撈左按揭好耐，你問我答（4）

5. 轉按問題

轉按其實同再申請按揭無分別。都係準備文件、搵銀行、填申請表、等批etc

(i) 點樣可以快速知道自己人工最多借到幾錢?
呢個方法過埋壓測架啦：
假設無任何私人貸款， 人工110倍 就係最多可借按揭的額度。

(ii) 點計物業最高套到幾錢?
物業最新估值 * 按揭成數 - 現有按揭餘額 = 可套現現金

如可套現現金 = 零或正數，則可以做到轉按套現。

(iii) 點考慮轉唔轉按好?
轉按前要諗清楚買樓目的，如:
1）短炒既，過3年印花稅就可以賣。
2）長揸既，建議 過2年 罰息期完後就要轉一轉，賺盡銀行現金回贈
以依家為例，銀行仍有 2.1% 現金回贈，假設十年間 (i) 回贈不變， (ii) 每過2年罰息期就轉按賺回贈，亦考慮埋金管局要求：現金回贈超過 1%就要扣減貸款額。
2.1%*5 ＝ 10.5%
姐係十年間， 你咩都無做 ，淨係簽名轉按，銀行就幫你供左 10% 樓！
重未計你不斷翻按，將套出黎既錢再投資賺息差筆數！你話轉唔轉好～


(iv) 之前做高成數按揭，想轉按點搞?
1）按保費一次比既，過左罰息期轉，按保公司會按比例退番保費比你（詳情參考 #1 回覆）
2）按保費逐年比既，咁隨時走就走架啦，走左唔洗再比

如高成數轉高成數按揭，除左考慮罰息期，最主要考慮埋保費退到幾多、同新按要比幾多保費。
如考慮埋現金回贈，退同比對衝左既，值得做，因賺到銀行回贈。
但要比突既就建議一動不如一靜喇～

(v) 如之前做按保, 物業升值左, 可以轉按套現, 賺回贈嗎?
要睇情況, 舉2個例子:
1)
600萬做8成 = 借 480 萬
800萬做6成 = 借 480 萬

以上述例子轉按 只賺回贈 ，套唔到錢。

如物業升穿6球就已經做唔到按保，轉按係要貼錢。簡單例子：
2)
600萬做8成 = 借 480 萬
700萬做6成 = 借 420 萬
先忽略兩年供既息本，就咁轉按要 抬 60 萬 先轉到按

(vi) 如有好多不同債務, 可以轉按一次清哂佢?
如可以 套現的額度 足夠找哂外債, 係可以的.
操作: 以轉按形式同新銀行申請時要求將套現既錢找TU數/街數，好多客都係咁樣做轉按/加按，慳息之餘又賺埋回贈～
例子：
物業估值 800萬
現有一按供剩 350萬
現有二按供剩 100萬
現有私人貸款 30萬
總外債 480萬
市值 800萬的樓，銀行可做 6成按揭 = 800萬*60% = 480萬。
係呢個情況，就可做到 vi 的做法，以轉按慳息。但留意，有啲行會因清數做法而批高啲息口，因呢類客屬不優質客戶，約批年息 2.4% - 3.5% 不等。

自僱人士係咪唔洗指意按到樓

如果睇中層樓 $960萬 做6成按揭 4成首期即係$384萬
但聽講最高只批$500萬 咁剩如$76萬有咩方法？

另外而家有層樓 買入$355萬 當時做9成按 而家剛剛3年準備賣 估計$500萬賣出 銀行方面已供剩$300萬 咁係咪代表我以$500萬賣出後 剩袋$200萬？有無其他費用要比銀行？

請問
如果用白表買新居屋做按揭，業主係夫婦，都超過65歲，沒有工作，沒有收入，但子女可以代為供款(但子女不會和業主同住/即不是居屋家庭成員)
問題一:夫婦已過65歲，那麼可以做按揭20年嗎？
問題二:夫婦沒有收入，子女可以代父母供款嗎？
求答

好多謝博士終於上到車
解決我當時既難題
祝你長做長有
大富大貴

現契按揭

銀行批左
明天去銀行簽offer letter
樓契琴日比哂律師

最快可以幾是drawdown錢到手？

博士，在嗎？ 求賜教

博士 想問下借8成 要經hkmc
問2間銀行按揭會唔會太少？定揾多間好d?

博士

外地工作，出糧，按揭成數係咪低D？

唉，又開錯topic.. 我應該開番岩，定係度繼續

如有直屬親人在港，可以計足糧，同正常按揭成數

Hi Hi

無信心可以入埋其他按保阿～
MC 只睇頭三間，其他重有 QBE，AIG 麻

1-2星期內，視乎律師對契快慢，或套契複雜與否～

唔好客氣，為大家解決到按揭問題係小弟福氣

恭喜成功上車，買樓日日賺～

另外而家有層樓 買入$355萬 當時做9成按 而家剛剛3年準備賣 估計$500萬賣出 銀行方面已供剩$300萬 咁係咪代表我以$500萬賣出後 剩袋$200萬？有無其他費用要比銀行？

無野比銀行，但要比律師費同AA佣

如果睇中層樓 $960萬 做6成按揭 4成首期即係$384萬
但聽講最高只批$500萬 咁剩如$76萬有咩方法？

Saving Or 搵財仔做過橋貸款，上完會再借私貸找數

可以睇公司數架麻Ching，再唔係咪自己打份工，用受僱身份申請