產主義。

第二國際嘅主張，其實就係梁啟超所謂「第三種文明」嘅主張。1916年，因為第一次世界大戰同埋組織內部分裂，第二國際宣佈瓦解，一戰結束之後，原本第二國際左派激進分子，有唔少就投身咗之後嘅「第三國際」；而中間派隨役亦都建立咗「社會黨國際工人聯合會」，亦即係「維也納國際」，或共產主義者口中嘅「第二半國際」；亦有部分右派人士重組「社會主義國際」，或稱「黃色國際」繼續運作。

要提提大家，「第二國際」其實曾經聲勢浩大，一戰之前，「第二國際」中最有影響力嘅「德國社會民主黨」曾經擁有108萬黨員，喺德國議會中擁有111個議席，成為議會中最大黨！當然之後比資產階級大力打壓同滲透，聲勢日益歿落。

而「第三國際」成立，主要係要區分佢哋同「第二國際」嘅分別，「第三國際」稱呼後者為「修正主義」、「妥協主義」。或者簡單啲講，「第三國際」要搞嘅係正統馬克思主義共產主義革命，而並非社會主義革命，共產主義同社會主義並唔係同一樣嘢，兩者強度唔同，更重要嘅係，共產主義要求發動武裝革命推翻資本主義，而社會主義則追求政治改革來達到目標。

順帶一提，「第三國際」於1943年5月15號解散，1991年蘇聯解體之後，歐洲大陸亦都出現由社會主義者組成嘅「第四國際」同「第五國際」等政治團體，其中「第四國際」曾經喺21世紀歐盟歐洲議會選舉中獲得議席，當然只係屬於少數派。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道236回：大清亡國關 #雙十革命 蛋牛治】

♐武肺全球擴散，連湯漢斯都中招，年青時睇阿甘正傳，非常感動，覺得阿甘精神可以改變世界，都算係一個美麗回憶，今日湯漢斯已經係老人家，希望佢福大命大，平安無事。

♐歐洲爆到唔清唔楚，尤其是係意大利，用佢哋國民嘅講法，國家進入最黑暗嘅時代，頭先睇新聞，佢哋官員矛頭直指中國，話中國之前交出嘅武肺疫情數據作假，令到佢哋判斷錯誤，因此爆發災難。香港人睇到呢段新聞，一啲都唔會奇怪，因爲我哋已經習慣咗，佢講眞話我哋先會覺得奇怪、先至驚，日日造假係常態，大家都懂得如何應對謊言，內地民衆比我哋更加熟悉應對手法，反正你講嘅嘢全部都係假，咁我就用常識去判斷真相係啲乜嘢，反而正確。

♐「謊言」係極權國家系統運行嘅重要血液，因為所有「真相」都無助維穩，既然穩定壓倒一切，政權穩定壓倒一切，咁「真相」全無存在價值，用前蘇聯諾貝爾獎得主作家索忍尼辛的一段話：「我們知道他們在說謊，他們也知道自己是說謊，他們也知道我們知道他們在說謊，我們也知道他們知道我們知道他們說謊，但是他們依然在說謊」。彼此都活在謊言裡，大家都用「潛規則」解讀世界，你ok我ok，不過最驚就係有小部份人「真心膠」，真心相信謊言真心擁護説謊者，這種人，最近幾年喺香港越嚟越多，響我身邊都出現唔少，老實講，我常公子真心驚。
 
♉Youtube Channel講到辛亥革命，真正令滿清王朝倒臺嘅革命終於發生，起因係武昌士兵嘩變，其實係一場軍事政變。武昌、武漢、漢口合稱「武漢三鎮」，一直係整個中國嘅工業中心，亦係中國嘅心臟地帶，適逢今次新型冠狀病毒爆發原點喺武漢，我又啱啱講到武昌革命，可算巧合非常，相隔100年，武漢再一次成為世界焦點，上一次促成改朝換代，今次我唯一能夠預見嘅係，一場全球性嘅排華運動，將會以武漢作為原點，蔓延發生……之後會發生乜嘢事？我唔知道。但係整個世界嘅政經基本格局因此會發生改變，就100%肯定！


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/vwPzZncQ5l8

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十四回）
大軍閥平反系列

經過1919年發生嘅「五四運動」，中華民國民眾似乎已經對1911年辛亥革命至今嘅社會局面投下不信任票。重申一次，我上述所講嘅「中華民國民眾」係指國內十幾個重要城市中嘅城市人或者知識份子，或者叫「識字嘅人」，我相信當時中國四億人口中，超過95%係處於愚昧無知嘅狀態，佢哋大部份係文盲農民，其實國家由邊個管治？管治成點？對佢哋一啲關係都冇。

有個故事我想講多次，1949年共產黨取得江山之後，派到農村嘅宣傳工作隊，係話「毛澤東坐殿了」（即係毛澤東做皇帝了），向農民宣傳政權易手。中國農民擺脱愚昧無知嘅狀態，要去到80年代鄧小平改革開放先開始，四十年過去，君不見今日中國好多古靈精怪非理性嘅事情，其實都係發生喺農村鄉鎮。

中國嘅問題，始終係人口太多。由上而下，要改變一啲事情，往往係非常漫長，要改變意識形態或固有想法觀念，更加可能要用到「世紀」作為計算單位。當然我認為互聯網同智能電話嘅出現，會大大加快改變嘅速度，用左派大愛中華膠嘅說法，係「會有更多中國人甦醒過來反抗極權統治」，呢個亦係我早幾年嘅想法。事後證明，極權國度使用互聯網科技同玩弄人性到達出神入化之境，不但冇更多人醒覺過嚟反抗，反而有更多人被操控，無論個人行為或意識形態上。

