大清亡國關慈禧蛋牛治 2

胡漢文依一次回歸，據佢自己解釋，係「放棄一切幫助一個中國的凱末爾」，凱末爾係乜水？即土耳其國父，Mustafa Kemal Atatürk（1881－1938），用作比喻蔣Sir，因為胡漢文認為，武人（軍人）衹能夠得天下，並不能治天下，因此希望蔣介石能夠像土耳其國父凱末爾一樣，革命勝利建立共和國之後，功成身退，將管治大權交給伊斯默（即議會行共和）——即係中國嘅胡漢民。

當然呢個只不過係胡漢民一廂情願嘅on9想法，蔣Sir不但冇功成身退，而且仲會玩多50年，而胡漢民自己飛入個鳥籠，自此之後亦喪失一切影響力。l am so sorry，佢對自己自視太高，其實都幾卵可憐。時移世易，你場戲一早已經落幕鳥……

9月4號，全國預算委員會開會，規定全國軍隊不得超過60個師嘅規模，以一個師大約30000人計算，全國軍隊數目應該控制係150-180萬左右，不過去到1928年，軍人嘅數目我諗並唔重要，軍備先係最重要，人中國大把喇，但買軍備嘅錢就削小小咁喇。

18區歌唱冠軍張學友正式易幟前，仲有場仗要打，9月14號，奉軍同直魯聯軍發生戰爭，話說奉軍退回東北不久，張學良即表示服從南京國民政府，直魯聯軍首領「狗肉將軍」張宗昌（1881-1932，張生並非喜歡食狗肉，只係鍾意玩牌九）表面上亦向南京方面靠攏，但佢暗中指使手下作亂，企圖東山再起，於是國民政府下令通緝張宗昌，並命令驍勇善戰嘅白崇禧率領東征軍討伐。

奉軍首領張學良為避免與南京政府方面發生衝突，主動勸直魯聯軍歸降，唔好再玩嘢。但張宗昌唔理學友，反而公開通電與張學良兵戎相見，張學良隨即下令向直魯聯軍發動攻擊，並增派兵力出關作戰，調大將楊宇霆（1886-1929）赴愉關督師，同時與國民政府東征軍協調，分區作戰，終於響國、奉兩軍猛烈圍攻下，9月25號直魯聯軍全軍覆沒，一部分畀奉軍消滅，收編，大部份被東征軍繳械，至此直魯聯軍徹底滅亡。

#常威💀 #蔣介石平反系列 #黃金十年 #民國歷史

🔥【常威近代史】第八部《最九衰的大軍閥時代》Round 3電子書上架，請大家多多支持！

https://play.google.com/store/books/details?id=fY8mEAAAQBAJ

【常威近代史】（五百二十七回）
登！登！登！登！黃金十年，正式啟動！

張宗昌直魯聯軍相繼覆亡，蔣Sir邁向霸業的巔峰，毛澤東他並未放在眼內，亦冇需要放入眼內處理住。改朝換代嘅中華民國終於擺脱軍閥時代嘅混亂狀態，如果你係咁樣相信嘅話，亦都無可厚非。不過，距離真正嘅太平盛世，人民安居樂業，仲有一段好漫長嘅日子，開花結果之日，其實係70年後，21世紀光臨前夕，中華民族，仲有幾代人要受苦受難。

1928年9月，苦難尚未停止，舉幾個例子，9月13號，上海受到強烈颱風吹襲，又正值潮迅，黃埔江潮水暴漲，公共租界英租界等地全部水浸，杭州亦受颱風影響，唔少舊房屋喺風雨中倒塌；9月20號，第二集團軍響南京軍械局領取土炸藥2200箱，運至漢西門碼頭時，發生猛烈爆炸，當場炸死13人，重傷30多人，南京城內外100多間房屋被炸毀；9月25號，湖北漢口一個賭場發生火災，火災蔓延燒毀民居2000多間，死傷慘重，7000人無家可歸。

上述例子大家可以睇到，其實全部都係管理嘅問題，中國人講，所謂「大治」，並非指謂純粹嘅「大一統」，而係可以妥善管治社會，建立生產秩序，首先保障大部份人民嘅生命財產，繼而投入生產安居樂業，休養生息。管治國家，大概基本上就係咁嘅一回事，未經歷過戰亂同大混亂嘅人（當然包括作者自己），係唔懂得珍惜平靜平凡嘅可貴處；人生亦都係一樣，講真，100個人，有幾多個可以飛黃騰達有無比精彩嘅人生呢？3%～5%都嫌多，大部分人（當然包括作者自己），整個生命都係非常平凡，甚至非常無聊。不過世界並非因為3%～5%嘅少數人而存在，當然依3%～5%少數人又可能掌握90%嘅話語權。只可以作出一個結論：「資本主義」係為咗3%～5%精英階層服務，而「共產主義」或「社會主義」，著眼點係其它95%嘅平凡人類。又當然，假嘅共產主義同假嘅社會主義並不計算在內喇。

9月，陳望道（1891-1977）主辦嘅「大江書鋪」喺上海開業，成為左翼文藝運動嘅重要基地， 陳望道係《共產黨宣言》第一個中文全譯本翻譯者，為馬克思主義響中國傳播和實踐作出咗不可磨滅嘅貢獻。之後幾年，響全中國最資本主義嘅自由城邦上海，反而成為咗宣傳共產主義馬克思主義嘅最前線哨站，真係你中有我，我中有你。資本主義裡有共產主義，共產主義中又有資本主義，互相雜交，同現今嘅香港一樣。

