[踩去西藏]四千公里的單車流浪日記 Live

The last photo is magnificent. I commissioned an artist to paint an oil painting of it. I wish I was there 🤩

I’ve been to Tibet before. It’s famous for its breathtaking scenery at high altitude. It’s absolutely a glamorous holiday destination. But if you think you might have altitude sickness such as dizziness, trouble sleeping and headaches, you should bring some medicine along. It was a once in a lifetime experience for me. Tibet is absolutely the best place for stargazing 🔭 as it’s much closer to the heavens than any other places on earth 🌍 It has some of the highest lakes in the world 🌎 which are rich with fish 🐡🐠🐟and other marine life🐬🐳🐋🦈🦑and the surrounding countrysides are inhabited by flocks of yellow ducks 🐥as well as wild horses 🐎and donkeys🐴 The lakes in Tibet such as Lake Paiku which is four thousand five hundred and ninety two metres above sea level, reflect the beauty of the stars ✨ and the nearby snow mountains 🏔 giving a double view of the starry sky 🌌 and the mountains ⛰ at night. You can set up camp there to get the best view of the stars and galaxies 🌌

Day 14 梵淨山

由於怕山路會花好長時間，所以今日早咗出門。經過間包店，買咗幾個饅頭同豆漿，食兩個，留兩個做乾糧，順便同老闆傾咗陣計



新晃呢個地方早上都幾熱鬧，你會見到不同嘅人，有買菜，有趕集，有返學，係街道經過嘅時侯突然有一種睇清明上河圖嘅感覺




係市區踩左一陣就入貴州，而家其本已經可以靠路面情況黎分踩緊湖南定貴州。踩到去一個好斜好窄，係一條出大路嘅小路，個地又有沙石唔係食力，連人帶車仆低，最後用盡奶力上咗去



之後都係啲盤山上坡路多，有啲踩，有啲推，落坡嘅路大部分唔算陡，但有啲U型彎，隨時飛出去




下午食咗碗凍米線，又幾好食



落坑嘅車，我見司機搞咗好耐都上唔返黎


誤入街市


不得不提呢段路，好壯觀，三面環山嘅大峽谷 ，一路盤山落坡，仲有連環U彎，暫時係我踩咗呢十幾日遇到最靚嘅地方，真係好難忘



但爛路總會在左近，不過好短距離



上埋呢個坡，之後就係瘋狂落，直至入市區





好肚餓，頂住肚先



雖然到咗市區，但離梵淨山景區仲有啲距離



天都黑埋，仲努力踩緊去青旅



幾好，老闆同小蔡原來都係騎友，分別踩咗川藏同滇藏。老闆話出面冇野食，煮咗個麵過我






我同小蔡打算聽朝上梵淨山，但景區限入場人數，加上香港人要現場人工購票，唔知入唔入到

買唔到嘅就買後日，聽日去其他景點

我好期待西藏嘅景色，雪山，星海，日出日落，想信會令我畢生難忘

小弟架車應該同你一樣，我會迫自己前餅只用大餅或中餅，諗住一直reserve 細餅留返真係好斜或者好爛嘅路先用。但成條318都鋪得好靚，結果成個trip 都冇用過細餅就算巴塘去芒康中間50k 全爛路上斜都照過到




318嘅靚景真係踩幾多k 爬幾多山都值

巴打有冇興趣都開post分享下？
你係踩埋去尼泊爾定飛機入？

留名

踩車呢一個月確實好多故事可以分享，但小弟文筆麻麻，又驚po po 下爛尾，所以都係不了😂

我過左拉薩後都係一直踩車，中間踩過大本營，再踩到尼泊爾

爬到上山，咩到睇唔到

如果由香港出發既話,正常係唔需要推車都踩到
試下唔好推

加油師兄 繼續向前行

樓主加油！！！豬持！

留名

14年係四川踩去西藏

我都想踩，環完台灣，好想再去，可惜踩咁耐一定要裸辭，唯有研究踩成都去西藏睇下有無可能

支持

有啊 都係跟318行就得

但你預都要成28日咁上下 如果要留低玩就個半月比較好

Day 15 遊梵淨山

今日天氣幾好，陽光普照，我同小蔡滿懷希望咁打算登山睇靚景




順利買到票入場，之後就坐接駁車去纜車站




上山嘅方法有兩種一種係坐纜車直接上去另一種呢就係 行一個叫萬步雲梯嘅登山徑上去， 我哋選擇咗後者。 喺登山徑入口嗰度我哋遇到個帶住單反孭住腳架嘅小哥， 於是我哋就一齊行上山




係一路行上去嘅途中，我哋遇到好多波人， 有啲早過我哋出發有啲過我哋，但有一個共通點，每個行上山嘅人都覺得中伏，因為真係都幾耗體力，而且冇景睇，就係一條深山路。相機小哥亦都開始跟唔到我哋，於是我地兩個繼續上

