[踩去西藏]四千公里的單車流浪日記 Live

Day 83 留院日常之三

留院好似住青年旅舍一樣，一張床位，一堆陌生嘅人，大家黎自唔同嘅地方，做唔同嘅工作，但都因同一個原因而相遇係呢個地方-病

每晚訓你隔離嘅人都可能唔同，今日同房嘅，可能聽日就會出院，大家只係大家生命中嘅過客，即使再碰面都未必會認得

今日都係好平常咁過，早午晚三餐， 敷藥瞓覺玩手機。每日都會收到前一日既收費單，日日都幾百，做一大堆檢驗，又大小便，又抽血






睇三套電影
第一套係台灣嘅<等•等>，青春愛情小品
第二套係香港嘅<過春天>，講走水貨iPhone
第三套係外國嘅<127小時>，一套野外求生嘅片

睇完127小時，感受最深。一來佢係真人真事改編，二來係主人公果份堅持同毅力真係唔人人做得到。被困幾日，斷水斷糧下切手脱困，我自己如果旅行時遇到咁嘅情況，可能已經捱唔住死咗，切手承受嘅痛苦應該唔係我哋所想像到

但呢套電影令我諗起happy tree friends隻鹿
https://youtu.be/RO7Q1tMGE7g

咁諗睇戲法，令我回想起以前，我都唔知點解自己會咁鍾意睇電影。細過就睇DVD/星期六日，明珠台，後來識用電腦睇就用PPS/BT，放暑假嘅時候， 其本上每日一定要睇一套電影，除咗鬼片咩類型都睇

後來智能電話嘅出現，就開始養成咗搭車睇書嘅習慣。可以咁講，電影同書都係我自己一個人嘅時候最重要嘅朋友，佢地令我暫時忘記孤單嘅感覺

一個人睇戲，一個人睇書，一個人食飯，一個人是踩車，一個人旅行。當所有野都習慣咗一個人做，就開始覺得自己係人群中格格不入了

係因為習慣一個人而覺得孤獨，定係因為孤獨令我慢慢習慣一個人

有人話過，朋友就是自己選擇嘅家人。多謝你地嘅出現令我唔再咁孤單，係孤獨嘅時候我就會諗起大家一齊經歷過嘅野，開心嘅難忘嘅呢啲回憶。我唔知我地將來會有變成點，但我都會懷念我地年輕時嘅單純，無拘無束，瘋狂以及遺憾

無錯，就係講緊你，我知你地有追post架

每晚習慣入黎望一望

我6月先喺西藏翻尼 去左半個月 自己搭五十幾個鐘火車去 一開始啲人聽到我18歲仲要自己一個女仔好危險/唔理解點解要一個人去 但去完自己都覺得其實當中既旅程真係會令你一生難忘 好多野唔試過真係唔知 覺得我同巴打都有啲共通點 就係無乜大目標 唔知將來想點 但又不甘於平凡 希望我地喺不久既將來都會揾到自己既目標一齊加油

一齊加油

差條女？

[/quote]差條女？[/quote]

Day 84 留院日常之四

住院嘅第五日，我有啲掛住部車同路上嘅感覺。早上醫生巡房，叫我住多兩日，又幫我抽咗下滑液。今次有打麻醉，太感動

之後喊咗個蝦子撈麵同淨菜餃，日復日既留院生活又要開始


睇咗外國劇情片，香港叫<星仔打官司>，內容大致上係講佢離家出走時嘅經歷同告父母生點解生佢出黎


外國有好多國家因為戰亂，政治，貧窮呢啲因素，令好多底層嘅人過住流離失所，甚至係冇生身證唔見得光嘅生活。佢地生咗啲細路出黎，一係就唔理佢地，天生天養，更甚就係迫佢地出黎做童工，販毒，賣淫等等，出生係呢啲人命係唔值錢嘅國家係一種悲哀