1928年10月，係一個非常重要嘅日子，國民黨中常委會召開會議，通過並公佈《中國國民黨訓政綱領》，中華民國（孫民所定義下的）正式進入「訓政」預備時代。依照黨史，1928年6月，國民黨完成第二次北伐，統一全國後，旋即宣佈由「軍政」時期進入「訓政」時期。黨內及政府亦需要配合大改組，當時正在巴黎嘅胡漢民、孫科等人，聯名致電蔣Sir，提議改組國民政府為「五院制」，實現「五權分治」，所謂五權分治，亦係孫文生前《建國大綱》所留下嚟嘅政治藍圖，係三民主義論述嘅重要政治操作內容。有得比蔣Sir揀，佢當然想繼續搞軍政府，「軍政」時代keep on working，Btw，強人始終有其掣肘，唔係想做乜就做乜。

叉開一筆，好多人都覺得獨裁者皇帝之流，係想做乜就可以做乜，其實真實情況並非係咁，作為一間公司嘅CEO，你有冇諗過其實最好嘅情況應該係點？就係乜嘢都唔鳩理，全部下面搞掂曬，公司年年有錢賺，自己印印腳出董事袍金得間炒股票炒幣就最perfect，right？乜都要理，會好X煩惱，搵食啫？點解要咁忙呢？你用上述嘅諗法，代入領導者皇帝獨裁者等人身上，你就會明白好多事情。

9月3號，胡漢民返抵上海，立刻開始與蔣Sir展開合作，經過一連串嘅討論同修訂，10月3號，通常會通過《訓政綱要》，基本內容如下：

一，訓政時期由中國國民黨全國代表大會領導國民，行使政權，大會閉幕時，則將政權付託中國國民黨中央執行委員會。

二，依照孫中山嘅《建國大綱》所定嘅選舉、罷免、創制、復決四種政治權利，訓練國民逐漸推行。

三，將治權分為行政、立法、司法、考試、監察五項（五權分立），付託國民政府總攬執行。

四，由中國國民黨中央執行委員會政治會議指、導監督國民政府重大國務嘅施行。（一句到尾，權力盡歸執政黨國民黨，黨國合一）

10月8號，南京政府公佈《國民政府組織法》，定於當日由國民黨中常會任命蔣介石、譚延闓、胡漢民等16名國民政府委員，以蔣sir為國民政府主席兼海陸空軍總司令（權力之大，無出其右），譚延闓（1880-1930）、胡漢民（1879-1936）、王寵惠（1881-1958）、蔡元培（1868-1940）、戴季陶（1891-1949）分別擔任行政院、立法院、司法院、監察院及考試院院長。10月10號，配合雙十節，蔣Sir及所有要員，響南京國民黨中央黨部大禮堂舉行宣誓就職儀式。

登！登！登！登！黃金十年，正式啟動！

#常威💀 #蔣介石平反系列 #黃金十年 #民國歷史

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

1⃣【常威近代史】第一部《大清亡國關慈禧蛋牛治》（免費下載）
https://play.google.com/store/books/details?id=C3hjDwAAQBAJ

2⃣【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

3⃣【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

4⃣【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

5⃣【常威近代史】第五部《霹靂大忠臣對決無敵大買辦》Round two
http://shorturl.at/dW145

6⃣【常威近代史】第六部《最九衰的大軍閥時代》Round 1
https://play.google.com/store/books/details?id=bCMNEAAAQBAJ

7⃣【常威近代史】第七部《最九衰的大軍閥時代》Round 2
https://play.google.com/store/books/details?id=lPgaEAAAQBAJ

8⃣【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

❤請大家批量下載，支持公子繼續以廣東口語寫作中國近代史，大功所就，大名所居，君子於此，有讓道焉。

【常公子歷史頻道377回：替大軍閥平反系列之 學術化所有事情】

♉將凡事凡物庸俗化世俗化和簡單，很多時候會製造大災難，難道你認為核電廠反應堆的處理程序可以簡單化和庸俗化嗎？難道你認為一個醫生做手術的時候，可以粗心大意嗎？當然且要看躺在手術床上的是不是你自己或是不是你的親屬。近十多年，社會上一股將事物庸俗化世俗化和簡單化的風氣，例如很容易將人去分類，用一兩個標籤代表某一類人；又例如，大家都嫌棄理性討論，繼而與漫罵取代，總之不乎合自己立場，就先屌為快，大家夾硬來，傻頭傻頭嚮前衝，結果變成了大頭佛，頭都大埋。

♑我曾經以為，互聯網的高速發展，能夠令每一個人都聰明起來，因為資訊可以無限制地分享，接收知識或資訊更快更方便亦更多更廣，但過去二十年世界的發展趨勢，明顯呈現相反的跡象，人嘅智力，不但冇因為互聯網普及而提高，反而有每況愈下跡象。足証「質」比「量」更重要，靜靜地看完一本書，比看十本書嘅簡介同書評來得有養分，情況都係一樣。互聯網嘅普及，加上智能電話入侵人生，所有嘅知識變得庸俗化快餐化，全部係過眼雲煙鏡花水月，如果我冇估計錯誤，20-30年後，世界上亦無需要有大學嘅存在，一盤大生意會宣佈玩完。

♑當然一群所謂作家同知識份子亦都有責任，將一切嘅嘢學術化簡單複雜化象牙塔化，無非亦係想保障自己嘅階級利益，有陣時睇見一啲充斥住一大堆專有詞辭嘅文章，尤其是係哲學文學社會科學及人文科學文章，左一句中文右一句英文，深澀難明，外人睇唔明理所當然，我諗好多行內人都睇唔明，別人唔知你寫乜，佢自己亦唔知自己寫乜，由於最後都冇人明白，篇文就被供奉上神檯，深不可測。大家鬥Fake，毫無裨益。太庸俗化當然唔理想，太學術化亦都拒人千里之外，凡事需要取得平衡，當然能否取得平衡就係最大嘅藝術。香港過去就喺個平衡點度跌咗落嚟，到現在成為咗一個大頭佛，都唔知行去邊好？

