[踩去西藏]四千公里的單車流浪日記 Live

全身酸痛，手機玩到冇野好玩， 恰又恰唔長

我 硬 軟 硬卧 軟卧 高包都坐過
硬/軟座最多4-5粒鐘
之後至少要硬卧

好高質，你嘅post俾咗好多能量我,thx

Day 65 回日客則

由於尋晚好凍，我冇出到去睇星 。今朝8點半集合，我朝早7點半出去睇下有冇機會睇個全貌。黄天不負有心人，霧散開咗，但並冇預期咁震撼，可能係大遙遠了，好唔真實，只有到此一遊嘅感覺


返帳篷嘅時候，遇到住另一個帳篷嘅團友，我問佢有冇睇到星，佢話得幾粒。之後仲同我講，本身帳篷裡面有火爐會燒柴，等入面暖啲，但個仆街司機王師傅，九成九因為我啲冇人買醫療用氧氣瓶同租睡袋嗰啲而冇肉食， 冇錢落袋，而叫我吔兩個帳篷嘅藏民唔好燒柴。屌，唔怪得咁撚凍。

但佢地帳篷有個藏民好人，照燒柴比佢地。但今朝司機入佢地帳篷發現咗，就黑晒面，話個藏民做咩咁多事

坐返環保車落山， 再上返車，就開始返程日客則。又要再經過個髮夾彎，真係轉到暈



團餐


食完飯，再坐咗二個鐘到，到咗個休息站，買咗啲野食。當我食完野係到睇啲工藝品既時候，有個隔離車行程一樣嘅女仔聊我傾計，話係羊湖嗰日已經覺得我髮型幾特別，好好睇，開頭仲以為我係藏民



講到似藏民，我而家唔出聲，其本有人人都以為我係

之後佢加咗我微信，老實講，比女抄牌我心裡面暗爽咗一下。鑫鑫比我嘅感覺爽朗，讀醫嘅，趁畢業未實習之前同媽媽出黎玩


坐成日車，下午5點先返到日客則嘅酒店，坐底啲野再去參觀扎什倫布寺。王師傅話今晚晚餐叫我地自己搞掂，聽日午餐食好啲，將今晚嘅價併落午餐。我地梗係唔肯，又想食地夾棍

扎什倫布寺幾值得去，門票平，地方大，裡面有個好大好宏偉嘅彌勒佛像同五世達賴嘅金身佛塔 ， 同埋入佛寺最好就聽導賞，咁會有趣好多









食晚餐嘅時候已經有部份團友頂唔緊王師傅嘅態度，決定聽日自己坐火車返拉薩，而我地繼續坐車嘅決定返拉薩投訴佢


為何夜深總是餓

我想軟硬卧分別有幾大

幫到你就好

硬一廂6床，無遮掩，傾計首選
臥 通常貴3-4成，但一廂4床 闊同高，環境好好多，有得關門，二者都男女共廂
高包唔係架架有，旅遊專列先有，即係敦煌號 昆明麗江專列果類，

硬卧性價比好似最高

我地今朝同司機嘈，而家全體團友都話退團，買晒火車票準備坐火車返去

呢次集團退團事件應該人生第一次，唔知應咪最後一次

退團對佢有咩影響. 錢都比哂wo

詳細原因？

平措報架？
司機發爛𥻗先？
返去屌9平措啦

我地係透過唔同地方報，最後拼埋一架車。我地成團人已經頭也不回咁上咗火車，唔坐王師傅架車

行程得返一日？
點解唔坐埋佢車返去？
無話賠償咩？

想睇鑫鑫樣

今日係回程，冇景點，只有自願性購物點
坐車返要6個鐘，火車兩個半鐘
同佢嘈完邊敢坐佢車
補償我地火車票錢

正常，但唔係靚女

唔小心live咗

一口氣追到live

我之前睇 丹尼爾巴 已經想去 西藏 尼泊爾

不過最後 去左 歐洲同南美

呢張相應該係尼泊爾的EBC黎架喎師兄 唔係中國嗰個

Day 66 又再回拉薩

今朝有賓館早餐吃，款式幾多


食完早餐就準備回程，但我地當中有6個團友話頂唔司機，決定唔跟車坐火車返拉薩。但司機話要比200蚊退團費佢，因為下午我地有個自願購物點，唔去買就要補償佢，睬佢都有味， 佢哋直接打返去旅行社講。 之後個司機態度都係非常惡劣，連我哋淨低嗰啲人都忍唔住開波鬧佢， 跟住我哋各自都打返去旅行社投訴佢同埋話要退團


