[踩去西藏]四千公里的單車流浪日記 Live

一口氣由第一日追曬所有post
好欣賞樓主咁有毅力去做自己想做嘅事
希望你可以順利完成成個旅程

[/quote]可以先嘗試沖個快既熱水涼、唔好洗頭、沖完儘快著返衫、一攝親就會病！特別是由腳板攝上去。[/quote]

咁我繼續唔沖

加油，追夢的年青人

每人60蚊包早晚餐

係，就算流好汗，一陣就乾，唔會黐立立

呢邊唔沖涼好正常

那些花兒今年幾歲？

Ok哦

25歲廢青一名

Day 38 理塘

今朝八點起身，發現你多咗幾個藏民， 佢哋已經開始整緊早餐， 佢哋問我哋食唔食糌粑， 從未食過嘅我哋，梗係要試下， 佢哋見我哋唔識撈，索性幫我哋撈埋， 而佢哋自己食係用手㗎



臨走之前我哋同佢哋影相留念




開始爬個卡子拉山，第五座山









跟住就落返去紅龍鎮， 我哋喺嗰度食個飯之後就直接踩去理塘







順利抵達理塘






跟住我哋行咗出去搵嘢食， 但發覺呢度好似幾冷清， 冇咩人，而且好多舖頭都冇開



食完飯之後阿靖去咗網吧打機， 我就返咗賓館執下嘢

聽日我哋應該會至少去到禾尼鄉， 但應該會再踩過多少少，又踩唔到巴塘。 理塘踩去巴塘有170公里左右， 如果早啲起身，一日可以踩到去， 但我哋都認為冇必要咁趕

沿路個景靚到痴線
呢啲先係人生

樓主睇落幾高

坐長途火車都係特別嘅體驗，青藏鐵路沿途有另一番風光

唔係連登仔標準身高

多謝支持

如果有d 感冒可以買d 藿香正氣水 我上個月成都坐火車上去 一落地忍唔住即刻沖左涼 即刻瀨野沾寒沾凍 落藥店個姐姐推介呢個 飲完無事

經過藥房睇下先

留名

著vans踩？
唔辛苦咩？應該好快爛

冇入理唐寺睇吓?

係vans，唔辛苦，幾好踩

拎對平時少著嘅，爛咗就掉

冇，有咩睇，我地冇做攻略，遇到咩就睇咩

食緊飯，仲有60公里滑落去巴塘

雖然到咗巴塘,但我估到個開始,估唔到個結局

Day 39 巴塘

又係自然醒。今日又停電，去吃個早餐等佢煮都要等半個鐘，早餐當晏就食




話說我地睇過下去巴塘好似係起伏路多，30公里上坡，80公里下坡，唔算難掛，今日都係踩得幾多踩多

去禾尼鄉嘅呢段路風景幾好









好快我哋已經去到呢個禾尼鄉， 但呢度真係好細而且冇乜嘢食，唯有食乾糧。 之後就開始爬坡




但爬爬下阿靖架車爆咗呔，整咗一陣



終於去到海子山山頂， 我已經開始唔記得係第幾座山。 接住就係80公里超長落坡


會經過姊妹湖




80公里落坡究竟咩概念， 落咗30公里我已經覺得隻手好攰， 喺淨番60咁嘅老婆嘅時候我哋遇到位都係諗住去巴塘嘅叔叔， 所以就喺達德一齊食咗個飯之後再滑落去


當我哋食完嘢之後個天然黑咗，我哋要摸黑落山。 呢位阿叔真係唔簡單絕對係高手， 喺佢嘅帶領下我哋跟住佢高速到自己都驚嘅速度落山， 即使係碎石堆，佢都可以照衝無誤， 我過碎石堆嘅時候爭啲炒車

我真心唔建議大家行嘢囉因為真係非常之危險同埋咩都睇唔到

後來佢停低咗等我哋，跟住我哋就同佢講，話佢太快我哋追趕唔切， 之後就開始我帶頭，阿叔居中，阿靖殿後

但係踩踩下時候，我發現後面阿叔停咗，咁我咪停， 但佢停咗好耐，跟住我發現阿靖打咗電話畀我，我miss咗， 跟住我打番畀佢有冇人聽， 我心諗唔係出事吖嘛， 於是我原路折返，行咗一公里到搵返佢， 原來佢又爆咗軚，遇到部好心人嘅車，車佢到巴塘

於是我同阿叔都搭埋呢部順風車， 嗰時我哋離巴塘仲有四十幾公里。 司機大哥話呢段路係318最多人出事嘅路之一， 每個月都死幾友， 行夜路好危險同埋起碼要十一點先到


幾經波折終於到， 本身我哋搵咗間旅館嘅， 但阿靖去到話唔啱心水， 佢話要搵過第二間， 於是我就喺馬路邊等佢，喺附近慢慢搵



好彩佢搵咗一陣都搵到


我今日終於頂唔順，要沖個涼。今日心很累， 聽朝應該都係下午先出發， 佢要去整車又要去收快遞

順帶一提， 原來呢邊嘅快遞都係要自己拎