[踩去西藏]四千公里的單車流浪日記 Live

Day 45 邦達

包嘅早餐都係呢啲，唔求好食，但求飽肚


食完就開始踩，今日係100公里有多嘅起伏路，踩咗個上午覺得好輕鬆，有啲踩單車徑嘅錯覺




途中遇到個隨著音樂律動嘅徒步人


係村仔搵咗間店食晏



沿途嘅風景真係幾好，我哋都當咗今日係休息日










由於真係幾猛太陽，我哋搵咗個位停咗停，抖暑



阿曦佢覺得熱得滯又除衫，基本上呢兩日喺路上踩嘅人都會認得佢。 踩川藏線嘅奇人異士本身就多， 估唔到係我哋隊伍裏面就有一個



唔經唔覺就已經到咗今日嘅目的地邦達， 呢到有個地標嘅雕像， 有人話係當時娶文成公主嗰個男人， 有人話係茶馬古道嘅開荒者， 就連網上都查唔到資料， 呢個人究竟係邊個


住宿同埋伙食，係牦牛肉鍋，吃飽先可以走更長嘅路



今日嘅路應該係踩咗318之後踩咗咁多日裡面最輕鬆嘅，聽日又開始返上山落山，迎接恕江七十二拐

見阿曦啲行李真係少得出奇，駝包都冇

唉，本身訓咗，但個肚脹住脹住脹醒咗，好似瘋狂飲汽水嘅感覺，呢幾日個腸胃都唔知搞咩，反反覆覆

睇下食少d辣野有冇幫助

仲有我想問你個行程係有無話預計幾多日內完成㗎

而家G318D路靚L到呢, 全部鋪晒柏油又直又平, 想當年坐順風車/巴士走G318, 基本上全部都係土路, 沙塵滾滾, 仲成日遇上塌方修路要徒步, 住D地方都係貨車司機住的招待所, 甚至係野外民工帳篷工棚同屈貨車車尾, 沿路D村鎮好多都限電, 一入黑就烏燈黑火, 邊會有得行夜街咁過癮.

LM again

巴打你餐餐都食咁辣既
踩左咁多日，仲有無用M巾呀

live, 日日扮工追

岩岩到西藏有高反，真係好辛苦好佩服樓主高反下都可以繼續踩單車

你搭飛機去定火車呀？
搭飛機直接落地容易有高反

有用，試過幾款，都係第一次買嘅好用

應該唔關辣事，似油問題

冇預定幾多日，但仲有10日到就到

今日發生咗好多事，其中一件係我係怒江七十二拐掟彎炒車，人車相機都冇事，係擦損咗小小同外套磨穿咗個洞，詳情今晚再post

等你update雖然今日香港都好亂

阿曦好撚瀟灑

Day 46 八宿

我哋幾乎每日都係最遲出發嘅嗰班人，日日都要自然醒。對住呢啲早餐，我真係好懷念香港嘅常餐， 沙嗲牛麵，火腿奄列配多士。再唔係就黎份M記珍寶套餐。可惜嘅係，呢度只有豆漿油炸鬼饅頭雞蛋， 唔厭都食到厭


食飽個肚就開始出發爬坡上業拉山， 阿曦一如既往咁鍾意走捷徑，差唔多到山頂先再會合到佢






喺山頂我哋坐咗陣食咗陣嘢




之後就向怒江七十二拐進發





本身一路都係好順利咁樣掟彎，已經差唔多落到去山腳嗰咋食飯嘅地方。喺過其中一個彎的時候， 我一如既往咁壓車過彎， 突然間，點解我怕扒喺地下架， 嗰種感覺就好似我炒車嗰一秒消失咗咁， 一切都來得太快。 咁我起返身 發現架車冇事，自己都冇事，只係擦損咗少少，而且連同地面親吻嘅相機居然都冇事， 嗰一刻我覺得自己太好彩。 但隔咗一陣，我發現件衫磨爛咗，心都痛埋，但係佢幫我擋咗一劫，以後我會著多啲



係蓋飯，我好想食譚仔三哥雞肉竹笙麻辣湯底同 尖椒皮蛋


食完飯就繼續下半段嘅路程， 本身係陽光普照 ，但過咗怒江大橋就開始落暴雨。 由於雨勢 太大， 旁邊嘅山有啲位開始落石， 我哋仲見到經過架車畀石頭擊中， 我哋唯有趁佢稍為停止嘅時候即刻推車跑過去








過完呢個落石路段，接住落嚟嘅係泥石流， 將前面第一段路變成泥氹， 我哋只好照推車過， 當然對鞋同埋架車就全部都係泥。 最好笑嘅係 有架三輪小車見啲越野車可以輾壓過去， 就過埋一份， 點知卡咗係泥潭中間， 搞到後面嗰架車都過唔到








以為咁就完，太天真了， 仲有個塌方喺前面。 要出動到軍人去開路。 你到滯留咗嘅車友起碼二三十人， 大家都喺度等通車，個場面都幾過癮。 後來一通車，全部單車友一齊跟住前面開路嘅軍車， 十足十單車百萬行





之後去返正常路段阿曦基本上係一馬當先 ，而 緊追其後嘅有我哋同另外幾個，而後面亦都再見唔到嗰堆騎友




踩多十零二十公里就入到去八宿， 循例都係要經過檢查站登記下身份證， 之後就搵咗間住嘅


食完飯，阿希曦問老闆借咗架電動三輪車， 我哋去咗遊車河



如無意外嘅聽日應該會去到然烏， 嗰度好似幾靚，我哋應該會喺嗰度休息一天

距離到達拉薩嘅日子亦越嚟越短，開始有啲期待

踩踩下好似就到尾聲

師兄有冇諗住拍Vlog

師兄加油

好好睇tw 阿曦連頭盔都冇帶？

Btw

佢冇買

師兄有冇諗住拍Vlog

去拉薩玩可能拍下

其實火車去都差唔多 無咩分別
火車車上有供氧 同埋佢會半夜去到四千幾高 仲辛苦過飛機