✅https://youtu.be/wtiOVX2JcVs

💙最新上線，請課金支持

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

【常威近代史】（五百二十八回）
昭和棋聖吳清源

南京國民政府改組，實現孫文遺志，五權分立，蔣Sir嘅霸業拉開序幕，迎上黃金十年，10月1號，段祺瑞離開天津前赴大連隱居，作為北洋軍閥嘅主要代表人物，得以平安終老同時亦表達北洋時代正式收皮，1936年死，留下平生「不抽、不喝、不嫖、不賭、不貪、不佔」美名，時人稱其為「六不總理」或「清水總理」，佢係好人定壞人或著New blance？留低畀讀者自己判斷。

10月4號，中共湘贛邊界第二次代表大會喺茅坪召開，毛澤東第一次提出「工農武裝割據」思想，對抗南京蔣Sir政府，由城市轉入農村嘅遊擊戰偉大戰略，正式啟動，之後國共彼此一鬥，就鬥足20年，腥風血雨，死人無數。勝利者屬誰？大家當然心中有數。

10月6號，日本炮兵喺濟南舉行實彈演習，耀武揚威，好快就有嘢畀你蔣Sir睇，同日，國民政府宣佈，社會教育經費佔教育總經費10到20％，乜嘢叫做社會教育經費？即係宣傳費，宣傳三民主義，宣傳國民政府嘅合法性，當然要抹黑對手同時宣傳孫文嘅唯一繼承人就係蔣Sir，並唔係汪精衛。之前講過，國民政府比北洋政府優勝嘅地方，係佢哋懂得宣傳，懂得搞操控意識形態皮毛，懂得搞口號，更懂得如何誘使後生仔上前綫掘地雷，並唔係同你講笑，係千真萬確。

除咗宣傳費被撥出，國民政府亦都大力整頓公務員系統，命令政務官不得兼薪，事務官不得兼職，即係唔可以一腳踏幾船，同時出幾份糧，同時為幾個金主做事，打得份政府工，就要對政府忠心耿耿，其實又冇錯嘅，畀你做老細，你都唔想請個員工返嚟倒自己米出賣自己咩？又不過，人工唔夠，打多幾份工養家或者搵其他方法揾水，又係正常嗰喎？所謂「搵食係大曬嘅」，所以有一樣嘢，叫「高薪養廉」，想公務員唔貪污，就要用高薪厚職，令佢哋奉公守法安份守己。當然亦有個大問題，低薪固然唔可以養廉，難道高薪又可以養廉嗎？錢係冇人會嫌多嘅——不過貪婪呢個係人性嘅問題，屬於哲學類，並非屬於政治範疇。

10月13號，係一個中國考古學重要嘅日子，南京國民政府中央研究院歷史語言研究所開始正式挖掘河南安陽小屯殷墟。該項考古工作由8月開始已經籌備，本月7號，工作人員董作賓、張錫晉、郭斌均、李春昱、鄭芝庭、王湘等抵達安陽，挖掘工作隨即展開。

殷墟係中國商代後期都城嘅遺址，範圍約24平方公里，洹河20多個村莊均有商代居民點、墓地及鑄銅製骨工作坊遺址分佈。此次考古工程共挖掘出700多個窖穴，穴中有刻辭甲骨三萬餘片。王宮區東邊有王室貴族墓葬，有著名嘅「婦好墓」。洹河以北嘅王陵區有13座大墓，最大一座面積達到1800平方米，陪葬品包括有玉、石、骨、牙、白陶及銅器等。附近還設有陪葬小墓和人殉坑，有多達160人殉葬，殷墟嘅考古發掘工作，對研究商代後期奴隸制社會提供咗第一手材料，亦係中國考古學界嘅重要里程碑。

10月13號，廣東饒平海盜騎劫行駛於倫敦、香港、上海、廈門之間、載重約2000噸嘅漢陽號英國貨輪。貨輪行駛至上海時，饒平縣虎頭山楊狄等悍匪假扮乘客登上貨輪，首先洗劫乘客財物，然後騎劫貨輪到南澳島青澳灣栖肚海面，事先接到通知嘅海盜集團「三合公司」匪首吳品三預備貨船接貨，連搬三日三夜，只係搬走漢陽號一半財物，海盜並且強迫當地鄉民幫手搬貨，到第四日先將漢陽輪放行，係集團式經營，事實上當時嘅中華民國，海盜問題亦都相當嚴重，響一個無法無天嘅混亂國家裡面，其實上述所講嘅係日常生活之一。

今個月，亦係14歲少年圍棋高手吳清源（1914-2014）前赴日本學藝嘅大日子，吳清源八歲起開始學習圍棋，很快就聞名全國，後拜名手顧水如為師，棋藝大進。1926年，日本棋手岩本熏、井上孝平嚟到中國同吳清源對局後，驚為天人，向外宣稱「發現了一個令人驚奇的天才少年」，日本圍棋界人士遂熱情邀請吳清源赴日本留學。吳清源初到日本，被定為三段棋手，其後不斷提昇棋藝，佢仲創造咗「新佈局法」，震驚日本棋壇。之後吳清源入籍成為日本人，但因中日戰爭爆發，1949年吳清源恢復中華民國國籍，1979年，吳清源因為家人生活工作關係重入日本籍，最後以100歲高齡死於日本，被日本棋壇稱呼為——「昭和棋聖」。

晚年吳清源潛心於「21世紀圍棋」研究，吳清源對21世紀圍棋嘅構想中，十分崇尚調和、和諧。他認為圍棋是一種藝術，又是一種生命哲學。中國《易經》講究陰陽調和，圍棋也不能脫離這個套路，對弈最終目的，是從中領略圓滿調和嘅「道」，追求棋藝和人生嘅共同完美。重視全局、全盤，係吳清源「21世紀圍棋」嘅主導思想。吳清源認為，上個世紀圍棋係一種「部分」圍棋，棋手們過於重視局部得失。「21世紀圍棋」將係一種「全部的圍棋」，係朝著整體、全面方向發展，而不在局部糾纏。

