大清亡國關慈禧蛋牛治 2

用上述嘅思路，過橋後抽板，lastly同共產黨蘇聯反面係必然，清黨亦都係必然，當然用上最殘酷的手段進行達到目的，係佢個人嘅性格問題。

去返1926年10月，武昌孤城易手，北伐軍李宗仁部隊喺江西亦都節節勝利，形勢一片大好。10月28號，六個中國神父喺羅馬聖彼得大聽，由教宗親自祝聖，獲晉升成為主教，呢個亦都係中國宗教史上一件大事，意義係同國際社會接軌，辛亥革命之後，國內信奉天主教同基督教嘅人數急劇增加，漸漸形成咗一股好大嘅動員力量，去到1936年，中國籍嘅主教增至23個，1946年青島主教田耕莘（Cardinal Thomas Tien Ken-sin，S.V.D.；1890－1967）更加成為東亞第一位樞機大主教。

世界上真係無永遠嘅敵人，曾經同張作霖奉軍多次交手嘅笑面虎孫傳芳，因為喺江西畀北伐軍打到焦頭爛額，被迫同奉系張作霖握手言和，號稱「開府南京，領袖五省」嘅儒將孫傳芳，雖然兵良將多，又控制上海個大錢罌，可惜其聯盟之內，各懷鬼胎為咗各自利益嘅人實在太多，於是乎要實牙實齒面對意識形態非常同一嘅北伐軍，就被打到一棟都冇，響江西戰線上，孫傳芳嘅主力部隊受到毀滅式重創。

11月8號，北伐軍攻克南昌市，取得江西戰場上決定性嘅勝利。上個月，蔣Sir兩次攻打南昌失敗，於是改變戰略，首先控制南潯鐵路，截斷南昌嘅物資供應聯絡線路。呢個時候，浙江省長夏超宣佈獨立（上集提過），逼使孫傳芳調兵鎮壓，北伐軍方面則有第四軍入江西助戰，雙方兵力對比，起咗明顯變化。

11月1號，北伐軍分三路向南潯路重鎮發起總攻擊，迅速佔據德安、九江、湖口等地，南昌城陷入孤立狀態，6號，第二、三軍經過一周血戰，佔領南昌牛行車站。7號，孫傳芳見大勢已去，倉皇離開南昌，逃回南京大本營，8號，北伐軍佔領南昌城，俘虜敵人萬幾人，守將岳思寅，連同張鳳岐、唐福山等人皆由人民判決槍斃。

11月9號，蔣Sir正式宣佈將國民革命軍總司令部移至南昌。

#常威💀 #大軍閥平反系列 #大軍閥 #民國歷史

💙最新上線，請課金支持

【常威近代史】第六部《最九衰的大軍閥時代》Round 1

https://play.google.com/store/books/details?id=bCMNEAAAQBAJ

【常公子歷史頻道342回：替大軍閥平反系列之 肉體·精神】

⛎祝大家平安夜快樂，平平安安。

♉疫情高峰期，整個世界處於重傷調節中，過去的平安夜，都是一眾好友共聚的大日子，還記得十年前，每逢平安夜都會去友人郊區的家中空地前BBQ，還記得某年某個平安夜，BBQ人數有近百人之多，如此盛況，再不復見，也不是單單疫情的問題，而是互聯網智能電話的風行，人與人之間的距離越離越遠，雖然我們感覺是越來越近……

♉我是上一代的人，我非常強調人與人之間的交流，必須透過正面接觸和談話，單單在網上溝通，用社交媒體聯系、whatsapp、微信及Zoom meeting和交流，表面上好像沒有問題，甚至更加方便和容易，但實際上人與人之間的距離是（被）拉開越來越遠，而且漸漸各自孤立在原地，團結才是力量，現代世界的科技把每一個個體從其宗族、家庭、社群、機構、組織中抽離出來，其實是削弱著每一個個體的生存力量和反抗力量。

♉十九世紀共產主義運動興起的時候，就是工人階級被馬克思主義團結在一起，對抗資產階級，正如馬克思《共產黨宣言》所宣示：「全世界無產者團結起來」，中心點在於「團結」和「集中力量」。其實統治階層（資本家）最害怕的是什麼呢？就是群眾的團結和意識形態的一致性，最好的情況，群眾彼此分化、互相對立、甚至互相鬥爭，群眾鬥群眾，窮人鬥窮人，單數的個體不能夠集合成為眾數的力量，那麼就容易管理和統治。實際上這也不是什麼道理，是最簡單的現象。

♈當有一天你只剩下一個人，如果斷了你的wi-fi的話，你就什麼都不是。

♑【常威近代史】第六部《最九衰的大軍閥時代Round 1》電子書上架（條download link在下面），請大家課金支持我一直走落去，直至劉少奇骨灰到達北京王光美手上…

✅https://youtu.be/uYh2EDhPXew

💙最新上線，請課金支持

【常威近代史】第六部《最九衰的大軍閥時代》Round 1
https://play.google.com/store/books/details?id=bCMNEAAAQBAJ

【常威近代史】（四百七十七回）
匪論

江西之役，笑面虎孫傳芳主力部隊大敗，丟失南昌城，蔣Sir北伐軍勢如破竹，下一站就係攻入孫傳芳所控制嘅上海南京江浙一帶中原最富裕嘅區域，民國關公吳佩孚亦守唔住武漢三鎮，兵敗如山倒。兩大曾經叱吒風雲嘅直系軍閥，喺蔣Sir蘇式意識形態訓練同裝備下，俯首稱臣。

11月19號，孫傳芳前往天津同奉系張作霖見面，好聽少少叫做合作，其實係走投無路投靠張作霖，兩人見面後，立刻組成各派軍閥聯軍，並且推舉張作霖為總司令統一指揮，聯軍個名叫做「安國軍」，主題係討赤，打到紅色勢力佔據中國。11月29，由中國裝甲車之父張宗昌（1881-1932）、孫傳芳牽頭，以直、豫、魯、蘇、皖、浙、贛、閩、陝、晉、冀、遼、綏、吉、黑15省名義，組成安國軍聯軍，張作霖為安國軍總司令。

12月1號，張作霖喺天津正式就職，並且發表《反赤宣言》，同日任命孫傳芳為安國軍副司令官兼蘇皖浙贛閩聯軍總司令，張宗昌為安國軍副司令兼直魯聯軍總司令，楊宇霆（1886-1929）為安國軍總參謀，安國軍大鑼大鼓正式組成，當中包括張作霖、吳佩孚、閻石山、孫傳芳、張宗昌等各大派系軍閥部隊，總數達到30萬人，並且得到英國、日本、美國等西方列強大力經濟資助，12月27日，安國軍總司令部遷至北京。

講出嚟手牌真係靚，仲有英、美、日三國撐腰，蔣Sir應該見到個雞棚都驚，不過凡係做生意，或者成立一家公司，最容易揩嘢嘅情況，就係股東人數眾多，你一句我一句，屌你老母到底邊個話事？股東多都冇問題，但千祈唔好個個股東都係大支嘢，依支所謂安國軍，碌碌大杉，個個平日做開老闆指手劃腳點紅點綠，今日聚埋一齊要聽你張作霖老點？一定冇可能，個個必然口裡說OK身體卻屌你老母，其實係一盤散砂。亦唔好比本公子估中，搭個雞棚開個招牌，無非都係要向金主逼倉，唔想共產黨殺到嚟共你同你老母嘅產，唔該科水，依一招萬試萬靈，將來蔣Sir更加玩到出神入化......

