[踩去西藏]四千公里的單車流浪日記 Live

大陸小龍蝦好撚污糟
食屎架，你去過養殖場就知
小食啦巴打

Strong post leave name

諗住玩多幾耐先返香港？去唔去蛾眉山?

應該記者黎架

近呢幾年D路真係靚左好多
唔小高山都開左隧道
而且以前沿路邊有咁多旅/餐館小賣店
唔係要踩底人，即使係而家頂得緊入到拉薩既都係2/10-3/10左右
但以前入藏真係勁痴線，冇野外生存能力既人近乎冇可能入到，帶刀防身係最基本，野營山窮水盡斷糧斷水家常便飯
所以舊時班友個個都有能力去埋阿里後藏，個個都身懷絕技，所有人既沿途故事都可以拍戲

話分兩頭，高人異士就幾時都有
當318既難度降低左既時候呢班痴線佬自然會有第二D玩命極限挑戰

樓主唔使戒口咩其實日日吃香喝辣 一定唔會係對隻腳好

唔會啦 睇返呢張都唔同衫

支持，之前見有人揸車去西藏已經覺得好勁

Day 71 成都第三日

朝早起身肚痛，可能係尋日碗冰粉放得太耐。沖個涼之後就收拾行裝換酒店。因為有個fd過黎參展，所以就搬去佢住嗰間酒店


今日約咗一個係呢邊做野嘅台灣朋友安安見面，係我酒店樓下等， 再去春熙路嗰頭行同食野




食完之後去咗個遊戲機中心玩，玩到咁上下就去睇戲。渣渣輝嘅片， 不過不失，唔算話特別好睇




睇完戲，安安差唔多時間要返公司開會，所以 我送咗佢返去住嗰邊，之後再坐的士返酒店

個fd今日已經去到場地佈置好曬啲嘢，仲比咗個工作證我。話聽日冇野做，悶嘅，可以落黎行下


夜晚就叫咗碗湯做宵夜

啱啱先見到呢個post，原來仲live緊

美團可以直連送上酒店房？

不能同意更多

可以

巴打好似有唔少女仔fd

咁啱係成都嘅fd都係女仔

係旅行嘅時候會識到唔同地方嘅，當去佢地住嘅地方就會揾下佢地

Day 72 成都第四日

今日係堅休息日，其本上全日都係床上面

朝早個fd去展覽場地嘅時候，我應該抱頭大睡緊。我瞓醒咗就嗌咗外賣， 但味道唔係太好



食完早餐就開套電影嚟睇，睇到咁上下，個fd問我落唔落去佢會場行下客串下，鐘意可以幫手賣下，話比返10%佣金我，但佢啲貨喐啲都十幾二十萬， 我心諗如果唔小心買咗一件，佢都唔知好嬲定好笑。不過佢屋企都唔志在，反正過黎都係識客戶

不個我懶得落去，嗌晏晝上房就繼續睇攤喺床度睇電影。 由於見到做緊推廣，雙人套餐個價錢同單人套餐差唔多，所以就嗌咗， 但係食咗兩個包同埋薯條之後，盒雞柳都食唔曬


睇多陣有啲眼瞓，就瞓咗個晏教。 瞓醒嘅時候， 展覽時間都差唔多結束，我就等個fd返嚟一齊出去食野

跟住我哋就一齊出去食嘢，佢班員工裏面有條友話食什麼網紅店火鍋，叫咩電台巷火鍋， 除咗裝修懷舊少少有啲特色之外， 真係冇乜特別。 啲位又細，跟住啲嘢食分量又少， 連個湯底都係平平無奇。 基本上我喺成都食過嘅火鍋當中我得呢間係最伏。 賣單梗係老闆啦




講起埋單，我過嚟成都之後，都冇乜幾可埋單。 個個fd都話要盡地主之誼，都唔肯畀我埋，係得小龍蝦嗰次，去廁所嘅時候借啲意，先可以搶先埋咗。加上成都啲fd都係女仔， 搞到我有種食軟飯嘅感覺

我哋食完火鍋就返酒店， 我講笑咁問佢，有冇啲女員工夜晚瞓覺怕黑或者怕一個人，我唔介意陪下佢哋。跟佢話佢怕黑

全日喺酒店嘅生活真係好頹廢，就好似平時喺屋企放假一樣， 聽日我諗我會去佢展場行下，跟住再坐車去針下炙

唔知針灸有冇用，睇價錢好似係幾十至一百蚊左右一次， 就去睇下咩料

電台巷係深圳好似要等幾粒鐘先食到

Day 73 成都第五日

一大朝訓醒，第一件事就係嗌外賣。嗌完梳洗好就等食。今朝食pizza，味道唔錯，雖然細，但價錢平，一個人食啱啱好



食完又開套咗電影睇，要幾頹廢有幾頹廢。 到下午我終於落咗去個會場，順便食晏


本身諗住去華西/人民醫院呢啲當地比較好嘅醫院，但去到應該都係住院吊針，所以不如去睇下中醫

坐多陣，我就去咗間針灸中醫，大眾點評上揾嘅，去到見幾多人睇，有老有少，應该唔伏。醫師幫我睇完，話我髕骨移咗位，先幫我抽啲滑液同瘀血，再幫我針同正骨。對於抽瘀血我真係有陰影，用針筒插入膝頭，再抽啲出黎嗰下



治療嘅過程中， 同我傾計，問我係邊到人。 咁啱有個嚟睇症嘅病人都係喺香港嗰邊做嘢。 阿珊喺外國讀完書之後，就黎咗香港嘅律師樓返工。佢聽日飛返香港，我加左佢微信，返香港揾佢出黎玩下食下飯

睇咗幾舊水，包包到成隻粽咁， 之後就call咗滴滴返酒店攤屍。跟手再叫咗碗雞湯飯，真心正



中國咁多個省，四川嘅女仔嘅整體質素真係最高。最大嘅原因應該係地理因素，個個啲皮膚都好好。加上自己又鐘意食辣同聽四川方言，成都真係個好地方。唯一唔好嘅係呢度長期灰濛濛，陽光普照嘅日子唔多

夜晚有人請食宵夜，大食嘅我當然不遺餘力


夜晚同朋友係房傾計，佢問我黎緊有咩目標，會唔會為將來打算下，努力下，唔好再咁吊兒郎當。我真係答佢唔到

過更好嘅生活，每個人都想，有人會為此更努力，但亦有人會有隨遇而安，選擇安於現狀。其實又冇話誰對誰錯，過到自己個關就可以

條路自己揀，仆街唔好喊

做咗咁多年隨遇而安嘅人，都係時候轉下生活方式，唔試過又點知自己可以去到幾遠

樓主呢幾日生活好撚正

幾時返香港?

Day 1睇到呢到
睇撚左我3個幾鐘##f

不斷食瞓嘅生活

9月頭