有一點絕對正確，群眾想法嚮前行同時，極權國度統治術亦同步進化，戰爭本來就係這麼一回事，動員嘅能力其實最重要。

1919年10月10日，孫文脫離南方廣州軍政府另起爐灶，宣佈成立「中國國民黨」（Kuomintang），當時控制廣州軍政府嘅桂系軍閥，或者北方嘅段祺瑞馮國璋張作霖，對手上籌碼不多嘅孫文呢個動作可能起初嚇一跳，然後得啖笑，不過佢哋萬萬估唔到，只需要兩三年貨仔，孫文竟然可以反攻廣州，重新取得南方政治主導權！革命KOL嘅魅力同政治能量，的確出乎人類意料之外。

一切要多謝布爾什維克同第三國際，我自己亦好相信，孫文於1919年成立中國國民黨，其實佢已經對俄國內戰有所洞察，預計到托洛斯基領導嘅紅軍會取得全面勝利，俄國共產政權將會喘定。我講過，國父孫文其實係個百分百共產主義者，而且布爾什維克崛起，同托洛斯基組織紅軍嘅故事，相信對當時孫文心裡面嘅未來大計藍圖，亦都有所啟發。

當時候中華民國基本上係一個農業國家，工業發展雖然一日千里，但仍然冇辦法追得上發達國家水平，仲有一個致命傷，就係中國冇石油生產。所謂「黑色嘅黃金」石油，係當時任何一個工業化社會嘅生存命脈，到咗今日都未變過。二次世界大戰大日本帝國的覆亡，亦係同石油供應息息相關。

甚至去到今日21世紀，美國惡成咁，亦係因為發現墨西哥灣嘅巨大石油眝存，令美國本土已經足夠生產自己工業所耗用嘅石油量，甚至一躍成為石油出口國。二十世紀初中國冇自己石油生產，但係1919年，已經有人開始思考呢個問題。當年北京政府地質調查所所長翁文灝發表學術文章，對中國石油資源嘅分佈做咗宏觀評估，簡單講，佢結論係中國一定有豐厚石油儲存。但係有還有，要勘探出正確嘅地點同順利開採投產又係另一個問題同另一筆大投資。

由評估、磡探、到最後中國自己能夠生產出石油，中華民國始終未能做到，要去到1959年先至發生，足足係半個世紀後，1959年世界十大油田之一黑龍江省大慶油田投產，用周恩來嘅說話，中國終於能夠擺脱「洋油」嘅束縛，我諗潛臺詞係「中國終於能夠擺脱蘇聯克魯曉夫嘅束縳」，亦由發現大慶油田開始，中國亦正式擺脱蘇共制肘，步上獨立自主之路。

提一提大家，大慶油田投產之後，曾經有一段時間所出產嘅石油的確夠中國自己工業用，不過去到改革開放，中國工業飛騰發展加上人口不斷攀升，現今中國仍然需要大量入口中東石油先可以維持工業生產同國民經濟所需，而中國喺中東最大嘅石油Partner就係伊朗，所謂「一帶一路」project同中國喺南太平洋軍事擴張，亦係要保持一條絕對穩健嘅石油天然氣運輸管道。

否則同二戰嘅日本帝國一樣，當太平洋被美軍控制，切斷石油輸入路綫，最後只有一敗塗地，明白石油對日本嘅重要性，你亦會明白點解1941年日本要偷襲珍珠港？，所以話，讀政治一定要識小小經濟。

10月10號當日仲有一件事發生，天津有幾萬人為咗紀念國慶，發起遊行示威，遭到武裝軍警阻撓，雙方發生衝突。混亂間，學生被警察毆打，有人受傷亦有人流血，10月11號，天津各大院校集體罷課，抗議警察以武力鎮壓市民。

100年前嘅中華民國警察濫用暴力係家常便飯，蔣介石國民黨執政之後，甚至可以周街將共產黨就地正法打靶，共產黨濫用暴力更加唔使講。但我萬萬想像唔到，100年後嘅香港，警察濫用暴力竟然成為我哋日常生活嘅一部分，百年鳩做冇講錯！上文講過，「改變」過程會好漫長，但某啲情況，正如香港警察濫暴，其實係一夜之間發生。

結論係，當民眾有所覺悟嘅時候，極權統同樣高速進化以應對問題發生……

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道237回：大清亡國關 #袁世凱復出 蛋牛治】

♐武肺全球擴散，政客名人紛紛中招，全球經濟停擺五成以上，名苻其實攬炒狀態，美股兩度跌到熔斷，睇嚟呢個三月份，係全球爆發嘅高峰，各國央行紛紛放水，中国尋日亦宣佈降準，大水灌入市場，頂住個雞頭，以免經濟進一步崩盤！印鈔機再開動，利用印銀紙解決問題，我長久以來嘅觀點，如果印銀紙可以解決問題，全世界都冇問題。

♐啱啱讀咗國師陳雲一篇FB，佢講廁紙價格問題，本來一條32蚊嘅廁紙，經過香港人一輪恐慌性搶購panic buying，抬價抬到40蚊條，但係現在搶救潮過去，市面上貨源充足，但係調（炒）咗上去嘅厠紙售價，就冇跌返落嚟，變相無聲大幅加價。當頭棒喝，其實又好有道理，全球經濟萎縮中，理論上紙價、租金、人工、運輸成本只會減少，唔會增加，咁點解廁紙又會加咗十幾個%價？國師仲有個point，市民積存廁紙在家中，又變相為廁紙批發商慳返唔少倉租，要知道響香港做生意，地方租金係最大成本。

♐睇嚟，「恐慌」本身亦係一種推銷商品手段，其實我認同陳雲一種睇法，新型冠狀病毒武肺重症率同死亡率事實上並非太高，同我哋日常所見嘅流感其實差唔多，甚至比肝炎低，現在炒作到衝擊環球經濟，其實某程度上係誇大咗事件，而且武肺傳染力極度強大，好可能未來全球會有一半人口染病（染病唔代表病發），必然會成為全球大流行Pandemic嘅風土病之一，大家唔習慣都要習慣。武肺並非核子戰爭，冇理由可以帶嚟核子戰爭觸發嘅相同後果？咁唔合常理。