現在又叉開一筆，同大家介紹一條仆街，叫孫殿英（1889-1947），自稱為明末名臣孫承宗後裔，可能係齊天大聖孫悟空後人，平生好賭又煙癮，係一個百分百嘅黑社會，但你唔好理，佢聚到人，有幾千人跟佢搵食，形成一股武裝力量，投靠過馮玉祥國民軍，但其實係一群土匪，1926年11月，佢哋又做咗單大案。

25號夜晚黑，孫殿英率領土匪攻入毫州石寨，關上城門大搶大掠，燒殺姦淫，無所不用其極，未能逃出去嘅婦女，好多懼怕畀土匪污辱，都立刻投井自盡，土匪逐家逐戶搜掠地主土豪劣紳，到處拉人放火，嚴刑逼供，各種酷刑全部出動，整個城寨，悲傷哀號，慘不忍睹，當然係死傷無數，慘無人道。

依種情況，打999都冇用，冇人可以幫到你，亂世之下，唔該你班super rich自已成立武裝部隊保家衛國，否則冇政府或法律可以保障你嘅生命財產，奉系張作霖就係靠撈保安隊彈起，倒返轉頭，起初咪係一班「匪」，或者叫黑社會都非常適合，正如孫殿英依班「匪」，之後又掘過滿清王朝東陵盜墓（響哂朵），冇幾耐就加入咗張宗昌部隊成為正規軍，孫殿英仲撈到個高級將領軍階，之後佢支「匪」部隊投靠過唔同嘅軍閥，幫手打家劫舍，二戰日本投降後，又歸順蔣Sir，成為國民革命軍中將，好彩仲有解放軍搞掂佢，國共戰爭中被解放軍所俘，向戰俘營因毒癮發作斷電而死。

仆街孫殿英嘅故事，係當時嘅常態，所謂軍閥，無論大小，所做嘅嘢其實大同小異，你要維持並發展一支武裝力量，必須要錢，但錢從何來呢？軍人並唔會耕田或者做生意，否則亦唔會從軍（好仔唔當差道理）。所以祇有兩個途徑得到金錢資助，第一就係搵金主（例如美國英國蘇聯日本）；第二就係靠搶，搶得少會俾人叫你做「匪」，搶得夠多夠徹底就會被升格為「政權」，條條大路通羅馬，槍桿子出政權，呢個先係最徹底嘅演繹。

亂世之中，遍地是匪，係蔣Sir眼中，後來被清黨後嘅中共就係一群「土匪」，但蔣Sir你自己難道又唔係「匪」或「黑社會」？好，既然無法定義正邪，就從手段出發，打仗時候，邊支部隊唔會殺燒搶掠先？錢呀，要錢架！所以軍紀好重要，國共內戰時期，解放軍嘅軍紀，明顯比蔣Sir你嘅軍隊好得多，所以最後取得民心，奪取天下亦唔係偶然或者好運。

11月10號，南昌城易手第二日，廣州國民政府任命徐謙（1871-1940）為司法部長，孫文個仔孫科（1891-1973）爲交通部長，16號，國民政府派孫科、徐謙、陳友仁（1878-1944）及鮑羅廷等60幾人先行前赴武漢，調查遷都問題。中原大戰，大局既定，國民政府首都亦唔能夠繼續留喺南陲大都會廣州，畢竟廣州撈味太重（距離大英帝國香港亦太近），蔣Sir再三摧促，要將國民政府同國民黨本部遷往武漢。

11月22號，共產國際執委第七次全會喺莫斯科召開，譚平山（1886-1956）、邵力子（1882-1967）分別代表中共同國民黨列席會議。

11月27號，馮玉祥國民軍攻破圍困西安嘅劉鎮華（1883-1955）軍，劉鎮華投降馮玉祥，軍隊被改編為國民革命軍第8方面軍，參加北伐。

下次繼續，勢如破竹。

#常威💀 #大軍閥平反系列 #大軍閥 #民國歷史

https://m.facebook.com/story.php?story_fbid=667262187275230&id=129055447762576

常威FB

【常公子歷史頻道343回：替大軍閥平反系列之 巴黎和會】

⛎初生嘅中華民國，響1918年-1919年處理第一次世界大戰戰後局面嘅梵爾賽宮巴黎和會上，遭受到史無前例嘅外交挫敗，貴為第一次世界大戰嘅戰勝國一員，不但沒有獲得任何好處，反而要將國內本來屬於德國嘅在華利益及土地無條件轉讓給日本帝國，真正喪權辱國，呢次事件充分體驗到弱國無外交，要有話語權必須要強大起來。亦因此觸發咗後嚟嘅「五四運動」。

♑所謂強大起來，係指經濟同軍事上強大起來，今日嘅中國，即係中華人民共和國似乎已經完全做到，姑勿論當中水分有幾多，過去十年，中國的確已經同世界第一強權美國平起平坐，直接威脅到美國嘅霸主地位，否則Donald Trump亦唔會起壇開打宣戰，中國人係1918年「五四運動」嘅夢想，終於經過一個世紀嘅波折起伏而成為現實，所以從宏觀嘅大歷史角度去睇，共產黨嘅統治係有效嘅。

♉凡事只可以從結果去判斷成敗，依一點毋庸置疑，當然你可以質疑中國終於強大起來，背後付出嘅代價無比巨大，但係任何國家強大起嚟，都要付出代價，呢個係歷史嘅必然。目前中國最好嘅情況，就係經濟同軍事強大起來之後，再從內部實施政治改革，改善人權同民生狀況。悲觀主義者覺得完全冇可能，佢哋認為高壓強權統治狀態只會愈嚟愈變本加厲，接近北韓情況；當然亦有人認為凡事要一步一步嚟，時間會改變一切。每個人對歷史進程都有唔同嘅見解同預測，當然好多時候大家都係估錯，歷史總會朝住你唔能夠想像嘅方向去發展，霍布斯邦話嘅。

⛎世局的確係變幻莫測，一年之前，冇人會想像到Donald Trump會唔能夠連任？尤其是知道佢嘅對手係民主黨老坑拜登之後，若然冇一場新型冠狀病毒疫情出現，亦唔會發展到今日嘅局面，因此有人話疫情係某啲人嘅陰謀論，我就打死都唔信。最近病毒又再變種，睇嚟個趨勢係會高速不斷變種落去，疫苗能否有效控制疫情？或者將全人類帶入「主動防疫」嘅狀態，情況並不樂觀，Bill Gate預測過，世界全面回復正常狀態係2022年中，我希望佢能夠估中，否則以目前狀態玩多兩、三年，世界上會有八成以上嘅國家頂唔順而出現巨大動盪，到時爆發第三次世界大戰亦唔出奇？

