[踩去西藏]四千公里的單車流浪日記 Live

終於等到樓主更新，差唔多晚晚都等樓主更新先訓

輕推
我冇嘢講

留名跟進，有無興趣去尼泊爾玩下

應該唔會去尼泊爾 ，會去新疆

何青

巴打 小心啊 果度嘅差佬會用侵入式軟件查你部手機裡面嘅信息嘅

你相當可疑

會小心，怕比人用刀隊多啲

去北疆（烏魯木齊、阿勒泰、吐魯番、伊犁、天池）相對安全滴，南疆冇去（尤其係皮山縣）

尋日班叔叔阿姨都話，去南疆好似去咗另一個國家， 連廿零歲後生果批都唔識講普通話， 淨係識維話，溝通唔到。但南疆嘅人相對純樸啲， 北疆嗰班全部係老油條

南疆維族人同漢族比例係9:1，北疆係1：9。果度維族人有自己嘅聚居區、生活區域、經濟相對落後、缺水（新疆水資源大部分集中係北部天山山脈區域）

哇追到LIVE
你真係好拆得...見到D紅油都胃痛，然而你竟然冇肚痛？

我腸胃應該都幾好，以前有一段時間成日食譚仔特辣，而家已經廢咗好多，吃唔返咁辣

大家想唔想睇正面

想睇巴打你多啲

新讀者live咗
佩服樓主勇氣同堅毅
期待樓主馬到功成 一路向西 藏
加油

想

Day 25 銅梁

起身就汁野準備出發，早餐試咗個少辣嘅小面， 唔知係間嘢難食，定係小面冇咗辣就好似失去咗靈魂咁樣， 總之就係一個敗筆


重慶整體嘅規劃其實係幾好， 即使我踩住經過 唔同嘅區域都見到係好繁榮， 而且雖然啲路係 好多分支，但踩上嚟都係好舒服

朝早過咗繁忙時間但係都係好多車， 尤其係啲大橋前， 往往都會大塞車



猜猜下見到一架越野四驅車係條馬路到，回頭率非常之高， 如果呢部嘢可以揸去西藏嘅，路上都應該都冇人識你


踩入去309國道， 經常好多位都會有一條單車專屬嘅道， 呢個係幾貼心。 同埋會開始見到下面張圖嘅嗰款減速壆， 呢種係踩得舒服啲嘅減速， 起碼你唔會係咁凳




離成都不遠了


喺度咗銅梁嘅時候，我掙扎咗一陣， 究竟係住城市便捷， 定係住平三十蚊嘅賓館，但最後都係抵受唔住城市便捷個環境同高質自助早餐嘅吸引力


我唔係幾鍾意呢個房號，但房嘅質素係一如既往嘅，重可以用洗衣機。 講起洗衫 ，都不得不提， 由於乾唔切嘅原因，有好多日都係著住啲半濕嘅衣物出發





之後去咗樓下轉咗圈，喺超市買咗啲補給，仲重遇嘅支雪條， 當然要買返支嚟食啦



我問酒店個接待附近有冇啲嘢行， 佢話沿著馬路向前行十分鐘再後就會見得過萬達廣場， 於是我就行咗過去。 但一邊行一邊度諗， 咁耐都未到嘅又話十分鐘嘅， 最終行咗差異唔多半個鐘先行到過去




裏面見到間機鋪，兜咗兜， 仲見到呢部烏龜家族嘅公仔機， 我自問都係呢部機嘅高手， 有啲手痕， 但諗到中咗公仔嘅話唔係好方便帶埋佢踩車， 所以就冇玩




睇住啲人話呢部音樂節拍機， 真係有種錯覺以為佢哋喺度練緊木人樁，啪啪啪咁打， 無論拍擊嘅聲音同埋動作都真係好似


見到有間食酸菜魚好似唔錯，作為一個酸菜魚迷梗係要入去試下啦。 整體嚟講我覺得一般， 我認為佢個酸菜同埋啲魚都唔係幾好食， 酸菜唔夠酸， 啲魚肉質唔夠好。






我始終都係認為漁語魚嘅酸菜魚係最啱我口味

又撳錯send咗

之後我經過麥當勞，發佢哋啲22蚊餐好似咁正咁嘅， 全部都係雙層


我認為大陸呢啲共享按摩椅其實係有幾好嘅構思， 有好多時行街等人買嘢或者等位食飯， 畀少少錢坐喺度好好按下摩都係一個唔錯嘅選擇，尤其係香港，唔係人人屋企都擺得落按摩椅


我都坐低按咗半個鐘， 但有隻蚊係咁騷擾我

真係唔係幾鍾意飲有氣嘅飲品， 但見到佢係青瓜味有無糖，買咗支嚟試下。 一來有氣，二來係用代糖， 青瓜味雖然係幾清新，但都係唔推介畀大家

畀你有少少幻想，我係唔會放正面嘅

留一啲遐想，會美好一啲

多謝巴打， 如果加埋抱得美人歸就perfect池

25號先去西藏，見唔到巴打你

一晚住宿平均要幾錢

樓豬果D百幾最多二百左右啦
大陸想平乾淨,正常,住連鎖就冇問題啦
有分經濟連鎖(指 7天/如家/莫泰/城市便捷/海友/格林豪泰/錦江之星) 呢堆要睇下受唔受外賓,價錢普遍都係150左右一晚,有D地方100-120都有,一線城市都有2-3XX, 呢類我首選錦江之星,我認為最乾淨,早餐最好,仲有分咩錦江之星品尚,風尚,風尚性價比最高,我瀋陽住先$109一晚,痴撚線,係中街隔離平撚到,但一線城市又遠都講緊2XX起跳

中級連鎖(麗楓/迎商/維也納/如家精選果類)呢類我同老婆返大陸玩就住開,非一線城市,都係2XX晚,我首選維也納,環境乾淨程度拍得住4星酒店,好撚抵屌

最後你比得起$,大陸住4-5星酒店好撚平........講緊係國內品牌5*,只係3-500左右....國際BRAND就6-1000都有,視乎城市