♑當然國師話戴口罩係鳩戴，我就不敢認同，畢竟保護自己保護他人係必須，冇人想被傳染或傳染人，染病事小，隔離事大，而且將口罩當成時尚嘅一種，亦無可厚非，大家可以見到，香港人個個戴口罩，其實每一個人都靚咗好睇咗，整體市容美觀咗，大家又衛生咗，除咗武肺之外，其它相關嘅日常傳染病亦都因為個個鳩戴口罩會大幅度減少，其實係一件好事，喺炎夏未來臨之前，我自己仍然繼續鳩戴，sorry，偶像國師！

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/2pe2mdtDpPc

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十五回）
大軍閥平反系列

水晶狐狸徐世昌主理嘅中華民國北京政府，因為經歷一場1919年五四運動洗禮，變成一個被後世人唾駡嘅垃圾政府。但其實佢都做過一啲好事，祇不過再冇人會提起，起碼在捍衛中華民國領土主權上，徐世昌北京政府的確做過實事。

大家都知道，英國至19世紀末期開始，一直想將西藏獨立出嚟，作為俄國同印度之間嘅天然地理屏障，一戰之後，大英帝國國力急速衰退，自顧不瑕。自從1912年西藏發生嚴重叛亂後，由於英國從中干涉，西藏問題一直未能妥善解決，1919年10月，北京政府派出以朱綉為首嘅代表團抵達西藏拉薩，處理西藏去留問題，經過同十三世達賴喇嘛談判，本月十三世達賴喇嘛發表聲明，稱「誓傾心向內，同謀五族幸福」，承認中華民國北京政權，留返喺中國，西藏獨立問題暫時和平解決。

除咗西藏，仲有外蒙古領土問題，之前俄國沙皇政權不斷慫恿外蒙古一衆王公實行自治，脫離清帝國或中華民國政權，當然佢哋最後嘅目的，只係想吞併外蒙古，令其成為俄國領土一部份。1917年10月革命爆發，俄國陷於內戰狀態，徐世昌政府即刻做嘢，暗中派人同外蒙王公班仆街土豪劣紳進行交涉。

8月14號，外蒙王公喺庫倫召開會議，決心取消自治，服從中央，隨即向中國駐庫倫代表陳毅（呢個陳毅並唔係十共個陳毅）同西北籌邊使徐樹錚轉達咗呢一個決定。經過兩個月來回協商，11月22號雙方達成協議，北京政府重新加封外蒙古王公封號，回復舊制，外蒙古保留成為中華民國領土一部份，共享共和之福。

對於維護中華民國領土完整，又如果大家又真係認為維護領土完整大一統真係咁重要嘅話，咁徐世昌的確係做到嘢。

事實上徐世昌執政期間，中華民國北京政府表現並唔算太差，你話政府唔民主、打壓言論自由，「五四運動」又打死學生平民，相信亦係個別地區執法者嘅錯，徐世昌自己並唔想，況且當時中央政府對北京天津直隸以外嘅其他省市，直接控制同領導嘅能力非常薄弱，大家真係各有各做，同今日嘅中國或者香港完全無得比，而且100年前仲有女人紥腳、文盲率達95%以上嘅中國有差人「濫暴」，真係唔需要奇怪。最奇怪嘅反而係100年後嘅香港，一個先進文明、所謂法治完善、富裕無憂、又普遍市民教育水平高於世界平均值嘅國際化大都會，竟然都出現警察「濫暴」嘅情況。

不過又一啲都唔需要奇怪，警察濫暴後，今時今日仲有香港人哄搶廁紙，我常公子不禁對香港人嘅質素重新考量，凡事真係唔好露底，露咗底就會好大鑊、好肉酸。

【常公子歷史頻道237回：大清亡國關 #孫文回歸 蛋牛治】

♐環球經濟受到武漢肺炎疫情打擊，出現崩盤狀態，事前邊個又會諗到？疫情到達歐美西方世界，竟然一發不可收拾？一衆先進文明國家嘅醫療系統，又竟然不堪一擊？對西方世界嘅美好文明形象，真係有重新考量嘅必要，畢竟日子過得太安樂太富裕，人就會對危機缺乏警覺性，人類有懶惰食老本嘅傾向，官僚系統運行如常就會腐化，當危機一旦來臨，自然難以應付，人之常情。托洛斯基講「不斷革命論」其實有其小小道理，怪不之得比人叫做「先知」。

♑疫情災難面前，各國底牌終於揭開，身光頸靚浸響水面，原來水底下冇著底褲？就我個人而言，對西方世界嘅自由民主價值觀嘅擁抱同信念，永恆唔會變，不過由「管理」角度去睇，西方自由民主世界有啲事的確令我好失望。尤其是面對經濟下滑，全世界央行來來去去亦祇有一招，就係放水，不斷放水再放水，印銀紙量化寬鬆頂住個雞頭，前日美國又再放水7000億美圓挽救經濟，力度話唔夠大，市場唔收貨，觸發尋日美股再下跌3000點，創下自1987年股災以來，第二單日最大跌幅。一夜之間，蒸發整個美國股市13%總市值，正式宣佈結束自2008年金融海嘯後美國最長一次「牛市」周期，賬面回復到奧巴馬剛剛上臺時市值，一場遊戲一場夢。

♉其實由2008年開始，放水行動一直冇停過，美國聯邦儲備局嘅資產負債表（即美國國債），由2009年不足one trillion，即一萬億美圓，去到現在4個trillion，折算32萬億港圓，上昇四倍，金錢大洪水到，創造十一年牛市不斷上界經濟奇跡，經濟欣欣向榮全球一枝獨秀；到現在，一場武肺，崩盤在前，只有繼續放水，4T變8T？16T？相信已經沒有關係，反正只係數字遊戲。好多人連one trillion都未搞清係一之後幾多個零？（正確答案係10嘅12次方，一之後12個0）