♉最近有個機會，能夠成日上香俾觀音，每次上香，我都會誠心禱告，希望疫情快點過去，一切回復正常，天下太平。

♑【常威近代史】第六部《最九衰的大軍閥時代Round 1》電子書上架（條download link在下面），請大家課金支持我一直走落去，直至劉少奇骨灰到達北京王光美手上…

✅https://youtu.be/VgJcpcndWnM

💙最新上線，請課金支持

【常威近代史】第六部《最九衰的大軍閥時代》Round 1
https://play.google.com/store/books/details?id=bCMNEAAAQBAJ

【常威近代史】（四百七十八回）
千年陀地都要收皮

1926年12月，大軍閥時代結束前夕，接下來就係蔣家皇朝時代……

12月1號，英國新任駐華公便藍浦生（Miles Wedderburn Lampson，1880-1964）抵達上海，打算前赴漢口視察，再決定對華外交方針（落Part），即係話睇吓支持邊個「中央」（南或北）？西方列強都明白到蔣Sir時代即將降臨。其實對帝國主義者嚟講，中國梗係越亂越好，從1840年鹹豐皇帝死，中國足足亂X咗100年，中間大英帝國食盡油水，加埋個包頭印度，靠做鴉片貿易撈到盤滿砵滿，仲叫不落日帝國、打造最偉大輝煌嘅維多利亞時代。不過天下並無不散之筵席，第一次世界大戰之後英國徹底走下坡，國力大不如前，好快打多次二戰，不落日終於要落日，崩分離析，仲要衰到邁向二十一世紀。

所以凡事千其唔好去到咁盡，中國人有句說話叫「物極必反」，其實好有道理。響大英帝國之前，有羅馬帝國、蒙古帝國、波斯帝國、顎圖曼帝國，另一個例子係20世紀八、九年代，日本經濟火熱朝天，買起成個夏威夷咁滯，當時美國人話「日本正買下美國」（Japan buying up America），電影小說都用日本嚟做假想敵，威脅美國霸主地位。但日本人不知自己身份，二奶命就係二奶命，永遠冇可能代替正室（英國）地位，結果俾美國佬玩吓貨幣手段，泡沫經濟就爆破，一爆就軟晒，再食偉哥都再硬不起來，又哀足三十年到nowaday！

今日嘅中國同昔日嘅日本其實好似，經濟高速飛揚，國力挑戰美國。有所不同嘅係當年日本始終係美國嘅附庸國（佔領國）、貨幣（春袋）比美國控制住，今日中國綜合其他國家挑戰美國嘅失敗經驗，知道個春袋唔可以俾你揸住任捏任搓，一於同你死過練過，早十年前我會以為冇得玩，挑戰美國霸權簡直係燈蛾撲火，但今時今日，我就唔敢講，歷史真係好有趣，好出乎人類想像之外。

蔣Sir中原大戰勢如破竹，同路人北方馮玉祥國民軍亦節節勝利，12月1號，馮玉祥部隊陸續進入甘肅；12月3號，被北伐軍控制嘅武漢工潮蔓延，總商會召開全市商民大會，決議四項對應辦法，並交勞資仲裁委員會解決，左派發動群衆，矛頭直指向資本家，同時打擊資本家背後金主——即係帝國主義者西方列強殖民地主義者。

蔣Sir（或共產黨）嘅最後目的，就係要回收返喺每個中國重要大城市裡面嘅「租界」，自從1842年割讓香港同埋上海開埠以來，西方列強一直喺中國國內設置「租界」依種畸形殖民地，乜嘢叫「喪權辱國」？「國中有國」咪叫喪權辱國囉？明明係我屋企，你老母你就住入嚟霸我一間房，任食任伶，咁除咗一句「屌你老母」之外，仲可以講啲乜嘢表達呢？所以要國家強大起來，第一件事就要回收租界，蔣Sir之前冇人敢做（甚至冇人敢講），蔣Sir就敢做，你都咪話唔沙pop！

12月7號，喬遷吉時，國民黨中央黨部及國民政府第一批北遷人員，由廣州出發去武漢，預備遷都。12月13號，國民黨中央執行委員同國民政府委員喺武漢組成臨時聯席會議。

北伐戰爭節節勝利，令全國革命重心由廣東廣州轉移到長江流域，9月蔣Sir提出遷都武昌嘅主張，畢竟蔣Sir係寧波人，南蠻廣東燒味都係食唔慣。10月15號，國民黨中央及各省代表聯席會議上，圍繞遷都問題發生爭論，孫科、宋子文等人主張遷都，而中共代表吳玉章、毛澤東等表示反對，會議最後作出暫不遷都決定。但蔣介石及北伐前線將領唐生智（1889-1970）、鄧演達（1895-1931）、李濟深（1885-1959）等極力主張遷都，國民黨中央政治會議於是響11月26號正式作出遷都武漢嘅決定。但蔣Sir卻出爾反爾，又想將首都定於南昌，因此遭到各方面反對，今日12月13號，聯席會議喺武漢組成，代行國民黨中央及國民政府職權。

12月19號，國民黨江西省黨部致函江西省政務委員會，稱居於貴溪的道教第63代天師張恩溥（1894-1969）妖言惑眾，阻礙文化發展，要求下令取消其「張天師」名號，沒收其財產，悉歸農民協會（被抄家先鋒），張恩溥被迫著草逃往上海。

「天師」係五斗米道（或叫天師道，即係打三國Game黃巾賊）創立者張道陵（0034-0156，百九幾歲）及其後代嘅稱呼，東漢順帝年間，張道陵喺四川鶴鳴山，創立五斗米道，是為道教各派系中最早嘅一派。西晉永嘉年間，張道陵第4代孫、即第四代張天師張盛移居龍虎山，即係今日江西貴溪縣境內，成為千年陀地到二十世紀。

張恩溥為張道陵63代孫，1949年張恩溥攜子張允賢輾轉到達台灣，次年在臺北設置「嗣漢天師府駐臺辦公處」，創立臺灣省道教會，共連任三屆「省道教會」理事長。1966年2月13日中華民國道教會成立，1968年7月11日該會召開第一屆第一次理監事會議，推選張恩溥為理事長。

1954年張恩溥長子張允賢因心臟病辭世，張允賢為張恩溥唯一親生仔。因此，嗣教人選問題成為張恩溥一生遺憾。1969年張恩溥因膀胱癌逝世，遷居臺灣嘅江西省民意代表們，公舉張恩溥姪兒張源先為代理天師，1971年正式接任。

