[踩去西藏]四千公里的單車流浪日記 Live

話時話,樓豬竟然成都附近留2-3日
成個四川好好多,睇境睇文化都好豐富,由其川西
不過你得果2-3日,市內都用晒,去下個大熊貓基地,早D去,幾撚正,好多熊貓同panda BB,同埋有時間去人民公園坐下採下耳,飲下茶食下瓜子,好撚有LOCAL FEEL

性價比好高 睇落又乾淨 啲裝修又幾新
平時呢個價係外國買到hostel一個床位咋

未睇先LM，正評是我給的！
兩年前去過西藏旅遊，發現西藏實在地大脈博，幾乎全部景點都係靠司機大佬點到點車送，之後坐飛機回程時同隔離位中國後生仔傾開先知佢係單車遊，仲show左個time schedule 同好多青年旅捨俾我睇。原來佢係純粹被frd感染見幾好玩，覺得鐘意，就做！結果佢又係祼辭買單車，毫無運動底子，都依然完成到是次旅行，仲話要將部出生入死既戰車送返屋企留念，成程機聽到我津津有味，即刻有股衝動熱血好想再次親身去西藏探險，用自己雙腿去踏足呢個地方！
相約過同行好友在不久之後要到西藏黎過瘋狂單車環島，亦都好想先到台灣環島遊訓練一下，呢個願望暫時未實現，亦都唔知道會否實現，但見到樓主咁有勇氣，真係敬佩萬分！
加油，我會一直追post ，同你同你部戰車打氣，你就係單車新人王！！！

因為我以前係成都玩過一排，所以先唔留咁耐， 想留多啲時間係西藏嗰邊玩

熊貓基地識咗兩個韓妹玩咗日，咩錦里，寬窄巷子，杜甫草堂 嗰啲市區景點都去過曬， 但我覺得市區景點對比於外圍真係麻麻

青城山，峨眉山， 樂山呢啲真係幾正， 峨眉金頂簡直係冇得輸， 我嗰陣時係接近冬天嗰陣時去， 成個山啲樹掛滿曬霖， 好有個仙境feel

川西去畢鵬溝， 喺阿壩藏族羌族自治州，嗰度啲風景真係原生態，靚到不得了，而且仲識到兩個成都女仔，我今次到成都都會探佢



我去你嗰段時間在，九寨溝因為地震封咗冇去到
， 有啲想今次去返

另外稻城亞丁都想搵次機會抽時間去

巴打好勁 可唔可以記錄埋你大小腿D肌肉有乜改變？

呢樣真，最花錢都係門票

多謝巴打， 希望你都可以早日實現願望

只要唔係9月25都有機會

詳盡嘅解答

順帶一提嘅係要去四川睇樂山大佛， 要去真係而家好去，尤其係有睇風雲嘅， 因為我上兩年去， 已經要起返寺廟包返著個大佛， 重現歷史原貌

但我心諗加建咗嘅已經冇曬味道， 但大陸真係好興將歷史建築復修到新嘅一樣， 咁我去嚟仲有咩意思

到時火燒凌雲窟嘅樂山大佛已經不復在

巴打 你有無用單車褲 姐係有個假patpat咁係條褲度，我個時踩 好用過m巾 淘寶有得買！又平

一路都有著單車褲 唔知係咪著得耐已經有少少毛粒 影響咗個舒適度 所以而家係單車褲再加m巾

個人瘦咗，但大小腿好似冇咩改變

終於出現

Day 26 樂至

成日諗住早啲起身踩， 但次次都成九點先起身。 食完個自助早餐就拿拿聲出發， 唔想耽誤太多時間， 因為今日踩一百五十公里



出發咗冇耐就喺路上遇到重慶出發四人眾， 發現大家個目的地都係樂至， 所以就一齊踩。
佢哋四個都係十八廿二， 有兩個係高考完， 有兩個係大學生，年青真好。


我哋喺路上亦遇到徒步去西藏， 我哋搜咗佢個抖音，有三十幾萬粉絲


之後我就一直同四人眾踩， 我發現自己踩得認真咗， 可能平時自己一個推動力係爭咁啲



同佢哋四個速度上都幾夾得嚟， 我喺前面做呢個領航員，佢哋一直跟住我。 要保持一定嘅速度又唔可以呢佢哋太遠， 又可以鞭策到佢哋 。 我哋一直踩到去安岳先停低食啲嘢， 嗰時距離樂至仲有三十幾公里