♈歷史不斷重複，永劫回歸。又要講多次，如果印銀紙可以解決問題，咁根本冇問題。上一次1930年代經濟大蕭條，所有景況正正現在不斷重複中，上一次，人類最後要用一場毀滅性嘅世界大戰推倒一切重來，今次呢？臨兵鬥者，皆陣列在前，李居明講嘅。


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/Tkj4af9XdC4

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十六回）
大軍閥平反系列

時間進入20世紀20年代，1919年最後一個月12月，北京政府教育部頒佈《國音字典》統一全國漢字讀音，《國音字典》由學者吳敬恒主編，按照「讀音統一會」審定嘅標準編成一部收錄13000個漢字字典。呢部字典，亦都係中國第一部法定嘅漢字讀音標準字典，成為統一全國各地漢字讀音提供咗可遵循的依據，而「國語」（中華民國語言）一詞，亦都喺由1920年開始出現。

其實當時嘅中國，唔同嘅省份都有唔同嘅方言（到咗今日都係）。統一文字同發音，其實有助國家管治同威權擴張，亦係一個意識形態政治操作，係一種穩定政權嘅基本政治手段。1949年中華人民共和民建立之後，就積極推行「普通話」普及運動，目的都係一樣，當人民使用相同語言及發音，就有助增加民族認同感同對政權嘅忠誠度。

香港人相信非常明白，點解要小學生學普通話？甚至出現「普教中」教育政策，就係一種意識形態操作手段。正如港英殖民地政府時代，有「中文中學」同「英文中學」之分，水平低嘅學生就讀中文中學（當年含得撚喇），水平高嘅學生讀英文中學，玩法都係一樣，政權係要令民眾相信讀英文讀英文先係文化高尚先係有前途（事實上亦都係）。一句到尾，「廣東話」就係cheap，就係一文不值就係河馬腳甲泥。

97年前，你唔識英文就係低下階層，係社會上嘅「賤民」，註定一世捱窮。97年後，統治階層想將「英文」變成「普通話」啫，當然直至執筆之日為止，效果非常有限。

叉開一筆，我常公子係喺港英年代成長過嚟，其實當年所謂嘅英文中學，強調上堂用英文教要學生講英文，其實真相只有好少數嘅高級貴族學校能夠做到，大部份嘅所謂英文中學，除咗課本用英文，老師上堂都係70%廣東話+30%英文教學，就算去到大學，三大好未呀？廣東話亦都係相當重要嘅輔助教學語言，全程講英文，會相當趕客。相信有番三四十歲年紀，你一定會知道真相是什麼。

邊個話廣東話冇用？delay no more喇....

中國人嘅問題，永遠都係「上有政策，下有對策」，凡事七三開，即係上面叫你做100%，你就做30%，一層壓一層，同工程界判頭同工人嘅關係一樣，一判食七成，餘下三成再畀二判再食當中七成，最後剩低先出糧俾工人。你可能話，常公子你有冇誇張小小？七三開？我話你知，七三開已經好畀面，八二開九一開亦成日有，你唔明白或者唔相信，只係因為你太年輕、太唔世故（廢老語錄）。

1919年12月28號，仲有一件大事發生，就係「北洋之犬」，直系軍閥領袖馮國璋先生喺屋企北京帽兒胡同大宅病逝，終年六十有三。馮國璋係直隸河間人，1859年出生，畢業於北洋武備學堂，係一個職業軍人，1896年起協助袁世凱喺小站練兵，「北洋三杰」其中一個，係袁世凱嘅親信，袁世凱死後，佢同段祺瑞接收咗袁世凱留低嘅政治軍事勢力，分裂成「直系」同「皖系」兩大軍事系統。

1917年7月至1918年10月，馮國璋就任中華民國代理大總統，主政一年有多，期間與段祺瑞作權力鬥爭，最後攬住一齊死，雙雙下野，畀水晶狐狸除世昌冷手執個熱煎堆。下野之後，馮國璋於1919年春返回家鄉河間縣經營家業，投資開灤煤礦、中華匯業銀行，但身體狀態一直滑落，12月歸西見袁世凱，死前嘅遺願係：

「和平統一，身未及見，死有遺憾，希望總統一力主持，早日完成……願內外同心，化除軫域，和平統一，務底於成。」

北京政府為馮國璋舉行盛大國葬，設靈之日，北洋之虎段祺瑞仲貓哭老鼠去到靈堂前大哭大叫，都唔知係真心定係假意？要評價馮國璋呢個人物其實好難，因為後世人已經將佢抹黑得太緊要，叫得佢做「北洋之犬」，你就知道世人幾憎佢？我諗佢做得最錯嘅一件事，就係1911年武昌革命，佢負責北洋軍前線指揮，攻打武昌三鎮，於是同革命黨同國民黨人種下深仇大恨。

其實馮國璋依個人，只係一個普通軍人，聽上頭命令做事，唔會做多亦唔會做少，做事平穩亦有責任感，響佢1917-1918執政嘅一年期間，亦算太平無事，佢同段祺瑞最大嘅政見分歧，在於佢主張和平統一南北，而段祺瑞則主張用武力統一，佢本性唔好戰喎，咁點算係一個大軍閥呢？仲有一點可以證明，當馮國璋生勾勾，直皖之間仲可以keep住唔爆炸，佢一死咗，就爆發直皖大戰。

但係後世人對大軍閥嘅惡劣形象，馮國璋就係當中嘅表表者，話佢愛財貪錢話佢鹹濕三妻四妾？呢啲指控完全唔成立，做得呢啲位，有財有勢，邊個唔貪錢？邊個唔多女人？衰得過有人北伐成功後，發動清黨，當街屠殺曾經同自己一齊打到嚟上海嘅同伴？衰得過有人搞土地改革分田，屠殺咗大量平民百姓（下刪一萬字）……