因此，最後一代張天師只傳到第63代張恩溥為止。易經有64卦，天師傳到第63代絕後，恰好應驗「大道有缺」之理，真係信不信由你？

#常威💀 #大軍閥平反系列 #大軍閥 #民國歷史

【常威近代史】（四百七十九回）
回收租界大行動

國民政府遷都，響武漢開show，12月13號，中共中央亦喺武漢召開特別會議討論未來去向，原本「國共合作」框架早已經搖搖欲墜，原先大家有共同敵人（奉系直系軍閥），所以走埋一齊槍口一致對外，各取所需，但係現在大局初定，「安外」之後就要「攘內」，蘇聯資金，養肥咗蔣Sir，蔣Sir亦早已右轉，唔通中共黨人冇察覺到咩？當然蔣Sir之心狠手辣，又未必個個可以估得到？

每個人都有道德底線，你有我都有，但係底線個個唔同，有人為咗錢乜都敢做，為求達到目的可以不擇手段，所以開始一場鬥爭之前，你一定要明白自己嘅底線，同時要知道對方嘅底線，否則到頭來大叫一聲「吓？原來你咁都做得出嘅？」，咁就喊都無謂，條路自己揀，對手亦係自己揀，因此仆街唔好喊。

我已經不厭其煩講咗好多次，要玩政治，條道德底線要set到好低，最好冇道德底線捆綁，如果咁鍾意講道德，咁應該去做社工、義工或者幼稚園教師，千祈唔好搞政治，否則一定會受傷收場；受咗傷亦唔好喊，唔係對手只會笑你戇鳩怕你嬲，而且我要補充一句，對手嘅真正底線，受傷哭嚎嘅你，仍未有資格觸碰。

1926年12月，響中共重慶地委軍事委員會嘅積極策動下，四川各地川軍相繼起義。上個月11月，根據中共中央指示，中共重慶地委組成以楊闇公（1898-1927）為書記，劉伯承（1892-1986）、朱德（1886-1976）為委員嘅軍事委員會，負責推動四川軍閥倒戈易幟，組建自己嘅武裝，以策應北伐戰爭。12月1號，駐滬州嘅四川邊防軍總司令賴心輝（1884-1942）部隊部份人員宣布起義，將部隊改編為國民革命軍川軍第四、第五路，由陳蘭亭、袁品文指揮；12月3號，駐順慶嘅川軍第五師何光烈部隊，兩個旅舉行起義，改編為國民革命軍第二、第三路；12月5號，駐合川嘅鄧錫侯部隊江防軍司令黃慕顏起義，部隊改編為國民革命軍川軍第一路，12月10號，劉伯承宣佈就任國民革命軍五路川軍總指揮，黃慕顏任副總指揮，並響順慶設立總指揮部。

12月16號，順慶遭受到四川各路軍閥圍攻，國民革命軍寡不敵眾，劉伯承宣佈撤離，1927年1月，劉伯承將總指揮部移到滬州，響其他軍閥圍攻之下，堅持到1927年5月中旬先至解散，四川起義宣佈失敗。但係大家都知道，劉伯承同朱德就中華人民共和國1949年建立之後，十大元帥中嘅其中兩個，朱德更加同毛澤東平起平坐過，人稱「朱毛」。抗日戰爭同國共內戰期間，一齊同劉伯承並肩作戰嘅人就係小巨人鄧小平（伯承同小平都係四川人，架忌冷同聲同氣），兩人十三年內合作無間，戰績輝煌。

中共嘅江山，係用鮮血打出嚟，係無數革命烈士壯烈犧牲所得到嘅最後成果，點會咁容易俾人就咁奪權呢？叉開一筆，講少少有趣嘢，本公子親生阿媽細個喺大陸讀小學作過一篇文，內裡有咁樣嘅一句：

『多少革命烈士流盡了鮮血，贏得今天紅旗處處飄。』

意境一流，情景合一，贏得老師激烈讚賞，我亦有可能遺傳咗阿媽嘅基因，所以有少少寫作天份，同埋有少少左膠DNA……

12月15號，基於時勢，中國留日陸軍士官學校第18期全體學生發表宣言，退學回國。中國軍人留學日本嘅潮流，至此告一段落，又係一個新時代嘅ending，自從十九世紀末葉開始，大批學生留學日本學習軍事技術，回國從軍，當中包括大名鼎鼎嘅蔡鄂、段祺瑞同蔣Sir，但係1927年之後，兩國嘅外交關係急速惡化，再去日本留學，好容易會俾人叫做漢奸，唔去日本留學可以去邊？有錢嘅可以去美國，冇錢嘅可以去莫斯科。

12月16號，上海虹口新中央大戲院放映美國有聲短片，呢次係中國首次播放有聲電影，默片時代又ending。

12月26號boxing day，被國民政府控制的武漢市，20多萬人集會，抗議英國支持奉系軍閥，進一步向租界殖民地勢力施壓。同日，英國輪船「亞細亞號」喺漢口附近長江江面撞沉一隻中國商船「神電號」，導至400幾人浸死，新仇舊恨，炒埋一碟，英國人就快要找數。

早響12月22號，國民黨武漢臨時中央黨政聯席會議指出：「租界已成為反革命大本營，即革命之陷阱，革命即須打破此陷阱者，此後收回租界應為革命運動之事實問題。」

整個12月底到1月，國民政府起動武漢群衆，不斷向租界勢力施壓。1927年1月3號，武漢各界集會慶祝北伐勝利同國民政府遷到武漢，本日，當武漢軍校宣傳隊喺江漢廣場演講時，英國水兵突然衝出租界，用刺刀驅趕群眾，刺死中國海員1人，刺傷30餘人（哇！冧友呀！啱嘞！）。當晚，國民政府外交部長陳友仁召見英國駐武漢領事，抗議英軍暴行。英軍殺人，局勢火上加油，1927年1月5號，武漢各界30萬人舉行「反英抗暴大遊行」，群眾衝入英租界內，衆怒難犯，英國人再唔敢開槍殺人，英國巡捕被（群衆）驅逐出租界。

當晚，武漢臨時中央黨政聯席會議決定組織「漢口英租界臨時管理委員會」，管理租界公安事宜，炮臺搭好，一切依從既定劇本發生，回收租界，如箭在弦。

#常威💀 #大軍閥平反系列 #大軍閥 #民國歷史

💙最新上線，請課金支持

【常威近代史】第六部《最九衰的大軍閥時代》Round 1

https://play.google.com/store/books/details?id=bCMNEAAAQBAJ

【常公子歷史頻道344回：替大軍閥平反系列之 普世價值】

⛎2020年嘅最後一日，祝各位大除夕快樂！今年冇乜嘢好記憶，除咗疫情，仲有疫情、還有疫情、其他都東西都是關於疫情，好似成年所有人類都係同疫情一同渡過，除此以外沒有其他，包括我自己在內好多人都講過，今次疫情嘅破壞力好比第二次世界大戰，至少喺經濟方面係必然，但係民生方面其實又差好遠，起碼大部分人都冇穿冇爛，繼續好好地活下去，自由度當然大幅度削減，不過我諗香港就算冇疫情，情況都會係差唔多啫。