行到全身濕唒，而且越上越大霧，我地已經冇咩期望睇到靚景。最終我地用咗3個鐘上去纜車終點站，算快





再上就可以睇到蘑菇石，金頂嗰啲景，但新金頂因為上星期有遊客影相出咗意外封左。 你仲可以畀錢找人抬你上去



啲景係咪好靚？我以為自己去假景點




留影一張


呢個位我覺得好有修仙嘅意境


就是人生一樣，好多嘢付出咗，唔一定會有收穫， 但唔試就會後悔。今日黎咗，既然睇唔到，亦唔強求了。你話有冇失落，點會冇

你問我會唔會再黎？我十年內唔會再來

青旅老闆send比我地，一個前日入住嘅客人上山影嘅， 畀大家睇下個對比





跟我地係食啲咗野



食完嘢我哋就決定咗落山，小蔡話行落去，我就自己搭纜車



返到去再食碗杯麵頂肚


過咗一段時間，小蔡終於返到，仲話行落山嘅時候見到啱啱上時遇到嘅人，仲未上到

睇你有啲嘢都係整定， 話說阿相機小哥佢上到去見到咁大霧， 佢就搵咗地方瞓陣覺， 為咗睇下等唔等到霧散。 最後佢守得雲開見「日」明


可能係我哋唔夠誠意

15蚊搭食，有半個月冇食過住家飯


食完飯，我同小蔡問老闆借咗架電瓶車去附近嘅寨沙侗寨走轉




我地見有侗族歌會，50蚊門票，就入咗去睇





中段有個環節，我地兩個比人邀請上台參加互動，係每人干一壼糯米酒，睇下邊個快， 最後係我快啲， 佢話我會有獎勵畀我， 點知係飲多一碗，幾過癮



當然唔少得呢個篝火會嘅環節喇， 其實我真係覺得一大班人圍住個火跳舞真係幾開心， 我同小蔡都玩得好盡興


最後同個最靚嘅侗族姑娘合影


本身今日由於睇唔梵淨山靚景，心情有啲忐忑， 但一日未完你永遠都唔知睇下一個驚喜係幾時出現。我同小蔡都認為今晚值了， 所有嘅鬱悶都解開

其實覺得小蔡係一個幾好嘅伴，可惜聽日就分道揚鑣， 佢繼續係貴州遊走各大景區，我就出發去下一站山城-重慶

我見到你話你千里走單騎有啲孤獨，同令自己更加了解自己，好有共鳴

去印江路上，遇上印江自行車協會嘅車友們，而家一齊食飯

Day 16 印江

尋晚我，小蔡，老闆係大廳傾咗好耐計，咩都傾下，分享下大家嘅經歷。鐘意住青旅唔係冇原因，你會係度聽到唔同人係旅途上嘅點滴同趣事，唔似得住酒店咁死板

今朝起身，小蔡出發去鎮遠，我食咗碗粉就出發。景區周邊嘅路果然唔同啲，路靚好踩，上坡緩，落坡爽





但踩到上到差唔多高度，又開始起霧，能見度好低，但感覺幾特別




一直霧裡行車直到入咗一條冇燈嘅隧道， 開頭係漆黑一片，但慢慢就會見到有一點光， 嗰種 我有種前面就係時光隧道或者真理之門嘅感覺 印象好深刻



可惜嘅係我出咗隧道，都仲喺現實世界， 但說到呢一邊已經冇咩霧


正當我覺得今日都踩得幾順利嘅時候，導航帶咗我去一條封咗嘅路， 前面係大石加坑，旁邊係河， 後來我問咗個喺側邊釣魚嘅村民， 佢話要上返去一段路，落坡前嘅一條分叉路， 行碎石嗰邊先可以到印江


嗰時我心裏面只有一個念頭，仆你個街高德地圖

咁我花咗唔少時間就上返去啦， 但係呢條路都唔好得去邊， 基本上成條路都係碎石堆， 你踩嘅話係會嵌入去同失平衡，唯有推



果然我同貴州相遇係一個唔適合嘅時間， 爛路一直都在






原來封咗條路，係起水庫


貴州路有缺點，大部分路收緊就不在話下， 另一樣嘢呢就係呢個補給點都幾少， 我沿途停咗兩次食後備乾糧， 直到差唔多到印江先見到小賣部


臨入鎮前，遇上了印江自行車協會嘅騎友， 佢哋啱啱比賽完， 叫我到咗，去協會嗰度坐下




會址兼會長間鋪， 坐低咗飲茶傾計




跟住去咗其中一個協會成員嘅餐廳食慶功宴。 佢哋就係有參賽嘅 前進同埋 連杰， 我因為佢哋兩個成功痴咗一餐好豐富嘅晚餐




呢個陣嘅單車氛圍真係好好， 協會成員好多，佢哋食完晚飯就會去會長間舖度坐下傾計飲茶， 會長仲幫我調咗一調架車


跟住就送咗我哋去其將個會員開嘅賓館度住宿， 由於 前進 同 連杰 聽日都會去第二度， 所以都決定住埋賓館， 我地係以優惠價入住


去咗佢地房坐


話說我就將啲補給品寄咗去畀我一個成都嘅朋友， 佢收到就發返訊息畀我， 仲話幫我將補給嘅車衣同埋袖套洗一洗，同搵個背囊入起佢， 嗰刻我真係warm， 不得不讚佢嘅貼心


另外嘅係有個唔係幾好嘅消息， 前幾日我喺天柱遇上嘅阿帥， 佢琴日扭傷咗隻腳 ，今日腫得好犀利， 佢越踩越痛， 最後去咗醫院睇去咗睇，。佢同我講，如果呢兩日都好唔返，可能行程就要結束， 因為佢冇咁多時間去等隻腳好返， 我聽完都覺得有啲唏噓同遺憾

巴打你令我諗起幾年前嘅自己都喺深圳踩去西藏
不過我係行雲南嗰邊，而家川藏啲路應該好靚，又通晒隧道不過如果係我我會照踩舊路上山頂
推

巴打你經雲南係點樣行法？

推
我都覺嗰枝東方樹葉茶幾高質
巴打加油