要將馮國璋同之後嘅某些「偉大人物」比較，馮國璋連尾燈都睇唔到，但係中國歷史上，馮國璋就係大軍閥就係衰人賤種殺人王鹹濕佬，而滿手血腥嘅偉大人物則流芳百世？

有人講，一個民族如果冇哲學信仰，會空洞無物，無處立足。我常公仔就話，如果一個民族唔可以真正認識佢哋過去嘅歷史，亦會變成虛無存在，歷史本身是樑脊，能夠backup你今日嘅存在同價值觀，人需要樑脊先可以直立，否則四肢著地就係禽獸。


【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道238回：大清亡國關 #南北議和 蛋牛治】

♐一場疫情，令全世界露底，大潮湧退，原來全部冇著底褲，中國固然醜態盡露，擺出一副暴發戶面口全球討厭，但一直對西方世界嘅美好期盼，亦因為今次疫情打曬折扣，畢竟世上無樂土，原來天下烏鴉一樣黑，今次疫情，講畀大家知，其實成個地球都好危險，當真係攬炒發生，大家其實無處可逃。

♉農曆新年期間，香港初爆疫情，唔少有錢人飛出香港，前赴歐美避疫，關人隱士，點知現在喺嗰邊染病倒灌回流返香港，真係邊個估得到？你原本以為最危險嘅地方變成咗最安全嘅地方？世事的確無絕對。

♑前日港大微生學系講座教授袁國勇發表文章，認為病毒源頭係中國人嘅劣根性，因為中國人好食野味，中國人民以食為天，背脊向上都可以食落肚，到底係咪民族劣根性？抑或係生存優勢？我並唔知道。但據我所知，好多人去食野味係為咗壯陽，好多人認為食完野味個身慶烚烚、碌嘢發發聲，就係千真萬確。點解要壯陽？可能因為本身性無能，又或者去滾唔想蝕底，唔想一炮就算；亦有正面動機，想生仔抱孫，其實一切都係人之常情，輕易抹殺人情世故，就係極權主義。

♒人類係充滿dark side嘅動物，人性中唔見得光嘅部分比見得光嘅部分多，如果將地球每個民族作出劣根性排名，中國人亦唔見會包尾，大概會喺中間咁上下，臨介於合格同唔合格之間，脫去左膠大愛外衣，世上固然有好多民族比我哋優越太多，但同樣亦有好多民族在我哋中國人之下，而且一個民族要由野蠻落後變成文明先進，好多時候係一個好漫長嘅過程，由上一個世紀80年代起計，中國人只係啱啱行咗半個世紀未夠啫。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/BFdb6YZGnao

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十七回）
大軍閥平反系列

馮國璋之死，代表直系同皖系軍閥派系正式決裂！亦代表一個時代嘅結束，時間線邁向20世紀20年代，總結中華民國建立頭九年，情況仍然係一片混亂，南北分裂不在話下，各方勢力不斷離離合合，似乎仍然冇人能夠足夠政治能量搵到真正嘅政治制高點，袁世凱短命，其實係中國人嘅不幸，佢死咗之後，每個軍閥諸侯之間，仍然冇一個有足夠武力同號召力成為共主。

20世紀20年代嘅中國，亦正式步向軍閥大戰嘅年代，政治爭拗變成明刀明槍嘅真實戰爭，廣大中華民國百姓正式步入水深火熱，不過一切只係開始同熱身，往後嘅日子戰亂會變成常態，家破人亡係生活嘅一部份，我個人相信，好多人開始懷念有慈禧太后在世嘅日子，可惜一切沒法回頭。

五四運動餘波未了，全面拋棄傳統文化同儒家哲學亦成為所有人嘅共識，一場意識形態大轉型開始發生，上集已經講過，北京中央政府開始統一全國語言讀音，「國語運動」上場。去到1920年1月12號，北京政府教育部頒佈訓令，全國學校小學一、二年級國文課本以語體文教學，白話文語體文開始全面取代文言文，同年4月，教育局頒令廢止文言文編嘅教科書。

文言文有幾咁艱深？相信大家都會明白。過往只有士大夫階層高級知識份子能夠書寫應用文言文，形成所謂文化壟斷，亦係所謂「文化貴族」同「平民百姓」之間分隔嘅意識形態工具，因為前者先有資格做官，後者註定一世係地底泥無法跨越階級界限向上流動。

然而「我手寫我口」嘅白話文運動興起，亦正式打破依種運作咗幾千年嘅文化魔咒，從此以後，教育開始普遍化同平民化，做官或者統治階層，唔一定要識寫文言文，同樣亦唔一定要係知識份子士大夫階層、或我哋籠統稱呼讀書人。後遺症係，統治階層未必一定要讀書，甚至唔識字都可以做，權力同知識文化水平從此正式脫鈎。

我唔驚平機會告我，但真實情況的確係咁，冇文化冇讀過書唔係知識份子嘅人做領導人，道德感必然薄弱，品格相對於讀書人一定低幾級，士大夫知識份子階層沒落之後，血流成河就係咁解。雖然儒家哲學道德系統好多時候祇不過係讓豺狼披喺身上面嘅一塊羊皮，但起碼奸人面對群眾仲有扮羊嘅需要，你OK我OK，大家共識可以脫掉羊皮，你老母連羊都唔使扮，咁就即係可以唔講道德喇，明刀明槍攞正牌殺人囉！結果可以周街清黨即場打靶，可以集體屠殺地主，直接分佢哋嘅田地。

1920年2月，喺段祺瑞徐樹錚安福系操縱之下，國務院通過河南易督議案，撤換河南都督趙倜（1871-1933），以吳光新（1881-1939）繼任，吳光身係段祺瑞老婆細佬，號稱皖系「四大金剛」之一，大總統徐世昌拒絕簽字認可國會決定。