♑還記得今年初疫情初初爆發，好多有錢人急不及待逃離香港，或將子女送往英國美國避瘟疫，點不知道外國爆得仲勁過香港？真係捉蟲入屎忽，甚至有人滯留到今時今日。所以新型冠狀病毒爆發，正好展示眾生平等，正好展現普世價值，一同居住在地球村上嘅衆生，其實係需要尊重或遵從某啲普遍原則——我哋稱呼為普世價值，當然所謂普世價值會因為不同民族、不同文化、不同環境、不同客觀條件而有所差異，但我總相信，某啲事物同概念係放諸全球皆通行，防疫抗疫係其中之一，但「人權」及「自由」卻是未必了。

♉大除夕通常會回顧一年所發生嘅事情，但今年實在係太差太削，好應該係歷史上抹去，不留痕跡就最好。明天又係新嘅開始，新嘅一年應該有新嘅希望，過咗去就過咗去，懷緬過去其實徒添煩惱，初戀永遠總不會回來，勇敢面對，來年可能更需要嘅係自力更生，要更加好好裝備自己防衛自己，凡事靠自己。人類嘅本能係求生，無論任何環境都應該好好活下去，寄語大家，共勉之！（夠曬正能量了）

♏常公子近代史系列會一直寫落去，直至有一天客觀條件不容許我下筆為止，海枯石爛，天變地變，情懷不變。

♑【常威近代史】第六部《最九衰的大軍閥時代Round 1》電子書上架（條download link在下面），請大家課金支持我一直走落去，直至劉少奇骨灰到達北京王光美手上…

✅https://youtu.be/ofxEAxjtIq0

【常威近代史】（四百八十回）
繼續大力踢走帝國主義殖民地者

1927年1月頭，回收租界運動火熱朝天，1月1號，湖北全省總工會喺武漢開幕，召開第一次工人代表大會，李立三（1899-1967）、向忠發（1879-1931）及劉少奇（1898-1969）當選為執行委員，左派大動員，共產黨發動中國工人運動（正統馬克思主義路線）至此到達高峰，之後就係高峰滑落，焦點亦從工人階級調向農民階級（以鄉村包圍城市）。

1月3號，蔣Sir喺南昌召集中央政治會議臨時會議，決定中央黨部及國民政府暫駐南昌，同武漢又搞兩個中央，講到尾，又係國民黨左右派之爭，蔣Sir領導軍隊打贏北伐戰爭，當然大把籌碼在手，但左派嘅火力都唔嘢小，左派大佬汪精衛醞釀回朝，更加令蔣Sir有壓力。

上次講到武漢群衆要向租界奪權，武漢臨時中央決定組織「漢口英租界臨時管理委員會」，為接手租界作好兩手凖備。1月6號，九江民眾受到武漢民眾收回英租界取得階段性勝利影響，舉行大規模遊行示威，要求收回九江英租界，英國水兵打傷碼頭工人，英國軍艦向九江市發炮威脅。但上述舉動更加觸怒咗九江群衆，佢哋帶隊踩入英租界，拆毀分隔租界同外界嘅木樁同鐵絲網，1月7號，北伐軍隊借勢介入，北伐軍獨立第二師第三團同工人糾察隊進駐九江租界，簡單啲講就係暴力佔領。

1月10號，喺鄧演達（1895-1931）主持下組織咗九江租界臨時管理委員會，全面接管九江英租界，先斬後奏。

帝國主義殖民地主義者有幾仆街？可能我哋今日唔可以理解，漢口、九江民衆攻入租界事件發生後，1月11號，英國軍艦喺湖北長江江面，故意撞沉中國民船數百隻，浸死百幾人，濫殺無辜，天地不容，如果你係當時嘅中國人，睇見啲咁嘅新聞，唔知道你會點反應？畀著我就會立刻加入共產黨，打倒帝國主義，死就死。

1月10號，上海租界亦有人（左派）舉行遊行示威，聲援武漢群衆，上海公共租界委負會取締政治遊行集會，並且實施戒嚴，大力搜捕革命人士，查封革命刊物，政治鬥爭開打，冇人會手軟。

漢口、九江兩案發生之後，英國公使派參贊阿馬利同武漢國民政府外交部長陳友仁談判。鑒於各地反英浪潮越演越烈，加上國民政府態度強硬，為免租界招致更大損失，英國政府最後作出妥協。1月19號中英簽訂《收回漢口英租界之協定》，20號，簽訂《收回九江英租界之協定》，兩個租界正式回收國民政府！

回收租界嘅缺口一經打開，仲邊可以返轉頭？

其實收回租界主導權，亦唔係國民政府一廂情愿。1927年1月1日，上海公共租界會審公廨交還儀式隆重舉行，北京中華民國接收委員長許沅從英國總領事巴爾敦手中接過公廨印信，經過15年交涉，西方各國被迫將會審公廨（司法審判權）交還給中國政府。

會審公廨（即係處理公共租界內案件嘅法庭）成立於1869年，外國領事享有充任陪審官（法官）嘅權利。一直以嚟，各國殖民者力圖將會審公廨變成由他們所控制嘅租界法院，如取如攜。中華民國成立之後，臨時政府外交總長伍延芳就曾經批評上海會審公廨「腐敗不堪」、「不復受我節制」，下令收回，此後十幾年來，北京政府為此同列強各國多次交涉，但係仍然徒勞無功。

1926年4月，江蘇省政府出面作地方交涉，孫傳芳向駐滬領事團表示收回會審公廨交涉嘅意見，領事團亦表示，願與地方政府先行磋商。我亦講過，孫傳芳胸懷大志，想打造由中國人主導嘅「大上海」經濟特區，從1926年5月21日開始，江蘇省代表與領事團代表進行咗五個階段嘅談判，終於達成協議，將會審公廨管轄權、民事案全部、領袖領事對傳拘票簽字權（即起訴權）、會審權等收回，但仍然允許外籍律師出庭，由1927年1月1號開始，會審公廨改稱臨時法院。

整個中華民國不分南北，社會邁向重大改革，主宰中國人命運六、七十年嘅西方列強帝國主義勢力逐步退場，1月14號，廣東省政府下令從3月1號起，執行解放奴婢案；1月16號，四川駐成都英國領事，因民眾反帝聲勢猛烈，自行關閉領事館，率領全體館員前赴重慶避難；同日由基督教團體創辦嘅廣州嶺南大學，交回中國辦理，呢個係中國收回教育權運動嘅首次成就；1月20號，蔣sir秘密派遣吳鐵城（1888-1953）前赴日本，交涉中日之間政治問題，去到1927年，蘇聯同日本先係最大嘅外交問題。