諾貝爾文學獎得主川端康成（1899-1972）執筆「吳清源棋談」時曾訪問吳清源。吳說：「我認為，圍棋是一種和諧的狀態。它的重點不在於競技或爭勝負，而是調和。由一枚一枚講究均衡的棋子最後所構成的一盤棋，便是建立在和諧的基礎上。」，「其實圍棋之道就像中國的陰陽五行，做得不好就會相剋， 做得好就相生相容，『21世紀圍棋』就是要相生相容。」

順帶一提，川端康成係第一個獲得諾貝爾文學獎嘅日本人（第二個係大江健三郎，1935-），佢喺領獎嘅時候發表「日本之美與我」一文，為日本大和民族美學奠基，仲有，昭和棋聖係吳清源，昭和歌姬喺中森名菜（1965-）。

#常威💀 #蔣介石平反系列 #黃金十年 #民國歷史

【常威近代史】（五百二十九回）
中央銀行成立 印銀紙

1928年10月20日，湖南省舉行縣長考試，應試者達到1287人，一切開始有規有矩，亂局暫時平定，國民政府立志重新建設中華民國，其實係一件好事。同日國民政府外交部照會各國公使，聲明準備撤銷領事裁判權，呢個決定亦都好明顯，就係想長遠徹底解決「國中之國」嘅中國租界問題，撤銷各國租界，一直都係孫文同蔣Sir嘅希望，亦係中華民國由「分裂」邁向「統一」嘅重要一環。

10月23號，熱河境內東三盟王公決定與張學良合作，張學良聘貢桑諾爾布為高等顧問，10月25號，廣西柳州河北城遭受特大火災，燒燬房屋店鋪3000多間，死亡200多人，受傷300餘人。10月26號，國民政府公佈《中國銀行條例》，中國銀行（或叫中央銀行）總行設於上海，依一間並唔係而家嘅「中銀」（3988，Bank of China）呀。

10月27號，國民政府與奉系張學良代表就移防、交通、易幟、熱河、外交國問題作出協議；28號，中國回教公會喺南京成立；29號，九世班禪喺成都設立辦事處；31號，國民政府軍事委員會正式結束，停止辦公，革命正式成功，軍統時代暫時結束。

10月底，上海公佈全市人口為1,503,921，北京市人口為1,267,500人，兩個城市人口都超過100萬，屬於亞洲超級城市。當時亞洲最大嘅城市應該係日本嘅東京，1928年東京人口數字已經超過500萬，今日係1400萬。至於香港人口，1930年有統計數字，大約85萬人，當時嚟講，都算係一個中型城市，香港人口嘅暴增期，要去到1949年中華人民共和國建立，大量難民逃港之後。

文學界別，1928年10月底，朱自清（1898-1948）嘅散文集《背影》出版，依篇《背影》，學生哥讀到今時今日，你都未話影響唔深遠。《背影》寫於1925年10月，係一篇回憶性抒情散文。 文章寫嘅係1917年冬，因祖母去世，作者從北京至徐州，同父親一道回鄉奔喪，喪事辦完後，父親去南京謀事，作者返回北京上學，父子響浦口車站送別嘅情景。 

朱自清畢業於國立北京大學(北京大學)，曾任國立清華大學(清華大學)中國文學系教授、系主任，係象牙塔內嘅高端人物，佢係五四時代中國散文大家，作品以感情真摯、詞藻美麗，膾炙人口，但係亦有人評價佢嘅作品「既空洞而又濫情」，當時好多文人都係左派，朱自清應該唔係，1938年，抗日時期，朱自清隨大隊去到雲南昆明，任國立北京大學、國立清華大學、私立南開大學合併的國立西南聯合大學中國文學系主任，當選為中華全國文藝界抗敵協會理事。在抗日戰爭中，不顧生活清貧，以認真嚴謹態度從事教學同文學研究，曾與另一文學巨人葉聖陶（1894-1988）合著《國文教學》等書。1946年，主編新生報《語言與文學》副刊，1948年7月18日，佢響《抗議美國扶日政策並拒絕領取美援麵粉宣言》上簽字。8月12日因嚴重的十二指腸潰瘍死於北平醫院，終年49歲。朱自清被譽為有骨氣嘅愛國文化人，毛澤東稱讚佢「表現了我們民族的英雄氣概」。

1928年11月1號，中央銀行喺上海正式成立，早響1924年8月，孫文已經喺廣州設立中央銀行，後來結束營業。去年底，南京國民政府開始籌辦作為國家銀行角色嘅中央銀行，希望重新統合及調節中華民國一直混亂不堪嘅貨幣政策。1928年10月25號，中央政府頒佈《中央銀行條例》，規定中央銀行享有發行兌換券（即係印銀紙），經營國庫盤數，發行內外公債，以及鑄幣等特權。

有人問點解要打仗？其實我常公子可以答你，打仗就係為咗到最後擁有上述嘅「特權」，有乜嘢權力大得過可以印銀紙同發債呢？睇過《紙房子》Money Heist第一、二季都會記得，主角Professor曾經問「點解我哋自己印銀紙自己花就犯法？政府印銀紙比資本家花就唔犯法？」，其實呢個問題可以退一萬步去講，點解會犯法呢？犯法與唔犯法並唔係由你決定，亦唔係由上帝去決定，而係由政權去決定，係一個政治問題。

11月1號上晝九點，中央銀行響上海舉行開幕典禮，國民政府主席蔣Sir親臨授印，大家要清楚大佬係邊個囉？中國銀行首任總裁係宋子文（T. V. Soong，1894-1971），係蔣Sir老婆個大佬，閉門一家親，真正體驗「宋家皇朝蔣天下」格局，中央銀行初期資本為2000萬銀元，但係因為一間行玩曬，去到1934年已經迅速擴展到一億元。