【常公子歷史頻道239回：大清亡國關 #南北議和 蛋牛治】

♐香港爆發第三波疫情，早前去咗歐美避疫嘅朋友陸續回港，香港再次出現社區爆發，未來兩三星期，相信會係高峰期，人心惶惶，社會上結業潮出現，失業率上昇，加上全球大封關，香港係開放型經濟，2020年，難免會進入一個艱難時期，不過我始終相信，有危先有機，社會上出現大洗牌現象，先會造就階級向上流動。正能量嘅講法，係大家奮勇面對疫情，積極求存；負能量嘅講法，既然大家希望攬炒，現在就嚟個全球大攬炒，又睇吓係好事？抑或係壞事？

♑今次疫情正好考驗一下「全球化」，所謂國際資本主義主宰下嘅世界，到底韌力有幾強？自上世紀80年代開始，「新自由主義」思潮蔓延全球，加上90年代蘇聯解體，中共轉型，互聯網出現，資訊普及，促成世界經濟全球化成為現實，全球經濟逐步開放，自由貿易推動下、商品、資本同勞動力不斷流動，仔細分工，好處是商品成本同效益急增，普遍提高咗地球村村民嘅生活水平；但壞處係，從此以後，整個地球所有地域結成一線，亦即係我哋習主席口講嘅「世界命運共同體」宣佈誕生，世上再無一個地域可以獨善其身，每一個國家必須依賴其他國家先可以生存同競爭，牽一髮動全身，有錢齊齊印，但係如果要受（好似今次疫情），就要大家一齊受，當中亦冇所謂無辜者同受害者。

♈所謂全球一體化，其實早已經喺我哋心中根深蒂固，記得小時候，睇日本動漫，面對外星人或其他勢力來襲，就有地球聯邦軍對應，好多時候，「地球」係以一個單位出現，大家無分彼此，並無國族之分，同心協力，對付敵人。當然戲劇只係人類一廂情願嘅幻想投射，真相係，全球一體化後，總有某些國家所獲得嘅利益高於大部分其他國家之上，就如《動物農莊》所言，森林裡嘅動物基本上係平等嘅，只不過某些動物比其他動物更加平等一啲。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/L1YEXxLX5ek

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

⬇【渠頭者聯盟】第一至第三部電子書免費下載⬇

🔥Beginning【渠頭者聯盟第一部：DSE創世紀】
https://play.google.com/store/books/details?id=LyxjDwAAQBAJ

🔥【渠頭者聯盟第二部：決戰外星人朗拿度】
https://play.google.com/store/books/details/三島悠亞_渠頭者聯盟II?id=Emp2DwAAQBAJ

🔥【渠頭者聯盟第三部：上帝，你知道我為什麼要詐傻扮懵嗎？】
https://play.google.com/store/books/details?id=t4eNDwAAQBAJ

【常威近代史】（三百四十八回）
大軍閥平反系列

「厘金」問題一直困擾住中華民國嘅經濟發展，所謂「厘金」，或稱「釐金」，係從清朝太平天國之亂開始，至1931年廢止嘅一種「地方商業稅」，因初定稅率為一釐，「1%」為一釐，故名釐金。又稱釐捐、釐金稅。

當初厘金稅嘅建立，係為咗實際軍事需要，以彌補戰亂期間每個省份嘅龐大軍事開銷，但久而久之，就變成咗每個省市、甚至鄉鎮、或每一股政治軍事力量所設下關卡嘅「買路錢」，商人貨物喺國內流通，需要向唔同嘅政治軍事勢力繳付五花八門嘅「厘金」，某程度上，其實即係「關稅」（tariff），不過並非使用「國家」做單位收你咁解。厘金稅有部份上繳中央，亦有部分自己袋曬，總之古靈精怪，令人無所適從。

同當時中國嘅政局一樣，亂過亂世佳人。你甚至可以想像，如果閣下當時有支槍、加埋十幾兩友生果老牛，有支五色旗仔，佔領咗一條村嘅村口，你就可以設立關卡，貨物進出條村，你就可以收「厘金」，而且價錢任你定，唔俾錢想出口或者入口，你就劈友見血！事情就係咁簡單（講笑啫，邊有咁簡單？你估錢真係咁易搵咩？）。用香港人嘅術語，叫「收陀地」，當然唔係個個都可以收陀地，過年你搦住盆桔上門，就以為可以收到封老毛，亦都未必人人得。大前提要夠惡，要有槍威嚇對方（同埋唔驚警察執法）。

呢個亦都係當時喺中國做生意嘅特色，但係既然所謂「中華民國」係一個統一嘅政治實體（當然其實唔係），北京政府亦有需要同義務去處理「厘金」依個歷史留下嘅問題。1920年2月，北京政府就「裁厘增稅」問題同各國公使團多次交涉，外國人早就唔妥厘金制度，「裁厘增稅」係外國人提出，佢哋想入口洋貨喺內地必須不再另徵任何厘稅，入口中國繳付一次性關稅就夠，本月，北京外交部表示同意其要求。

但係實行裁厘後，必然使財政收入銳減，即使增加關稅，亦無法彌補損失。而且口講「裁厘增稅」，中央政府又未能夠以武力統一全國，其實都係「鳩講」，真正要做到撤消所有厘金稅，係要去到1931年，蔣介石（稍為）一統江山之後嘅「黃金十年」時期先可以做到。

「大一統」點解咁重要？亦可以由依一點睇得出。

去到1920年3月，共產主義勢力進一步滲透中華民國，中國共產主義之父李大釗響北京大學秘密組織咗「馬克思學說研究會」，會中成員有鄧中夏、高君宇、何孟雄、朱務善、羅章龍及張國燾。

本年2月中旬，因為搞共產主義活動而被北京政府通緝嘅原北大文學院院長陳獨秀，為咗逃避北京政府嘅追捕，喺李大釗護送下，扮作商人，乘坐騾車離開北京，轉赴天津。途中，李大釗同陳獨秀討論響中國成立共產黨嘅問題，二人相約喺北京同上海分別進行籌建共產黨嘅活動，我們後來那个偉大的党，就是在這樣的情境下，開始建立其雛形。

