[踩去西藏]四千公里的單車流浪日記 Live

你越走佢越追 企係原地搵野渣手兇下佢

追到LIVE

巴打好犀利!
可能我刁生慣養 見到你食既果D野同埋住果D地方…我自己唔係太接受到
所以呢D旅程真係睇人去就得
自己無勇氣去得到

巴打好犀利，加油

同埋火車係咪會有人食煙？ 聽講即使有吸煙區，啲人食煙都唔會關門，令吸煙區形同虛設？

LM

會係廁所食煙

Day 47 然烏

由於食咗太多日嗰啲白粥饅頭真係頂唔緊， 起身過咗隔離食咗碗牛肉麵


搞掂曬啲嘢我哋大概九點半先出發， 今日嘅路程係有七十幾公里嘅上坡再加二十幾公里嘅下坡， 但慶幸嘅係一直都係啲緩坡




踩到去吉達鄉食飯




食完飯繼續爬坡。 終於捕捉到阿曦拉車嘅一刻， 由於睇咗好幾次佢嘅實戰經驗， 我同阿靖都成功拉過一部大車上咗一個坡。 其實拉住貨車尾呢個動作唔難， 你睇一兩次基本上都學得識， 但你要有唔怕死嘅膽量先得





踩踩下我哋又遇到前面整路，塞車嘅車龍唔起碼有成兩公里



又係有大批騎友係呢個最前面等， 今次起碼有四五十人， 稍為打聽一下，最早嗰批等咗成三個鐘， 但我哋嚟到等咗十分鐘就已經通車， 睇嚟我哋都係有啲運仔





一通車嘅時候，大家都好似參加咗單車比賽咁樣蜂擁而上， 基本上兩條路係一邊畀私家車行，一邊就係我哋啲單車友


踩咗冇耐就已經登頂， 呢個安久拉山比我想像中易踩， 亦都係山頂再遇到香港嘅車友阿華， 合照一張





沿途踩車都遇過唔少女騎友， 有阿嬸有阿姨亦都有後生女， 呢個湖南女仔係暫時嚟講遇到嘅 最得嗰個，傾落感覺幾開朗


阿曦覺得太凍好快落咗山， 我就同阿靖係山頂留咗陣影相， 之後佢話食緊煙叫我踩落去先。 落山嘅呢段路，我開始有啲思緒， 果然自己個踩嘅時候特別進入思考嘅狀態

唔知點解，我真係好唔鍾意一大班人嘅環境， 可能係唔鍾意嗰種站著如嘍囉嘅感覺。 有人話過，最孤獨嘅係你喺人群當中但係自己卻格格不入

西藏呢個旅程， 已經開始倒數。 雖然仲未為人生搵到一個答案，亦未為自己覓得一份緣份，但到目前為止，所睇到嘅風景，所遇到嘅經歷，都一一會成為記念我青春嘅回憶

落坡嘅風景亦唔錯





我見落到差唔多就等阿靖， 之後喺一個隧道裏面佢炒咗車， 好彩都係人冇事， 只係要坐喺度一陣思考人生




來到目的地然烏




搵咗間百二蚊嘅三人間， 同埋食咗個唔錯嘅晚餐



聽日我哋唔踩車，會去呢個唔知乜鬼冰川同埋然烏湖玩一日

會係車廂同車廂中間個連接位(即係上落車個位)食

牙曦乜撚都識，好撚勁

雖然樓主話鍾意一個人踩車
但我覺得你係旅途中遇到呢兩位朋友一齊踩係好好既福份
一班人朝住目的進發感覺好好多

同佢兩個一齊踩，我覺得係一種緣份

高汁推

阿曦踩得咁快係咪因為冇行裝負重，見佢好似落街買豉油咁款

拉貨車尾會有咩危險？突然刹車/掟灣？？

點解阿希可以咁少野

其實拉車尾要單手控車，一有碎石或失平衡就pk?
利申： 都係估

樓主 少女騎友既相呢？

正解

我淨係影咗上面嗰個

實有關係，佢有時小雨仲會擔傘踩，仲似

Oh

Day 48 仁龍巴冰川，然烏湖

我一直都覺得早餐要食得豐富啲，蕃茄雞蛋麵點都好過捱饅頭


九點零鐘個作文就開咗架麵包車過嚟接我哋， 車上面已經有四個拼車嘅人。 我哋今日嘅行程係先去呢個仁龍巴冰川， 之後再去然烏湖， 但我哋去冰川嘅途中亦都經過然烏湖。 我哋揀呢個冰川係因為呢個係比較少人去同埋冇乜開發過






開咗但係佢幾十公里之後就去到呢個冰川嘅山腳啦，想再接近冰川就要坐拖拉機或者徒步， 由於徒步要行成兩個幾鐘仲未到冰川，我哋決定慳啲時間每人畀五十蚊雞坐拖拉機，係冰川到行耐啲。 坐車頭係爽好多










坐大概半個鐘之後就到山腳嘅帳篷， 喺度先食啲嘢休整下再行上去冰川。 我哋喺帳篷休整嘅人，每個人都食緊嘢嘅時候，得阿曦冇食嘢， 就有個藏族嘅老人話請佢食麵， 因為佢見到人人都食緊嘢，得阿曦冇食得，呢個畫面有啲唔舒服。 佢嘅舉動令我哋對藏族人嘅好感度又再提升。 我仲記得當初未入藏嘅時候， 阿曦曾經同我哋講過話啲藏族人個個望我地嘅眼神都係想攞把刀隊你





佢有呢個諗法，完全係因為佢阿媽同佢講，所以佢就先入為主咗， 但後來佢經歷過幾次藏族人嘅幫同埋分享，睇法亦都改變咗

其實我哋喺接觸唔同事物嘅時候， 好多時都會比旁人所影響， 對嗰件事物有咗啲先入為主嘅睇法， 但咁樣往往令我哋錯過咗好多嘢。 就好似有一樣水果你未食過， 但你聽朋友講嗰樣水果好難食就唔去食嘅話， 你永遠唔知道嗰樣 水果係咩味道， 話唔定係你鍾意嘅味道

多啲去親身感受，勝過就咁聽人哋講

未踩到冰之前要行一段碎石路， 但行行下突然間肚痛， 於是搵啲石頭砌咗個廁所出嚟。 由於冇咩人所以都唔怕比人見到。 第一次瞓喺度去廁所， 感覺係幾爽



行到上冰川，啲冰有好多泥係裡面，而且耐唔耐會見到有裂縫，有好多都係深不見底，跌咗落去可以拜拜。 我都知唔知自己發咗咩神經， 居然是咗啖真正嘅bonaqua， 雪水嘅味道其實冇乜特別

[img]https://na.cx/i/KFcEV0v.jpg[/img




我哋差唔多成四點先落返去嗰帳篷度， 點知唔夠一陣就落大雨，又滯留咗個零鐘


最後我哋坐返藏族人架車走，由於仲落緊雨我哋都冇係然烏湖度玩， 直接車返賓館， 嗰時已經七點零鐘


可能真係飲咗啖雪水，定啲滯留時食嘅杯麵，我而家又唔舒服了

我決定從而家起直到旅程結束都唔再食杯麵

阿曦佢行李係跟車去左下一個站點先?

你地係提早book定車去冰川定即興?

行兩個幾鐘先到冰川即咪迫鳩你搭車

啲雪水見到都覺得污糟