嗰一刻我得個司機你幾好嘢， 佢嘅個人拉仇恨能力可以令到我哋十幾個人咁團結一致退團


之後我哋都唔同佢多講，我哋頭也不回咁就走咗出去，坐車過火車站。日客則火車站幾靚，離開咗-藏C L0012， 我哋成團人心情都非常愉快， 仲喺車站大合照





同房嘅叔叔


一齊坐車頭嘅濤哥，佢真人有啲似陳奕迅


影完相就檢票入閘， 由於氧氣罐唔畀帶上火車， 我哋只好即場吸咗佢


呢個站真係比我想像中多人好多



咁啱昭君隔離有個位冇人坐就叫我坐， 好興幸，到開車個位都係冇人認領， 如果唔係就要企兩個半鐘


之後同昭君便傾計邊食嘢好快就到拉薩。 我哋各自坐車返各自嘅旅館，咁啱我旅店同佢地其中一家人就差50米，一齊坐返去， 我哋約好今晚一齊食宵夜

喺我返去酒店安頓好嘅時候， 我同房嘅叔叔就將之前偷影我嘅相發畀我。 而且 仲問我夠唔夠旅費，如果唔夠嘅同佢講， 個刻我覺得自己呢個旅程遇到好人嘅機率係爆燈




由於拉薩賣唔啱袋，我去珠峰前淘咗個迪卡儂去寄青旅，49蚊連埋運費都係七十零蚊， 終於可以好好咁收拾行李



旅舍有燒烤活動，幾正






食咗小小我就直接打車去燒烤店同佢地會合，叔叔啊濤哥一家三口都有黎，咁啱原來今日係叔叔同濤哥嗰女生日，於是我地一齊興祝。大家邊食燒烤邊傾計，飲住啤洒分享大家嘅旅遊經歷，真係好難忘的一晚






最神奇嘅係佢哋傾傾下計發現佢哋當中有十個人 ， 出發去珠峰前係住埋同一個酒店，真係太有緣份

之然嗰個幫佢燒柴取暖嘅司機秋褲都黎埋一齊食， 佢同我哋講話我哋呢一團出咗名， 拉薩第一團， 因為咁耐以嚟都冇試過成團一齊退團， 通常其他客人都係忍忍氣吞聲就算，但係我哋居然咁勇佢真係佩服

大家去西藏揾司機可以搵秋褲，有情懷既司機， 你想徒步去阿里轉山佢都係陪你癲， 但最好提前預約， 報佢架車嘅人都有啲爆


我哋一路傾，傾到人哋間鋪頭閂門先走。 其實我哋都要多謝個司機咁衰， 如果唔係，我哋今日呢班人就唔會有機會咁埋聚埋一齊 ，有傾有講， 聽日就離開拉薩，真係有啲唔捨得。 但最後一晚真係好圓滿 ，我喺拉薩嘅旅程亦都冇遺憾了。 天下無不散之筵席，相信我哋有緣總會再見

其實每一次旅行最唔捨得嘅就係同旅途上認識嘅人分開嘅一刻， 阿曦，阿靖歆媛，仲有今次嘅團友

返到酒店我寫埋兩張明信片就瞓， 我爭啲寫漏咗畀佢哋，所以我就特登揀咗兩張係珠峰郵局買嘅明信片比佢地， 上面給咗珠峰大本營嘅印章， 好有紀念價值

成團人一齊退團 霸氣

Wechat點樣一打就出簡體字