成立「馬克思學說研究會」，就係籌建共產黨主要嘅步驟之一，以研究學術作為包裝，「研究會」遂成為北京共產主義小組領導下嘅一個群眾組織，當時會員有20幾人，幾乎全部係進步青年知識份子（第一階段黃俄），佢哋開始有組織發表文宣出版刋物，以及以研究馬克思主義為名，開始展開公眾活動，例如開講座討論會讀書會，真正目的當然係要招攬新人。歷史並無明確講俾我哋知，依班人同「第三國際」有冇實際關係，但係明眼人應該一清二楚，馬克思主義本來就唔係一種純粹學術研究，而係一種政治活動。

正如馬克思所講，哲學並非純粹用嚟認識世界，而係要用嚟改變世界。

俄國共產黨布爾什維克，亦開始對中國有所動作，3月26號，北京政府正式收到蘇俄發表嘅《俄羅斯蘇維埃聯邦社會主義共和國對中國人民和中國南北政府的宣言》。《宣言》內稱，俄國共產黨廢除同日本、中國以及前各協約國締結一切密約；將沙皇政府從中國人民手中掠奪嘅一切交還返畀中國人民；拒絕接受庚子賠款；廢除對華一切特權；並且建議中國政府立即同蘇維埃政權建立外交關係。

其實呢份《宣言》1919年7月已經簽好落實，只不過俄國處於內戰狀態，要去到今個月23號，俄方先將抄本拍發至北京。北京徐世昌政府收到宣言之後，秘密派出專員，前赴海參崴同蘇俄代表作非正式接觸，呢一次亦都係中華民國北京中央政府同蘇聯共產黨嘅第一次外交接觸，隨後遍地開花，就係後話。

北方馬克思主義團體由「第三國際」指示下秘密成型，偉大的「中國共產黨」胚胎出現。我諗當時身處於湖南嘅毛澤東先生並未知道，1920年3月，毛澤東喺湖南長沙組織做一個叫做「湖南改造促進會」，主張廢除都督制同裁兵，促進省內人民民主自由，要求高度自治，甚至提出「湖南獨立」口號，今日嘅台獨分子同港獨份子，其實某程度上都係模仿毛澤東，追隨紅太陽，講真點會有錯？

但當時北京嘅李大釗陳獨秀，應該冇將南方青年毛澤東放喺眼內，亦都冇人估到，就算第三國際，史太林都估唔到，只係區區幾年後，毛澤東會變成中國推動共產主義運動嘅主要發電機。

更加冇人會估到，呢個只係區區30歲左右，仍然滿口自由民主嘅中國「半知識青年」，會成為共產主義歷史中一個最重要嘅代表人物，會由一個凡人，變成一個高高掛在天空上，照耀萬民、足以融化世間所有一切嘅霹靂紅太陽！！！

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

推一下

【常威近代史】（三百四十九回）
大軍閥平反系列

直系、皖系嘅矛盾醞釀多時，衝突無可避免。尤其是中間KY潤滑劑馮國璋死後，直系嘅「後起之秀」，我哋嘅民國關公，第一個登上美國時代雜誌嘅風雲人物——吳佩孚！以勇武雄姿，帶頭反段，1920年2月，帶兵從南北內戰前線北歸，矛頭直指北京直隸一帶段祺瑞皖系勢力，發動「清君側」鋤奸行動，誓要打倒段祺瑞徐樹錚，撥亂反正！

或者喺度首先補充少少吳佩孚嘅資料，吳佩孚生於1874年3月7日，係一個商人家庭之後，自幼接受儒家傳統教育，係一個100%讀書人，考得秀才功名，係少數有中國傳統文化背景嘅大軍閥，寫得一手好詩，亦作得一手好文章，佢接受咗儒家哲學系統嘅光明面，一生行事光明磊落，係一個大人物。如果中國人個個都係蔡元培吳佩孚，整個銀河系早已經是我們的了。

1898年吳佩孚投筆從戎，投效天津淮軍聶士成部隊，考入北洋武備學堂開平班學習步兵科，1902年入保定陸軍速成學堂學習測繪科。吳佩孚彈起於日俄戰爭，一個戰爭清帝國表面中立，其實係暗中支持日本打俄國佬，吳佩孚同16名從武備學堂畢業嘅青年軍官加入「倭人偵探隊」，同日本情報人員秘密組成「中日混合偵探諜報隊」，前往煙臺接受日本軍官守田利遠大尉訓練，再化裝成普通小販混入街頭刺探俄軍情報。

吳佩孚曾經建議用多條普通漁船，日夜不停地對俄國艦隊進行騷擾、試探，趁其麻痹之際，再將情報船混在漁船中送到日本海軍指揮艦，為後來日軍殲滅俄軍陸上要塞做出了貢獻。吳佩孚因屢次立功，獲得「單光旭日勛章」一枚。

1906年，吳佩孚加入袁世凱建立嘅新軍，任北洋第三鎮步隊十一標第一營任督隊官，後又任第三鎮曹錕協炮兵第三標第一營管帶。第二年，曹錕成了第三鎮嘅統制。吳隨曹錕駐防吉林時，曹錕要用東北地圖，結果整個第三鎮只有吳有一張在日俄戰爭時期自己繪制嘅東北地圖，由此曹錕對吳開始關注，派吳到與俄國交界的吉林興凱湖測量、繪圖。

1916年，吳隨曹錕入川與西南護國軍作戰，升任旅長。1917年7月，吳任討逆軍西路先鋒，時馮玉祥任東路先鋒，參加討伐張勳復辟。1918年護法戰爭時，吳任北軍第三師師長，隨曹錕進入湖南前線作戰，攻岳州，攻陷長沙，占領衡陽。馮國璋死後，曹錕同吳佩夫立刻成為直系嘅重要領導人物。