1月30號，北京中華民國政府發佈命令，免去英籍總稅務司安格聯（Francis Aglen，1869-1932）職務。自從北京政府決定徵收附加稅後，即命令安格聯依照國務院指示開徵。但安格聯拒絕不執行各海關徵收附加稅嘅命令（吓？邊撚個話事啊？），並且藉口調查稅務，離開北京，前赴武漢私下同國民政府接觸（吓？賣國喎？）。北京政府經過討論後，決定免去安格聯嘅職務，另委任英藉總稅務司秘書長易紈士代理其職務。

2月11號，易紈士就任代理總稅務司，天津海關同日開徵附加稅。

#常威💀 #大軍閥平反系列 #大軍閥 #民國歷史

【常公子歷史頻道345回：替大軍閥平反系列之 弱國無外交】

⛎新一年祝大家新年進步，今年時勢一定唔好，希望大家平平安安，有份工就頂住，旬且偷生，就算有乜嘢事發生，都唔好亂諗嘢，船到橋頭自然直，最大不了就係經濟問題，俾人追數成個社會都係，唔係淨係你一個，一層壓一層，個個都有問題，有乜嘢事拖得就拖，追債嘅、收數嘅都知係乜嘢環境，人人都係咁，唔使太驚慌，唔啱傾到啱，過埋2021，就會好景，希望永遠在人間，一句到尾，千祈唔好諗跳樓。

♉其實降低慾望生存，都唔係太難。之前嘅日子，可能可以得到嘅係太多，多到瀉咁滯，整個生存潮流都追求簡約主義（無印良品），捨棄多餘嘅東西，捨棄太多嘅物質需索，追求心靈平靜，可能係一件好事都未定，畀多啲時間自己，探索內心世界，多啲陪屋企人，多啲同朋友見面，或者，靜靜地睇多幾本書，為未來人生做好準備，總有一天能夠重新出發。

♉二次世界大戰發生之後嘅日子，人類全面向物質主義靠攏，工業生產及物質供應出現咗史無前例嘅高峰期，世界各國狂印銀紙Booth起一輪又一輪嘅資產泡沫經濟，總之威咗先算，歷史上稱之做黃金時代（Golden Era）。半個世紀風流過去，鉛華盡洗，整個地球同人類都要付出沉重代價，信用卡嘅透支額總係要找數，借錢總要還（已經畀咗太多錢中介），泡沫終須爆破。當然最大嘅問題係，錢係上一代借、福就上一代享，而債就新一代還，老實講真係唔L公平，最好笑嘅係上一代仲要講風涼說話，講自己點勁點勁，點威點威，嗰亭PK真係最難頂。講真，班銀樣如果遲廿年出世，以佢哋嘅智慧同人格，乞食都應該有問題。

♑【常威近代史】第六部《最九衰的大軍閥時代Round 1》電子書上架（條download link在下面），請大家課金支持我一直走落去，直至劉少奇骨灰到達北京王光美手上…

✅https://youtu.be/KgqXqlIRFps

【常威近代史】（四百八十一回）
音樂椅大洗牌時間

隨著北伐戰爭節節勝利，整個時局醞釀一次翻天覆地嘅大洗牌，蔣Sir大權在握，但國民黨內，左派勢力仍想挑戰依位新崛起嘅軍事強人，對外矛盾解決，接下來就係對內矛盾，內部權力鬥爭開打。

由細到大，我哋都被灌輸一個概念，叫「和平」，即係呢個世界再冇紛爭，大家團結一致，共同努力，建立一個美好嘅世界，人人安居樂業，共產主義描述嘅烏托邦，大概就係上述嘅表象。不過非常可惜嘅係，「和平」狀態好難到達，人類係一種自私嘅動物，會為咗自己嘅最大利益而不擇手段，所以當一個紛爭被解決，就會有另一個紛爭出現，當對外嘅敵人被消滅，就會搞內部分裂，為自己製造新嘅敵人，繼續進行鬥爭。我最喜愛嘅左派先知托洛斯基好清楚人性嘅本質，所以佢明白鬥爭同革命會不斷發生，歷史同悲劇會處於一個不斷嘅循環之中不斷循環，哲學家尼采叫做「永劫回歸」，我哋廣東人叫做「唔鬥唔撚舒服」，其實非常有道理，歷史就係響不斷鬥爭中嚮前邁進，永遠沒有終結嘅一刻，除非人類滅絕。

去返歷史，1927年2月5號，西南地區亦都風起雲湧，昆明鎮守使龍雲（1884-1962）、蒙自鎮守使胡若愚（1894-1949）聯絡各鎮守使，派兵包圍昆明，發動倒唐繼堯（1883-1927）軍事政變。

唐繼堯呢條大軍閥，自1913年二次革命後，響雲南插枝旗仔翻雲覆雨，玩咗十幾年，出出入入，都係時候收皮。佢最大失策嘅地方，就係1925年欲討伐國民黨，但半途遭到桂系李宗仁擊敗，勢力大減，終於到咗末日，2月6號，唐繼堯部下龍雲及胡若愚等聯名發表通電，要求唐繼堯下臺，同時派出代表同唐繼堯見面，提出同國民政府聯合等12項條件。唐繼堯仲邊度有得揀？3月5號，雲南省政府被改組為省政務委員會，唐繼堯任名譽總裁，實權由龍雲掌握，唐繼堯算係有個體面嘅下臺階（好過直接take去後巷打靶）。

同年5月23號，唐繼堯響禁錮期間，病逝於昆明，終年45歲，dying young。有人話係龍雲殺死佢（90%），唐繼堯死後，龍雲獨霸雲南，成為新一代大軍閥，真真正正一代新人葬舊人。

1927年2月8號，滯留喺南昌嘅國民黨中央委員同國民政府委員召開中央政治會議，決定將國民政府及中央黨部遷往武漢，暫時結束兩個中央狀態。去年12月7號，蔣Sir提出遷都南昌嘅主張遭到否決，於是阻止從廣州途經南昌前赴武漢嘅譚延闓（1880-1930）、張靜江（1877-1950）等第二批國民黨要員前赴武漢。今年1月3號，蔣Sir喺南昌召開中央臨時政治會議，作出國民政府及中央黨部暫駐南昌嘅決定，公開製造分裂，同武漢黨中央相對抗。

針對蔣Sir軍事獨裁嘅政治野心，武漢臨時聯席會議一方面重申政府遷都武漢嘅主將，遂派鄧演達（1895-1931）、何香凝（廖仲愷夫人1878-1972）、顧孟餘（1888-1972）等前赴南昌同蔣Sir疏通，希望唔啱傾到啱；另一方面，掀起提高黨權、反對軍事獨裁運動，舉行中央高級幹部會議，決議實行民主、反對獨裁、提高黨權、扶助農工運動，同時成立中央行動委員會，提出六條提高黨權運動綱領，1月21號，國民黨中央黨部正式喺武漢辦公，3月3號蔣Sir跪低，被迫同意比滯留（禁錮）南昌嘅中央委員及政府要員前赴武漢。

