自然醒望住窗外，有一種講唔出嘅寫意。但尋晚比隻蚊係咁騷擾就真係好煩躁，無教好訓，重點係以為呢邊海拔高無蚊，寄走咗支蚊怕水
係樓下食咗個漢堡就坐三輪車將行李由東措拎返過去南措，放低咗啲行李，就去八廊街間瑪吉阿米甜茶館食晏，野食可以
之後坐咗陣，我地就去咗買名信片寫，寫名信片真係好耗神。今次要寫十張，寫咗我成兩個鐘。時間差唔多，佢地準備出發，我地就此分別，並約定一定要再會
路上經過見到，覺得有緣就買咗
別了依然相信，以後有緣再會。佢地走，我真係有啲唔捨得，有種孤獨感。聽日既珠峰四天團，希望遇上夾得黎嘅團友
另外，我買咗18號拉薩開住西寧嘅火車票，由於硬臥已經冇票，只能買硬坐了，坐21個鐘
出發去睇文成公主劇場前，我去咗食pizza
大約8點左右，司機就黎接，送去劇場
個場好大下
就當我等緊開場嘅時候，阿媽發訊息叫我快啲返香港揾工，話我仲想玩到幾時 ，係咪唔洗開飯。本身隻腳一真冇咩好轉已經夠煩，而家仲要比佢催，我當堂冇晒心情。返去唔係問題，但重點係隻腳未正常行到， 我都唔想返去住，廢事比佢地知我整親
其實而家隻腳咁，我諗緊不如直接過成都休養，又可以見埋之前未見嘅朋友，加上我老死22號會過成都參展，有伴玩同痴沙化睡
不過唔知係咪路上睇得太多靚風景，而家真係有啲審美疲倦，睇到有啲麻木，提早結束可能係好事
文成公主還不錯，我欣賞個舞台布置同人海舞蹈員，整體好壯觀，但個劇情就算吧啦
拉薩夜景
睇完司機車我地返去，本身打算食宵夜。點知係青旅，木木整咗啲三文魚，美團都慳返