我哋入到市區， 差唔多八點， 見到喺廣場度有好多好多大媽喺度一路跳一路圍住轉圈， 唔通呢種就係愛的魔力轉轉圈


由於佢哋嘅旅費有限我哋揀咗間比較平嘅賓館， 佢哋四個人開咗間雙人房， 我就自己一個開咗間單人


梳洗完之後我哋就一齊出去食燒烤， 飲下啤酒傾下偈。 不過好多時佢哋啲重慶話，我都唔係幾聽得明，要佢哋用返普通話同我講


原來佢哋組織西藏之行嘅時候， 本來係有30個人， 但最後成行嘅只有佢哋四個， 而且佢哋嘅家人都係有反對， 不過亦都冇咗佢哋嘅決心

同埋佢哋都話遇到我係一種緣份， 如果唔係我帶住佢哋，佢哋未必踩到黎樂至， 可能喺前一個市鎮就停。 其實我嘅諗法都係同佢哋一樣， 見唔到佢哋可能我都冇動力一直踩到樂至

佢哋仲介紹咗啲內地嘅文化畀我， 例如社會人， 簡單啲嚟講即mk仔/ 而家嘅殺馬特，忘了愛啲fd

仲有原來佢哋平時返學， 老師上堂嘅時候都係用重慶話， 如果老師係用川普上堂嘅話，佢哋會笑鳩個老師。 反觀香港， 連粵語教中文都不復在， 細路平時喺學校交流都用普通話， 咁樣仲點會有一個好嘅承傳


但食完其實我都有啲唔夠飽， 唯有返賓館食個杯麵


我哋聽日會繼續一齊踩去成都， 到成都就要分道揚鑣， 佢哋留一日就會繼續出發， 我就會留幾日，可能再次見佢哋嘅時候就已經係拉薩了

超勁。。。。加油呀

請問國內5星有咩品牌？
返大陸玩通常住5星，但係唔知國內有咩5星品牌，多數係搵國際brand，比較貴咗少少

深圳馬哥孛羅好日子酒店（九龍倉旗下五星級酒店）深圳五洲賓館（各國政要開會入住嘅招待地方，達賴喇嘛住過）北京國際飯店（六四坦克人就係從過度取嘅角度）

個gp 叫咩名，點解條link 睇唔到?

live左加油巴打，好好睇

Day 27 成都

朝早大家整理好，就一齊去咗對面街食早餐，大家件雨衣都唔同色，五色戰隊咁





之後就一路踩向成都，阿曦真係好鍾意隨衫踩


我哋踩到資陽就搵咗間餐館食個晏




之後開始往成都既路，途中我地買咗啲桃食





過埋條成簡快速，離市區淨返30公里左右，呢條隧道絕對係踩過最爽嘅，全程40碼下坡咁，有幾公里長




快樂嘅時光過得特別快。出咗隧道，我同佢地亦差唔多分別，一路上有傾有講，又夾到真係唔易，真係有啲唔捨得呢四子。不過我想信大家好快會重遇



旺仔教我擺post幫我影咗呢張相


我再沿著成龍大道，直踩入武侯區




今晚入住嘅係一間騎行青旅，你可以係到組隊，買裝備，老闆仲會開簡介會，教基本維修，路線攻略等等




我就隨緣，川藏路上從不缺人，唔係你撿人就係人撿你，有緣自然會遇上。人多唔一定好，嗰個要等下，呢個又話食啲野，你估咁易夾

有個室友係後日出發，佢地個隊伍組咗16個人，佢有句話我幾認同。而家只係一個團隊，可以一齊踩到拉薩嘅先係隊友

之後出咗去附近，行下揾野食




呢間餃子幾好食，叫咗個套餐加擔擔面





宵夜係冰粉，老闆介紹咗套電影比我睇，唔錯，講單車横越羌塘無人區，叫 七十七天




聽日報咗個樂山大佛一日團，上次坐船遊，今次要行上去大佛，六點集合。夜晚約咗成都女仔fd食飯，順便拎之前寄比佢嘅補給

踩高速公路?