2月7號，京綏線綏遠百塔站發生火車相撞意外，死百幾人，傷數百人，喺中國歷史上一場嚴重嘅火車事故。

2月10號顧維鈞組織接收天津租界委員會，回收租界運動，不分南北進一步昇溫。

2月13號，臨濟宗僧人釋太虛（1890-1947，俗名呂沛林，法名唯心，法字太虛）喺上海開展「新僧運動」，創立「法宛」，依一件係中國佛教界嘅大事，太虛係印順（1906-2005）導師、東初法師（1908-1977）、大勇法師（1893-1929）、慈航法師（1893-1954）入門師父，被推崇為人間佛教創始人，受到佛教後學們崇敬。

2月18號，北伐軍佔領重要城市杭州；20號，中華全國總工會從廣州遷至武昌。

2月22號，上海工人喺中共領導下發動第二次武裝起義，隨著北伐軍奪得浙江，逼近江蘇省，中國共產黨預備再一次喺上海起義，配合大行動。19號，上海總工會下達總同盟罷工令，並發佈《告上海市民書》，提出12條共同綱領，但遭到孫傳芳部下李寶章武力鎮壓，為反抗政府暴行，中共決定將罷工轉化為武裝起義，由周恩來（1898-1976）、羅亦農（1902-1928）、趙世炎（1901-1927）等組織並且實施。2月22號，工人武裝起義正式開始，上海各處，工人糾察隊同軍警展開武裝衝突，但由於勢孤力弱，好快就被孤立，逐個擊破，23號起義被迫停止，24號工人復工。

2月27號，發生湖北陽新慘案，湖北省陽新縣土豪朱仲炘集結人馬，搗毀縣農會，並將農會幹部成員九人喺城隍廟用汽油活活燒死。事發後，當局僅僅處決三名要犯，響中共及各界群眾嘅強烈要求下，3月15號國民黨中央成立「陽新慘案委員會」，撤銷縣長職務，拘捕公安局長及20多名犯人，主謀朱仲炘落網，並且槍斃處決，鬥爭何其嚴酷。

下次繼續……

#常威💀 #大軍閥平反系列 #大軍閥 #民國歷史

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常威近代史】（四百八十二回）
婦女終於可以離婚鳥

去到1927年2月，中華民國第一金融城市自由城邦上海成為兵家必爭之地，全國各地收回租界運動火熱昇溫，上海依個租界國際金融大城市，又點可以置身事外呢？由於蔣Sir國民革命軍勢如破竹，日本、美國、法國以局勢不穩為理由，向上海增兵，企圖保護租界權益，局勢瞬息萬變。

2月26號，蔣Sir指示南昌中央政治會議致電共產國際委員會，要求撤回國民政府顧問鮑羅廷，進一步同左派割蓆。

2月28號，孫傳芳同張宗昌喺南京設立聯合軍司令部，組成七省聯軍，希望盡最後努力，保住上海同南京，抵抗如狼似虎嘅北伐大軍。

同一時間，上海富商浙江寧波人虞洽卿（1867-1945）前赴南昌城會晤「架忌冷」蔣Sir，答應「以反共滅共」為條件，向蔣Sir借款6000萬（即係投名狀）。情況亦都好簡單，作為一個資本家，政權邊個話事其實冇關係亦冇所謂，只要能夠繼續做生意搵銀就得，但係資本家最驚就係左派共產黨，因為共產黨會「共」佢哋嘅「產」，會鬥地主。不過，又有乜咁奇怪呢？共產黨係為咗打破窮人無產階級嘅枷鎖而出現，當然係要鬥你資本家，如果有一日共產黨同資本家行埋一齊剝削窮人無產階級，就唔係共產黨鳥。

當然虞洽卿亦唔係以個人身份同蔣Sir傾，佢係代表咗上海資本家富商嘅立場，你佔領上海還佔領上海，但千祈唔好打爛個城市，因為大家要繼續做生意，上海絕對唔能夠變成一個聖彼德堡。

聖彼德堡本來係俄羅斯第一號大城市，係東西歐世界接軌嘅商業樞紐，自從1917年發生「十月革命」之後，聖彼德堡死傷慘重，仲易名為「彼得格勒」，20年代初期，列寧決定遷都，將權力重心搬回莫斯科，於是彼得格勒喺糧食短缺內戰不斷嘅情況下，人口由原來嘅250萬大幅下跌到74萬，係一段相當可怕嘅歷史。

又當然，聖彼德堡嘅詛咒仍然未停止，後來聖彼德堡改名為「列寧格勒」，二次世界大戰中一場歷史上最血腥最可歌可泣嘅戰役，長達900日嘅列寧格勒圍城戰（又稱列寧格勒保衛戰），就響依度發生，單單依場戰役，聖彼德堡就超過有140萬軍民死亡。

自由城邦上海比聖彼德堡幸運，係蔣Sir接受咗虞洽卿嘅「和平解放」方案，反正蔣Sir一早已經決定同共產主義割蓆，蔣Sir同上海嘅資本家可說一拍即合。

進入1927年3月，局面進一步白熱化，首先張作霖之子張學良抵達前線，召開軍事會議，研究制定渡過黃河，進攻鄭州嘅作戰方案，支援孫傳芳同張宗昌嘅「七省聯軍」（雜牌軍）對抗北伐軍隊同馮玉祥部隊！3月7號，進攻令下達，張學良奉軍兵分東、西、中三路渡河。

【常公子歷史頻道346回：替大軍閥平反系列之 五四運動（一）】

⛎最近幾日發生咗好多大事，包括香港大規模搜捕泛民反對派人仕，理由係佢哋參予去年7月中舉行嘅所謂「35+1」民間公投，香港警方以國安法顛覆國家政權罪名狗捕多人，指控嘅罪名一啲都唔輕，繼DQ事件泛民議員喺立法會總辭之後，再一次向反動派全力開火，誓要將香港所有反對勢力連根拔起，做事唔好拖拖拉拉，亦可以講非常決斷，知後果係點？或者會產生乜嘢漣漪效應？實在會冇人知道。

♐香港嘅反對派兵敗如山倒，其實係同疫情有直接關係，冇新型冠狀病毒嘅疫情籠罩全球，好相信事情並唔會發展到今日咁嘅局面。新型冠狀病毒疫情除咗摧毁咗全世界所有人嘅正常生活流程，更加摧毀咗香港嘅泛民反對力量，當然亦都斷送咗特朗普四年總統任期，冇呢個疫情，Donald Trump其實100%連任，由Covid-19引發嘅漣漪效應影響會有幾大幾廣？又實在會冇人知道，拭目以待。