上晝搞中央銀行開幕儀式，下晝蔣Sir出席響上海市舉辦、由國民政府工商部同上海特別市政府聯合主辦嘅「國貨展覽會」開幕典禮，親自舉行陞旗儀式，蔣Sir發表演講：「今日是全中國四萬萬同胞最光榮的日子」，一片歌舞昇平，如果日本人之後唔放手侵略中國，歷史可能走向一個更好嘅未來。

11月1號，全國禁煙會議亦都喺南京召開，蔣Sir亦一心要打擊禍延百年嘅毒禍，要中國人唔做東亞病夫。11月5號係非常重要嘅一日，因為美國國務卿洛格（Frank Billings Kellogg，1856-1937）發表聲明，正式承認蔣Sir南京政府，洛格亦奪得1929年諾貝爾和平獎，不過唔關中國事，而係佢同其他政治家發起《非戰公約》獲獎。

1928年11月6號，中國紅四軍前敵委員會成立，毛澤東任書記。

#常威💀 #蔣介石平反系列 #黃金十年 #民國歷史

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常公子歷史頻道378回：替大軍閥平反系列之 民國大分裂】

♉我坐咗好耐，都沒有辦法寫出一個字來，大概這種狀態叫做「文筆枯竭」，最近我經常遇到依種問題，我諗，大概同大環境大氣候有關。相信亦唔係我一個人嘅問題，亦係好多揸筆搵食嘅人所面對嘅問題。

♊最近反思「作家」或「文字工作者」到底係一種乜嘢嘅職業呢？工時太長收入太低，係理所當然吧？但係喺某啲定義上，有人覺得「寫作是一項光榮但大膽奔放的行為，作家是藝術家」、「作家通常承擔了為社會帶來良知判准的工作」（羅蘭巴特Roland Barthes，《神話學》），前者我非常認同，文字工作的確是藝術嘅一種，一本偉大嘅文學作品，同時都係一件偉大藝術品，可以象徵一個時代嘅精神；但係後者，作家係一種「社會判準良知工作」，我卻非常有保留，我認為作家可以寫出自己嘅感覺同見解，佢反映時代氛圍，但係我唔認為作家能夠有資格判准「人性」及「良知」。如果要作一個比喻，相信冇人會將一個中學生送入一間核電廠中去處理核反應堆嘅問題，原因是中學生冇相關嘅知識。同樣道理，作家又憑乜嘢去判準其他人嘅「良知」呢？景愿往往係美好，能否做到又係另一回事。將任務set得太高太離地，有時候適得其反，呢幾年喺香港社交媒體上，我經常發現呢種情況。

♑尤其是，「良知」嘅定義喺度一直改變中，跟車太貼好多時候都出事（我都試過了），最近我終於明白村上春樹講乜嘢？記得二十年前睇過一本小說，有人問主角（村上春樹）究竟小說家是什麼東西？村上春樹嘅答覆係：「小說家就係響深夜時份，會去雪櫃攞出啤酒飲嘅人。」就此而已，沒有其他太多嘅定義。的而且確，喺瞬息萬變嘅大時代，千萬唔好同自己定義太多，亦千萬唔好覺得藝術家有任何特權存在。

✅https://youtu.be/P5mp9K2QrU0

💙最新上線，請課金支持

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

【常威近代史】（五百三十回）
開始印銀紙 大功告成

蔣Sir順利開始印銀紙，一切可謂大功告成。其實我哋如何定義一個政變（或者叫改朝換代）是否成功？可以喺「印銀紙」依個動作上下定義，政權印得銀紙，即係話有人民相信已經改朝換代，相信政權嘅合法性同合理性，從而對政權嘅印刷品（冇價值）產生「信用」（ Credit）， 信用其實好緊要，今時今日如果有人俾一大曡津巴布韋幣你兌換港幣，我諗你會立刻問候佢老母，係咪先？30年前，人仔（或叫毛澤東）都冇乜信用可言，今時今日當然不可同日而語，十年河東，十年河西。

當然要補充一點，當南京國民政府印銀紙嘅時候，分散喺全國各地嘅「蘇區」（解放區，我叫蘇维埃政權），例如江西井岡山同我常公子鄉下海豐，共產黨亦開始印銀紙，甚至並唔係油印而係手抄本，不過蘇區嘅貨幣，可以喺蘇區內通行使用，而家冇可能兌換任何外幣，一隻貨幣要產生信用、甚至係國際性信用，全球流通兌換，可能需要嘅時間會超過半個世紀。20世紀20年代，地球上最有信用嘅貨幣，仍然係大英帝國嘅英鎊，美元、日元追緊上嚟，至於德國馬克就喺第一次世界大戰之後宣佈大收皮大眨值，亦都多謝馬克嘅大貶值，結果創造出納粹黨同希特拉。

如果你利用以下思路——「政權=貨幣」——其實一啲都冇錯，政治經濟本來互為一體，國家越強大，貨幣信用亦越強，任何一個國家必須做大做強，就係咁解，當然另一樣同貨幣掛鉤嘅因素，就係軍力。所以擴大軍力，並唔係單單保家衛國咁簡單，最重要嘅目的，係保持政權貨幣嘅穩定性同強韌性，understood？要stood喇。

1928年11月7號，哈爾濱市民喺省議會集會，宣告成立黑龍江東三省路權自主會，路權即係鐵路權益，矛頭直指侵略者日本仔。11月8號，國民政府明令地方政府及軍隊不得干涉司法，嚟到呢度，大家都可以睇到國民政府所頒佈嘅所有法令，都幾新潮同合理，要同美國等外國勢力埋堆，實在冇辦法，唯有follow up，人做乜就你做乜。11月9號，哈爾濱學生舉行遊行示威，抗議日本人強索路權，警察開槍鎮壓，擊傷學生100餘人，11號再次開槍，殺死50個學生，史稱「哈爾濱慘案」，年輕人嘅生命，好多時候就係咁嘅情況下被消耗，聰明人，應該唔做爛頭卒。