我慶幸自己生活係香港，一個好多人響往嘅城市。我唔知香港之後會變成點，沉淪定浴火重生。只希望下一代可以係開開心心咁成長

香港 加油！

六點鐘開咗個直播黎睇，睇咗一陣就關咗，又係係到講廢話。香港人咁艱難，經歷咗咁多先行到呢到，就黎攀頂，可以見到曙光。而家放棄，甘心咩

其實我都幾鐘意細路，但如果冇能力比好嘅生活佢，我應該會唔生。我想佢嘅出生，係可以好好咁去感受呢個世界既美好，做自己想做嘅事，唔需要為衣食住行而煩惱，家人係佢最大嘅back up

夜晚好想食M記，由於係配送範圍外，我只能叫跑腿服務。咩係跑腿，就係你想買咩都可以叫人買完送過黎比你，比錢就得，3公里内12蚊


對面床黎咗個新人，比車撞到，但唔嚴重。夜晚全啲仔仔女女孫仔孫女，前前後後黎咗十幾人。我第日會唔會好似佢咁兒孫滿堂呢


上網無事中睇見有到外國有間叫天空之星嘅煙火公司有呢個煙花葬禮嘅服務，用骨灰整成煙花，再放上天。呢個方式我覺得幾好。人生最後一次的綻放， 相信呢份璀璨會一直留喺佢哋心中

話説過咗咁多日，得廣東嘅朋友收到名信片，其他省嘅冇聲氣，因乜解究，希望唔好寄失

其實去過就會知西藏唔係d 咩好落後同恐怖嘅地方，而西藏人俾我嘅感覺係同普遍內地人唔同，佢地嘅民族好似比普遍內地人少左條劣根。
去左一個月，中間遇過好多好人好事，試過士多漏低銀包後，店主揸左50公里車嚟俾返我而不求報酬。
所以好多時去旅行地點故知然重要，但當中嘅人和事更為精彩。

