[踩去西藏]四千公里的單車流浪日記 Live

Day 50 休養第一日

今朝起身個膝頭冇咁腫， 但都係屈曲唔到， 不過我都知一時三刻都冇咁快好。 跟住同阿曦一齊喊美團外賣早餐， 呢間幾足料。 話說阿曦係可以陪床， 即係瞓我隔離床位20蚊一晚



食完早餐就落咗去辦住院手續同埋交錢，唉，真心貴。 跟手打埋畀保險，開個醫療檔案。窗外面嘅風景都唔錯




交完錢就上返房磨時間， 期間姑娘入嚟幫我吊咗兩樽野，一樽消炎，一樽消腫。之後睇書呀睇電影，直到中午食飯。 而佢呢邊嘅伙食係同平時食嘅冇分別， 都係啲炒菜



食完晏晝吊完針， 我見悶悶哋， 同護士拎咗張假條，阿曦就推咗我出去行街。 我哋去咗附近嘅香港路， 行咗一陣， 食咗個KFC做下午茶。 我可以同大家講快餐店喺呢邊真係貴架野， 一個葡撻都要$9.5人仔， 大家去想像其他漢堡呀炸雞呀個價格比例






食完嘢行街就返醫院，繼續kill time，等食晚飯



由於今晚個飯係涼拌青瓜同埋梅菜扣肉， 由於 我唔食肥肉，所以我淨係食咗啲青瓜。 當然咁係唔夠飽，所以點咗個外賣。 冇錯，炸雞薯條


阿靖好似情況有啲怪，我吔都唔知佢踩唔踩落去， 雖然到咗波密，但我哋都覺得佢心情唔太好，佢爸爸尋日打比我問我情況點，有冇好轉，又叫我同阿曦鼓勵下佢

由於真係冇乜特別嘢做，我睇多陣書就瞓覺

其實我真係好多謝阿曦一直陪住我

阿曦都真係唔話得，巴打hood

陣間話幫我抽膝頭啲瘀血出嚟， 我覺得會好撚痛

雖然好衰，但可唔可以拍gif
btw 樓主加油

冇拍片， 就係直接落插入膝頭度跟住抽啲血出嚟

嘩睇到都痛

停左兩星期無睇，諗住留多d一次過睇唔洗追咁辛苦一睇就見到你瀨左野，向好方面諗嘅就係都算係差唔多到尾聲先瀨野，算係咁加油啊，慢慢抖，林芝石鍋雞好出名，搵間有名氣嘅食下嘆下

早日康復繼續踩

追到LIVE, 加油巴打, 安全要緊

終於追到live, 樓主個post好精彩, 睇到好多人情味, 但最重要係人安全, 樓主加油

阿靖老豆又會有你電話既？

阿靖比嘅

Day 51 休養日第二日

多謝你咁多位巴打絲打嘅關心同埋支持， 我隻腳應該就唔係太嚴重嘅，我諗只係要啲時間休養下， 希望可以盡快康復，繼續行程啦

休養嘅日子真係好頹廢， 起身等抽完血先食得早餐。 行動不便，都係要嗌外賣㗎


食完早餐， 護士就幫我吊針， 都係嗰兩款消炎同埋消腫。 之後醫生就話幫我抽啲瘀血出嚟， 拮入去嗰下唔痛呀，抽出嚟嗰下先痛



搞掂曬之後醫生就開咗啲內服藥畀我， 之後我有攤喺床度睇書， 直到食飯。 今日嘅醫院午餐有啲頹，所以我哋點咗漢堡炸雞薯條



食緊飯嘅時候保險嗰邊嘅醫療團隊打畀我， 我了解咗個情況，如果我想嘅，可以幫我申請醫療運送，坐飛機返香港繼續治療。 呢個offer的確係幾吸引嘅，但我一路踩過嚟，如果連拉薩都未踏入就返香港， 我真係唔甘心。 所以我就同佢講喎我會繼續keep住呢邊治療， 到時返香港再報銷

食完玩咗陣手機就恰著咗， 係我瞓緊嘅時候阿曦去咗寄單車返屋企， 佢話佢唔想踩了。 當我瞓醒嘅時候已經到了六點鐘嘅晚飯時間， 晚餐喺海帶湯仲有啲肉呀有啲瓜咁， 味道唔錯但我冇影到相

食完飯我都唔係幾夠喉我嗌咗啲生果同埋啲甜品
， 見到我個甜品幾得意叫做骯髒狗， 但貨不對版嘅，咁白雪雪







唔知點解冇嘢做，就特別好胃口， 不停係咁食食食

不過我同自己講食嘢係為咗有更多嘅能量去修復 受傷嘅地方

聽晚就去食石鍋雞

阿曦都唔踩

樓主要加油同小心!

醫生冇話仲有幾耐先出院咩

冇，要睇情況

三人行變到得番一個

巴打依家入大陸醫院仲係咪要比左錢先有得醫?

阿曦唔踩真係好可惜，你地向八一其實同拉薩只有好短好短距離，個時我踩到去八一都有個路上識到既炒左車入左八一軍醫院，不過佢冇你咁好彩，我地幾日後去到佢都仲係昏迷緊

阿曦咩事唔踩?
佢咩地方人,睇落都好有目標同開朗
阿靖又去撚左邊?

BTW,樓主買左邊間保險,咁撚好人?全FREE?
如果佢OFFEER醫療運送,係林芝點飛返香港?
先飛成都再轉?
第一程點有醫療設備

#189

希望巴打快啲好翻可以繼續踩
估唔到三人行變一人，不過點解禁突然個個都唔想踩？明明都好近咯喎
巴打如果身體OK唔好爛尾啊，加油💪🏽

樓豬不如up下靖既情況之前話鼓勵下佢，結果呢？

Update 下

唔知呢， 我頭一晚未畀錢佢都有幫我吊針