響直皖戰爭發生前，1920年3月，北京中央政府發生「安福系倒閣事件」，當時國務總理係靳雲鵬（1877-1951），靳雲鵬本來係段祺瑞心腹，「四大金剛」之一，但係佢因為同徐樹錚爭權，一山不能藏二虎，變得水火不容，於是直系、奉系勢力利用靳雲鵬抵制徐樹增，支持靳雲鵬內閣，由於靳同段祺瑞日漸疏離，又受直系奉系支持同唆擺，政府內安福系人馬視靳雲鵬為直系喺中央嘅代言人，一直積極策劃倒閣行動。

3月4號，靳雲鵬召集國務會議，安福系閣員臨時逃席，導致流會。9號，安福系財政總長李思浩、交通總長曾毓雋、司法總長朱琛提出集體請辭，向靳雲鵬逼宮，3月31號，國務總理靳雲鵬提出請辭。

但係安福系倒閣行動，遭到直系奉系堅決反對，直系大佬曹餛同奉系大佬張作霖、以及八省軍閥紛紛致電中央，要求挽留靳雲鵬及其內閣，大總統徐世昌亦表示堅決挽留，迫於各方強大壓力，段祺瑞同意挽留靳雲鵬，倒閣行動以失敗告終。

上述依一次安福系逼宮倒閣行動，相信大家並唔陌生，喺現代西方民主自由國家，呢啲事屢見不鮮，屬於正常民主機制下嘅政治操作，其實100年前嘅中國一早已經做緊。好似好混亂咁，又好似充滿陰謀同鬥爭，但係始終大家都係依法行事，法律程序仍然淩駕係個人意志之上。

近年有小粉紅同大粉紅不斷歌頌所謂「中國模式」，認為西方世界經濟不景氣，係同佢哋嘅自由民主政治制度有關，因為民主制度製造太多爭拗同黨派鬥爭，沒完沒了，好似腥港咁，直接拖慢政府施政效率，冇辦法及時應對時勢。

而所謂「中國模式」，打開心窗說亮話，就係極權統治囉，變相一言堂，上下齊心，領導話乜就做乜，結果政府產生極高嘅辦事效率，亦都解釋咗過去30年中國經濟不斷向上飛騰嘅曠世奇蹟。

依種On 9說法，用嚟呃儍仔婆仔完全冇問題，正如蛇齋餅粽係民建聯最大票源，但奇就奇在，過去十年，有唔少有識之士知識份子甚至紅鬚綠眼嘅鬼佬，都喺度讚揚「中國模式」，仲話全世界必須要向中國學習，你可能會話好多人收咗錢做嘢，但我個人好相信有人冇收錢，係真心膠，真心相信西方「自由民主」已經過時，新世界需要用新嘅統治方式經營，先至有出路。

整個世界經濟下調係鐵一般嘅事實，因為印銀紙已經印得太多，中國模式暫時獨佔鰲頭，亦係無法否定嘅事實。但係咁樣，係咪代表民主自由可以被一嘢拋棄呢？當你好肚餓嘅時候，見到森林裡有個捕獸器上面有一舊麵包，你就伸手去攞麵包食，到頭來比捕獸器夾斷你隻手，如果比喻，件事應該就係咁勒？經過最近COVID-19一役，唔通大家仲唔明？

如果你真係唔明，你未免太蠢，我建議你去搵腦科醫生check check大腦。

其實不單止整個世界經濟下調，人嘅智力亦都不斷下調中，正如太多人相信「中國模式」可以挽救世界，就係「失智狀態」最具體嘅表象。我常公子建議大家多一啲讀書，唔好成日玩電話，錢冇咗可以搵返，條女或條仔走咗可以揾第二個頂，但係智力一旦失去，Common Sence一旦崩潰，你依世人就會玩完。切記，珍重，my Hongkongers！

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常公子歷史頻道241回：大清亡國關 #有效管治 蛋牛治】

♐一場瘟疫到來，全地球人被殺個措手不及，中國爆完，到歐美爆，執筆之時，而我敬愛嘅威爾斯親王查理斯王子都中招，我忽然之間發現，原來歐美地區已經有好多名人中招，除咗足球員同NBA球星，仲有唔少政客名人紛紛瀨嘢，皇馬前會長仲瓜埋！連去西班牙愛斯賓奴踢波嘅中國球員武磊都領嘢？病毒真係無分國界，亦唔分階級。

♊但有一點大家有冇留意到，中國冇乜名人中招，統治階層更加唔使講，當然有一個可能性係我哋根本唔係好識中國啲名人係乜？但係亦都可以反映出中國真係好厲害，至於係邊一方面厲害？係抗疫工作做得好好？抑或係新聞封鎖做得好好？我並唔知道，但大部份香港人一定相信係後者。

♈事情發展到現在，美國開始牽動全世界向中國追究責任，所謂「spearding virus」同隱瞞訊息，美國仲打算向中國索償，當然索償問題只係外交辭令，純粹打嘴炮，但係煽動仇恨中國情緒就昭然若揭。全球排華情緒喺可見將來必然昇溫，身為中國人（香港特別行政區揸住特區護照嘅中國人），我當然唔希望見到，因為火燒連環船，殃及池魚對香港人一啲好處都冇。最近新聞，已經有唔少東方面孔響歐美被西人襲擊，真係睇見都驚……

♈今次疫情，亦證實咗我最喜愛嘅歷史學家霍布斯邦嘅講法，歷史的確係冇人可以預見，廣東人叫「鑊鑊新鮮鑊鑊甘」，但唯一可以預測嘅係，凡事凡物包括歷史進程在內，必定朝向壞嘅一方進發，人類並唔係飛蛾，唔懂得撲向光明，天性係擁抱黑暗。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/eM2jdnK52tQ