一個陽光普照嘅清晨, 終於停雨
![](https://na.cx/i/b6C7hpD.jpg)
瞓到自然醒就同阿靖去一齊食早餐,順便係淘寶睇下啲貨到未。 果然我琴日做嘅決定係非常之明志, 我第一間買外呔嗰間而家件貨先啱啱飛去成都,後買嗰間已經到雅安
![](https://na.cx/i/Qab0Cyt.jpg)
有啲店嘅發貨效率也真的是太差了,我早上落咗單, 講咗話急要, 都仲可以下午5點幾先發貨,好彩我多買另一家做保險,人哋都是蘇州發, 仲遲過你發,人哋都係快過你, 真係要檢討下啦
食完早餐我哋就返上房執下嘢, 同埋趁有太陽,將所有要洗嘅都拎曬出嚟洗。 原來阿靖仲帶咗張布地圖,原本佢有個朋友都要一齊去,仲買咗呢張地圖,但係最後去唔成所以就畀咗阿靖, 希望阿靖可以完成佢嘅遺憾
![](https://na.cx/i/eKORKjJ.jpg)
跟住差唔多時間就出去搵嘢食, 大家去留意返係個細路女落單, 除咗落單佢會執碗, 咁細個就幫屋企手,真係叻女
![](https://na.cx/i/jGemm81.jpg)
![](https://na.cx/i/ettVrAN.jpg)
食完飯行商場發覺係死場嚟嘅, 於是阿靖話不如去網吧打機, 點知 我冇大陸身份證連網吧都唔畀我入
![](https://cdn.lihkg.com/assets/faces/normal/no.gif)
![](https://na.cx/i/DMWDpoe.jpg)
![](https://na.cx/i/zv1G6BC.jpg)
![](https://na.cx/i/iZ5ddgE.jpg)
由於喺附近有間戲院, 我就同佢講話你繼續喺度打機, 我去睇戲,睇完戲就搵你。 最後我揀咗睇呢齣叫做銀河補習班嘅電影, 佢係講父子情, 真心覺得唔錯,我睇完都有少少掛住我老豆
![](https://na.cx/i/xq1G6Eb.jpg)
![](https://na.cx/i/6pKdXLX.jpg)
睇睇下我已經收到啲信息我喺第二間店買嘅外呔到咗, 但嗰間第一間訂嘅店係咪未到, 搞到我要轉運去之後路上會經過地點, 真係好想差評佢
我就同阿靖返去搵捷安特老闆幫我哋整車, 名山捷安特店嘅老闆真係幾好人,同佢合影一張
![](https://na.cx/i/bp5Qfzh.jpg)
![](https://na.cx/i/9emG6FZ.jpg)
![](https://na.cx/i/yWWWVAd.jpg)
我哋見時間仲早就直接踩入市中心,等聽日嘅距離可以縮短缺少
![](https://na.cx/i/iKwzHfK.jpg)
![](https://na.cx/i/ydmctWb.jpg)
是日旅館加晚餐
![](https://na.cx/i/WnS7hQt.jpg)
![](https://na.cx/i/CW2OMJY.jpg)
我哋落樓下買少少嘢, 經過間藥房見到氧氣瓶17蚊一支, 就買咗兩支。 反正好輕,用得著就唔使到時畀人劏, 用唔著嘅都唔影響負重, 就係大支咗少少啫
![](https://na.cx/i/ST9Ypwv.jpg)
今晚早啲瞓聽朝早啲出發,直接踩去到瀘定