[踩去西藏]四千公里的單車流浪日記 Live

波密？上次我係到困咗一星期日日聽雨中的波密

阿曦係重慶人，佢真係好開朗同灑脫， 距離拉薩得返嗰兩日路程，放棄要嘅决心係比繼續困難得多，但踩唔踩到拉薩對佢嚟講完全冇所謂， 佢都係一個隨心而行嘅人

阿靖有keep住踩， 佢離我哋大概兩日路程

我去買中銀旅遊保， 佢嘅醫療運送只係買機票畀我返香港， 由於我唔需要所以冇問佢嘅詳情

牙曦有冇講咩原因唔踩
佢讀完書冇耐？

出乎意料 唔踩嘅竟然係阿㬢

巴打加油，萬事小心！

好好養傷先繼續踩落去

好彩仲有靖陪你

阿曦同阿靖都係啱啱高考完

我問佢， 距離拉薩淨番咁短嘅距離，唔踩落去唔覺得可惜咩， 佢答我唔覺得

佢認為踩只係一種方式， 唔同嘅方式，亦交
可以係旅途上交織出唔同嘅經歷，有咩好可惜

我突然叮咗一下

其實我一路都覺得佢係一個好特別嘅人

咁咩原因導致佢突然路踩？
關你事？

巴打好番D出院可以去拉薩休養一輪, 睇埋雪頓節先走.

請保重身體, 祝早日康復.

Day 52 休養第三日

今朝起身明顯感覺到好咗啲，企起身行雖然都係拐下拐下， 但已經冇之前咁痛， 膝頭亦都可以 屈曲多番啲啲。 但我知道要踩得返車，冇返一個禮拜， 基本上都係冇可能， 醫生亦唔建議我短期內內再踩

早餐再叫返蒸氣牛肉拉麵加肉加煎蛋


例牌食完早餐就吊針，吊完就食晏


食完晏就簽咗張假條，阿曦推咗我出去寄快遞同週圍行









好耐冇見過咁似模似樣嘅餅店，唔係嗰啲好噏耷 嘅餅店。 我入門口嘅時候咁啱有幾個應該係藏族少女推門而出， 我同佢對視咗一下，但係佢之後keep住望咗我幾眼， 跟住同佢啲同伴講話我好似一個明星， 我當時心裏面真係笑咗出嚟， 阿曦喺後面都偷笑。 我當時個外表係非常似藏民， 由於好多日冇洗頭個髮質基本上同藏民係冇分別，加上無剃鬚成面面落腮鬍，我都好想知自己似邊個


行到差唔多到晚飲時間，我地就去食石鍋雞，幾好食幾養生



回程經過市集


經過再三考慮，我應該聽日就申請出院，之後同阿曦一齊坐5個鐘大巴去拉薩，之後推架車去布達拉宮前留影，算對架車有個交代，然後就寄走佢。而阿曦住係拉孜嘅孻姑到時亦會到拉薩接我地過去玩。我等到阿靖到拉薩嘅時候就會過返去同佢會合，阿希曦就一直係佢孻姑屋企直到25號坐火車前先再返拉薩

我而家嘅狀態而經唔適合再踩，再留係林芝休養太浪費時間，倒不如轉為backpack遊拉薩，係我有負於架車同大家既期望

會唔會覺得可惜，點會冇，但有時遺憾先令人難忘。而阿曦嘅話亦令我釋懷，踩只係一種方式， 唔同嘅方式，都可以係旅途上交織出唔同嘅經歷，有咩好可惜

色季拉山同米拉山就當係我點嘅一盞燈，相信念念不忘，必有迴響。希望將來係揸住黄色吉普帶住喜歡嘅人，將呢次嘅遺憾變成完滿

同佢相處落，就知佢唔踩，係唔需要原因，佢太隨心

就好似你本身lunch想食面，但去到餐廳又突然想食飯咁

美團可以送埋入病房？

巴打睇得好開，不過咁先係旅遊

巴打心態值得欣賞 隨遇而安

係呀

年青人真看透人生，有時遺憾先令人難忘，過程起跌先值得回味。

偶然見到巴打個po好奇入左嚟睇，睇睇下上左癮 ，巴打影既相同文筆真係好好睇，一口氣追曬

睇完搞到我成個人都好興奮，想踩埋一份，btw為世所逼，要焗住返工

祝巴打早日康復，期待你踩入拉薩

巴打咁做其實最好, 經歷比結果重要, 仲識到阿曦呢d騎友, 算不枉此行, 記住打埋拉薩遊記

師兄加油！好奇想問下點樣驅蚊？

咪撚quote長文得唔得

巴打不如post張自拍，等我地睇下你似邊個明星

樓主途中嘅經歷嘅人同事係最吸引我嘅地方，係咪踩到去拉薩絕對唔影響吸引力
繼續支持

用蚊香，但入藏天氣凍其本上冇蚊

我會留一排，黎拉薩撞下我，咪知我似邊個明星

你留幾多日，有冇機會拼下車