【常公子歷史頻道277回:斷送共和關 黃興之死 蛋牛治】
♉我睇過一本書咁樣講:「這一切再再顯示,人體被包裹在一層神秘面紗終將更引人入勝,即使只是薄薄一層。看到女人穿著衣服,反而應該更能喚起周遭其他人對看到她裸體的慾望,顯現與隱藏不斷地交互流動……裸露是不性感的。」
♈無可否認,我哋真正驚嘅嘢,係我哋無辦法掌握嘅嘢,係我哋睇唔透嘅嘢,例如鬼魂。點解人會驚鬼?因爲我哋永遠唔知鬼係乜嘢嚟?所謂『顯現與隱藏不斷地交互流動』,因為你唔知鬼係乜嘢?結果你開始加入自己嘅主觀幻想,覺得鬼係會害人,會勾魂奪魄,甚至將你五馬分屍,死無葬身之地。人對鬼嘅恐懼,大多數嚟自自己嘅幻想,同埋個人對鬼嘅詮釋,簡單啲講,係你將自己嘅恐懼無限放大。
⛎放諸四海皆通嘅道理,人嘅主觀意愿,形成咗對世界嘅認知。世界係一個客觀存在,但係每一個人所睇見、所觀察或所認知嘅世界,其實係由每一個人自己嘅想像力所創造出嚟。因此有人感覺世界係美好嘅,亦有人感覺世界醜陋不堪充滿黑暗。所以,其實調節自己嘅心理,就可以調節世界嘅好壞美醜,其實相當正確。
⛎歷史都係一樣,我最喜愛的歷史學家劉仲敬曾經講過,任何歷史材料,衹要你懂得過濾、稍加剪輯和演釋,便能夠推論出另一個完全相異嘅結果出嚟。例如國父孫文,佢可以係一個偉大得承擔整個國家民族嘅歷史巨人,但係亦可以係一個私生活並唔檢點、盲目追求權力嘅大軍閥。完全睇你用邊個角度去睇佢?瞎子摸象,係撰寫歷史一個適合嘅狀態描述,當然瞎子天生是盲的,而人往往係刻意綁起自己雙眼(或被其他人綁起雙眼)。
♈但係真國父黃興,似乎無論由任何角度,都冇辦法扭轉佢成為黑臉人物,佢留低嘅歷史痕跡,接近無懈可擊,如果你要攻擊佢或抹黑佢,相信要尋找好深入嘅材料先有可能。當然你可以稱呼佢嘅謙讓係懦弱;或者覺得黃興唔夠孫文果斷;又當然,喺滿清王朝嘅統治者心目中、或者袁世凱眼中,黃興亦祇不過係一個區區亂黨逆賊。
♍命運畀黃興最大嘅恩賜,係佢死得早,死嘅時候只係得42歲,人死留名,豹死留皮,蓋棺定論,黃興註定成為中國革命中不朽革命英雄。人世間,多少英雄人物晚節不保,都係因為唔捨得權力同慾望,唔懂得急流勇退,如果黃興可以多活二、三十年,佢亦未必能夠逃過呢種歷史詛咒。
🔯對一個歷史人物嘅評價,亦純粹係個人主觀意願,摻雜咗個人嘅幻想、期望同意見;相信我對真國父黃興亦都唔例外,如果大家對黃興嘅生平有任何補充,請你話俾我知,等我再深入啲去了解佢。
♑【常威近代史】第五部《霹靂大忠臣對決無敵大買辦》Round two電子書上架(條download link在下面),請大家課金支持我一直走落去,直至劉少奇骨灰到達北京王光美手上……
♎【#常公子近代史】語音導航!請大家幫手「#訂閱」我條常公子YoutubeChannel!同埋介紹多啲人睇睇!衝上3000訂戶!
✅
https://youtu.be/GOppPZrX0Qw