張學良喺哈爾濱慘案發生後，19號將哈爾濱特別區行政長官張煥相（1882-1962）撤職，且派員慰問受傷學生。兩日前11月16號，張學良通電縮編奉軍為15萬人，大刀闊斧裁減20萬人，此舉無疑就要減低南京蔣Sir嘅警戒心，否則易幟改掛青天白日旗後，你仲手握重兵，咁就有點兒那個。當然裁減出嚟嘅20萬軍隊，如何遣散同如何安置，歷史並無詳細記載，原來拉壯丁募兵打仗唔係問題，打完勝仗天下太平後如何遣散大軍，或「杯酒釋兵權」回收兵權先係大問題，所以話大宋趙匡胤、趙匡義勁、中共毛澤東、周恩來勁，就係咁解。

🔥【常威近代史】第八部《最九衰的大軍閥時代》Round 3電子書上架，請大家多多支持！

https://play.google.com/store/books/details?id=fY8mEAAAQBAJ

【常公子歷史頻道379回：替大軍閥平反系列之 忠貞不渝】

♉有句說話叫「鬥而不破」，即係話，兩股勢力相爭，彼此鬥爭，但係唔會去到最盡，大家唔會撕破臉，保持一種平穩嘅狀態，彼此互相拉扯，儘量唔製造「傷亡」，「鬥而不破」係鬥爭嘅最高境界，大家鬥長命，「保命」比「勝利」更重要。1997年前，香港已經有兩股力量喺度進行鬥爭，簡單啲講，係「建制派」同「反對派」，亦係「中國勢力」同「外國勢力」之爭，某程度上亦都係意識形態之爭，但係過去二、三十年，雙方都係處於一個「鬥而不破」嘅穩定狀態。

♐打破這種平衡，其實係一場發生響2003年嘅沙士，沙士後嘅香港，其實係另一個世界，經過十年醞釀，到咗2014年嘅佔中，雙方嘅躁動，其實已經到達爆破臨界點，幸好，2014年彼此亦有周旋同退卻嘅空間，最後能夠平安無事。不過2014年埋下嘅炸藥，終於響2019年嘅夏天，徹底爆發。「鬥而不破」狀態宣佈結束，彼此武力相見，亦冇辦法回頭，終於撕破臉，破局發生，到2020年7月國安法立法，一錘定音，一切先塵埃落定。

♋當然2019年發生喺香港嘅事，其實背後係中國同美國之間政治角力嘅前哨戰，事後一切亦都非常清楚，旁觀者清，當局者迷，身處當時，的確無辦法知道真相。同樣道理，中國同美國亦一直處於鬥而不破嘅狀態，而且彼此鬥爭已經超過半個世紀以上，今時今日，介乎於撕破與不撕破之間，如果真的反檯，就會係一場世界大戰……

✅https://youtu.be/YedXzgPOV6o

💙最新上線，請課金支持

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

講真，談情說愛最驟忌藕斷絲連，斬纜就斬纜，分手就分手，千萬莫回頭，世間上好男仔好女仔何其多？點解仲要對舊愛念念不忘啫？如果大家係啱key嘅話，亦唔會分手，你亦唔會離開佢，所以如果要移民海外，就唔該千萬不要回頭，成日想食兩家茶禮？為自己留一條去路吃回頭草？留一手絕活打回馬槍？但，年紀有返咁上下，必需要明白，世界上並無免費午餐，成日想食盡紅利？出入平安？想隻股票或隻幣係最低位入最高位放？世事邊有咁簡單？講就天下無敵。

11月27號，行政院指示教育部籌設「國史館」，並接收北平國史館，從此以後，上一代歷史由蔣Sir嘅青天白日旗中華民國國史館開始撰寫，於是有好多仆街冚家鏟出現了現形了及被踢爆了……

11月，陳公博（1892-1946）、顧孟餘（1888-1972）、王樂平（1884-1930）等人喺上海宣告「國民黨改組同志會」成立，成班人出櫃咁出位？講笑啫，當時係「同志」（無論係Gay或共產黨）唔會咁容易俾人知道呀。

到頭來亦係派系問題，汪派（汪精衛）喺國民黨派系鬥爭中徹底落敗畀蔣派，汪派份子心有不甘，於是聚集上海，密謀擁汪反蔣。5月，陳公博提出改組國民黨嘅主張，接著公開反對蔣介石響國民黨中一人獨大，提出一整套改組綱領同方法，喺社會上，尤其是青年知識份子中極具號召力。8月，陳公博又喺上海開辦大陸大學，為改組派培訓幹部，本月嘅會議，更成立咗以粵方委員為骨幹嘅中央總部，陳公博被推選為總負責人，公開（響上海租界）反蔣，真係古靈精怪，南京政府積極撤回領事裁判權，呢個亦係原因之一。

1928年12月1號，國民政府下令取締匿名出版物，進一步控制言論工作；12月3號，南京政府開始實行「反日宣傳週」，做好意識形態工作，決心同最大敵人日本帝國周旋落去；12月4號，天津市查封張宗昌、顧維鈞等13人產業，抄敵人的家，沒收敵人的財產，做法正常過正常。同日，由廣東航空處處長張惠長（1899-1980）等三人駕駛嘅「廣州號」飛機飛抵上海，「廣州號」係一架單翼螺旋槳飛機，11月11日由廣州飛抵漢口，15號起，由漢口飛南京、北平、瀋陽、天津等大城市，成功進行中國歷史上首次長途飛機飛行。張惠長係廣東人，自然唔妥蔣Sir，幾個月後，佢就加入咗李宗仁嘅「反蔣軍」陣營，同蔣Sir開拖。

