[踩去西藏]四千公里的單車流浪日記 Live

今朝真心屌咗出聲，尋日第一次住啲單車驛站， 由於落雨，我將洗好嘅衫褲，掛咗你簾篷底，嗰度個位唔多，今朝收衫嗰時，唔知邊條仆街將我啲衫掛咗喺出面，濕撚晒，白洗

所以我對驛站啲人真係冇咩好感 啲素質真係低撚到呢

好人同仆街都遇到

今晚冇出post既？

#35

掛住你嘅第19個小時

樓主冇更新
電話壞了?

無事啊樓豬？

可能電話又壞左？

update

尋晚住嗰度所有電訊都收唔到訊號，今日再post

早幾日都踩左上廣州來回。
但依個時勢，正評唔落
屌你

Day 42 覺巴村上小小

起身去咗對面食包子


今日我地打算翻兩個山，第一座山係拉烏山，第二座係覺巴山。起步就爬十五公里坡，阿曦呢個痴線佬，冇見一排，入咗藏仲係穿短袖，已且仲拖咗包，上坡似平路，落坡風一樣

呢段路係連S型上坡，但亦可走捷徑。由於有上次嘅教訓，我同阿靖安分守己，沿大路踩。但阿曦就決定由底直接推上去




當上到去，佢已經係上面迎接我地


到拉烏山之後就係三十公里嘅下坡，玩開BMX嘅阿曦仲即場來咗嗰表演。不得不説，佢真係型，唔係扮



下坡加落雨，真係凍到一個點，但阿曦只係笠件雨褸同短褲就衝落去。仲要全程4x速落灣，我地唔敢放咁多，追唔切


之後係如美鎮食個飯。我幾欣賞阿靖嘅一點就佢對不滿嘅野一定會出聲，唔似我咁唔太過分都可以忍。好似今日食飯咁，我地坐低點菜嘅時候，飯店老闆態度唔太好，佢即刻起身話轉去第間食


而且阿曦仲同我哋講， 佢有時會拉啲大貨車嘅尾有啲繩，借勢等架貨車拉佢上山， 可惜我哋一直都冇機會見到呢個技能發動嘅時候

食完我地就爬覺巴山，阿曦一支箭咁踩上去
，我地過覺巴村已經爬多幾公里已經有啲體力不支，仲要飲完橙汁個肚又開始唔舒服




於是我吔叫阿曦去登巴村先，我地附近搵住，聽日早啲踩去會合佢

呢到應該係為工地嘅工人而設，唔洗登記，30蚊晚



無咩胃口，吃咗小小已經食唔落


無網又停電，所以後一日出文

呢幾日食野冇乜胃口，個肚成日唔舒服

係未漲住漲住咁

進藏路上d餐廳勁多油又無咩菜食，係會越來越無胃口。我之前係帶個travel cooker自己煮，但你踩車無可能帶咁多野，慘。如果有嘅話試下叫清菜豆腐湯送白飯，可能會好d.
加油！

係

而且啲餐廳越來越貴

愈偏僻愈貴，後藏仲貴。
不過拉薩好多野食而且好食好多，加油好快到架啦，到咗再send拉薩餐廳比你

買藥要小心，我之前就係人地比咗“消炎藥退消藥”我，結果我後來查藥名發現係抗生素，焗住食足一星期。結果就係殺曬身體d益生菌，手尾長

芒康d水係堅污嘈，你竟然飲咗。

我係每晚買樽裝水煲黎飲

好似係海拔同氣壓而引起嘅腸胃不適

阿曦體能又會咁好既

唔止體能好，阿靖話佢仲好揪得

樓主不如停下 等腸胃好啲再踩？

Day 43 榮許兵站

比大家睇下露天洗手間


我同乾靖八點早餐都冇食就出發，一路霧裡爬坡，望返落去風景幾靚，唔經唔覺原來爬咗咁多路






用咗成三個鐘先到覺巴山山頂，留咗一陣影下相，就落山同阿曦會合，一齊食晏






食完又係有啲脹住脹住，究竟幾時先好



食完飯就要爬坡到榮許兵站，沿路阿曦見到有啲野果子，摘咗啲比我食，吖，又幾清甜



踩踩下好得好攰， 飲咗罐紅牛。除咗精神咗之外， 個種脹住脹住嘅感覺慢慢冇咗， 咁神奇， 都唔知係阿曦摘嘅野果起作定係紅牛嘅作用

到咗榮許兵站先三點半，呢店好大，係40蚊包早晚餐。 我哋都覺得好抵， 問落原來係有政府補貼唔怪得。 之後我哋就將啲衫呀裝備呀拎去洗， 車要整嘅就整，啲野要執嘅就執





到六點半我哋就去飯堂食飯， 一兜大鑊飯



但我同阿曦都食得唔夠飽， 佢就買咗支汽水賺飽個肚， 我就買咗啲雞蛋返房烚


由於我帶嘅立雜嘢就係太多， 有好多用都未用過， 加上的零食餅乾飲料，負重太多， 我諗而家架連所有嘢應該至少50kg， 基本上每個見到我部車嘅，都問我帶咗啲咩， 所以我決定將啲冇用嘅嘢寄走， 但我執完之後發覺可以寄咗嘅嘢應該都係得3，4kg， 好似作用都唔係好大