係西藏喲郵局，你會見到好多明信片俾人攞嚟貼堂，明明內容正常無問題，俾足郵費都俾人攞嚟貼堂去完先明點1解喲人話西藏寄番嚟會收唔到

另一個原因，上年去佐神山下面個鎮嘅郵局，郵局出面有郵筒，但個staff話佢地唔見佐條鎖匙都而家都未開到，所以辦工時間以外唔知頭唔知路掉佐入邸筒寄嘅都

遲左入嚟追post，想問問阿曦佢帶左咩行裝？睇相好似乜都無

佢帶嘅野同我地差唔多,只係揾咗驛站幫佢拖包

唔建議3，我就係入左政府先覺得痛苦，一大班無能既人做大量無聊既野，淨返啲時間就辦公室政治，老屎忽又多。做得幾年出面無人請，走都走唔到

咁都幾方便喎
btw, 追到live了

Day 85 留院日常之五

今朝熟睡緊發緊個好夢嘅時候，有人拍醒咗我。一睜開眼就就見到醫生，佢問我今日，如果冇咩特別就聽日可以出院。呢個消息太振奮

每日最煩惱嘅係諗早晚餐食咩，食牛肉粉係日頭，食緊垃圾食物就係夜晚。見証住踩車所踩出嘅腹肌慢慢比脂肪覆蓋，我就知自己開始墮落


返香港要認真鍛鍊返先得。不過講住先啦，我成日講完就算，三分鐘熱度。之前話練人旗同湯瑪斯迴旋，最後乜都冇練成

之前女團友昭君咪請過我食啲即食雞胸肉嘅，我淘咗啲黎做零食，圍返開3蚊包，好抵屌


下午開咗套劇情片黎睇，叫<老師好>。雖然情節都係典型套路，但拍得唔错，女主角係我鍾意嘅類型，我幾鐘意裡面嘅一段話

「人生就是一次次幸福的相聚，夾雜著一次次傷感的別離。我不是在最好的時光遇見了你們，而是遇見了你們，我才有了這段最好的時光。」


女主角



夜晚又叫咗M記，見佢有新產品草莓批，又幾好食


訓我對面床嘅阿伯，下午出咗去開手術，成10點有多先比醫生推返入黎，睇見都覺得辛苦。亦都有部心跳機放係床邊



不過生老病死都係人生必經階段，由於歷經過屋企人嘅離開，我都睇得好開。亦都可能因為咁，而令我想趁後生做多啲自己想做嘅事。怕自己突然有意外/咩病嘅時候，想做都冇機會再做

將來係點冇人知，亦都控制唔到，但現在至少可以把握

睇左幾個月，終於live到， 而家只係疼血，我都踩車撞過，再肌肉撕裂，但唔抽出黎就要大半年先清到，大陸果邊真係快手。
而家係上面醫好哂先返香港啦，而家亂

全世界同我簽咗佢：黑警係恐怖分子！之前死咗server收唔到email confirm，宜家無事喇，快啲簽再廣傳！唔好問有無用，咩都要試！

https://petitions.whitehouse.gov/petition/immediate-definition-hong-kong-police-force-terrorist-and-sanction-hong-kong-government-and-its-top-officials

Day 86 出院

朝早姑丈黎同我辦出第院，搞好啲出院手續同比埋錢就走得。埋單三千銀，係呢邊真係死得起，病唔起，如果重病真係傾家蕩產


返到去其實同住院差唔多，但環境好好多，唔洗再叫外賣。由於未完全好返，都係以休養為主。食完晏晝就訓晏教，訓醒就食晚飯

同阿靖傾咗陣計，問下佢呢排點，開學未。佢同我講歆媛做咗佢女朋友，啊，叻仔，終於脱單唔洗再做單身狗

之後開咗兩套比較小眾嘅電影黎睇
<鋼的琴>
圍繞著一班小人物，充滿黑色幽默

<從哪來，到哪去>
一個老人和個細路意外互換靈魂，之後一齊尋親嘅故事。開頭以為係笑片，但睇落發覺係一套好樸實嘅電影



從來住來，到去處去

追到live!!
祝師兄早日康復

樓豬加油

巴打準備返香港未？

一聽到踩單車上西藏，已經佩服，請受小妹一拜
先留回文，跟著慢慢睇

恭喜樓主出院，加油

Day 87 又再休養日

多謝大家嘅祝福，而家行路順咗好多，我想信唞多啲應該就會好快復完。姑姐姑丈叫我唞之餘要行下，活動下啲根骨

朝早落咗樓下食麵，今次食蝦子撈。間野味道幾好，係分量少啲。加上我大食，食完我仲要食多個雲吞麵先夠飽。話說間野係加盟店，蔡瀾係生招牌，聽老闆娘講，蔡瀾佢耐唔耐會黎食下，監控返個品質


之後下午同晚飯都係屋企食。姑姐姑丈既退休生活真係好休閒，每個月要拎到筆可觀嘅退休金，每朝都去飲早茶同晨運，下午一係係屋企睇電視電腦，再唔係就去打下麻雀，晚餐呢就唔少得開支紅酒養下生

佢地飲紅酒， 我就飲田七酒，活血化瘀，不過幾啃下


今日支持返下港產片，睇咗阿sa套<非分熟女>。人地原本片長9x分鐘，大陸呢段cut到得返66分鐘，剪到啲劇情都唔完整，睇到我似懂非懂


上次套127切手又係cut咗，要上YouTube睇。今次又係咁

本身睇完諗住訓教前寫埋個post，點知表姪女放工返黎話肚餓，叫我點外賣一齊食，我最樂於助人，於是點咗啲燒烤


呢個表女姪女我由細睇到佢大，以前放暑假多返鄉下成日恰佢，而且到佢恰返我，而家成日串我。哈哈，時間真係過得好快