#常威💀 #蔣介石平反系列 #黃金十年 #民國歷史

【常威近代史】（五百三十二回）
正反合 好正常

「唯物辯証法」有一條好偉大嘅法則，叫「正反合」，凡事凡物有「正」一面，必然出現「反」嘅一面，正如一個硬幣有底面之分，係一個永遠冇辦法避免嘅現象，於是「正」與「反」出現鬥爭，最後透過辯證、融合及殲滅，「正」與「反」產生共識與和諧（通常係透過暴力形式表達），達至統一嘅所謂「合」嘅境界。於是亦出現一個全新嘅「正」面，同時亦會產生一個全新嘅「反」面，「正」與「反」再進入鬥爭狀態，直至下一次「合」出現，歷史就喺上述呢個「正反合」循環中不斷嚮前。人類不斷追求真理，但真理不停在變化，唔同時代有唔同嘅真理，因為生產方式同客觀環境不停轉變，人類必須符合生存所需而信奉全新嘅真理，畢竟客觀環境難以扭轉，唯有人類主觀意志能夠快速調節已作出適應。

過去兩三年發生喺香港嘅事，大致上就係咁嘅一回事，歷史亦大概係咁嘅一回事，明就明，唔明都冇辦法。有一句說話講得好好，人類企圖利用自己嘅力量去改變世界，到頭來唯一改變嘅只係自己。

1928年12月，蔣Sir如日方中，不過一股「反蔣」嘅力量，逐漸喺度形成同統合，而且好快壯茁成長，打擊蔣Sir嘅無尚威權。

1928年11月29號，張學良喺奉天省府禮堂舉行東三省易幟典禮，正式將五色旗改換為青天白日滿地紅旗，由1911年辛亥革命開始，中國第一次實現南北統一。

張作霖被日本人行刺，令到東北局勢非常緊張，繼任東三省保安司令嘅張學良面臨東北何去何從嘅抉擇，到底係投向日本？抑或投向南京國民政府？日本方面同南京政府都趁住呢個時機積極活動，日本派林權助（1860-1939）去東北，會同駐奉領事林久治郎（1882-1964），對張學友威逼利誘，軟硬兼施，希望佢實行東北獨立。南京政府亦派代表前赴東北，爭取張學良嘅合作，以和平方法解決東北問題。張學良集國恥家讎於一身，表面有得揀？其實邊有得揀？況且自己老豆死於日本人之手，投靠日本人大概祇有重蹈覆轍枉死收場，況且東北人民民意亦靠邊（雖然我覺得張學良冇必要順應民意，而民意亦唔會鍾意蔣Sir南京國民政府，但只不過憎日本人多啲啫），於是同蔣Sir傾妥條件後（主要係東北奉系軍隊自主問題），學友毅然決定同南京政府合併（合作），但考慮到日本方面嘅強烈反對同武力威脅，佢不得不將易幟嘅時間一拖再拖。

去到今日，易幟典禮正式舉行，歐美各國領事皆應邀出席觀禮，日本領事當然拒絕出席，同日張學良向全國發表通電：「於即日起宣佈遵守三民主義，服從國民政府，改易旗幟」。31號，南京政府任命張學良為東北邊防軍司令長官兼國民政府委員，張學良正式加入蔣Sir嘅大家庭，南北實現統一，其實係開天闢地同可喜可賀嘅大事件。

12月7號，國民政府決定全國所用郵票，分別印上孫文、黃興、廖仲愷等人像，呢個時代發行嘅民國郵票，如果能夠保留到今日，價值連城。12月8日，慈善機構義賑會調查華北六大受災區受災人口，計有，綏遠40萬、察哈爾120萬、豫東420萬、豫北200萬、陝北59萬、晉東40萬，各種天然災害，包括水災旱災接連發生，殃及眾生，上述嘅粗糙數字，表達咗當時中華民國90%以上貧苦農民嘅生存狀態，好多時候，喺個人化嘅歷史表述中，大部分低下階層人口嘅生活狀況並無被提及（更莫論被照顧）。唔啱聽都要講，真正改善中國大部份貧苦農民生存狀態嘅年份，一定係1949年，認真去講，應該係1979年，距離現在只係40年前。

12月13號，南京舉行反日遊行大會，示威群眾搗毀外交部部長王正廷（1882-1961）住宅；12月14號，張宗昌舊部吳杰等人劫掠天津曹錕住宅，應該獲利甚豐；同日，浙、閩、蘇、皖、贛五省裁厘會議響寧波召開，厘金（買路錢）問題一直存在，從來都冇徹底解決過；12月15號，蒙藏委員會請求外交部嚴正交涉英國將西藏劃入英國地圖，蘇聯將唐努烏梁海劃入蘇聯地圖；同日，內政部要求山東當局制止西班牙喺青島招募華工，當其時，仲有好多華人被賣豬仔去外國做奴隸。

12月15號，馮玉祥再劃甘肅之西寧行政區所轄嘅7縣、2設置局、青海蒙古各旗、藏族各部為「青海省」，任命孫連仲（1893-1990）為青海省政府主席，短短一個月之內，甘肅省畀馮玉祥一分為三，即甘肅、寧廈、青海三省。國民政府下令軍隊縮編後，馮玉祥用政治之權，先發制人，你蔣Sir既然話一個省只可以有一個軍，馮玉祥就將一個省分成三個省，保留三個軍嘅實力。蔣Sir亦吹佢唔漲，只好承認既定事實，想飲杯酒釋兵權，真係冇你想像中咁容易。

本月，湘贛邊蘇區政府頒佈由毛澤東起草制定嘅中共第一部土地法：《井岡山土地法》，主要內容包括：一，沒收一切土地歸蘇維埃政府所有；二，禁止一切土地買賣；三，除老幼疾病、沒有耕種能力及公衆勤務者外，其餘的人一律強制勞動；四，分配土地給農民耕種，分配標準是以人口平均分配；或以勞動力多寡標準分配；五，分配土地的區域，一般以鄉為單位；六，規定了山林分配法及徵收土地稅等。