♈啱啱發生嘅消息，美國華盛頓特朗普支持者攻入國會大樓，而且有死傷，畫面似曾相識，歷史一直在循環，相同嘅情況不斷重覆發生，爭拗永遠會出現，矛盾亦都永遠會出現，世事就是如此，妄想天下太平，人與人之間、國與國之間能夠和睦相處，其實冇可能。1945年二次世界大戰結束之後嘅半個世紀經濟飛騰黃金時代，其實係歷史上嘅異數，亦都係因為二戰將世界打得太爛嘅後果。尋日睇見一篇報導，有鬼佬歷史學家話2020年系歷史上最衰嘅一年，我恐怕未必，因為仲有2021……

♑【常威近代史】第六部《最九衰的大軍閥時代Round 1》電子書上架（條download link在下面），請大家課金支持我一直走落去，直至劉少奇骨灰到達北京王光美手上…

✅https://youtu.be/R60mK0HZxGE

【常威近代史】（四百八十三回）
君臨天下

1927年3月8號，有女性裸體遊行爭取女權，隨著蔣Sir北伐大軍節節勝利，打走一衆無惡不作李瀚祥許冠文式大軍閥，解放區內人民真係更加自由？社會真係更加民主？理論上應該係，如果唔係，革命嚟做乜？就係因為原本嘅嘢太衰，所以要革佢老母條命！但係歷史話畀我哋知，通常一場革命之後，局面只會更加惡劣，更加腥風血雨，要再過多幾十年，先有太平盛世嘅日子，但係總有一、兩代人會被革命消耗，法國大革命如是、十月革命如是，中國革命亦都唔例外，現代早十幾年「阿拉伯之春」大革命，亂到宜家丫。

近代史上，最成功嘅革命，應該係日本嘅「明治維新」，明治維新徹底將日本嘅社會政經面貌改變，令日本由一個古老封建嘅落後國家變成一個現代化嘅先進國家，但明治維新有一個特點，就係最高存在supreme being萬世一系天皇制度始終無動搖過，天皇到今時今日仍然存在，整個國家民族始終有一個重心冇人夠膽挑戰，當然整個世界上亦祇有日本人可以做得到，其他民族冇得學。揸架三菱牌零式戰鬥機撞向美軍艦橋，你估講笑？你笑鳩佢，人哋二十一世紀宮崎駿仲有套「風起了」歌頌依段歷史呀傻仔，你有咩？

講到歷史感，日本人認第二冇人敢認第一。

1927年3月9號，響中原大戰大佔上風嘅國民政府立刻頒佈《暫行反革命治罪法》，規定凡反對國民黨、反對國民政府（即蔣Sir）、同反對三民主義嘅言行，一律被定為反革命罪，最高刑罰應該可以直接拉去後巷打靶——真正嘅真相係，趕走咗原來嘅大軍閥，接手嘅係另一個更血腥更獨裁嘅大軍閥。大概當人民知道真相嘅時候，已經太遲。當初支持革命嘅係普羅人民，後嚟承受後果嘅亦都係普羅人民，老實講都幾公平。

中原大戰，北伐軍先敗民國關公吳佩孚，再敗笑面虎孫傳芳，其實仲有段古仔可以講吓，話說早喺北伐軍出師湖南長沙時，孫傳芳嘅軍事顧問，號稱「民國軍膽」嘅蔣百里（1882-1938）就向佢提出三大對策：上策為奇兵突出，自江西出兵西進，腰斬北伐軍，斷其歸路；中策為等待北伐軍圍攻武漢時，率大軍溯江西而上，可解武漢之圍，更可將勢力深入長江中游；下策係將主力佈防江西南昌、以逸待勞，守株待兔。

而孫傳芳就採取咗最保守嘅下策，唔積極對付北伐軍，一心諗住保留實力，更加唔出兵幫助吳佩孚部隊，北伐軍喺對付吳佩孚嘅時候，暫時承認孫傳芳嘅「五省聯軍總司令」地位，兩者係盟友，等到吳佩孚戰敗，失去武漢三鎮控制權，北伐軍立刻從江西同福建兩面展開攻擊，孫傳芳先知道大禍臨頭。

研究民國軍事史嘅學者美籍華人齊錫生指出：「北洋軍閥逃避不開國民黨分化和征服的策略，國民黨分化直系軍隊的戰略獲得成功，因為孫傳芳認為無論是國民黨可能被吳佩孚打敗，還是吳佩孚被打敗，國民黨會滿足於得到的領土而願意談判。」

直系內部其實並無嚴格嘅組織體系，即係各有各做，吳佩孚同孫傳芳雖然有盟友合作關係，但係從來無任何規矩同原則、制約或者統合指揮軍隊協同作戰，故此被列寧式嚴謹組織化、意識形態鮮明嘅北伐軍逐個擊破。笑面虎孫傳方亦都錯誤評估咗北伐軍嘅軍事實力同埋統一中國嘅意志，佢甚至認為，可以同國民黨劃地而治，和平競爭，但係非常sorry嘅係，蔣Sir從來冇諗過同你談判，一早嘅目標已經係打到你一棟都冇，將你驅逐出大上海先算。

再深入探討，其實反對北伐軍嘅仲有軍事力量強大、控制北京政府嘅奉系張作霖，假如由一開始，張作霖吳佩孚孫傳芳三股勢力能夠認認真真協同作戰，唔係純粹吹水搞個反共廢柴同盟，蔣Sir邊有咁容易勢如破竹，奪取南方中原？打仗嘅嘢，「分化」真係好重要；與其從外部硬橋硬馬進攻敵人，不如首先分化敵人，等佢哋內部分裂自爆好過。這一招永遠啱用，唔識用分化策略，唔好學人玩打仗，唔好學人玩政治，乖乖喺屋企宅宅唔好違反限聚令吧。

3月15號，北伐東路總指揮白崇禧（1893-1966）下令進攻淞滬，大軍直逼上海。3月20號，武漢國民政府正式成立，國民黨坐鎮中原，3月22號，上海特別市臨時市政府組成，白崇禧、楊杏佛（1893-1933）等19人為委員。

3月24號，北伐軍程潛（1882-1968）部隊攻剋南京，長江以南地區全被北伐軍所佔領，孫傳芳部隊暫時退守江北。同日，歷史悠久、由李鴻章時代已經存在嘅大企業「江南製造局」被國民黨政府接辦，成為官營企業。我們來到，是要共你的產，和你分享一切，就是這個意思，這個才是最重要的。

3月26號，馮玉祥喺西安發動總動員令，分三路向河南出兵，直指吳佩孚老巢洛陽城。同日，武漢國民黨中央指令馮玉祥等組織西安政治分會，處理西北政治事務。蔣Sir同馮玉祥兩條戰線，無人可敵。

同樣係3月26號，北伐軍最高指揮官蔣Sir乘坐軍艦抵達上海市，千辛萬苦，蔣Sir終於回歸大上海，開展一個可歌可泣嘅大時代。

不過喺蔣Sir到達上海君臨天下之前，其實仲有好多事發生，我哋下次先講……

#常威💀 #大軍閥平反系列 #大軍閥 #民國歷史

https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

❤請加入常公子的近代史世界！

#ChineseHistory #HongKong #China #History