[踩去西藏]四千公里的單車流浪日記 Live

Squall1985 2019-07-12 16:58:33

食住女等

暗戀你自己 2019-07-12 17:44:24

巴打真心勁

那些花兒 2019-07-12 21:39:48

哪有女

改名改到想喊 2019-07-12 23:45:14

叫早兩日個四川妹送外賣嚟

Friend就啤一啤 2019-07-12 23:53:04

留明加油

5年前小弟有幸俾班兄弟水在去318坐順風車
唔小心咁成為左細佬至今最深該嘅旅行

那些花兒 2019-07-13 00:54:03

Day 31 雅安(停整日)

由於捷安特九點先開，我地訓到8點半先起身落去揾早餐食。行咗兩個街口見到間麵檔，我就叫咗個牛肉麵，阿正就叫咗個肥腸麵，呢間嘢係幾好食，而且豆漿任飲

食完我哋就行返過去捷安特搵老闆整車，真係俾我估中咗成個雅安都冇700c嘅外呔，老闆話700c如果入咗貨可能賣成年都賣唔出，於是我隻好喺淘寶搵咗跟住叫店家用順豐空運過嚟雅安，空運就加多廿零三十蚊到，如無意外嘅聽日可以送到

我依舊係買返呢款外呔-Schwalbe Marathon Plus Tour，佢嘅防刺功能真係冇得頂嘅，基本上路上我從來冇擔心過爆呔，亦都從來冇爆過呔
，估唔到係我自己大意令到佢磨損成咁

為咗保險起見我分別搵咗兩間店家各買咗一條外呔，如果一條遲咗送到我就叫老闆幫我寄去之後嘅落腳點，兩條都一齊送到嘅話咁我就換一條另一條就帶喺路上做後備

我相信我架車一邊外呔磨到咁應該都係呢兩個位堆積咗啲沙石

阿靖都唔好得我幾多，佢架車嘅後刹壞咗要換，整唔返，佢係用油壓碟煞，都係搵唔到零件，要上淘寶買，亦都係要空運過嚟

所以我想奉勸各位時間唔多，資金唔多，又想踩川藏線嘅巴絲打，你哋買部普普通通簡簡單單嘅26吋線式碟刹山地捷安特就算，因為平民大眾化嘅嘢路上係最容易補給，乜嘢油壓碟，700c，唔係話唔用得，但真係要有個心理準備所有替換件都要等速遞送到至少要耽誤一兩日

所以我哋再喺捷安特隔離嗰間賓館住多晚，真係唔可以唔讚下呢間賓館，房又大，又可以用洗衣機，只係每人35蚊一晚

既然今日都出發唔到，我哋就喺附近搵咗個景點，打算食完晏就去行

只能說呢間店嘅口味唔係幾啱我，係食羊肉嘅，啲肉亦都相當新鮮，但係個食法我麻麻地，佢啲羊肉同埋菜都係冇落任何味，你只能靠個味碟

我哋打算去嘅景點係叫蒙頂山，我哋行行下發現你景區都相當之遠，於是打算掃部共享電動車去，但由於我冇大陸嘅身份證實名，所以只有阿靖可以掃到

於是阿靖就提議，佢踎喺前面，我坐喺後面揸架車，你是我都好順利咁兩個人坐一架車行駛咗一段距離，但行行下架車發出提示我哋已經使出咗呢個行駛範圍，於是我哋唯有落車再繼續行去

行咗冇耐見到有架景區嘅接駁車，每人五蚊雞，我哋坐上呢架車去到景區。如果你唔好坐呢架車我諗行到去已經天黑

入咗去冇耐已經見到一個好靚嘅位

之後我哋就坐咗索道上去睇上面嘅景點，唔係我特登冇影人，而係呢個景區真係冇人

我哋懸著遊覽路線，去睇唔同嘅景點，係景點到行石級都可以比青苔跣親，就知平時有幾少人黎

行行下我哋發覺唔對路好似行撚咗入山區咁，又冇訊號，所以我哋一直行行到一個有訊號嘅位打咗畀景嘅遊客中心，佢哋話嗰條路要行好遠先可以落到山，個種遠嘅程度應該係夜晚十點，個客服仲要笑，我哋心裏面都屌咗聲，景區配套真係幾差，指示牌又唔清晰距離又唔清晰，唯有原路折返

行咗一段路之後我哋返去坐纜車個位，就坐纜車落返去離開，我哋發現景區出面一個觀景台幾靚，睇日出日落係一流，可惜今日落咗成日雨

跟住我哋發現另一個難題，原來景區嘅接駁車已經收咗檔，行落去行到會收皮，於是我哋邊行邊折沿路落山嘅車，睇下有冇人肯請我哋，我哋好幸運截到第二架就上到車

原來個司機以前去啲景區都試過，過咗接駁時間要行路落山，但係沿路一直都冇車肯載佢，佢行咗好耐好耐好耐，所以佢好明白嗰種冇人幫係有幾灰。所以話你親身經歷過先會知道嗰種感受