#常威💀 #蔣介石平反系列 #黃金十年 #民國歷史

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常公子歷史頻道380回：替大軍閥平反系列之 本土化運動】

♉今集嘅題目係「歷史並唔會係一夜之間發生」，其實好多事情，都要經過一段長時間嘅醞釀，最後先至開花結果，或者先會爆煲。最直接嘅例子，莫過於滿清政權嘅倒臺，其實滿清王朝，早響太平天國之亂，已經宣佈玩完，效忠於王朝嘅正規軍（滿族士兵及綠營兵），一早就俾太平天國大破江南大營同江北大營兩場戰役中完全被殲滅，從此以後，清王朝根本無晒自己嘅正規軍隊，上述事件發生響1860年前後，但距離王朝解體，足足仲有半個世紀時間，當然你可以話，中間出現咗一個雄才大略嘅女人——被我稱呼為東方維多利亞女王嘅慈禧太后——憑著個人嘅魅力及政治手腕，延續咗皇朝50年壽命。

♊常言道，人生有幾多個十年？或者講，人生只係得一個「50年」左右，好多時候，歷史嘅演變，需要幾代人嘅時間醞釀，由播下種子，都開花結果，播種人往往睇唔到最後嘅花果。由於時間太長，事情亦會有好大嘅變化，往往播下嘅種子，最後亦未必裁種到原本希望睇到嘅花果，到頭來可能係另一回事，歷史往往出人意表，亦都係常態。我哋活喺歷史之中，只可以經歷有生之年所面對嘅一切，一個人死後嘅世界，其實已經同佢無關。

♉一個人，如果要為遙遠未來要發生嘅事努力同付出，其實有點強人所難，口口聲聲話為下一代設想，為未來一代建立一個更美好嘅世界存活，好多時候都只係空談同口號，畢竟冇人能夠可以預測未來，或者都只係一個藉口，用作安慰活在當下的自己，令當下嘅自己可以心安理得一點。我重申一次，人類目前面對最大嘅災難，應該係環境污染同資源耗盡嘅問題，二三十年後，世界就會出現好大嘅問題，唔使再等幾代，一切將會好快喺眼前發生。當然對於未來，我仍然抱有希望，畢竟人類嘅超凡智慧，其實係有解決重大問題嘅能力，未來始終無法預測，抱住悲觀嘅態度預測，其實都係一種預測。

✅https://youtu.be/42Yl_Dyach4

💙最新上線，請課金支持

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

【常威近代史】（五百三十三回）
政治經濟學大原則：官商勾結

1928年12月16日，《中華民國國徽國旗法》公佈，新嘅中華民國「青天白日滿地紅旗」徹底取代舊嘅中華民國「五色旗」，意味住一個全新嘅時代即將開始，自1911年辛亥革命以來，整個中國進入軍閥割據大分裂狀態，去到1928年，終於塵埃落定，張學良易幟，南北正式統一，由蔣Sir控制嘅國民黨話事，假如沒有中日戰爭發生，歷史將會係另一回事。

12月19號，荷蘭及葡萄牙同中國嘅《友好通商條約》喺南京分別簽字，荷蘭、葡萄牙政府承認中國關稅自主，第二日，12月20號，中英關稅條約簽字，中華民國逐漸實現關稅自主，對一個大國嚟講，係一個重要嘅里程碑。12月25號，行政院決議修築南京至杭州等六條國道；12月27號，國民政府特別委任閻錫山為「蒙藏委員會」委員長，任班禪額爾德尼第九世圖丹曲吉尼瑪（1883-1937）為委員。

響一切欣欣向榮嘅情況下，時間線邁進1929年，1929年1月1號，南京國民政府為編整全國軍隊，召開國民革命軍編遣會議，未解決嘅問題，始終要解決，我講過，打仗固然重要，但遣散軍隊杯酒釋兵權更加重要，否則就會沒完沒了。北伐成功之後，各集團軍總司令擁兵自重，各據地盤，其實又係玩軍閥個套，只不過係新軍閥代替咗舊軍閥。蔣Sir為咗擴充中央軍勢力，削弱各地軍閥兵權，專登策劃今次會議。會前，蔣Sir、馮玉祥、閻石山、李宗仁四大軍事巨頭召開個預備會議。

馮玉祥響蔣Sir催促下，提出四條編遣標準，按照標準，第二集團軍應編的占多數，蔣Sir對此標準不置可否，馮玉祥又覺得不好突出本集團軍，再提出第一、第二集團團軍編12個師，第三、第四集團軍編8個師，其他部隊共編8個師嘅新方案，但蔣Sir否定咗依個方案。閻石山見狀，不敢得罪蔣Sir，提出咗第一、第二集團軍編10個師、第三、四集團軍編8個師，加編中央編遣區8個師嘅方案，按照新方案，蔣Sir多掌握一個偏遣區，大為有利，而閻錫山同李宗仁兵力則沒有受損，只係委屈咗二五仔馮玉祥，但蔣Sir則同意呢個方案。

本次軍事會議決定，全國設立8個編遣區，第一、第二、第三、第四集團軍為第一、二、三、四編遣區，東北軍為第五編遣區，川、康、滇、黔各地方軍為第六區，另設中央編遣區、海軍編遣區。咁樣，蔣Sir除咗掌握第一編遣區，仲有中央編遣區同海軍編遣區，獲得最多軍團同最強兵力。可憐佢嘅結拜兄弟馮玉祥，喺今次會議中受創最深，而且佢已經睇得出蔣Sir喺度排擠異己，一氣之下，話自己有病，唔參加1月1號嘅正式會議，只係派代表出席，燒黃紙斬雞頭做兄弟又點丫？利益當前，情義排第幾？更何況，馮玉祥本人又真係唔值得信任，之前已經玩嘢，將甘肅省一分為三，有名畀你叫，民國二五仔，你估講笑咩？